|
رد: فوق هام السحب ( الشعر الشعبي) على متن القوافي
لا تسأليني عن احوالي ترى ما من جديد
اجروح قلب المعذب في الحشاء نازفه في داخلي جرح ينزف من صميم الوريد وشمس الفرح في حياتي يا الغلى كاسفه ما اغير اغني حروف ابيات عذب النشيد واجمع بقاياي وارياح الحزن عاصفه ...... |
رد: فوق هام السحب ( الشعر الشعبي) على متن القوافي
الأمـل بـالله .. بـاقـي للأبـد
والأمل بالناس وقت وينتهي عـادة الدنيــا بها همّ وكبـَـد ماذّكر مخلـوق فيـها مهتـني ولايضيع اللي لخلاّقه عَبَدْ والله الرّ زاق عن خلقه غني ...... |
رد: فوق هام السحب ( الشعر الشعبي) على متن القوافي
هات لي قلب يواجـه هالحنين
قبل تسأل ليـه عيونـك باكيـه حيـل تتعبني طيـوف الغـايبين حيـل تتعبني دموعي الوافيـه ...... |
رد: فوق هام السحب ( الشعر الشعبي) على متن القوافي
اليتم يتم الأدب والموت موت الضمير
والحب حب المعالي ... باختلافاتها والجرح جرح المشاعر من لسان الحقير والصوم صوم الجوارح عن شهواتها والبخل بخل الغني والجود جود الفقير والبعد بعد النظر ماهي مسافاتها راجح المغيري |
رد: فوق هام السحب ( الشعر الشعبي) على متن القوافي
ياناس راعي المحبة لا تعذلونه
مهوب عن صاحبه داله ولا سالي لويسهر الليل كله لاتلومونه الحب بلوى مانيب اول ولاتالي ...... |
رد: فوق هام السحب ( الشعر الشعبي) على متن القوافي
رفيق دنياي مهما طول الغيبه
يبقي له الشوق في روحي يخالجها لو سج مني وراح الوقت يقفي به طواري الطيب قلي وش يسججها ...... |
رد: فوق هام السحب ( الشعر الشعبي) على متن القوافي
الشوق يكبر وقدرك بالغلا يكبر
شف ودّك اللي خذاني وين وداني من كثر ماشتاقلك وأغليك وأتصبر قام يتلعثم حنين القلب بلساني أخاف أبين مدى حبك و تتّكبر وأخاف أبين صبر قلبي وتنساني ...... |
رد: فوق هام السحب ( الشعر الشعبي) على متن القوافي
فاقدك والوقت يسألني عليك
وده من الشوق يجمعني معك ما ابي منك … انا كلك ابيك ودي قربك وانهي اللي يمنعك ...... |
رد: فوق هام السحب ( الشعر الشعبي) على متن القوافي
مدري عن اللي حصل لكنه بكيفك
سمعت هرجك وزاد اليوم تحذيرك واللي مضى بعتبر نفسي ترى ضيفك ومن بعدها كثر الله يالغلا خيرك ...... |
رد: فوق هام السحب ( الشعر الشعبي) على متن القوافي
أبتسم ترى العمر تحصيل حاصل
كُن سعيد اكثـر تكون اكثر وسامه السلام .. أسهل أساليب التواصل واجمل أنواع السلام .. الإبتسامه ...... |
رد: فوق هام السحب ( الشعر الشعبي) على متن القوافي
لاباعك اللي بعت روحك عشانه
لاتنصدم منه ترا الناس اجناس شخص تحبه مايصون الامانه وشخص يبادلك المشاعر والاحساس حط للذي شاريك قدر ومكانه حطه لوحده لاتحطه مع الناس ...... |
رد: فوق هام السحب ( الشعر الشعبي) على متن القوافي
احذر تصك الباب في وجه من جاك
واحذر تبيع انسان بهالوقت شاريك ولا تحقر اللي بالليالي يبي رضاك ولا تشتري اللي بالزمن ما يدانيك ...... |
رد: فوق هام السحب ( الشعر الشعبي) على متن القوافي
ياليال الــــــود ودي له رساله
لا قــــــراها يعرف أني مانسيته عـــــلميه أن الغلا فاحت ادلاله فوق جمر الشـوق يومن أحتريته مانسيته لـــــو طراله ما طراله ساكن بقصاالحشاوالقلب بيته ...... |
رد: فوق هام السحب ( الشعر الشعبي) على متن القوافي
الصبر هيبه والتواضع معزّه
وخير الكلام اللي به الصدق موجود ومن لا يعزك ... جنبه لا تعزّه م انته على اللي تكره النفس محدود ولا فيه شخصٍ في حياته منزّه ألاّ النبي المصطفى .. منبع الجود ( صلوا عليه وسلموا كل حزّه خير الأنام اللي بالافعال محمود ) بقلمي |
رد: فوق هام السحب ( الشعر الشعبي) على متن القوافي
يالعزيز الي ما نعبد ولا نحمد سـواك
نفسي اشملها برحمتك واغفر ذنـبّـها كل ما يـذبحني الهم يحييني رجاك اشكي اللي تجهل الناس وانت اعلم بها جعلني من سو الاقدار دايم في حماك وجعل عمدان الهقاوي ما يِـقطع طنبها انت ملجا كل خايف وميقن كل شاك وكل نفسً ندري ان ذنبها في جنبها ..... |
رد: فوق هام السحب ( الشعر الشعبي) على متن القوافي
كل ما شانت وجيه الناس وسّع صدرك
لا تحسب إن في يدين الناس نار وجنّه القريّب لا تكدّر خاطره وإستدرك سامحه وإن جيته بزلّه تسامح منه ولا تعلّق خافقك باللي ما يحفظ قدرك كثر ما تقدر توخّر عنْه وخّر عنّه ...... |
رد: فوق هام السحب ( الشعر الشعبي) على متن القوافي
ياخاطري لا باح صبرك ومليت*
مالك عن المقسوم صده وحيله ان زان حظك جاب لك ماتمنيت وان شان خلا الهينه مستحيله ...... |
رد: فوق هام السحب ( الشعر الشعبي) على متن القوافي
ليت الليالي علمتني بالاقدار
كان ابتعدت وزال عني خطرها واثر الليالي ماتبين بالاسرار تضحك لنا ساعه وتبدي كدرها ..... |
رد: فوق هام السحب ( الشعر الشعبي) على متن القوافي
أنا مُسالم ماحب العداوات
العمر فاني و الليالي قصيرة ترى السكوت أحيان مثل الاجابات الصمت نعمه له معاني كثيرة اللي يعيش الوقت عنده قناعات لا مات يبقى عند الأجيال سيرة ماهو ضروري تعيش عندك علاقات العزله أحياناً علاقة كبيرة ...... |
رد: فوق هام السحب ( الشعر الشعبي) على متن القوافي
أطيح وأقوم وأرجع اوّقف لحالي
والعون من عند ربي جل تقديره ويالله ياللي عليم بضيقة أحوالي أنا بوجهك من الحاضر وتدميره يالله لا تحوجني لطلب انذالي اللي على لازمي تكثر معاذيره اما تجي مثل ماودي ويحلالي ولا عساها تروح وجعلها خيره ...... |
رد: فوق هام السحب ( الشعر الشعبي) على متن القوافي
أقلّب في شريط الذكريات
تمرّني " وجيه " ما ترجع أبد ! اللي خذاه الموت : عدّاني وفات واللي خذاه الوقت : خلّاني وصد ما عاد باقي في حياتي .. مغريات لا غربتي : توجع ولا فاقد : بلد بلا أمان ولا شعور ولا أمنيات وحيد لكن ما انتظر : رجعة أحد ...... |
رد: فوق هام السحب ( الشعر الشعبي) على متن القوافي
ما شاف دمعي لا نبيه و لا سفيه
و إليا أجتمع دمعي نثرته فـ التقا َ عليك ياللي خَذتْ منّي ما تبيه و عوّدت خابرني على مـ أنت تهقا َ وش ذا اللقى اللي كَنْك مغصوبً عليه اللي ما فيه أرحب و لا فيه البقا َ ترى الغياب أحيان حفظاً لـ الوجيه أخير لك والله ولا بعض اللقا ...... |
رد: فوق هام السحب ( الشعر الشعبي) على متن القوافي
مكارم الناس بالاخلاق . مذكوره
وبيض النوايا . تبيض وجه راعيها والكلمه الصادقه ! ماهيب مستوره من بين الاجواد ماتقصر مساعيها ...... |
رد: فوق هام السحب ( الشعر الشعبي) على متن القوافي
الحمد لك يـا إله الكون سبحـانـك
والشكر لك والثناء والفضل والمنّه ما تنقفل دون من يدعيك بيـبانـك ومن ظن بك خير جازيته على ظنّه ما نطلبك غــير عفوك ثـم غفرانك ورحمتك في الآخـرة والفوز بالجنّة ...... |
رد: فوق هام السحب ( الشعر الشعبي) على متن القوافي
يموت حلم وينخلق حلم غيره
ماتوقف الدنيا على موت الاحلام ⠀ عيش الحياه وفضها اليوم سيره العمر مره والتوافيق قدام ...... |
رد: فوق هام السحب ( الشعر الشعبي) على متن القوافي
من دق باب الوفـاء يلقى الوفاء رده
ومن دق باب الجـفا ياخـذ على قده حنا درسـنا الوفـاء جـزره على مـده وما يكسب الواحد غير ما قدمت يده ...... |
رد: فوق هام السحب ( الشعر الشعبي) على متن القوافي
ياباذل المعروف لابد تلقاه
أجرن عظيم وفيه تكسب جمايل واللي فعل معروف مولاه يجزاه ولاخاب من حصّل كثير الفضايل الرجل يرفع قيمته فعل يمناه لاصار له فعلٍ يجي به دلايل ولا الردي لو جيت يمّه وتنخاه مامن ورى راع الرديه صمايل ...... |
رد: فوق هام السحب ( الشعر الشعبي) على متن القوافي
اصحاب وقت الشدايد تكسر الحاجز
لا شـي علئ يدّهـا حاجـات تقضـيها واصحـاب ما تعرف إِلا شغلة الحافز خمســه دنـآآنيـر تغضبـها وترضيـها ...... |
رد: فوق هام السحب ( الشعر الشعبي) على متن القوافي
الحـاجـه الـلي دونها مـنـة الـناس
خـليـتها وارجي مـن الله عـوضها الناس لو تقدر على كتم الانـفاس كان امنعت حتى الهوا عن بعضها ...... |
رد: فوق هام السحب ( الشعر الشعبي) على متن القوافي
ما كل ما تلقاه عينك تمناه
بعض الاماني تنصدم بالحقايق ولا كل شيٍ في الحياه انتحداه الاقدار تحكمنا بحكم الوثايق ولو كان كل اللي بغيناه نلقاه ما شفت فالدنيا حزينٍ وضايق ...... |
رد: فوق هام السحب ( الشعر الشعبي) على متن القوافي
ياكثر ما نخفي من اوجاع ودموع
وياكثر ما نشكي ولا احـد سمعنا ماجـور ياقلب من الحــزن موجوع نوفي لهـم بــس الوفاء ما نفـعنا ...... |
رد: فوق هام السحب ( الشعر الشعبي) على متن القوافي
ابتسم للـوقت واضحـك للحياه
لا يـروح الـعـمـر في هم ونكد . عيش يومك واحتسب للي وراه من يعد الوقت يبلـش في العدد ...... |
رد: فوق هام السحب ( الشعر الشعبي) على متن القوافي
واثق بنفسي لاتقدمت خطوات
تبقى الثقة مصدر مهم بكياني للكايده عندي عزومٍ منيعات دايم على القمة تلاقي مكاني مرقابي بروس الجبال المنيفات وعيني على غيثٍ به الخير باني انقّي الكلمه واحاسب للاوقات وعن الكلام الشين يكرم لساني ...... |
رد: فوق هام السحب ( الشعر الشعبي) على متن القوافي
ترحب بغيري وانا واقفه هناك
امسح بقايا الدمع بأطراف كمي يعني نسيت ايامنا والغلا ذاك يعني رضيت الجرح ياكبر همي وشلون بقوى غيبتك واتناساك ياحرقه اعصابي وياحرق دمي بعد الفراق انا يا وين بلقاك لا انت بولد خالي ولا ولد عمي ...... |
رد: فوق هام السحب ( الشعر الشعبي) على متن القوافي
ما باقي معاي أعصاب يا بالي المشدود
أنا بس مره ودي أحس بك داله مايلحق غيابي لا ملامه ولا منقود إذا فـ الحضور القلب بـ إحساسه لحاله بقت عزلتي غايه، لو أن العمر معدود أهديّه يوم أكتب من الشعر وأقرا له حبيبة سنيني لو أباعد أنا موجود أنا وحشتك، والليل، والباب، وأقفاله لا طوّلت بغيابي، مردي معك موعود نسيم الصبا حملتّه لـ قلبك رساله حبيبك - مسافاته حنينه - لا زاد يعود فؤاده يشوفك أم وعيونك عياله ...... |
رد: فوق هام السحب ( الشعر الشعبي) على متن القوافي
مدري ملى صدري البارح حنين وهيام
ولا برى قلبي المهوم .. طول البطا تخاصموا عقلي وقلبي أشد الخصام ضميري الحي بكى جرحي اللي سطا ياحظ من ينجرح جرحٍ يقص العظام الموت جرحٍ عليه الروح ستر وغطا تغانم أيام عمرك .. والهمام الهمام قبل يروح العمر منك مراح القطا مجاهد النفس خصلة من خصال الكرام ومن يذكر الطيب ماهو ضاريٍ بالعطا ومن يتبع النفس لو زكى وصلى وصام يابعده من الصواب، وقربه من الخطا ...... |
رد: فوق هام السحب ( الشعر الشعبي) على متن القوافي
انت مزهدني من الناس مافيها جديد
وناس واجد من يدي قد قطعت آمالها ماخذٍ قلبي وقلبي من النوع الفريد وودي اصارحك بعلومه اللي قالها كل بنتٍ قابليه ومنسبها جويد ودها تفخر بك وفي حماك لحالها خل عاد اللي ثنتها على حبل الوريد وخلت شماغك يسلم على سلسالها ...... |
رد: فوق هام السحب ( الشعر الشعبي) على متن القوافي
اظن بعض المدح شتمٍ وتوبيخ
لا صار ماهو واردٍ في محله المدح للمطنوخ نسل المطانيخ اللي فعول الطيب عنده جبلّه ماقال انا حاتم ولا قال انا شيخ لكن فعوله قالت العلم كلّه ...... |
رد: فوق هام السحب ( الشعر الشعبي) على متن القوافي
والله ما مثل التوكل على الله
يملا لك الدنيا سعاده وتوفيق واللي يردد دايم استغفر الله تلقاه مايدري عن الهم والضيق ...... |
رد: فوق هام السحب ( الشعر الشعبي) على متن القوافي
لا تعترض للي طريقه مجنبك
ولا تترك اللي فالشدايد يخاويك وإعرف مواجيب العرب قبل واجبك إن كان عقلك في حياتك يقديك ...... |
| الساعة الآن 04:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية