رد: اخترنا لكم
 

اكـتـب على كــف المقـاديـر راضـي
مـا فيه احـد صدره من الهم فاضي

.....

رد: اخترنا لكم
 

‏سلام مثـل الغيث تحيا به القاع
يحـيي قلوبن ماتحـب القطيعه

قلوب تربطها الاخـوه بالاجماع
تتبادل المعـروف فـوق الوسيعه

.....

رد: اخترنا لكم
 

هنا امجاد الحياه وفخرها واعزازها المغمور
تحلق في سما الهيبه وتتعلى منابرها

دام عزك ياوطن

رد: اخترنا لكم
 

يا باقي العمر دنيــا الناس خداعة
تجــري سفنها ولا نعرف مراسيها

تطوي من أعمـارنا باليوم والساعة
والعــالم الله كيف نعيش باقيهــا

يالله بحسن الختام وصادق الطاعة
وأعمــال تبقى تبيض وجه راعيهـا

نفــوسنا في الـدنا ما هي بطمـاعة
وصدورنــا تاســع اولهــا وتـاليهـا

يامـا صبرنا على اللي شينه طباعـه
فضـلا عن اللي طباعه نفتخر فيهـا

ونغـض طرف الحياء عن ناس بياعة
من بيعـة الرخص عل الله يهدبهــا

ويامــا حملنا زمان الجـور واوجـاعه
ولا شـكينــا ولـو جـارت عـلاويهــا

والليل لو طــال عاد الصبـح مطلاعه
يشـرق ويبدي لك القصـة وما فيهـا

.....

رد: اخترنا لكم
 

دارت الايام وأنتي مثل ما أنتي
‏تجبرين كسور قلبي بإبتسامه

‏تنكسف شمس المحبه لا حزنتي
‏ما على جرح الهوى غير الملامه

‏من دخلتي صدري الخايف امِنتي
‏ما بعد رجفة غلاك إلا السلامه

‏قمت أرتب فوضى قلبي من سكنتي
‏موطنك قلبي إلى يوم القيامه

.....

رد: اخترنا لكم
 

لك حق تزعل ثم لك حق نرضيك
‏ما اقوى زعل حبيب قلبي وعيني

‏ما دام قلبي يا اريش العين مغليك
‏اطلب ولك روحي وما في يديــني

.....

رد: اخترنا لكم
 

‏مابين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح أو خطا أو صدق أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

رد: اخترنا لكم
 

فاقدك و الليل يسألني عليك
‏وده من الشوق يجمعني معك

.....

رد: اخترنا لكم
 

‏باب الغلا لأجلك محصّن ومقفول
‏حتى ولو غيرك طرقه وتسوّل

‏حبّك يحكم القَلب ويصول ويجول
‏فارض على العشّاق حظر التجوّل

‏أنا معك عن باقي الناس مشغول
‏وأحنّ لك وأحتاجك أكثر من أوّل

.....

رد: اخترنا لكم
 

فيك الشهامة نابعه من مباديك
‏وفيك الكرم ميزه وطبع وعوايد

‏الكفو فوق المعالي دايم احتلها
‏لاجيت ترقى مكانه ماتحصل طريق

‏تجف الاقلام في مدح الكفو كلها
‏محال تلقى قصيده في جنابه تليق

.....

رد: اخترنا لكم
 

ماهوب عيبٍ تعتذر من خطاياك
العيب والله صدتك وانت مخطي

.....

رد: اخترنا لكم
 

‏شيخه وقمه في الجمال ورحومه.
‏وفيها الصفات الطيبه كلبوها

‌‏بنت امها في زينها والنعومه
‏وفي اطباعها اللي باقيه بنت ابوها

.....

رد: اخترنا لكم
 

‏مرحبا باللي لها الزين وقّف والدلال
‏بنت ابوها والفخر ماخذه من جدّها

‏كاسبه زين العرب من شمال لجنوبها
‏الحلا والملح والحسن يطلب ودّها

‏الجمال اليوسفي يمّها شدّ الرحال
‏من خلقها الله وهو ما تعدا حدّها

‏ظبيةٍ تجفل على هزّة غصون الظلال
‏بنت رجلٍ مدّته لا عطا ما ردّها

.....

رد: اخترنا لكم
 

بنت شيخ ولقبوها بالاميره
‏عزها من عز ابوها وامدحوها

‏عايشه في بيت عز ومن قبيلة
‏ومن غلاها عند اهلها دلعوها

.....

رد: اخترنا لكم
 

‏اسجدو لله وارخو المناكب والجباه
احنو الهامات لله في سجدة شكر

من تطعم لذة السجده اللي في الصلاه
والله انه مـا يخلي لا شـفـع ولا وتـر

.....

رد: اخترنا لكم
 

دون الاحلام والامجاد طيحه وقومه
‏جمرةً تحترق منها عروق النوامي

‏الحياه الرغيده والترف والنعومه
‏لا تخرج صبور ولا تخرّج عصامي

‏ينطح الخوف رجالٍ تغرّه عزومه
‏يآخذ أحلامه من الموت والضرب حامي

.....

رد: اخترنا لكم
 

توجع الرجال ست ما شفت الها مثيل
توجعه وتوصل الرجل غاية منتهاه

العدم و ظروف الأيام والمال القليل
وسوق و جهه ثم يرجع لزومه ما قضاه

والسلاح إليا قِهر به من يدين الذليل
والحميّا لا فقدها من أعزّ أقرباه

.....

رد: اخترنا لكم
 

ليتك على كبر الهقاوي تسنعت
لكن ردي الساس مافيه حيله

.....

رد: اخترنا لكم
 

النَّاسُ تُوقِدُ فِي بَردِ الدُجى حَطَبًا
‏وَإِن قَسا البَردُ بِي أَوقَدتُ أَشواقي

.....

رد: اخترنا لكم
 

لقيتك صدفه بدربي وروحي ردت بلقياك
مسرة خاطري وصلك وقربك سكر زياده

رويتك عشق وأزعلت الاوادم كلها لارضاك
اشوفك من ملذات الحياة وسيد السادة

.....

رد: اخترنا لكم
 

مثل الغروب وجيه الاحباب تذبل
لا بارك الله بالغيـاب وطـواريه

.....

رد: اخترنا لكم
 

‏لك غلاً في خافقي ما هو بعادي
‏ما عرف قلبي سواه ولا مثيله

‏أنت في وادي وخلق الله فـ وادي
‏لو بذل غيرك جهوده عزتي له

.....

رد: اخترنا لكم
 

ان كنت تجهلني ف أخذ مني التعريف
‏ أنا درب ما تقدر بوجهين تسلكني

‏أنا أكبر من التلميع والبهرجة والزيف
‏لا غبْت أنفقد وإن جيت ربي مجملني

.....

رد: اخترنا لكم
 

خلك مـعـي واسـمـع دقات الاحساس
وشوف الغلا شلون لأجلك خذاني

اخـفـي غـرام تفضحه كـل الانـفـاس
غلاك على فضح المشاعـر بلاني


.....

رد: اخترنا لكم
 

‏مصير الأيام تكشف لك كنين الصدور
كانك تشوف الوجيه وتجهل قلوبها

ٰقلبك دليلك إذا اشتبهت عليك الأمور
لا تقرب اللي يجيك الشك من صوبها

.....

رد: اخترنا لكم
 

‏احضن عيونك بقلب ما نساك

‏لو لمست الوجد بي ولعتني

‏واهتديت بنور قلبي وافتداك

‏لو نظرت بعين قلبك شفتني

‏ما معي مخلوق يستاهل غلاك

.....

رد: اخترنا لكم
 

‏بيت جميل لـ مشعل ثروي :
كل شي فيك يتعلّق قد حذفته وراي
حتى القصيدة هذيك اللي تحبّينها

وإيضاً

مافيه شيً تركته سامحٍ منّه
أنا أكثر اللي تركته كنت محتاجه

رد: اخترنا لكم
 

فلسفة الحب عند الشُعراء :

ودك تحب اللي شبابه مولِّي
ولا تحب اللي هلك ما يبونه
- مدغم أبو شيبة

ودك تحب اللي ليا زعل ترضيه
ولا تحب اللي على طول راضي
- مزيد الوسمي

رد: اخترنا لكم
 

‏َعليك السلام ورحمة الله والرضوان
ياقلبٍ تعب واخفى عن العالم اوجاعه

يذوق الالم ومكابد الضيق والّاحزان
ولا يشتكي لو تلوي الضيقه ذراعه

توشح بصبر ايوب والصمت له عنوان
ولا غيرت ضيقات الايام باطباعه

.....

رد: اخترنا لكم
 

امست جميع الاوادم والجريح امسى
يسامر الليل والاشواق وحداني

من يحسب ان الهوى له مركب ومرسى
ترى المحبه عذاب وعالمٍ ثاني

يا محمد الوقت لو يجرح ولو يقسى
انا ما احب اكسر الخطّر ولا اداني

ولو اني انسى جميع الناس كيف انسى
اللي حلف ما يخليني وخلاني

.....

رد: اخترنا لكم
 

أسهر مع النجمه اللي ما بعد غابت
واراقب نجوم ليلٍ طال مسراها

كم ليلةٍ من هواجيس السهر شابت
يغشى سَحرها جدايل ليل ظلماها

.....

رد: اخترنا لكم
 

لانامت الناس قمنا بالهوى نسري
ناس تبوح المواجع وناس تخفيها

.....

رد: اخترنا لكم
 

فارقت يوم إن المفارق ضروري
وخليتهم للوقت والوقت دوار

لله در الكبرياء في شعوري
كبير وجروحه بعد مثله كبار

ما عاد يرضينا الهوى يا غروري
خل الهوى للي يجيدون الأدوار

.....

رد: اخترنا لكم
 

‏أحيان اشوف الخطا صحيح ومناسب
واحيان اشوف الصحيح وما يناسبني

.....

رد: اخترنا لكم
 

عذرته وسامحته على كل ماسواه
ومديت له كف المفارق وودعته

أحبه ولكن خآطري جاه ما كفـاه
يكفيني أني لا جرحته ولا اوجعته

.....

رد: اخترنا لكم
 

كيف أخلّي للزعل بيني وبينك مجال
وأنت صوتك يشرح الخاطر ووجهك حلو

كنّ ألوّك كل ما أزعل مع كل إتصال
جرعة مهدي للأعصاب ما كنّها بـ ألو

.....

رد: اخترنا لكم
 

‏الشاعر المرحوم حمد المغيولي رحمه الله رحمة واسعة،
ومن روائع شعره يقول:
‏
‏دنياك لو تسوى من الحــزن ذره
‏ما كان تاليها توابيت وقبور
‏
‏العمر يمضي بين حلوه ومــــره
‏والموت حق وقابض الروح مأمور
‏
‏دام الحياة الفانية مستقــــــره
‏ورزقك يجيك وبين الأجواد مستور
‏
‏لا تنشغل بالوقت برده وحـــره
‏واحذر تصير بقسمة الناس مقهور
‏
‏حكم القدر لاجاك خيره وشـره
‏أشكر عظيم الشان والذنب مغفـور
‏
‏أطلق خيالك وأترك النفس حـره
‏وخل الطبيعة في حياتك لهـا دور
‏
‏وبالليل لا بانت نجوم المجـــره
‏أذكر بديع الخلق بحساس وشعور
‏
‏وأسجد لرب الكون مره ومــره
‏وأحفظ لسانك وأترك الكذب والزور
‏
‏وفروض ربك خلها مستمــــره
‏وطاعتك لا يدخل بها نقص وقصور

رد: اخترنا لكم
 

من حاول النسيان خله وانسه
فالنور ولا فالظلام الدامس

كم واحدٍ لا من تثاقل نفسه
يصير ريشه لا عطيته خامس

.....

رد: اخترنا لكم
 

لنا الظواهر مير يالله بالهدايه والصلاح
ماعندنا تصحيح غايات البشر وظنونها

.....

رد: اخترنا لكم
 

مشاعر تعابير المحبه بدون ادراك
تسلط علي لامرني شي من طاريك

اكافح ظروفي لكن المشكله وياك
تسلهام عينك ضحكتك كل شي فيك

.....