رد: فوق هام السحب ( الشعر الشعبي) على متن القوافي
 

يسأل عليك اللي من الناس يغليـك
يسـأل ويـرسـل ما يبـي غيــر ردك

سلام والخافق من الشـوق يطريـك
مشتـاق لـك ليت الرســاله تشــدك

...

رد: فوق هام السحب ( الشعر الشعبي) على متن القوافي
 

‏على ابتساماتك وطاريك الرحيب
‏على مهل لا جيتني على مهل

‏احب وصلك وإن غدا وصلك صعيب
‏حنا نحب الصعب ونعيف السهل

...

رد: فوق هام السحب ( الشعر الشعبي) على متن القوافي
 

‏اعتبرني ليا من ضاق صدرك مكان
‏فدوتك لو بكيت الليله بـ طولها

‏اعتبرني حضن لامن فقدت الحنان
‏خل سحب الهموم تصّب هملولها

‏اعتبرني ملاذ تحس قربه بـ امان
‏وايّ كلمة تخاف تقولها قولها

‏اعتبرني شعور وفاقده من زمان
‏وجا يلبّي ندا عينك ومرسولها

...

رد: فوق هام السحب ( الشعر الشعبي) على متن القوافي
 

‏نامت اللهفه وصوت الليل هادي
‏السهر ماحقق لرمشي غرضنا

‏ننحرم من كل حاجه حيل عادي
‏بس ما نحرم بعضنا من بعضنا

...

رد: فوق هام السحب ( الشعر الشعبي) على متن القوافي
 

حبيت لـي شـجاعٍ مايخيّـب ظـني
‏ابلجٍ لا من نصيتة قال انا من دونك

‏كل مـايلمح دمع عيني يقوم يغني
‏كل حاجه هينه الا دموع عيونك

...

رد: فوق هام السحب ( الشعر الشعبي) على متن القوافي
 

‏كم زلةٍ من صاحبٍ طافت لو إنها ما تطوف
‏وكم هقوةٍ كبّرتها راحت مراح أسلافها

‏شفت الحقيقة يوم حطّيت النقط فوق الحروف
‏بعض الحقايق ودّك إنْ المنصدم ماشافها

‏لحدٍ يعاتبني ويا معاتبني إنْ عاتبت روف
‏مشاعر الجافين ما أحب أكسب استعطافها

...

رد: فوق هام السحب ( الشعر الشعبي) على متن القوافي
 

أعاند النفس وأقنعها بما لا تريد
والنفس لا أقنعتها بالصدق زعلتها

طبيعة النفس عن منوالها ما تحيد
لو إني أقدر على التبديل بدلتها

يا راعي الصدة اللي ما سبقها وعيد
متخيل كل شيء وما تخيلتها

لاتحسب إن الرسايل عالقة فالبريد
أنا كتبت الرسايل بس ما أرسلتها

...

رد: فوق هام السحب ( الشعر الشعبي) على متن القوافي
 

قالت متى تفضى ابي منك بيتين
قلت العصر لامن سجع نايح الورق

قالت بسيطه هذي الصوره الحين
فكّر بها واحرص عليها من السرق

الصوره اللي ي الربع كلها عين
وودي انزلها تصلي بكم شرق

...

رد: فوق هام السحب ( الشعر الشعبي) على متن القوافي
 

رضا الناس ماهو بأية منزله
خل العقول الطائشة في طيشها

احيان تفكيرك يحل المشكله
واحيان حل المشكله تطنيشها

...

رد: فوق هام السحب ( الشعر الشعبي) على متن القوافي
 

ضيدان بن قضعان قال :
الوصل ماهو ذنب والوصل بالذات
يحسب بشرع الحب مثل العباده

ومحمد بن فطيس قال :
تغانم الوصل لأن البعد لابدّه
ياتيك في يوم ثم ياخذك بـ أدراجه

وفي بيت يعلمكم مرارة الشعور :
الوصل دلة والرسايل فناجيل
والشُوق شايبً مبطي ماتقهوى