رد: اخترنا لكم
 

مابقى إلا حاجتين ٍ فالضمير
وترجع الدنيا نظيفة صافية

الحقير نرجعه لصله حقير
والمريض نبشره بالعافية

والله أني قبل أحبك مستخير
وخيرة الله للبنادم شافية

رغم دربك صعب والموقف خطير
وافية يانور عيني وافية

أما أنا ياغايتي ماني بخير
القدم فالشوك تمشي حافية

.....

رد: اخترنا لكم
 

رفيق مايَنْفَعْكْ حزة لزومك
مثل السراب اللي يغرك لميعه

لاصار ماهو داريٍ وش همومك
مالك وماله خل نفسك رفيعه

ارفع طموحك لاتردى عزومك
والعز خله لك مقام وطبيعه

محدن على فعل الجزيله يلومك
ورزقك على اللي ماخسر من يطيعه

.....

رد: اخترنا لكم
 

‏من اوّلٍ طيب الولد من خواله
واليوم طيبه من خويٍ يخاويه

اما يقوده مع دروب الجماله
والا يدلّه للردى لين يرديه

.....

رد: اخترنا لكم
 

‏ليت القدر لا جمع الناس بالناس
يجمع قلوب الناس كلٍ وطبعه

مايستوي الألماس وجنبه نحاس
ولا يروي الصافي سوى عذب نبعه

.....

رد: اخترنا لكم
 

مساء الخــير ياحُــبي عسى ماجاك مـني اهمال
أمـانـة طـمّن الخاطر من الخاطر بـ ذي البيـتين

حبيبي أنت وحدك من سكن قلبي وصال وجال
ومصدر راحتي والأنُـس فـي الدنيا ونور العين

أحـبك حُـب مـاقـد حَـب مثـله في الخـلايق آل
أحبك حُب من ذا اليوم ياخلّي لـيوم الدين

.....

رد: اخترنا لكم
 

وخذاني خيّاله بين قمرا وشِبة ضوء
‏وسِرى بي مثل مسرى الهبّوب الشماليه

منصور الحبابي

رد: اخترنا لكم
 

‏وفيت ماكنت ادري أن الوفاء ذنب
‏واليوم ماني تحت طوعك ولا امرك

‌‏ساعدني أترك ذكرياتك على جنب
‏وأعيش عمري مثل ماعشت عمرك

منصور الحبابي

رد: اخترنا لكم
 

لبــيــك يلي ماخــذ القـلب والروح
ارحب مـكـانك واضـحٍ بلـمــحاني

اجرح وعذب ياهوا البال مسموح
وابشـر بقلبٍ سـامحك في ثوانـي

.....

رد: اخترنا لكم
 

مثل القمر وجهك مع الليل وضاح
سبحان من صور جمالك وتمه

مافيه غيرك في سما خافقي لاح
حتـى بغايبك طيف روحك ألومه

.....

رد: اخترنا لكم
 

‏ياحي القصيد الزين والبيت والبيتين
‏اليا صار سلة سيف ماهوب جنبيه
‏ِ
‏أنا بنت قومٍ فعلهم في الطغاه يبين
‏ولي عزةٍ فوق النجوم السماويه
‏ِ
‏مانطرد ورى المقفي ولا نتبع الغاوين
‏خلقنا كباريه ونبقى كباريه

.....

رد: اخترنا لكم
 

‏الكفيف اللي علــى المسجد سعـى
‏ما اتعض من فعلته شخصٍ بصير

‏العــمى بالقلـــب دامــه ما وعــى
‏دام قلبــك غافلٍ فانــت الضــرير

.....

رد: اخترنا لكم
 

‏يسعد مساء اللي مع المساء غرد
‏رايق وروق له من الناس مليـون

‏باسلوبه الراقــي وذوقــه تفرد
‏غرد وخلا الناس عقبه يــغـنـون

‏.....

رد: اخترنا لكم
 

‏حيل الله أقوى مابقى في يدي شيّ
‏مافيه حل ٍ في يدي ماذخرته

‏حاولت لكن المحاصيل هيّ هيّ
‏الطير طار ولا بقي الا شجرته

.....

رد: اخترنا لكم
 

الضحك هـيـبه للقـلـوب الحـزيـنـه
‏ما احدٍ درى عن داخل القلب وش فـيه

‏ان كان مـافــيــح شـعـوره كـنـيـنـه
‏يصـبـر وصـبـره زيـن يلقى الـذرى فـيه

.....

رد: اخترنا لكم
 

تـرى الغزل روح القصيد ومعانيه
‏وتـراه ملحه مـثـل ماتملـح الـزاد

‏اللي سبح بحـره وقف في موانيه
‏بعـيـد ويقـرب مسـافات الابعـاد

.....

رد: اخترنا لكم
 

الورد يبقى ورد في كل الأزمان
‏لو غيروا بالورد حجمه ولونه

‏ وانا أحب الورد في كل الألوان
‏ واحب ناس في طيبهم يشبهونه

.....

رد: اخترنا لكم
 

ياليل ماودك نجر المواويل
نزف من علو المواجع قدرنا

أفـج لك صـدر الأماني تعالـيل
وإليا ضوانا الصبح ننسى قدرنا

رد: اخترنا لكم
 

الشعر مصباح الحكم والعواطف
والقاف يرقى بالنفوس النقيه

والنفس تكسرها ردود المواقف
لو قابلت بعض الفعول الرديه

أصبحت مع بعض المخاليق والف
اعرف معادنهم ولو هي خفيه

ياكثرهم وقت الرخا والسوالف
وياقلهم وقت الوفا والحميه

.....

رد: اخترنا لكم
 

مرحوم ياللي كل ماجيت برثيه
‏عجزت اعبر بالحكي والكتابه

‏اللي خذاه الموت ماني بناسيه
‏وعقبه تجرعت الحزن والكأبه

‏الفقد موجع والقدر راضيّن فيه
‏والدمع يذرف مثل وبل السحابه

‏يالله ياللي نلتجي به وندعيه
‏تغفر ذنوبه ثم تسقي ترابه

آمين

رد: اخترنا لكم
 

تحزّمت في بيض النوايا وطيب يدي
‏من أول بدايات الزمان لنهاياته

.....

رد: اخترنا لكم
 

تحت الثرى ميّت وفي قلبي حيّ
يالله عسى الجنة مقرّك وملقاك

آمين

رد: اخترنا لكم
 

أرفق ترى النفس العزيزه عيوفه
‏ماكل عذرٍ تقبله منك لا أخطيت

.....

رد: اخترنا لكم
 

تعال عطيني من مساءك دقائق
خلي المسا بطلتك يشعل النــــور

تدري مساءك يجعل البال رايق
ويخلي الدنيــــا بها الورد منثـــور

.....

رد: اخترنا لكم
 

ودك تحب إنسان ما يعرف الكذب
‏مشاعــره لا قالها ما سـرقها

‏من قبل لا تسأل فؤاده عن الحب
‏تشوف أحبك في عيونه نطقها

.....

رد: اخترنا لكم
 

يالله اني في وجهك من الفقر و الحاجه
‏ومن وجيه تضحك بوجهي وهي تكرهني

‏ومن رفيق ما عرفنا علته وعلاجه
‏وكل يوم يذمني ولمن شافني يمدحني

.....

رد: اخترنا لكم
 

حًيّ آلَلَهِ آلَلَيّ مِنِوِر حًيآتُي قَبلَ جَوِآلَي
وِيطرب لَهِ آلَشّـوِقَ لَآ جَتُنِي مِرآسـيلَهِ

.....

رد: اخترنا لكم
 

حبيت اسلم واعرف اليوم وشحالك
‏من باب حق الوصال وقــدرك الغالي

‏وبعد السلام وسؤالي عنك واحوالك
‏كنت اتمناك لــو تنشد عن احوالي

‏كنت اتمناك لـــــو مريت في بالك
‏تذكر عهود الـوفــا في وقتنا الخالي

‏وتذكر ليالي هـوانــــا والبخت سالك
‏من قبل يصبح بختنا كـاســد وبالي

.....

رد: اخترنا لكم
 

‏اعلن مراسيم الوداع ان كنت للفرقى شغوف
‏شد الرّحال ومالك الا الي يلقيك القفى

‏ماطاح دمعي وانكسرلي قلب وعيونك تشوف
‏وشلون ابفتح باب لعتابك عشان اقول افا

‏الي يجي حسب الظروف اودّعه حسب الظروف
‏قلبي مع الي بايع العشره مثل صم الصفى

.....

رد: اخترنا لكم
 

‏ليه جيت وليه رحت وليه تبقى غالي
‏كل ليه أشوفها تحتاج منك قصه
‏⠀⠀⠀⠀⠀⠀⠀⠀
‏ليت بالي في يديني وابعدك عن بالي
‏العذاب اللي حصل منك يكفي نصه

.....

رد: اخترنا لكم
 

‏ِ
‏الديره اليا صفا لك حب من فيـها
‏راحـت بعينك مثـل باريس وفـيـنّا

‏صحيح حب الدّير من حب اهاليها
‏والّا المـنـازل حـديـد وطـوبٍ يـبـنّا

.....

رد: اخترنا لكم
 

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

رد: اخترنا لكم
 

تغيب لكنك على البال موجود
ساكن بوسط القلب وسط الحشايا

حبك تربع جود في جود في جود
وسيطر على على كل البقع والزوايا

.....

رد: اخترنا لكم
 

‏ليا بغوا يمسون قالوا مساء الخير
وإذا كشخو قالوا مساء الورد ياورد

واحنا مسانا غير واحساسنا غير
انا مسائي انت واترك لك الرد

.....

رد: اخترنا لكم
 

‏عطني من احساسك قصيده للدفا
‏البـرد مايستوعب احساس البشـر

‏عن التعـب عن الوصـل عن الجفا
‏انـا مجـرد مستمع وانـت الشعـر

.....

رد: اخترنا لكم
 

يوم كلّن فزع له خاله وعمّه
يكفي إنّي وردت العد بذراعي

ارفع الراس بين الروس ما همه
واتباهة وأنا الغرقان بأوجاعي

يمّه الحُر طبعه يعشق القمة
وانتي إللي فطمتيني على أطباعي

.....

رد: اخترنا لكم
 

اقتنعت إن الليالي متاحف ذكريات
‏يوم تبطي سجّة البال بين أسوارها

.....

رد: اخترنا لكم
 

‏الحلم له نافذه والرزق بابه كبير
‏لا تقفل الباب وتعوّد على النافذه
‏
‏ظ“لايشغلك طير غيرك وانت طيرك يطير
‏ياتيك رزقك ورزق الناس ما تاخذه

.....

رد: اخترنا لكم
 

‏جيتك ونبض القلب بالحب خفاق
‏نبض وحساس ومشاعر كلها ذؤق
‏
‏جيتك وقلبي يامنى الروح مشتاق
‏وحتى عيوني من الوله كلها شوق

.....

رد: اخترنا لكم
 

‏أحدٍ كسر فنجال ويدوّر أعذار
‏وأحدٍ كسر له قلب ويقول عادي

.....

رد: اخترنا لكم
 

صدق المشاعر تصنع انسان شاعر
والناس دايم تنتظر وش جديده

عينه تشوف ان القصايد مشاعر
وهم يشوفون إن المشاعر قصيده

.....