رد: اخترنا لكم شعر نبطي وفصيح
 

‏لا تستضيق وتخلق لنفسك اجواء
‏إستبسط افراحك وتبسط يديها

‏واليا فقدت اشياء واشياء واشياء
‏عندك كثير اشياء غيرك يبيها

.....

رد: اخترنا لكم شعر نبطي وفصيح
 

‏ياللي تبي تنشد عن جديدات الاخبار
‏الوقت خذ له فالرياجيل فرّه

‏اشريم جاله برطم وولع النار
‏وكليب خلا شبة النار مرّه

.....

رد: اخترنا لكم شعر نبطي وفصيح
 

‏للسوالف معك لذّه وطربه وإنتعاش
‏لو تخربط فالسوالف أَحب السالفه

‏في عيون اللي يحبك فهاوه وإندهاش
‏والجوارح في وجودك غدّت متخالفه

‏من غلاك أشوف ذا الناس في عيني بلاش
‏وكل من جاني يوالف عجزت أوالفَه

.....

رد: اخترنا لكم شعر نبطي وفصيح
 

‏حتى لو ان الغلا فيني وصل حده
‏لي عقل يدرك حدود الشوق ويكابر

‏قياس عمق الجروح يحدد المده
‏مدة تحولك من غالي إلى عابر

‏لا شفت مركب غلاي رياحك تضده
‏بيصير مالك مكان وقيمة ودابر

‏كسرت لك خاطر ومديت لك صده
‏والخاطر إليا انكسر ما عاد له جابر

.....

رد: اخترنا لكم شعر نبطي وفصيح
 

‏يسعد مساء من داعب الفكر طاريه
‏واشغـــل خيالي حُب شوفه ولقياه

‏قلبي فدا عينــه ان گان يكفيــه
‏وان كان ما يكفي ترى العمر يفداه

.....

رد: اخترنا لكم شعر نبطي وفصيح
 

‏الله خلق والله فرق ناس عن ناس
‏فرقن مثل فرق الثرا والثريّا

‏اول شروط المرجله قوة الباس
‏وحفظ المبادي والكرم والحميّا

.....

رد: اخترنا لكم شعر نبطي وفصيح
 

‏سافري في عالمي وأنتي وحيدة
‏وأنثريني وأجمعي باقي شتاتي

‏ما معي غير الأمل شي أستعيده
‏شنطة الآمال تحمل ذكرياتي

‏مستعد أكتب من آمالي قصيدة
‏حبرها دمي ودفترها حياتي

‏شاعرك رجلً طموحاته بعيدة
‏وإن عطاك الشي ما قال لك هاتي

‏عاش تحت العز من فوق الحديده
‏هايمً محصور بين أربع جهاتي

.....

رد: اخترنا لكم شعر نبطي وفصيح
 

‏قافلٍ باب المحبه من سنين وتايب
‏ولايهضيني طواريق الحمام وسجعه

‏منصدم من صدمة الفرقا وراسي شايب
‏في عيوني حر شوق وفي ضميري وجعه

‏غاديٍ حالي مثل حال الشجاع الهايب
‏ضاهده حمل الزمان ومونسٍ له فجعه

‏طايبه نفسي وتفكيري وقلبي طايب
‏من حبيبٍ غاب عن عيني وقفّا نجعه

‏بعد زوله راح عني صــار طيفه نايب
‏ذكرياته ما تجيني غير وقت الهجعه

‏صايرٍ معظم كلامي فالضمير الغايب
‏غايبٍ ماله ضمير ولا طراله رجعه

.....

رد: اخترنا لكم شعر نبطي وفصيح
 

كيف تترك خفوقي بين نار ولضى
‏وأنت عاهدت قلبي ثم تركته وحيد

‏لا تطَري طواري حبنا اللي قضى
‏ثم تعّود وأعوّد للوجع من جديد

‏خل للجاي همك مامضى لك مضى
‏عيش يومك بيومه والله اللي يريد

.....

رد: اخترنا لكم شعر نبطي وفصيح
 

‏لا ترخص النفس والأيام ملحوقه
‏أجمع من العز مايروي مشاويرك

.....