رد: فوق هام السحب ( الشعر الشعبي) على متن القوافي
 

‏لبى المساء تاملته على شانك
‏ولبى حروف تفرقها وتجمعها

‏يازين كلمة مـساء الخير بلسانك
‏من حلوها كني اول مره آسمعها

...

رد: فوق هام السحب ( الشعر الشعبي) على متن القوافي
 

‏ان كنت تجهلّني فـ أخذ مني التعريف
‏ أنا درب ما تقدر بوجهين تسلكني

‏أنا أكبر من التلميع والبهّرجه والزيف
‏لاغبْت أنفقد وإن جيت ربي مجملّني

...

رد: فوق هام السحب ( الشعر الشعبي) على متن القوافي
 

‏لاتعلقنّي على براق صيفك
‏من قليل مواصلك محتر صدري

‏لا تخليني على كيفك وكيفك
‏يوم زين ويوم شين ويوم مدري

...

رد: فوق هام السحب ( الشعر الشعبي) على متن القوافي
 

‏اللي يخافون من تلويحة الراحلين
‏يرضيهم ابسط لقا لو يحصل بعجله

‏لاتنزعج من فضول محبة الصامتين
‏ماعذب الصامتين الا كثر الأسئله

...

رد: فوق هام السحب ( الشعر الشعبي) على متن القوافي
 

كتبت ف الشعر مايطرى على بالي
وعزفت اجمل حروفي لك ولمثالك

والبوح بوح المشاعر والذهب غالي
وانا قصيدي ذهب يابنت يهنالك

...

رد: فوق هام السحب ( الشعر الشعبي) على متن القوافي
 

تغانم الوصل لان البعد لا بده
‏يأتيك في يوم ثم ياخذك بـ أدراجه

‏غالي وتبخل علي وتطول الصده
‏الله يسامح غلاك ويلعن الحاجه

...

رد: فوق هام السحب ( الشعر الشعبي) على متن القوافي
 

يامن نويت الهجر حيرني الغياب
والبعد قد طال وايش السالفه

غياب دون اسباب يا زين الحجاب
واحنا سواء جمعه بنفس الطايفه

فالفيس تضهر كان ماعندك صحاب
ولا معـك إنسـان عنده عاطفه

وإن جيت تتكلم تكلمني عتاب
وإن كان لي نص الامل لك ناصفه

لو كنت قاضي كيف حكمك والعقاب
لمن هجر قومه بيوم العاصفه

ياليتها تفهم وترسـل لي جوال
كل القبيله بعدها متخالفه

...

رد: فوق هام السحب ( الشعر الشعبي) على متن القوافي
 

‏لو كان قسمي من افراح الليالي زهيد
‏مسامح اللي يروح وقابل اللي بقى

‏الله عطاني مشاعر ماعطاني حديد
‏تستفقد الراحلين اهل الطهر والنقى

‏اللي عليهم حنيني كل مده يزيد
‏الله يبيح الفراق اللي ماعقبه لقى

...

رد: فوق هام السحب ( الشعر الشعبي) على متن القوافي
 

صف النوايا واذكر الله وترتاح
واللي تشوفه قابله بـ ابتسامه

خلك وسيع البال طيب ومزاح
ترى الزمن ما يستحق الملامه

...

رد: فوق هام السحب ( الشعر الشعبي) على متن القوافي
 

‏ان ما مدحت العيون اللي تسريني
‏ماني بمادح عيونٍ نايمه عني

‏وان ما كتبت الشعور اللي يدفيني
‏ماني بكاتب شعورٍ ياخذك عني

...