رد: فوق هام السحب ( الشعر الشعبي) على متن القوافي
 

‏حنا اختلفنا فالمشاعر والكلام
‏الوضع باين والعقول تصوّره

‏تجيني تسلم وارد لك السلام
‏مع كلمتين وضحكتين مزوّره

‏مافيه داعي للتشره والملام
‏كلن ضميره فالحياه ينوّره

‏ان جيت عينت الغلا والاحترام
‏وان رحت قلبي ماقدرت تعوّره

‏مانيب من متسولين الاهتمام
‏ان ماحصل ماجيت منك ادوّره

...

رد: فوق هام السحب ( الشعر الشعبي) على متن القوافي
 

‏مدام رزقي عند رب المخاليق
‏مالي ومال الناس واللي وراها

‏يارب تجعل كل عمري توافيق
‏ونفسي من الزلات تغفر خطاها

...

رد: فوق هام السحب ( الشعر الشعبي) على متن القوافي
 

‏لاصررت طيب قالو الناس مسكين
‏ولا صرت في حالك تجيك المصايب

‏يعني لو البس لي مع الناس وجهين
‏ واصبح منآفق يكثرۆن الحبايـب

...

رد: فوق هام السحب ( الشعر الشعبي) على متن القوافي
 

‏لابد ما نفـرح ولو صابنا الياس
ولابد ما نرتـاح عُقـب المأسي

ولابد مانضحك بقوه للاتعاس
ولابد نتبسـم لكــل إنتكاسي

ولابد نتجاوز وجعنــا والاحساس
ولابد ننعــم بالشعـور الحماسي

ولابد مانسرح ونمرح مع الناس
ولابد ما نسعَـــــد لاخــر قياسي

...

رد: فوق هام السحب ( الشعر الشعبي) على متن القوافي
 

‏بيني وبيـــن الناس عنـــدي قوانين
واعامـــل الانسان حسّـب احترامه

اللي بغى قربــي هلا فيــه واهلين
واللي بغــى فرقاي مـــع السلامه

هــذا انا ماحــــب درب المقفين
وحضورهم عنـدي مثيل انعدامه

واقدر الوافـي واحطه على العين
وارمي وراء ظهـري عيال الرخامه


...

رد: فوق هام السحب ( الشعر الشعبي) على متن القوافي
 

الله خلقني كذا ما احب طول الجدال
‏والمخطي اسرّحه والطيّب اقدرْه
‏
‏وماهو صحيح المواقف كلّها للرجال
‏احيان تغني عن الوقفات وقفة مرْه

...

رد: فوق هام السحب ( الشعر الشعبي) على متن القوافي
 

‏تجمّل يامال العافية دام راسك حي
‏ترى زينة وجيه النشاما فعايلها
‏
‏عرفنا مفاهيم الليالي جميل وسي
‏تموت الآوادم بس تبقى جمايلها

...

رد: فوق هام السحب ( الشعر الشعبي) على متن القوافي
 

‏كل يوم أبيع من صبري لـ ياسي
‏لين صرت إنسان مدري كيف صرته
‏
‏مابقى من راس مالي غير راسي
‏راسي اللي فدوته كل ماخسرته

...

رد: فوق هام السحب ( الشعر الشعبي) على متن القوافي
 

‏اقطف ثمر دنياك وابعد عن الياس
‏اضحك وعيش وتالي العمر بايد

‏مهما تسوي طيب ما ترضي الناس
‏من خلقة الدنيا رضى الناس كايد

...

رد: فوق هام السحب ( الشعر الشعبي) على متن القوافي
 

عليك العتب ياصانع النت والارسال
فقدنا رسايل ناس ياحي طاريهم

فقدنا سلام ومرحبا بك وكيف الحال
وفقدنا العتب من ناس بالحيل نغليهم

...