|
رد: فوق هام السحب ( الشعر الشعبي) على متن القوافي
وعند الموادع راعها شوف الاضرار
وحاولت اهديّها واداري فزعها قالت في حلقي عقد وايديني سوار ومن بعضها ما باقي الا طبعها قلت احلمي والله ماني ببوار ما مسك الا ايدي وايدي معها شوق ً ورا صدري مثل واهج النار لا مرته ونة خفوق ً لسعها ...... |
رد: فوق هام السحب ( الشعر الشعبي) على متن القوافي
عاشقك ما يفرق بينك وبينه
لا حشود الجيوش ولا طلايعها كل ما مدّ شوفه غازلت عينه نجمةٍ في سماك وراح يتبعها ...... |
رد: فوق هام السحب ( الشعر الشعبي) على متن القوافي
وش يفيد السفر من ديره لديره
وانا ما اسافر الا وانت قدامي كل ما افض سيره تنفتح سيره ويش خليت ب اوراقي وب اقلامي ماخبرت الزمن وقفني ب حيره لين شفتك وزادت عقبك اوهامي كل ما شفت حلم القاك تفسيره انت من واقعي ولا من احلامي ...... |
رد: فوق هام السحب ( الشعر الشعبي) على متن القوافي
على طاري غلاك اللي ذبحني
تذكرتك وانا اللي مانسيتك وعلى كثر الغياب اللي جرحني عذرتك في غيابك واحتريتك ...... |
رد: فوق هام السحب ( الشعر الشعبي) على متن القوافي
ما عاد تلقى فالزمن قلب صادق
القلب واحد والولايف ثلاثيـن راحت قلوب الناس مثل الفنادق تستقبل الزوار لو هم ملاييـن ...... |
رد: فوق هام السحب ( الشعر الشعبي) على متن القوافي
معوّض خير يا حي تهقوى في الزمان ومال
سنينك لو رقيت بعدلها يطرحك مايلها تعلّم واعرف إن الدرب قدامك سهل وجبال جبال تطولها وجبال بعيونك تخايلها ومعوّض خير يا حيٍ وردت الماء بدون حبال يطول بك الوقوف وشربة الماء ما تحصّلها وقوفك عند راس البير مايسقيك لو فنجال ولا ينفعك شوف الجمه اللي منت طايلها ومعوّض خير يا حيٍ خدعك من الرجال أشكال تشوف أشكالها وتحطها أرفع من منازلها تعلّم من زمانك لا تصير من أجهل الجهال ترى في كل يوم تجيك عبرة لا تجاهلها إذا ربي وهب لك عقل تلقى في الرجال رجال تعرف اللي يطلّع قيمتك واللي ينزلها ترى من بعض ما يندي الجبين ويحرج الرجال ليا ساق الميانه في نفوسٍ ما تقبّلها ومهما شفت في صاحبك من نخوة وطيبة فال ترى بعض السجايا كثرة الإلحاح يقتلها معاريف الرجال ديون وديون الرجال ثقال ليا صرت متعافي ليش تغرق في جمايلها رصيدك في حياتك سمعتك مع طيبين الفال رجال الطيب والمعروف بالمعروف عاملها ولا تبدي بجاهك في مقام ما يسر الحال ولا تشفع لناسٍ ما تنومسك بفعايلها ليا جاتك تعذّرها مدام العذر له مدخال ووقت الجد قول لها الصحيح ولا تجاملها وخذ مني نصيحة لا تصدق كل ما ينقال يجرك للنميمة لين يطرحك بحبايلها يجيلك ناقل النمّات بهروجٍ تغث البال سوالف في قفاك وحظك أطيب يوم تجهلها يبرّر بالحمية والصداقة شينة الأفعال يجمّل صورته بعلومه اللي ما تجمّلها ولو كانت حميّه فيك رد المخطيه في الحال ولا كان استمعها في قفاك وجاك شايلها ترى من جاب لك ودّى وهذي عادة النقال يحاول يقتنص من فمك كلمة لأجل ينقلها ومثل ما قال عندك راح عنك وعند غيرك قال وزوّد عشر فوق الكلمة اللي كنت قايلها تجنّب مجلسه لا تجلس إلّا مع كريم خصال تحمّل ميلته وإن ملت ميلتك يتحمّلها ولا تصبر على الجار الردي لو هي ثلاث ليال تضرك جيرته لو كان بيبانك تقفلها وبيع الدار بأول سومةٍ تعرض على الدلال ورزقك عند ربٍ كاتب اللقمة وكافلها وبنتك لا تزوجها الردي لو هو كثير المال تربيها على الطالات وتشوّه سلايلها وكم من لاش يرمي خيبة ابنه فوق رأس الخال لو إن الخال من روس الرجال ومن دلايلها ليا منك عرفت تميّز الطيّب من البطال وفادتك التجارب في الحياة وفي مسايلها وكشفت الفرق ما بين الصحيح وحيلة المحتال وتعلمت الفراسه في الوجيه اللي تقابلها بعد هذي ترى مالك غنى عن صحبة العقّال يدلّونك برايٍ ينقض الدعوة ويفتلها يقولون الرجال اللي سوالفهم حِكم وأمثال ليا من ضاعت الحيلة يدل القوم عاقلها نصيحة واحدٍ جرّب وشاف من الزمان أهوال يقدّم لك خلاصة هجرةٍ جرّب هوايلها عبدالله الطلحي الهذلي |
رد: فوق هام السحب ( الشعر الشعبي) على متن القوافي
لـو كـل واحـد يجـي وده علـى وده
ما طال صبر العقيم لشوف مولوده راعي القناعــه ليا منه الزمـن حــده يرضـى بحظ ٍ ذخر جـوده و مآجوده يا بيـض الأحـلام لاتمسيـن مسـوده بشايـرك في نواصـي الخيـر معقوده ...... |
رد: فوق هام السحب ( الشعر الشعبي) على متن القوافي
كنا نلوم الليالي .. والسبب منا
ونقدم اعذار ماتخفى على واعي ثم اقتنعنا بعد طول الزمان إنا خضنا معارك كثيرة ، مالها داعي ...... |
رد: فوق هام السحب ( الشعر الشعبي) على متن القوافي
على كثر مازليت للحين فيني دين
اسوي ذنوب كثار واصوم واصلي انا إنسان واحد عاشوا بداخلي أثنين الأول مطوع ولكن الثاني امولي ...... |
رد: فوق هام السحب ( الشعر الشعبي) على متن القوافي
لا تناسوا طيب راسك وانت راسك طيّب
وقالوا انك يوم جات الحرب مانت بمعنا الله الله فالشبوح اللي ماهيب قريّب الشعر يمكن يفرقنا ولا يجمعنا جامل الجهال واضحك مثل ضحك حبيّب لا ابتلاه الشاعر اللي مايعرف المعنى ...... |
رد: فوق هام السحب ( الشعر الشعبي) على متن القوافي
عطاني وصاله دون قيدٍ ولا تحديد
بلاني بروحه ولا أنا ما تمنيته َ تزاينت وضعي واثرني يا رفاقه صيد خذاني اسلوبه بالهوى لين صافيته َ جزاته على الله ليه عرضني التنكيد عقب ما توثق في ضميري وحبيته َ تصرم حبال الوصل والحال ما به جيد خذا الشوق حقه وابتلى عقب عافيته ...... |
رد: فوق هام السحب ( الشعر الشعبي) على متن القوافي
قـالوا من انت وقلت واحد مـــن الناس
إنـسـان عــادي مـامـعـي شــي زايـد ما امـلـك الا شـوف عيـنـي والأنـفاس واحساس مـرهف انســجه فـي قـصايد ...... |
رد: فوق هام السحب ( الشعر الشعبي) على متن القوافي
لْيا اقبلت قام يتكفكف دجا الليل
كل الديار المظلمة نوّرتها ولْيا ادبرت غطّت جسدها المجاديل بين الخلايق لو تعرّى كستها إن كفّته مثل الغصون المحاميل وإن فلّته قام يتثنّى تحتها كنّه سبيب اللي ليا ماحت الذيل راسه تعدّى راسها ورقبتها ...... |
رد: فوق هام السحب ( الشعر الشعبي) على متن القوافي
ابدع هجوسٍ كنها تمر الأسعاف
والا تشابه مثل ذوب النحالي وانا لحالي جالس اراس نفناف في راس ضلعٍ زايدن عالجبالي وارد قافي في عديمين الاوصاف لباسي جنبي يوم رد السوالي المخشي اللي وامنو كل مختاف والشيخ صالح مثل زيد الهلالي وابو شرف ياسعد صايح وغطراف يادوس خصمه مثل دوس النعالي حلف لي يحميها مزارع ومشراف وابا ع العشه و وادي الجمالي عند رجالٍ كنهم زكة اشراف اهل الجمايل واهل صفر الدلالي خل العرب كم كثرو من تحلاف لكن مانختاف والحظ عالي لو اعتقبنا ماحصل بيننا خلاف يمين ماترضى بقطع الشمالي معتوق الزبيدي |
رد: فوق هام السحب ( الشعر الشعبي) على متن القوافي
احن حن الرعد واعوى عوى الذيب
لا بات جايع ما لحق على الرعيه على الشباب اللي مضى عقبه الشيب واعلام كانت روحت من يديه يا هجرنا اللي رحت كم فيك من طيب كنت احتزم في حزام البندقيه واليوم اسير كن في العظم تصليب عجز يداويني حكيم (الصحيه) بان الجفا من قريبي والاصاحيب وذيك المحبه بعدها مكرهيه شنيوني الاصحاب مالها تسابيب والشيب ما هو عيب ولا خطيه معتق الزبيدي |
رد: فوق هام السحب ( الشعر الشعبي) على متن القوافي
اليـا حـكينـا نـعرف الـزين والشيـن
وخـبل العـرب لاشـار مـا نـنتشيـره اكـرام لكـن بالـسـوالف بـخيـلـين ما نـجـيب ل أعـراض الأجـاويد سـيره نـصـد لاشـفنـا خـمـال الـقريبين صـدة قـصـير عـن مـحارم قـصيـرة سعد المطرفي |
رد: فوق هام السحب ( الشعر الشعبي) على متن القوافي
عساالله يرحم من طلعت بعده رجال
وحط الك اسم والناس تعرف بساميها تجمل وحصل نعم وانته ورثت المال ورثت الك دنياًغيرك اللي تعب فيها اورثت الك اسم لاكن بعت الاسم بريال اسامي رجالن يرفع الراس طاريها نصيحه تروح تغيراسمك من الاحوال واسامي ثلاثه من بطاقتك تلغيها مزيدبن تعلي |
رد: فوق هام السحب ( الشعر الشعبي) على متن القوافي
ماكل هـرجـه عـابـره نـعـترضـها
اللي ماهي صوبك لاتلقي لها بـال حتى لو انك عـارفـن وش غـرضـهـا الصمت قالو من ذهب عبر الامثال ماغيّـر نـفوس البشر عن بعضهـا الا الحـسد ومتابع القيل والقال واهل القلوب السود نعرف مرضـها لو جـرة السـارق مثـل جـرة الـذال زويد الهويملي |
رد: فوق هام السحب ( الشعر الشعبي) على متن القوافي
الصيت لاصار طيّب والنبا عاطر
وقلبك بالايمان متطيّب ومتعطر لوكان رزقك على قول العرب (قاطِر ) الناس ب اخلاقها المبسوط والمضطر مرٍ تشين الظروف ويصفي الخاطر ومرٍ تزين الظروف وتخرب الخُطَّر لاتحسب اللي يمَضِّي حِجِّته شاطر الشاطر اللي عن المنقود متشطِّر زامل السبيعي |
رد: فوق هام السحب ( الشعر الشعبي) على متن القوافي
حنا على الدنيا ولو طالت ! ضيـوف
كــم واحدٍ عن عيــن غاليــه قـــفّى الموت مايعرف مطانيـخ وضعــوف ليا ومــره الــرب ! كفــى و وفّـــى أسألك ياربـي وانا بـ داخلي خـوف رضــاكـ قبـل يقــال خالد توفّــى خالد نافل |
رد: فوق هام السحب ( الشعر الشعبي) على متن القوافي
الـمرجله مـاهي ذبيحة وتـصوير
مـا تـَرفع الـرجال ذبـح الـذبيحة المـرجـله نخـوه و وقـفـه و تـقـدير مـزارقاً عـلى الـسلوم الصحيحة قـوله (نّـعم) بين الرجال المناعير مـا حـاشها رجلاً يدينه شحيحه من لا كسبها والعمر توه صغير اليا كـبر تـصعب عـليه الـمديحه نواف زويد |
رد: فوق هام السحب ( الشعر الشعبي) على متن القوافي
اللي سكت عن كلمة الحق شيطان
لو لحيته شبرين ربه حسيبه سلّم على اللي فاهم الدين بتقان اللي ..ملذات الزمن ماتجيبه يمشي على السنه عقيده وبرهان وتيار وقته بالفتن مايصيبه سندالعريمه |
رد: فوق هام السحب ( الشعر الشعبي) على متن القوافي
عزالله ان الوقت هذا ماهوب زين
ضاعت مفاهيمه وشانت علومه تغيرت فيه القصص والعناوين وزادت معاناته وكثرت همومه ابو الحصاني يظهر الصبح ويبين والذيب في مخباه ما حدن يلومه أبو مشعان |
رد: فوق هام السحب ( الشعر الشعبي) على متن القوافي
الصمت يغنيني عن القال والقيل
لاصار بعض القول كله سماجه أصمت و كني مااجيد التماثيل من خوف لا خبلن يكثر إزعاجه صوته يلعلع دون فهم وتفاصيل هو يحسبنك مندمج بندماجه سعود الرخيص |
رد: فوق هام السحب ( الشعر الشعبي) على متن القوافي
طبيعة مزاج الأدمي يظطـرب ويروق
ولكن سلم البعض وأفكاره تحيّر يبي له مع الأجواد مدح وذكر وحقوق وهو بين يوم ويوم له طبع متغير عسى من علاقاته بنامثل وضع السوق إذا زان سوقه رآق وإن شان يتغير يحصل له اصحابٍ على دقته والذوق مثل حضرته يطب فيهم ويتخير النجم العالي |
رد: فوق هام السحب ( الشعر الشعبي) على متن القوافي
يا وقتنا اللي على جورك معودنا
في كل يومٍ علينا سيفك تسله وحنا على قسوتك عادي تعودنا نصبر ولا نقبل الميلات والذله حتى لو الحظ بالدنيا معاندنا ناخذبالأسباب ونقاوم بحول الله النجم العالي |
رد: فوق هام السحب ( الشعر الشعبي) على متن القوافي
جاك النذير اللي يبى ينقذك من بيت الخراب
ماجـاه احـد مير الشهـامـة جابته لك ياصبي من نفسه يسوق العذر من نفسه يرد الجواب فاعل يحب الخير و الاشكـال في فـكـر الغبي الا مـصـمـل في طـريـقً ما وراه الا العـذاب وفي بالـه انه معتبر مثـل الصحـابـه و النبي يامسيلمة لا مـر ذكـرك قلت و الله و التراب ماهو بـعـاد اجيـك ادور عـذر تخسي و تهبي محيا الكسر |
رد: فوق هام السحب ( الشعر الشعبي) على متن القوافي
القلوب البيض تصبر على مالا تطيق
والسبب طيب النوايا وزينات الظنون كم دخل غيبوبة الوقت وازرا لايفيق ابلـجٍ وقت المواقيف يكبر فالعيون ايتضايق كل ماحسّ له صدرٍ يضيق واستغلـّوا رحمته عالمٍ مايرحمون والانانيةلياجات في صدر الصديق استغل اسم الصداقة على اتفه مايكون محمدالدهيمي |
رد: فوق هام السحب ( الشعر الشعبي) على متن القوافي
البعد عن ضوضاء المدينه والازعاج
وفراق بعض الناس للروح راحه ترتاح نفسك من عنى كل هراج وفكرك عن الروتين تطلق سراحه في مرتعن ما داج به كل دواج نسمة هواه علاج شاكي جراحه الهاب بدر |
رد: فوق هام السحب ( الشعر الشعبي) على متن القوافي
يغنيك رب العرش عن فزعة اللاش
لا تطلب الفزعات من غير اهلها اللاش ماحاز المراجل ولا حاش ولا يطلع القمة يدور سهلها عليك باللي فزعته تنعش إنعاش ولا يرتكي للقالة إلا جملها رحيم العالي |
رد: فوق هام السحب ( الشعر الشعبي) على متن القوافي
يرقّـع عيوبـه ويتصنّع علوم الطيب
يصرّف عذاريبـه وهي مـا لها صِرفه خَطاي يعَديبـه عنده انّه عَـدَاه العيب حكى بالخفى حتى هَفى في شِفى جِرفه اشوفه خروف يفكّـر انّي اشوفه ذيب وانا شَـفّ روحي ينقطع شوفـه وعِرفه ...... |
رد: فوق هام السحب ( الشعر الشعبي) على متن القوافي
اضحك مع الدنيا ترى العمر فاني
ان كان ماجاك الكبّر جايك الموت القلب مغرافه كلام٠ اللساني والكلمه اللي تايعه شوتها شوت والهرجه اللي ضايعه ي الحصاني منتّه بوياها ليا فاتها الفوت احسب ٠٠حساباتك لغدر الزماني ويومن على الأمتان تنقل بتابوت حمود العطاوي |
رد: فوق هام السحب ( الشعر الشعبي) على متن القوافي
اغسل يدينك من قليل المروّه
واحذف وجوده من حياتك ودنياك خلّك مع اللي يقدّرون الأخوّه ان طحت هبّوا مع يسارك ويمناك ولَمّ الشمل يصنع من الضّعف قوّه وكن صادق النّيه بسرّك ونجواك واللي تشوفه صح ومفيد سوّه ودينك على الدنيا مفازك ومنجاك علي المحنشي |
رد: فوق هام السحب ( الشعر الشعبي) على متن القوافي
الصدق عنوان المراجل والامجاد
وترا البشاشه نصف الاخلاق يا سعود في مجلسٍ دايم على الطيب معتاد فيه الوفا والهيل والجمر والعود عـوايدٍ ما هيب في يديننا اجداد هذي صفاتٍ من على جدود وجدود والطيب فعله ما غدا عند الاجواد لو غاب راع الطيب يبقى له شهود مقرن بن رازن |
رد: فوق هام السحب ( الشعر الشعبي) على متن القوافي
اصحابنا صارو عقـارب وحـيّات
بين الكـراهـيه وبين الحمـاقــه مـع البعيد الهم نفـوذ وعلاقـات ومـع القريّب يقطعـون العلاقـه افكارهـم تمشي على كل مجهاة حتى المنافـق ما يخلّي نفـاقه يجيب علمٍ ما يجيبه عربسـات لوان مالـه مع هل الطرش ناقـه الرايد |
رد: فوق هام السحب ( الشعر الشعبي) على متن القوافي
قـلـوب الرجال اتصد ولها من الاسباب
وسيع العذر من كـلمة تـوجع الوافي وانااللي ظربني صاحبي ظربة المشعاب عـلى غير معنى ساقها بين الأنجـافي وخـلاني ابعد منه واقرب من الأجناب واسج القدم مع كل وسعه ومحرافي لياضقت عديت الـمشاعر على مرقاب مجالي وسيع وزحمة الناس تنعافي ابن دغيش |
رد: فوق هام السحب ( الشعر الشعبي) على متن القوافي
ان زانت الدنيا تبى تفتح ابواب
وان ميّلت مالي عليها استطاعه والصاحب اللي بيني وبينه اعتاب ما عدّه الا من عيال الجماعه متخرجً من مدرسة عكف الاشناب وعمره لو انّه دون حاجتك باعه وضيقات صدره كنها مقطع سناب ان طوّلت اربع و عشرين ساعه مزيد المويس |
رد: فوق هام السحب ( الشعر الشعبي) على متن القوافي
رفيقك اللي مايبادلك بالطيب
اكوه على عرق النيا لين تسويه خله يعرف ملزمات المواجيب حد على الدرب الخطر لين يعطيه اللي يبيع المترفات الرعابيب يحسب كثير المال لازاد يغنيه تمجدوا يامدورين المناسيب لاتشبكون انسابكم مع شراويه مرزوق الصبحي الحربي |
رد: فوق هام السحب ( الشعر الشعبي) على متن القوافي
بعض الصداقه كنها ذبذبت برج
برجً يجينا منه الارسال. ويروح دونه. مسافاتً و. لافاتها عرّج في موقعً مافيه للناس مصلوح الحب. مايبنا على كثرت الهرج كثر الكلام. يعل ويفتّح اجروح وان كان حبك حيتً داخل الخرّج منك اوراك وماحصل منك مسموح حمود الجداعي |
رد: فوق هام السحب ( الشعر الشعبي) على متن القوافي
ياصاحبي منته عن الناس مسؤول
ولا انته بلا حاكم ولأنته بقاضي الناس يبن الناس صاحي ومبدول ومشاكل العالم طوالٍ عراضي اللي يبي نفسه سنافي ومقبول لااااااابد يستخدم نضام التغاضي لو مانجامل كل فاضي ومشغول صرنانشوف إن كل مشغول فاضي ابن دغيش |
| الساعة الآن 03:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية