رد: اخترنا لكم
 

‏شــوف لي ويــاك مـخــراج وتكـلم
‏ويـن افـر من الجمال ورمـش عينك

‏اسكـت مـن الشـوق وعيونـي تعلم
‏لو تصنـعـت الثقــل بينـي وبينك

‏انت يمكـن لو تمـر صدفـه تسلم
‏يمكن انسى نفسي واقول انت وينك

.....

رد: اخترنا لكم
 

‏من يحب الخيل يطرب بالصهيل
ومن يحب الصقر قايد ما يقاد

.....

رد: اخترنا لكم
 

اللي عطيته خير ماردلي خير
واللي نعلمه الرمايه رماني

غنيت له من غاب عني مقادير
وراح ونسى غاليه ذاك الاناني

معقوله اللي حصل كان تخدير
يبغى ينسيني وراح ونساني

.....

رد: اخترنا لكم
 

ياقلب لاتظهر خوافيك للناس
يكفيك من يعلم جميع الخوافي

عيش الأمل لوكنت غرقان بالياس
ياكم بلوى جت بعدها عوافي

.....

رد: اخترنا لكم
 

أحبه محبه داخل الصدر مزروعه
تغذى على دم الشرايين والمشه

هروج العواذل فيه ماهيب مسموعه
وراع الهوى من ينصحه كنه يغشه

تبيّن حقايق راع الحب بدموعه
وتظهر علومٍ بين الأضلاع منخشه

سعد ابن جدلان الله يرحمه

رد: اخترنا لكم
 

لك محبة في حياتي ماتقل
اصلها طيّب ومقصدها نزيه

ولك بريضان الغلا عندي حقل
كل شيءٍ صار ودّك فيه؟فيه

وناقلٍ حبّك مع سنيني نقل
بأي عمر ابداه او عام ابتديه

في غرامك اتفق قلب وعقل
كن حبك متفق شرعًا عليه

.....

رد: اخترنا لكم
 

ليت النصيب اللي خذاك يردك
واسامحه في الاوّله وانساها

يازين حظّي قبل اجرّب صدك
وارجع على رسايلك واقراها

قلبي معك لو كان كلّي ضدك
مْن اوّل العشره إلين اتلاها

ماغير اقول فْداك واللي ودك
والكلمه اللي ماعرف معناها

.....

رد: اخترنا لكم
 

تفداك نفـسٍ شالها الشـوق صوبك
ويفداك قلـبٍ ماغـدر فيـك او خان

وتفداك عيـنٍ ما تبـــي غير شوفك
ويفداك عمرٍ مافـــدا غيرك انسان

وتفداك روحٍ هايمـــه فـي طيوفك
ويفداك بالٍ مايجـــي مِنـه نِسيان

وتفداك نظــره ماتناست وصوفك
ويفداك راسي ودم روحي والابدان

.....

رد: اخترنا لكم
 

‏مبروك عرسك يوم جالك نصيبك
مبروك للي يسعد بشوف لقياك

شفت القدر ما حقق إني أجيبك
ولاحقق انـي التقي يـوم ويّـاك

أفرح على شوفك ولا ابغى مغيبك
وأمسي على طيفك وأصبح لطرياك

.....

رد: اخترنا لكم
 

‏من يلوم العين لو هلت دموع
ومن يلوم القلب لو صفق وصاح

آه من قلب رقص بين الضلوع
مثل رقص الطير مكسور الجناح

.....

رد: اخترنا لكم
 

يامعلقة قلب من حبك عليك السلام
اللي ترفرف على كبد السماء رايته

ان كان جيتي مجيك فوق صدري وسام
وان كان رحتي في امان لله ورعايته

.....

رد: اخترنا لكم
 

نصوم ونصلي وندعـــي ونرجيك
ورضاك مكسبنا وعفـــوك رجانا

مـــوحــــدين وكلنا منــك وإليك
عساك ياغـــفار تغفـــر خــــطانا

آمين

رد: اخترنا لكم
 

بعد ماكبّر بقلبي وصلّى به صلاة قيام
ترك بين الضلوع الحانيه سبحه وسجاده

واروح برحلةٍ ماهيب للراحه والاستجمام
تسافر بي بدون رضـاي في رحلة تنهّـاده

.....

رد: اخترنا لكم
 

مثل مايقطع الفنجال عرق الصداع
نقطع الحاجه الصعبه من جذوعها

.....

رد: اخترنا لكم
 

ضيعـتني يا غايتـي ضمن بلواك
وحسيت قلبي عقب رايك تدمر

اسقيتني كاس الالم من ثناياك
كنـه رصـاصً بـين جمرً مجَـمَر

وفيـت لـك والقـلـب لبـا. ولـباك
وحبيت روحك حب حايل لشمر

الله يبيحك من يسوي سواياك
وانت الوحيد اللي له القلب عمر

رذاذ الحبر

رد: اخترنا لكم
 

ما نسيتك من دعاي وحر مالي
في صيام وفي فطور وفي تهجّد

والله ان أموت ما فارقت بالي
لو سرى قلبي من الشوق يتوجد

.....

رد: اخترنا لكم
 

اسلوبك العذب واخلاقك وترحابك
‏خلت جميع المشاعر تتجه صوبك

‏حتى غموضك ورى الأسماء ماعابك
‏خلاني أحب شعري فيك ودروبك

مطلق العتيبي

رد: اخترنا لكم
 

تهادى سكون الليل وإنكفوا السمّار
وراق الهوى ترويقة السالي الداله

على الكون خيّم جو تسبيح وإستغفار
مشاعر تعيش فاقد الحاله الحاله

هني لمن يستغفر الله بالأسحار
وينفض غبار الصدر ويصحح أعماله

.....

رد: اخترنا لكم
 

الهدوء النفسي وضحكي وزين أخلاقي
لاتغرك تحسب اني بالحياه مرّفه

مرّ ثلثين العمر والثلث الآخر باقي
المفارق ناطحه والذكريات تدفّه

.....

رد: اخترنا لكم
 

لو حصلي شوفته همي يزول
وقتها أنسى البشر وأجلس معه

وأذكر إني بغيبته دايم أقول
هو حياة القلب وهو له مطمعه

.....

رد: اخترنا لكم
 

‏يانجد انا شاعر واحاسيسي كبار
‏وانتي بعد عليا مقام وكبيره

‏جيتك وانا موقد على شوفتك نار
‏كيفي عليها حابكه ماستعيره

‏رغباتي الدله واحاسيسي بهار
‏وفنجالها قافن ماهو مثل غيره

‏من شفت خطوْ إسمك على الذاكره مار
‏عرفت باني رايحن معك ديره

‏ماخترت احبك بس الأيام خطّار
‏ يجي معاها شي نجهل مصيره

‏ قلّطت جمع سهومك بصدري يسار
‏ وزبّنتها طيب وتقاليد جيره

‏انا طويل الباع يا اطوال الاعمار
‏وانا الشوير اللي لاجيت استشيره

‏عليك أنا وعزومي نشق الأقطار
‏اقعد يابو مدري بجنب أبو حيره

‏مشاعري لك ملك ماهي للاجار
‏ وعليك شاعرها مريّح ضميره

‏انا ابن عم لقلبك الطاهر البار
‏ لو كان مابيني وبينك عشيره

‏افتح علشانك من الضيقه زرار
‏واقفل علشانك مداخل كثيره

‏وشلون ماحبك وأزيّن لك أشعار
‏لا صرتي الاولى معي والاخيره
‏
‏لو بيني وبينك مسافات وأقفار
‏نبتك بقلبي كثر الله خيره

.....

رد: اخترنا لكم
 

ماهي صدفه هذا من سوء إختياري
وش يجي من الحب إذا ماجتك خيبه

راح أصحح غلطتي وأخذ قراري
وأترك الفرقا تجيب اللي تجيبه

ليتني مبعد فتيلك عن شراري
كان باقي ما أشتعل قلبي بشيبه

بأبتعد وأرد بالصد إعتباري
لو حياتي من بعد وصلك غريبه

لا رجوع ولا خضوع ولا طواري
ولا حنين ولا ملاقاةٍ قريبه

الصدر صدري وهذي النار ناري
ولو نَحَب قلب محد سامع نحيبه

كنت أشوف الغلطه بعينك وأداري
كان باين فيك شك وفيك ريبه

وأنت داري وقتها أني كنت داري
الأسف بعد الخطأ أكبر مصيبه

كل دار تلمنا ماهيب داري
وكل درب يلمنا الله حسيبه

إنفض غبارك وأنا بأنفض غباري
الجريح يطيب لا فارق حبيبه

.....

رد: اخترنا لكم
 

مبارك المطرباني يقول :

صدّت تبي يعني تغلى يابلفيت
‏قصايدي فيها علي كبرّتها

‏والله ماعاد تذوق مني ولا بيت
‏إلا رثاها لاسكنّت مقبرتها

لكن اعلن انهزامه بعد ماساقته الهواجيس
لدروب حبيبته وقال :

وأرضيني أدنات حاجه منكْ ترضيني
‏خيْطي معاليق قلبي وأخمدي ناره

‏لعيونش السود كن القاف يدعيني
‏أطاوع القاف تاره والعنه تـاره

‏ماردني عن سواد عيونش يْميني
‏كتبت فيها قصيد وسقت كفاره

رد: اخترنا لكم
 

محتاج دربٍ يا أول شفّي ومسعاي
‏وشعرٍ يواسي شعور الصمت والغربة

‏محتاج نورٍ يبشرني على رجواي
‏وأعرف هذا السديم إن طال يا قربه

‏محتاج فجر وسكينة لين أعس أقصاي
‏محتاج شيءٍ يرجّع روحي الطربه
‏
صالح الهويملي

رد: اخترنا لكم
 

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏یا روح الشعر وحروف الكلام وسطوة الالهام
‏احاسيسي معك ماني بعارف كيف اخبيها

‏یا مرساي الاخير وذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

رد: اخترنا لكم
 

‏عفى الله عن مواعيد إنتظارك والسنين حيام
‏وقفت وما معي غير الوله واقف ومتسامي

‏يخوّفني ضجيج الشوق لا ارتاد الطريق العام
‏وتغيرت بكل إتجاهاتي وتأثيري وهندامي

‏حرارة فقدك اقسى ما تجيبه بارد الانسام
‏وانا للحين من حر المفارق ترجف عظامي

.....

رد: اخترنا لكم
 

‏وش ذنبنا لا صار منطقنا صحيح
وقلوبنا ما كل من جاها قَلَط

‏حنا نحب الصدق ونقول الصحيح
‏والمشكلة بالناس تفهمنا غلط

.....

رد: اخترنا لكم
 

ودك تحطه بالعيون من العيون
‏وتبسط على رمض الثرى يمناك له

‏وتظله من الشمس في ظل الجفون
‏ولا يمر اذنه سوى لبـّاك له

محمد بن فطيس

رد: اخترنا لكم
 

هي راس مالي والعرب مايدركون
‏اني على باب الممات وماحكيت

‏يا قو قلبي يوم قفن الضعون
‏الي على ذاك الموادع مابكيت

‏وياصبر صبري والعواذل يحسبون
‏اني دلهت من الهوى ولا سليت

‏اسكت عساهم من اسكاتي يسكتون
‏وانا عن الي في ضميري مانتهيت

محمد بن فطيس

رد: اخترنا لكم
 

كانك مشّكك فالوفاء والغلا هاك
رقمك مع الصادر ولاوارد سِواك

محمد بن فطيس

رد: اخترنا لكم
 

‏عن وصل غيره يدين الحُب مكتوفه
‏وعن شوف غيره عيوني مالها طمعه

‏أنا قتيـله وانا أمْـنه وأنا خوفـه
‏وأنا غناته وأنا طرحه وأنا جَمعه

‏ياجعلي اسابقه للموت واطـوفـه
‏مـحـبـةٍ فـيـه لاخـذلـه ولا رمـعَـه

.....

رد: اخترنا لكم
 

معي قلب بدويٍ ما يعرف يعاتب الغيّاب
أعرف أغيب لكن مستحيل أناظر خلافي

.....

رد: اخترنا لكم
 

‏اسرقي قلبي وخلّيه في صدرك صويب
‏والله ان اموت ماني مدوّر مخرجي

‏والعيون اللي خذت صبر ابو عقلٍ لبيب
‏والله اني من سببها مكثّر بالمجي

.....

رد: اخترنا لكم
 

‏خلوني اكتب على عرفي وتفكيري
قناعتي ماحدٍ يقدر يغيرها

اعز نفسي وفضلها على غيري
والناس ماني على نهجي مسيرها

.....

رد: اخترنا لكم
 

قـلوب بعض الناس مثل الفوانيس
تقدر تشاهد نــــورها من صــــفاها

وقلوب بعض الناس مثل الكواليس
كـــــل المصايب حـاصـله من وراها

.....

رد: اخترنا لكم
 

نضــيـق لاكــن ضيـقنا يــرفع الراس
نضـحك بـغب الضــيق عــزة وشيمة

مهـما يضيق الحال إذا شـافنا الناس
نضحــك ونـخـفي كــل ذكــرى أليمة

.....

رد: اخترنا لكم
 

ياسعود ماعينت الي راحة البال
هي صدق والى كلبوكم سواتي

اسمع بطاريها لي اسنينن طوال
والاذكر اني شفتها في حياتي

دورتها في كثر الاصحاب والمال
وفي عمري الماضي وفي ذكرياتي

ودوجت في الدنيا من الجال للجال
وعجزت للقاها بكل الجهاتي

ماجد النصيف

رد: اخترنا لكم
 

يامقلب قلوب الخلايـق والأبصـار
ياحاشرن خلقـك حفـاة عراتي

أسألك أنا خشيتك في سـر وجهـار
وعلى الهدى طالبك ربـي الثباتي


آمين

رد: اخترنا لكم
 

يا ما من صدوف الليالي لقينا
وياكم صديقٍ يختفي لا بغيناه

وكم خابت الهقوات في من هقينا
والبعض منهم ليتنا ما عرفناه

نحفظ جميل اللي تجمل علينا
واللي تردىَ موقفه ما حسبناه

النجم العالي

رد: اخترنا لكم
 

رفيق القسا ودك تراكا على مركاه
‏ورفيق الرخا ودك تراكا على كبده

.....