رد: فوق هام السحب ( الشعر الشعبي) على متن القوافي
 

‏يالله عسى من تركني ساعة الشدّه
تحده ظروف وقته لين ياتيني

حتى اني اعطيه مطلـوبه ولا اردّه
ويشوف فرق المراجل بينه وبيني

انا رفيقي على العسرات ما اهـدّه
ادرا رفيقـي مثل مدرا على عيـني

وانا رفيقي اذا شفت الزمن ضـدّه
اقـوم في واجبـه من قبـل يدعيني

...

رد: فوق هام السحب ( الشعر الشعبي) على متن القوافي
 

‏اشتاقت عيوني لها حزت النوم
وسرت بي الذكرى بقمة حنيني

في ليلة فيها نصيبي ومقسوم
افارق اللي ماتفارق اسنيني

اللي غلاها كل يوم ن ورى يوم
يكبر مثل مايكبر العمر فيني

...

رد: فوق هام السحب ( الشعر الشعبي) على متن القوافي
 

‌‎لبي العيون الي تبي حزه النوم
اصدق من اللي نكتبه بالرسايل

لغـه عجيـبه للقـلوب المواليف
مشـفّره فيها رمــوز ودلايـــل

...

رد: فوق هام السحب ( الشعر الشعبي) على متن القوافي
 

‏مو گل صدفه للبشر تجمع احباب
ولا كل فرصه في حياتـك سعيده

يمكن يكون احيان اغلاق الكتـاب
أفضل ترى من فتح صفحه جديده

...

رد: فوق هام السحب ( الشعر الشعبي) على متن القوافي
 

آتعمد صدتي عن وصل خلي
مال وصله بعد طول الهجر داعي

واشعر سيوف الوغى جوفي تسلي
من سبق جرب عذابي والتياعي

...

رد: فوق هام السحب ( الشعر الشعبي) على متن القوافي
 

اليوم احـس القلـــب سالي وطربان
واحس فرحـــه عارمـــه في خفوقي

قلبي نسى كامــل همومه والاحزان
ونسى جروحـه والوجـع والحروقي

يارب حمدي لك عدد قطر الامزان
يامن شرحت القلب داخل عموقي

...

رد: فوق هام السحب ( الشعر الشعبي) على متن القوافي
 

على كثر ما قال غيري وما قلت
بين العصور الماضية والجديده

بحثت عن اجمل قصيدة و حصّلت
اسمي على لسانك هو اجمل قصيده

...

رد: فوق هام السحب ( الشعر الشعبي) على متن القوافي
 

سود الليالي هينه لاتحـاتين
إذا على سود الليالي عوافي

يخوفك درب الشقى لا تخافين
لاصرت أنا ماني بموجود خافي

على هواك وسوي اللي تسوين
أنا بوجه الضيم وأنتي خلافي

...

رد: فوق هام السحب ( الشعر الشعبي) على متن القوافي
 

خايف من الليل من جـوه و عـبراته
خايف من الشوق وماثقل دمه وشعوره

خايف من شجون قلب ذاق سكراته
ومن ذكرى الايام بين الحـرف وسطوره

...

رد: فوق هام السحب ( الشعر الشعبي) على متن القوافي
 

قولوا لبعض العرب يمشي على وده
‏لكن مع الوقت لاينسى مواقفنا

‏حنا معه يوم عاد اللي معه ضده
‏واليوم كنه على الدنيا مايعرفنا

...