رد: اخترنا لكم شعر نبطي وفصيح
 

يا بنت انا عاقل ولاني بمجنون
بس الهوا يا بنت سوى سواته

منهو يلوم القلب في حب مزيون
ومنهو يرد القلب عن ذكرياته

.....

رد: اخترنا لكم شعر نبطي وفصيح
 

‏حنا فقدنا منهو أغلى من الروح
لكن عشنا عقبهم غصب عنا

هذي هي الدنيا مسرات وجروح
محـدٍ يحـقق كـل ماهــو تمنا

.....

رد: اخترنا لكم شعر نبطي وفصيح
 

‏الدفى ضمة وليفٍ مايخون
لا همس مشتاق لك ثم ضمني

ولا تجرّا قلت في قلبي يمون
وكل منهو لامني ماهمني

.....

رد: اخترنا لكم شعر نبطي وفصيح
 

إرسميني في ملامح طفل يتأمل حنينه
ما عرف يكتم شعوره من أمانيه الكبيره

وإكتبيني حرف شاعر ضاقت الدنيا بعينه
والأماني اللي رسمها شافها عقبك صغيره

يكفي حبك صار فرحة في تقاسيمي حزينة
تعكس أتعابي وتعكس روح بأسبابك أسيره

صرت زاهد في غرامك وآتلذذ بالسكينة
والغرام اللي بذلته صار لي زاد وحصيره

كلما أذكرك أسأل حزن قلبي كم سنينه
والعتاب اللي عيونه من جفا وصلك ضريره

يا عنى عاشق وفى لك وانتي خيّبتي ضنينه
صرتي عندي حلم طفل ٍ صاح من سقطه سريره

لا تعيدي نسج عذرك منه مليّت الغبينه
يا غلا قد تاه فيني قبلما أعرف مصيره

كنت احبك في زماني والزمن رحلة ثمينه
ما لقى في سوق قلبك لو بقايا من حريره

عنك بارحل يا غرام ٍ ينتظر ذيك السفينة
في صحاري الصد مهما رحلتي عنك مريره

اكتبيني حلم وامحي واقع ٍ عيا ترينه
دامها عيون الأماني مارضت تمسي قريرة

.....

رد: اخترنا لكم شعر نبطي وفصيح
 

مرت علي الليالي بين حزن وهموم
والروح بين الضلوع تشب شب الجمر

لا رد حـزني دموع ولا تقاطيع نوم
والسهد يامر على عيني وجفـني أمر

البس شقى الوقت كني لابس لي هدوم
وادوّر لضيق صدري وسط صدري ممر

.....

رد: اخترنا لكم شعر نبطي وفصيح
 

‏الصبر حكمه والامل يطرد الياس
والجد والاخلاص قيمة وشيمه

والعز هيبة والشرف يرفع الرأس
والكذب سلعة مالها أي قيمه

والبيت مايبنى على غير مقياس
لابد توضع لة قواعد سليمه

خذلك من الدنيا تجارب مع الناس
واسلك دروب اهل العقول الحكيمه

.....

رد: اخترنا لكم شعر نبطي وفصيح
 

اعذب الشعر في بحر الشعور اصدقه
بعض الامثال ما اقبلها ولا اطيقها

يسبق الوقت شعري لاوصلت اسبقه
في حسابات ضاعت عند توريقهـــا

محكمه ماتقول الحكم بالمطرقـــه
تطرق الناس ف الأحكام وتعيقها

يا سبيل المشاعر بادي الزبرقــــه
واضحه والزمن يُلزم بتعتيقهــا

ما اطلب الحظ مقسومي ولا استرزقه
عز من كفه اكرم من صناديقهــــا

وثق الصدق ياحرف الأدب وثقــه
واعكس النظره اللي غاب توثيقها

مافي الشخص بعد ايمانه الا الثقه
لا فقدها فقد نفسه وتصديقهـــا

من يقلد على درب الهدى محذقه
يشرب النار في موته من ابريقها

نفسي اللى إلى الميدان متشوقه
كم تلوم القصايد لاجل تطبيقها

يا هدى الله روحي فيك متعلقه
لو غوى نفسها يسعى لتضييقها

لو تصير القضايا حبل ف المشنقه
ماتنشّف عزوم ايامنا ريقهـــا

اطلق الصوت في وجه البغاه اطلقه
من يحب الحياه يعيش في ضيقها

حال الاعراب مسروقه ومستشرقه
يربح الغرب في أرضه بتسويقها

ليت للحس عين وللضمير احدقه
يحفظون الحقايق عند تحقيقهــا

خبر الواقع المرموق ما نعشقـــــه
والنفوس الكبيره مات في حيقها

.....

رد: اخترنا لكم شعر نبطي وفصيح
 

ما عاد له داعي تجيني ولا جيك
‏ما دام رحت وخاطرك طاب مني

‏يا صاحبي قلبي ترى اليوم ناسيك
‏خاب الرجا منك وخيبت ظني

‏غدرت قلبٍ كان بالحيل يغليك
‏غرّك كلامي العذب مع صغر سني

‏كنت أحسبك سيفي إذا ضقت أناديك
‏أثر البلا سيفي هو اللي طعني

.....

رد: اخترنا لكم شعر نبطي وفصيح
 

مابين صدري والمقابر علاقات
بالاسم والمعنى ودفن الضحيه

الفرق بن المقبره تحضن اموات
وانا دفنت اشياء بالصدر حيه

دفنت حبك عن هروج السخافات
ودفنت شوقي عن عيون البريه

ودفنت في صدري غرابيل واهات
واسرار نفسِ من زمنها شقيه

امنتك اللّه يا بعد راس الابيات
يا ملهم قافي صباح وعشيه

ان حل بي طاريك وقفت بسكات
وان زارني طيفك عطيته تحيه

من زود حبك ما حسبت المسافات
ومن زود شوقي ما تهم المنيه

مدري علام القلب يهواك بالذات
وعروق شوقه بارض حبك نديه

يمكن لانك كنت اول بدايات
حبه وانا مديت به لك هديه

.....

رد: اخترنا لكم شعر نبطي وفصيح
 

‏يا ليل انا لي عين ما تشكي وقلب ما يهاب
واكبر دليل اسهرك في ظلماك واسريك وحدي
‏
مرات اناظر فيك نظرات التشرّه والعتاب
ومرات اناظر فيك نظرات النشاما للردي
‏
صبرك علي يا ليل لا تقفي ولا تطوي الكتاب
الين ما حط الثريّا عقد فارقبة الجديّ
‏
ودوني اقرب طايره لو السفر قطعة عذاب
مدري على وين المهم اني من الارض اغدي
‏
ماني بحاجة بس ارد العقل وارد الصواب
احتاج لي فتره عشان ترد روحي لجسدي
‏
اظاهر اني واصل اول مرحله فـي الاكتئاب
ادوّر الجوال والجوال في راحة يدي

.....