رد: اخترنا لكم
 

لاصرت طيّب لاتهاب الضعيفين
لا بد ماتلقى ضعيفٍ يسبك

ليا تباغض واحدٍ لك او اثنين
يكفي مطاليق الجماعه تحبّك

.....

رد: اخترنا لكم
 

أثر الرياجيل تفرق بالمدا والعزوم
والطيب كايد وصكات المواقف محك

احدٍ على اتفه سبب ما عاد يقدر يقوم
واحدٍ لو تسكر الدنيا بوجهه ضحك

.....

رد: اخترنا لكم
 

الخلا عن زحمة الناس بوابة نجاه
يوم أشوف الذود والعين يبعد مدها

عاد شوف الذود حاجه توسع فالحياه
للصدور اللي من الوقت ماهو ودها

.....

رد: اخترنا لكم
 

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

......

رد: اخترنا لكم
 

لاشفت اسمك قلت يـاحي هالشوف
‏دقات قـلــبـي في ثواني تخالف

‏لا هو بمـن رهبه ولا هو بمـن خوف
‏فـرحـة وليف مــانســاه المـوالف

.....

رد: اخترنا لكم
 

‏تبعـد على عيني وباقـــي في القلب
وسط الخفوق اللي ذبحها التنهات

غالي ومايعلـم غلاتك سوى الرب
اللي زرع حبك معي داخـل الذات

مهما افترقنا يا حياتـي في الدرب
ذكرك مساير خافقي كل الاوقات

واتذكرك دايم ولاانساك يا حب
وطيفك بروحي مافرقني ولامات

.....

رد: اخترنا لكم
 

‏طبعـي على جبـــر الخواطــر تربيت
ودرب التواضــع والتفاهـم مساري

ماعمــــري اتخليــــت وإلا تغليت
ولا خذلــت انســان فــي انتظاري

وانا بفعل الطيــب دايــــم تعليت
وصنايع المعروف عنــدي ضماري

ولاجانــي الصاحــب اغثته ولبيت
وفعل الجمايـل في حياتي شعاري

.....

رد: اخترنا لكم
 

قالت بدا في خاطري شيٍ يجول
واخاف تزعّل يابن الاجواد منه

قلت الحكي لا صار لين ومعسول
مايجرّح العاشق ولا فيه منّه

قالت نويته واسكتت باخر القول
قلت الفراق وقالت الظاهر إنه

.....

رد: اخترنا لكم
 

بين الحنين ودلة العشق والتيه
شوقً يداري صدةً دون سبّه

من شحّ في صوته وطوّل تغلّيه
قولوا له لوضع الغرام يتنبّه

اخاف من يومً يجي فيه طاريه
وأصد صدة واحدً ما يحبه

.....

رد: اخترنا لكم
 

على ملامح جمالك ضاع ملح الكلام
معاد عندي كلام أقوله أو أكتبه

أحس صدري من التعبير فيه أزدحام
لله در الجمال اللي من الله هبه

.....

رد: اخترنا لكم
 

أدور على وصلك لو انك تحب تغيب
احامي عن الماضي وأحافظ على الباقي

اسولف معك في كل حاجه بلا ترتيب
كلامي حقيقي واشتياقي من أعماقي

.....

رد: اخترنا لكم
 

مـن يفـرح بفـرقـاك افــرح بفــرقـاه
ومن يبكـي لشـوفتـك امسـح دموعـه

اللي مـا يعـرف قيمتـك وانـت ويـاه
لا غـاب عنـك لا تحـرى رجـوعــه

.....

رد: اخترنا لكم
 

‏ياوقت ياشرهة جروح الصداقات
‏فيها تخاذل وإنحطاط وتحايـل

‏واللي جنيته من عظيم العلاقـات
‏صداع راس ودمعتين ورسايل

.....

رد: اخترنا لكم
 

فاقد اللي زود بعده مانقّص من غلاه
من يبشّرني بشوفه ويبشر بسعده

مابقى في ساحة البال من ذكرى لقاه
غير تلويحة وداعه وخذلان وعده

قلبي اللي عاش حلم المواصل في ذراه
خايف إنه من مهاده يوارى فلحده

.....

رد: اخترنا لكم
 

نخفي الوله وقلوبنا كلها شوق
وعيوننا تفضح غرام خفيناه

نكتب مشاعرنا تحت راية الذوق
والحرف من جوف الحنايا نزفناه

.....

رد: اخترنا لكم
 

إحتويتك في خفوقي همس محتاج لجواب
وارتضيتك حلم ليل وحرف بكفوف البريد

كل حرف من حروفك خالط إحساسي وذاب
عانقه نبضي وشوقي جاري مجرى الوريد

.....

رد: اخترنا لكم
 

أثر الجمايل في بطون المجانين
أخير منها في بطون الصحاحي

على الأقل لا أنكروا فعلك الزين
لك حق ماتشرّه على غير صاحي

.....

رد: اخترنا لكم
 

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

رد: اخترنا لكم
 

الزين من زانت معاني حكاياه
ما هو بمن زانت معالم رسومه

.....

رد: اخترنا لكم
 

استميل لعزلتي وأبعد ولا عندي سبايب
‏غير حبّي للهدوء اللي عن اللجة مبدّا

‏في مكان ٍ ما يمرّه غير ذعذاع الهبايب
‏كل ما يطرق ضلوعي قلت هذي وصفة الدّاء

‏الخلا الخالي حبيبي كان باقي لي حبايب
‏عقب خلّيت الحسايف من معاليقي تغدّا

‏خاطري سامح وقلبي عن جميع الناس طايب
‏أكثر اللي كان طيّب تالي أيامه تردّا

.....

رد: اخترنا لكم
 

البرد ما هو برد عرعر ولا الجوف
ولا تبوك الثلج وجبال حايل

البرد برد القلب في داخل الجوف
لا حال ما بين المحبين حايل

.....

رد: اخترنا لكم
 

ما يرجع الفايت كثير الحسوفات
‏ولا يحيي الميت عيونٌ بكت له

.....

رد: اخترنا لكم
 

رمتني بسهمٍ فكان السهم رنانا
‏فوطّيت راسي فمر السهم من هانا

‏إن العيون التي في طرفها حورٌ
‏ودت عيال الحمايل في خبر كانا

‏يا من هواه أعزه وأذلني
‏ما هو بحقٍ تولعنا وتنسانا

‏لا تحسبن المجد تمرا أنت اكله
‏لن تبلغ المجد حتى يجيك ما جانا
😂

رد: اخترنا لكم
 

أعز ما أملك في حياتي علوي
وأشد ما أكره بالحياة الدناوه

توي علي تنزيلة الراس توي
راسي عنيد ولا براسي فضاوة

ماهمني قطو بشارع يموي
ولو تمتلي كل الشوارع قطاوة

فرحان قيران

رد: اخترنا لكم
 

ريحه مثل ريح النفل في شعيبه
في خايعٍ علّه من الوسم تشعيب

ممطورٍ أمس وممسيٍ ما وطي به
واليوم شمس وفاح طيبٍ على طيب

.....

رد: اخترنا لكم
 

يا طول ما وسدت راسي كتادة
من خوفتي يعتاد لين الوسايد

فمن عود العين الرقاد تعودت
ومن عود العين المساري تعاود

راشد الخلاوي

رد: اخترنا لكم
 

والله ما أخلي الطيب وانكس على الردى
والأموال عارية والأعمار فانية

راشد الخلاوي

رد: اخترنا لكم
 

ودي أطلع في خلا نجد وأفك الزرار
وأصدح بصوتي وأغني على واحد اثنين

.....

رد: اخترنا لكم
 

والله لو تكفخ كما يكفخ الطير
‏نصيبك يصيبك ولا لك بديله

‏لو ياقفون الناس دونه طوابير
‏يجي لك المكتوب والا تجيله

‏سعد بن جدلان

رد: اخترنا لكم
 

كلش يهون إلا الكِبر والتغطراس
‏هذي هي اللي عاقبتها مخيفة

‏وأبغى أعرف ليش التكبر على الناس
‏وبدايتك نُطفة وتاليك جيفة

ظافر بن فرحان

رد: اخترنا لكم
 

يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

.....

رد: اخترنا لكم
 

من لا يكون بحوزته غير شاكوش
‏شاف الجماعه كلّبوهم مسامير

ناصر الفراعنة

رد: اخترنا لكم
 

أطى على نفسي برجلي وأهينها
ولا يهينها واحدٍ ما يعينها

أطى عليها من غلاها وعزها
يكفل لها التوفيق باقي سنينها

طاوعتها وقت مضى سافطٍ لها
وأثر دلال النفس لازم يهينها

علي أبو ماجد

رد: اخترنا لكم
 

فمان الله والعذر السمين أبلغ من التبرير
‏عفى الله عن خطايا اللي خطايانا على شانه
‏
‏فمان الله يالغصن اللّيان اللي هَجرك الطير
‏هذا طيرك يبلغك السلام بروس جنحانه

‏سمحت من المحبه وسامحني على التقصير
‏وصلنا آخر حدود العشره اللي مالها خانه

علي الدعيه

رد: اخترنا لكم
 

ماعندنا في القدس موقف حيادي
‏ القدس تبدا منّنا وْتنتهينا

‏وتبقى بلادي ثابته في المبادي
‏ولو حاولوا التشكيك منّا وفينا

.....

رد: اخترنا لكم
 

طويل عناني صقيل سناني
سليط لساني ملي الخزاين

شجاع منجى كريم محجى
أحل المسجى وأدل الدفاين

أفد المطايا وأصل السبايا
وأشق السرايا وأفك الرهاين

أنا ثمان السبع سبع العجايب
وعندي بدال المكينة مكاين

ناصر الفراعنة

رد: اخترنا لكم
 

عليت ياللي بالحشا طق الأوتاد
بالجنة العليا عسى لك مكاني

نزه عن الأدناس ما جاه نقّاد
يا نافلٍ جيله بكل المعاني

زيد الخشيم الخالدي

رد: اخترنا لكم
 

مهما يكن بين العرب من خلافات
‏جميعهم في ساعة الضيق واحد

‏يا غَزّة الإيمان صيحي في الأموات
‏لو ما يقوم من العرب غير واحد

ناصر الفراعنة

رد: اخترنا لكم
 

من التوافق بين الشعر النبطي والشعر الفصيح
هو قول الشاعر الكبير عبدالله بن نايف بن عون:

‏لا تبدي الشكوى ولو ضامك الشيل
‏إلا على رجل ً يحسّ بوجعها

‏وقول الشاعر الكبير كريم العراقي:

‏لا تشكُ للناسِ جُرحًا أنتَ صاحبه
‏لا يُؤلم الجرح إلا من به ألم

رد: اخترنا لكم
 

يجيني منه هيبة معزة سحى تقدير
‏أقابلْه عندي علم وأروح ما قلته

سعد بن جدلان رحمه الله