رد: فوق هام السحب ( الشعر الشعبي) على متن القوافي
 

بـعض الـبشر يكفــيك مـنه كلامه
فيه الأدب والطيب زايد والأخـلاق

يفرض على كـــل العباد احترامـه
حبه وقدره ينطبع وسط الأعماق

...

رد: فوق هام السحب ( الشعر الشعبي) على متن القوافي
 

‏أنا ماحب الكلام الزايد ونقله
‏الناس ماهي فبعض الناس مسئوله

‏وترا الذي فاهم وشبعان من عقله
‏ما كل شين يعرفه لازم يقوله

...

رد: فوق هام السحب ( الشعر الشعبي) على متن القوافي
 

‏لاجاتك الزله من اللي توده
‏فكر بحفظ الود واعرض عن الرد

‏واذا اعتذر عن زلته لا ترده
‏بحر العلاقه دايم الجزر والمد

‏حبل المواصل بين الاقراب مده
‏ارخه ليا شدوه واليا ارتخى شد

‏وإنس الخطا حتى تدوم الموده
‏من يذكر الهفوات ما يحفظ الود

...

رد: فوق هام السحب ( الشعر الشعبي) على متن القوافي
 

مثل الاميره من حواليها حرس
تمشي دلع ومن الترف متعاليه

ماكل خيال يروض له فرس
مهره اصيله من حلاها غاليه

...

رد: فوق هام السحب ( الشعر الشعبي) على متن القوافي
 

‏نقول للمقفي محلل ومسموح
‏حتى لو انه بـ بالنهايه خذلنا

‏من عادت الدنيا ابتسامات وجروح
‏حنا نعرف اطباعها ماجهلنا

‏اللي بيتركنا على الدرب ويروح
‏لايبتسم في وجهنا لا وصلنا

...

رد: فوق هام السحب ( الشعر الشعبي) على متن القوافي
 

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

...

رد: فوق هام السحب ( الشعر الشعبي) على متن القوافي
 

صحيح ماجتنا الليالي على الكيف
‏مره تجينا ثقال ومره خفافي

‏والحال مايحتاج نشده وتوصيف
‏ماكل يومٍ ينحسب لي عوافي

‏ظروفنا تشبه سحابٍ من الصيف
‏بعد المطر تهب صلف السوافي

‏واليا نشدنا من يحب السواليف
‏قلنا بخير ولا لحقنا خلافي

‏شيهانه السبيعي

رد: فوق هام السحب ( الشعر الشعبي) على متن القوافي
 

تشبهين الخيل في كل الوصوف
‏في شموخك في غرورك فارقه
‏
‏ لاحظرتي كل خلق الله وقوف
‏ مثل شمسن في سماها شارقه

...

رد: فوق هام السحب ( الشعر الشعبي) على متن القوافي
 

أن بغيت تعيش مرتاح الضمير
الحسد والحقد لا يطري عليك

وأن بغيت العز والمجد الكبير
طاعة الله ثم طاعة والديك

ذائقة

رد: فوق هام السحب ( الشعر الشعبي) على متن القوافي
 

لي الشـرف وازداد عزه ونوماس
‏بمتابعة كل اجودي واجوديه

‏متابعة الطيبين تاجٍ على الراس
‏وانتم متابعتكم لنا اكبر هديه

‏بقلمي