رد: فوق هام السحب ( الشعر الشعبي) على متن القوافي
 

‏هذا هو اللي بقى لك واخر اعذاري
وصلك معاد امدحه والهجر ما اذمه

اقفيت وانا الصبور الساكت الداري
ان سود الأيـام وانتم مالكـم ذمّه

...

رد: فوق هام السحب ( الشعر الشعبي) على متن القوافي
 

نستر عذاريبه وندمح خطاياه
‏ولا نبين عثرته وانحراجه

‏نصون رفقة راعي العز والجاه
‏ونطيب له تقدير ما هو لحاجه

...

رد: فوق هام السحب ( الشعر الشعبي) على متن القوافي
 

‏مـودته مابـين ذا الضـلع وآلضـلع
ومحـبته مـن دفـع اﻵشـواق تـرقا

عندي هو بالذات آلشوف وآلسمع
فـرقآه مـوت و شـوفته غيـم بـرقا

...

رد: فوق هام السحب ( الشعر الشعبي) على متن القوافي
 

‏سلام مني الفين كلن يسمعه
‏من بدو لا تقرأ ولا متعلمه

‏اما السياسه ماعرفنا شغلها
‏مانعرف الا كيف حالك سلمه

...

رد: فوق هام السحب ( الشعر الشعبي) على متن القوافي
 

‏شفت انا رجال ضايع قالب العمّة عقال
‏والطلق قاذف ميادينه وضارب موقعه

‏والغنايم نالها الفرسان ومحمد منال
‏كل يوم يهد طيرٍ والطيور مبرقعه

...

رد: فوق هام السحب ( الشعر الشعبي) على متن القوافي
 

‏المحبَه أنت وأنت الغير عادي
‏من عرفتك و المشاعر مستقرّه

‏يبتسم يومي و يطرب بك فؤادي
‏راحتي برضاك حلّت كل مُرّه

‏هاك قلبي وهاك عين وهاك غادي
‏دلّه لدربك وخذ خيره و شرّه

‏وش أبي بوجيه خلق الله و أنادي
‏وجهك الله خالقه طيب و مسرّه

...

رد: فوق هام السحب ( الشعر الشعبي) على متن القوافي
 

الصمت بوح لبعض حالات الانسان
يشــرح لـه أحزانه ويشــرح سروره

حتى ترى الشاعر وهو شاعر أحيان
يحتاج له شاعـــر يترجــم شعوره

...

رد: فوق هام السحب ( الشعر الشعبي) على متن القوافي
 

النفس لوعانَت مع الوقت تحتاج
تحتاج بعض الصبر ونقول لاباس

أثْر الزّمن ياصاحبي طب وعلاج
يخيط جرح ٍ مادروا عنّه الناس

...

رد: فوق هام السحب ( الشعر الشعبي) على متن القوافي
 

اقنع بحالك والظروف المحيطه
دام السعاده والرضا بالمقادير

بسيط وتحب الحياة البسيطه
خلك على هالقاعده وابشر بخير

...

رد: فوق هام السحب ( الشعر الشعبي) على متن القوافي
 

‏والله لو نتبع من الناس زلات
‏لاغير نبقى بالمجالس وّحدنا

‏لكن نصد ونحتفظ بالعلاقات
‏ونبقى على الخوّه ونوفي وعدنا

‏وصدورنا مثل الفجوج الوسيعات
‏وعن الدروب الغانمه ما ابتعدنا

...