رد: اخترنا لكم شعر نبطي وفصيح
 

مجاميع خلق الله على قصرك المعمور
تهافت على ثغرك وسلهامة اهدابك

وانا اللي تجاوزت الجموع وطمرت السور
عشان انهزم لرضاك وافوز باعجابك

مع انك ظلام احب اشوفك بصيص النور
ومع انك ضياع احب اوقف على بابك

غب ايام واسابيع وشهور تلو شهور
ولا تشرح ظروفك ولا تبدي اسبابك

فهد الحماد

رد: اخترنا لكم شعر نبطي وفصيح
 

انت ياللي ضحكتك كانت على احزاني تجود
‏وفعلها يضفي على الايّام لمسة حانية

‏وجهك اللي مابقى لي من تفاصيله وجود
‏راح عمري من ورا فقدانه إلّا ثانية

‏كان خفت أن فرصة العمر الوحيدة ما تعود
‏فأنا عندي لك فرص ما هو بفرصة ثانية

نوران

رد: اخترنا لكم شعر نبطي وفصيح
 

احبك كثر مامرت علي وكثر ما تنقال
‏ما حرك قلبي من اقصى ضلوعه لين قلتيها

.....

رد: اخترنا لكم شعر نبطي وفصيح
 

من قرا بيتين لي لا يعتقد بانّه قراني
ما لحرفي منتهى ومالي مثل حرفي نهايه

.....

رد: اخترنا لكم شعر نبطي وفصيح
 

ودي انه يوم قفا مقفي قبل اجيه
‏قبل لا ارخص دمع عيني وخطوات قدمي

‏ما ترك لي شيٍ اعلق امالي عليه
‏والندم ما عاد ينفع لو ابديت ندمي

‏ما عتذرت لسود الايام لو عذري وجيه
‏ عمريّ يا سود الايام فيني واهدمي

‏ويش عندك عقب يوم ٍ يموت الحب فيه
‏ويتساوى في عيونه وجودي واعدمي

بندر الدويش

رد: اخترنا لكم شعر نبطي وفصيح
 

هات من عذب السوالف ما تهيّا
ودي امسك صوتك بكفّي واحبّه

راشد النفيعي

رد: اخترنا لكم شعر نبطي وفصيح
 

لو ما انقرا عنها خبر فالجريده
‏أو ما بقى بعروق ضحكاتها دمّ

‏ودولابها مابه ثيابن جديده
‏وان مرّت الاعياد ما هي بتهتمّ

‏لكنها غير ومساها فقيـده
‏فقدي لصوت يصيح بي ياولد نَمّ

‏ايام كان الموت حاجه بعيده
‏والناس ناس بْقسمة الخبز والهمّ

‏ايام كنت اكتب واحسّ القصيده
‏حضن وحبيب وبيت واهْـل وبني عم

عاطف الحربي

رد: اخترنا لكم شعر نبطي وفصيح
 

أحبّ الليل وأنسَام الصَّباح وضحكة الأحباب
‏وأخاف الناس وسهوم الوَداع وكفّ بارِيها

.....

رد: اخترنا لكم شعر نبطي وفصيح
 

معي من وِين ما هبَّت عيونك للوداع أسباب
‏وَلكنَّي رفيق عيونك النجلاء وراعيْها

.....

رد: اخترنا لكم شعر نبطي وفصيح
 

بعض الأسامي تضيع وبعضها مهمله
‏فتّش عن اسمي يلوح لك وبعضه حطام

‏نسيتني ما نسيت الدين والمرجله
‏كأنها حالفه تبقى معك للختام

.....