رد: فوق هام السحب ( الشعر الشعبي) على متن القوافي
 

اسقيتك العذب من طيبي وفنجالي
واسقيتني مر من غدرك وفنجالك

همي لحالك وما هميت انا حالي
وانت عايش وهمك بس في حالك

ياغبن قلبي تحاول تقطع اوصالي
وانا الحريص الذي مايقطع اوصالك

مشكور يامن حسبتك راسي ومالي
واسال من الله ربي يسعد احوالك

خلاص قلبي قنع منك وانا سالي
حلفت بالله مارثى لك ولا اجاملك

...

رد: فوق هام السحب ( الشعر الشعبي) على متن القوافي
 

‏ليت الغرابيل جتني من عدوٍ لي
‏اما تقاضيت ولا بيتقاضى لي

‏لكن من واحدٍ ذكرة غناةٍ لي
‏ولا زلت احبه وبا احبه ولا بالي

‏لا مر طـرّق بـخـدراتـه ســلام لّي
‏كـنه يـسـلّـم علي ابصوته الـعالي

‏خلوني اسج عن موضوعه احسن لي
‏والا الغلا والله إن يبطي وهو غالي

سعد بن جدلان رحمه الله

رد: فوق هام السحب ( الشعر الشعبي) على متن القوافي
 

اذا يضيع الدرب ما ضاع ممشاي
‏صدري سما لـ الضيق كله رحابه

‏انا الذي عايش مراسيم مثواي
‏الحزن و يا الفرح عندي تشابه

‏ملح العيون يعانده سكر الشاي
‏والاسئله ذابت بـ حضن الاجابه

الـغـانـمــي

رد: فوق هام السحب ( الشعر الشعبي) على متن القوافي
 

‏في داخلي ونة وفي داخلي شوق
‏ومشاعري بين الحنايا سجينه

‏واسج بافكاري على كل طاروق
‏وابكي على لحظات بيني وبينه

‏انا اشهد انه حط في قلبي حروق
‏وانا اشهد ان الوقت عقبه ياشينه

الـغـانـمــي

رد: فوق هام السحب ( الشعر الشعبي) على متن القوافي
 

تمر البال مع طارف قصيدي واحبسك بغنـاي
‏عن جياع القلوب وشرهة العذال والعاده

‏واسولف بك على قلبٍ يهوجـس بك بـلـيا راي
‏تفاوت بـك ظنون اللي عـجـز لا يـلحق مـــراده

‏فمان الماضيات وكل ضحكاتي وانا النسـاي
‏على بُــعد الطريق اللي خذلنـا دون ميعاده

الـغـانـمــي

رد: فوق هام السحب ( الشعر الشعبي) على متن القوافي
 

عندما تستطيع أن تتخلص من أنانيتك
ستعرف وقتها
كم كنت تعذب روحك

جلال الدين الرومي

رد: فوق هام السحب ( الشعر الشعبي) على متن القوافي
 

‏تدري وش اللي تعتبرها غريبه
إذا فقدت انسان غالي وهو حي

وتدري وش اللي تعتبرها مصيبه
إنك تضحي والمقابل ولاشي

...

رد: فوق هام السحب ( الشعر الشعبي) على متن القوافي
 

وجودي وجود اللي يداري له ام حوار
يبي الرزق منها يوم دنيا الفنا عيّت

سبرها مع الجهمة قبل لايشب النار
ولقاها ترص الشبك وحوارها ميّت

...

رد: فوق هام السحب ( الشعر الشعبي) على متن القوافي
 

على كثر ماشريط الذاكرة يطوى
مافيه وجهٍ ثبت في الذاكرة كثرك
سعد الحريص

قعدت اهلّ الدمع مثل الهماليل
أبكي على ذيك الليالي الجميله
عبدالله بن شايق

يحزّني أقول من بعد الغياب الطويل
مافيه ذكرى قدرت انسى تفاصيلها
العنود الواصليه

رد: فوق هام السحب ( الشعر الشعبي) على متن القوافي
 

‏اضحك ترا الدنيا لها ايام وتروح
لاتشيل هم الوقت من فوق راسك

ومن زعلك قل له تراك انت مسموح
سَامح مادام ان العفو من صفاتك

...