رد: فوق هام السحب ( الشعر الشعبي) على متن القوافي
 

‏اهلا مساء الورد ياطيف خلي
يامرحبا والشوق دايم يناديك

يشوقني شوفك وارحب وهلي
ألا مساء الحب ياحي طاريك

اقرب تفضل فالحشا لك محلي
في مجلس الأشواق الله يحييك

...

رد: فوق هام السحب ( الشعر الشعبي) على متن القوافي
 

الى ارهت يمينك بالجمايل على المحتاج
بعد ما الله اعطاك وبعد زانت ظروفك

لاتنظر له انك غير وانسى وخلك ساج
اوصيك وانا خابرن ماهي تطوفك

تدور الدواير بين عبره و ضحك حجاج
لكن انتبه حتى والى كثرت صدوفك

تحد الرفيق اللي نفعته على الاحراج
وهو يمكن انه عاسره رد معروفك

...

رد: فوق هام السحب ( الشعر الشعبي) على متن القوافي
 

‏تجوّد بي ولاترخي يدينك لـ بعاد الاقدار
‏انا بـ وجهك من صكات الليالي بما فيها

‏ابي اتباها بك واقول اني عرفت اختار
‏وليفٍ إليا جاته الزله يدمحها ويعديها

...

رد: فوق هام السحب ( الشعر الشعبي) على متن القوافي
 

بنت الدلع بنت الغنج بنت الدلال
عضت شفايفها وسوت حبتين

اسج رجلي من يمين ومن شمال
حسبي عليها ما عرفت أروح وين

...

رد: فوق هام السحب ( الشعر الشعبي) على متن القوافي
 

‏لاتنادي المقفي خل قلبك قوي
‏ادع له بالسلامه وادع له بالهنا

‏مايزيد المواجع غير غدر الحبيب
‏ومايجر المدامع غير فرقا الظنا

...

رد: فوق هام السحب ( الشعر الشعبي) على متن القوافي
 

‏لو بأعتذر للوقت مافاد عذري
‏‌ادور الغلطه وأصافح أيديها
‏‌
‏‌ولو ترجع الايام واعيد عمري
‏‌بعض الأوادم ما اتعرف عليها

...

رد: فوق هام السحب ( الشعر الشعبي) على متن القوافي
 

‏نصيحه....

امنح الرد لمن يستحق
‏وليس لكل من يتكلم
‏وأمنح الكلام لمن يفهم
‏وليس لكل من يسمـع
‏وأمنح الحــــــــب
‏لمن يمنحك قلبة

بقلمي
...

رد: فوق هام السحب ( الشعر الشعبي) على متن القوافي
 

‏كم غايب ماغاب ذكره عن البال
‏وكم حاضر يشبه حضوره غيابه

‏ماكل من يبعد عن العين ننساه
‏بعض البشر طيبه يعوض مكانه

...

رد: فوق هام السحب ( الشعر الشعبي) على متن القوافي
 

السعودية تساند فلسطين 🇸🇦

صبرا جميل وهوني يافلسطين
الكل يدعيلك ويرفع يدينه

بس اصبري لك وقت وانتي تشوفين
بالله وثم الي يقود السفينه

جا لك عديم يشتغلك من سنين
لو ان بعض ربوعكم جاحدينه

جا لك من العارض يرف الجناحين
حرٍ نشوف العز في ناظرينه

اي والله محمد حفيد السلاطين
محمد الي كلنا عند عينه

عبدالكريم الجباري

رد: فوق هام السحب ( الشعر الشعبي) على متن القوافي
 

عزّت علي نفسي ونفسي عزيزه !
‏ماهيب ترضى موقف الذل والهون

‏الله خلق فيها الكرامه غريزه
‏ياكون في راس الهرم والّا ماكون
‏

سعد علوش