رد: فوق هام السحب ( الشعر الشعبي) على متن القوافي
 

‏ناديت لك مــن بين الايام ويـــن انت
محتاج أفضفض لك حديث المحاني

تعال وابعدنـــي من الحــزن لاهنت
ماغيـــرك انـت اللي يلطـــف زماني

ياحب ضايـق خاطـري وانت مابنت
وشوفــك علاجــي لو مجــرد ثواني

يامــن بعشقك وسـط قلبي تمكنت
ومحبتـــك حلــت بداخـــل كياني

....

رد: فوق هام السحب ( الشعر الشعبي) على متن القوافي
 

‏الصـبــر يا قلبـــي على مُـــر الايام
لاتنطـــوي ياقلــب خليـــك رايق

مَنتة لحالك في همومك والاوهام
كم يابشر قلبـه مـن الحال ضايق

ياقلب هذا الوقت صابك بالاسقام
وحمــلك احمــال مَنتـه بِطـايق

لاكــن عسى بالصبـر تنزاح الآلام
وتنزاح من دربك جميـع العوايق

....

رد: فوق هام السحب ( الشعر الشعبي) على متن القوافي
 

‏انا معـــي قلب طيـب لاكـــن اتعبني
وطيبتــي للبشـــــر زادت في اتعابي

اوفي مع الناس بـس الناس تخدعني
واكثر اكسار قلبـــــي من بلا اقرابي

كم يا متاعب فـــي اعماقي تعذبني
من جور طعنات اعز الناس واحبابي

وياكم جروحن بوسط الروح تحرقني
كانوا سببها رفاق العمــر واصحابي

....

رد: فوق هام السحب ( الشعر الشعبي) على متن القوافي
 

‏القلــب لك مفتــوح يا مرحـبا فيك
اسكن بقلبي واحســب البيت بيتك

مادام قلبـــي عشقك الله محييك
القلب لك مفتــوح لجـلك فديتك

اقسم برب البيـت اعـزك واغليك
واهواك من لحظات مانا ألتقيتك

وحبيت قربك لي وحبيت طاريك
وسلبت عقلــي من مجـرد رأيتك

رد: فوق هام السحب ( الشعر الشعبي) على متن القوافي
 

‏قلبي بلانــي في هــوى شخص دلوع
فيـه الدلـع من ساق ساســه لراسه

غنــوج فيــه الغنـج ثابـت ومطبوع
وعناد دايـــم ووسـط راسـه يباسه

لاكن احبــه واعشقـه عشق ممنوع
واعشـق غــروره والدلـع والغلاسه

وعشقةتمكن وسط قلبي والاضلوع
عشقـن مـن الاعمـاق لاخـر قياسه

....

رد: فوق هام السحب ( الشعر الشعبي) على متن القوافي
 

خذينا مع اهل المرجله نجمتين وتاج
وكسبنا وســـام الطيب والعز منهجنا

نعز الرفيق ونكـرم الضيف والمحتاج
ولا نرخص النفس العزيزه ليا احتجنا

....

رد: فوق هام السحب ( الشعر الشعبي) على متن القوافي
 

‏العين سد العين والصاع ب الصاع
لايرهبك عوي السباع المجيعه

الذيب ماياكل من الجيف لو جاع
شبحه بعيد وعظم ساقه سريعه

....

رد: فوق هام السحب ( الشعر الشعبي) على متن القوافي
 

عرفت كيف اليوم يفرق عن الامس
‏وخذيــت عــن بعد المــحبين فكــره

‏ي ليت غيبتهم مثل غيبت الشمس
‏اللي تغيب اليوم وتبين بكــره

....

رد: فوق هام السحب ( الشعر الشعبي) على متن القوافي
 

‏لاتجبر الناس فـي رايك اذا قلته
‏الدرب يمشي عليه الـدال والتايه

‏أن أيدوك العـرب فكرك ووصلته
‏وأن عارضوك العرب كلٍ وله رايه

....

رد: فوق هام السحب ( الشعر الشعبي) على متن القوافي
 

‏عيني عليك اضحت من الشوف عميا
ماعاد تشــوف من المخاليق إلا انت

خليتها من باطـــل الشــــوق ضميا
واحرقتها من كثـــر تنشد عليك انت

غايــــــب عليها ايـام ما قلــت حيا
واحرمتهــا شوفـــك اسابيع مابنت

....