|
رد: فوق هام السحب ( الشعر الشعبي) على متن القوافي
يقـول الفتـى ذيــاب بــن غـانـم
والنـار مـن جـوّ الضلـوع شجونهـا يا امير حسـن لـولا ذيـاب بـن غانـم غدا ضعنكم بحـرب الزناتـي رهونهـا ولمـا قتلـت الهيدبـي وأنـت شاهـد وأبو زيـد حاضـر كيفكـم تنكرونهـا طعنتـه رميتـه والقنـا يقـرع القـنـا بيـض العـذارى شاخصـاتٍ عيونهـا وملكتـم نـجـد العـذيّـه وراضـهـا وقفـت بهـا بيـض العـذارى فتونهـا تكاونـت أنــا والزنـاتـي خليـفـه وما تعـلـم الأرواح من ـهـو زبونـهـا وقد راحت الخضرا وشتـت بهـا النيـا ومن طول عمري من عدا الوقت اصونها وجاؤونـي بـنـي هــلال وعـامـر وجاؤونـي بنـات هــلال ينبونـهـا وجابـوا*القمـاش الحريـر الغـالـي وجابـوا لـي الخـضـراء يكفنـونـهـا حفرت لهـا بـالأرض قامـه ومثلهـا خايـف وحـوش البـر لا ينهشونـهـا أن مــت بالله ادفنـونـي بجنـبـهـا في وسـط روضـه موضـعٍ يدفنونهـا عسـى نلتقـي يـوم القيامـه جميـعـا وأقبـل الخضـرا ومـسـح عيونـهـا ذياب بن غانم |
رد: فوق هام السحب ( الشعر الشعبي) على متن القوافي
يقول الفتـى الزعبـي ذيـاب بـن غانـم
لي راي اقسى مـن حديـد المبـارد ولي حربة سميتها (سـم ساعـه) اعـــرض بـهــا فـالـكـون مــــا كــايــد حـنــا بلـيـنـا فـالـخـلا بـالــف فـــارس وحـــنـــا ثــلاثــيـــن ولا زاد زايـــــــد اهـل عشـر مـنـا تــدب الخـيـل بالقـنـا كــز لـيـا شــروا هـشـيـم الـوقـايـد ابا زيد من ايمنهـم وانـا مـن شمالهـم كمـا النـار لا شبـت ببعـض الحصـايـد واهل عشر منـا هملـوا روس خيلهـم واهـل عشـر مـنـا موكـديـن الشهـايـد ينخـون خـيـال بـهـم مــا عرفـتـه يقـولـون يــا وهــق يــا ابــا الـعـوايـد ضربني وهق وانـا مشيـح لغيـره وليا الدرع غاد فوق متني بجايـد ضربني برمح تسعة ابواع طوله وقنطـاره اللـي مـن ورى البـاع زايــد سديـتـه بسـمـاي وثـوبـي ومشـلـحـي ايـضــا ولا ســــده جـمـيــع الـسـدايــد ولكن طاحت الدهما وانا طحت فوقه ايـا طيحـة مــا هــي لـنـا بالعـوايـد ولكـن قـامـت ا لدهـمـا تـومـي بعـدتـه وانـا كمـا شـن علـى القـاع بـايـد وانـا رفعـت الـراس مـن بـعـد ســدره لـيـا الخـيـل يدبـهـا ســرور بــن قـايـد علـى سـرج قـبـا عـنـدل بـنـت عـنـدل مرفـوعـة الـذرعـان مــن خـيـل قـايـد قل عشـت يـا قـرم ثنـا دون ربعـه بيـوم بــه المسـنـاد والــرد كـايـد حنـا عصافيـر وابـا زيــد ســدره نـلـوذ بـــه عـــن مـرهـفـات الـحـدايـد ذياب بن غانم |
رد: فوق هام السحب ( الشعر الشعبي) على متن القوافي
الموت تالي العمر والدنيا مقيل
والآخرة هي منتهانا لا محال وديني وحب الناس والخلق النبيل ثلاث هي دربي إلى حسن المئال الله يقدرني على رد الجميل والله يجملني إلا جالي مجال محمد بن فطيس |
رد: فوق هام السحب ( الشعر الشعبي) على متن القوافي
بعد الوصل صارت قليله مساعيك
والـــروح صـارت ضـيقه و مغبونه مانــيب والله ياول الحب ناسيك حـــتى لــو ان البعد تجرح طعونه أغلــيك بحضورك و بغيابك أغليك حـــبك بقلـبي يشـهد الله لصونه ...... |
رد: فوق هام السحب ( الشعر الشعبي) على متن القوافي
سبح* ، وهلل ، واذكر الله ، دقايق
ما اظن تاخذ وقت ي مضيع الوقت واطلب جليل المُلك لا صرت ضايق عساه يفرج ضيقتك كل ما ضقت |
رد: فوق هام السحب ( الشعر الشعبي) على متن القوافي
بـعضالأوادم لـو تعمل له المستحيل
مـا يعترف بك ويحسب بإنك تجامله والبعض من طيبته ماله شبيه ومثيل تـشوف فـيه الـوفا يـوم إنـك تعامله ...... |
رد: فوق هام السحب ( الشعر الشعبي) على متن القوافي
يالله بدعوه صادقه من ظهر غيب
مـــن و احـــدٍ محبــته لـك من الله تفتح لك ابواب السماء والدواليب و تظلك بـــيوم الحشـــر تحت ظله دعـــوة محبن ما وراهـــا مكاسيب من قلب مؤمن لاخطا أستغفر الله ...... |
رد: فوق هام السحب ( الشعر الشعبي) على متن القوافي
محتريك وكل نبض ن بي يبيك
محتريك ولهفتي والشوق نار ابتلا قلبي عسی الله يبتليك في غلاي ولاني بطلاب ثار بس ابيك تحس روحن ترتجيك وتدري ان المبتلی ماله خيار |
رد: فوق هام السحب ( الشعر الشعبي) على متن القوافي
عليك روحي يباس وخافقي جاعي
ويشكي معاليك عن علة سبب جوعه يانور الاعيان ودي شوفك سراعي من قبل روحي بغيابك يلحقه لوعه وشلي بها لناس دام القلب بضلاعي والقلب ماهو عليك اليوم مرجوعه ...... |
رد: فوق هام السحب ( الشعر الشعبي) على متن القوافي
محلى المساء اليا اجتمع مع عيونك
كنــه بيكتــب مـن جمـالك دواوين وكنه غفى ليل السحــر في جفونك وكن القمر ياخذ رســـومـك عناوين ...... |
رد: فوق هام السحب ( الشعر الشعبي) على متن القوافي
اشتقتلك و انا علي البعد مجبوور
ودي اغمض و افتح العين و القاك ارسلتلك شوقي عصافير وطيور وش حيلت الي يرتجي لمس يمناك ...... |
رد: فوق هام السحب ( الشعر الشعبي) على متن القوافي
بنــــت الترف والعز والجاه والمال
كشخاتها هـــزت ملــوك وسلاطين ما جابها التاريخ اسطـــــورة اجيال شيخة عرب من صلب قومن عزيزين ...... |
رد: فوق هام السحب ( الشعر الشعبي) على متن القوافي
نمسي على حال ونصبح على حال
يوم لنا واليوم الاخر علينا يومِ سلى خاطر ؟ ويوم غثا بال طبع الزمان وحكمة الله فينا ...... |
رد: فوق هام السحب ( الشعر الشعبي) على متن القوافي
عطني حنانك وانا بعطيك روحي
يللي ملكت الذوق والشوق كله ما غيركم ينفع لتشفى جروحي بلسمك يشفي القلب من كل عله تكفى عليك الله لتزيد نوحي مشتاق وصلك موت يعيون خله ...... |
رد: فوق هام السحب ( الشعر الشعبي) على متن القوافي
سـلام مثل الغيث تحيا بـه القاع
يحيي قلوبن مـا تـحـب القطيعه قـلـوب تربطها الاخـوه بالاجماع تتبادل المعروف فـوق الوسيعه ...... |
رد: فوق هام السحب ( الشعر الشعبي) على متن القوافي
ي مسى فيه خير وريح مسك وريح كادي
يبتدي بك يا معرضني على بدع القصايد شاعرٍن لجلك بهيم بكل درب وكل وادي لين ما اجيب البيوت النادرات إمن الفرايد ...... |
رد: فوق هام السحب ( الشعر الشعبي) على متن القوافي
إسكن تفاصيل المساء لاعدمتك
واجتاح قلبٍ خافقه بك ينادي ياحلو نظراتك الي من زهمتك تشرح معاليقي وتبري فؤادي ...... |
رد: فوق هام السحب ( الشعر الشعبي) على متن القوافي
أضحك وأسولف وآتواصل مع الناس
والناس ما تـدري عن اللي بصـدري وأخفي حزن قلبي ولا أبيّن إحسـاس خـايف عيون الناس بالضيــق تـدري بغيت افض الصمت هوجاس هوجاس ثم قلت ياصدري على البـوح بـدري ...... |
رد: فوق هام السحب ( الشعر الشعبي) على متن القوافي
عيني بعينك و العتب بين قلبين
خلها تبوح بما تحسه من الشوق ترا المعاتب سحر بين المحبين يلهب مشاعر بين عاشق ومعشوق وتبقى لنا دنيا السعاده عناوين نترك* شرور النفس يا قمة الذوق ...... |
رد: فوق هام السحب ( الشعر الشعبي) على متن القوافي
ياشوق يدي لو تلامس ...اياديك
تسرق من اكفوفك حكاية عطرها يالمختلف حتى في روعة مباديك مثل السماء تفرق بطلّة .. قمرها ومثل البحر لانام ماه .. بموانيك يفز موجه من غلاك .... وغمرها ...... |
رد: فوق هام السحب ( الشعر الشعبي) على متن القوافي
كل ماتعديت من عندك وانا رايح
يجذبني الشوق يمك وانت ماتدري يابعد روح الغلاء قلبي معك طايح احس نبضات عشقك ترجف بصدري لاتلوم قلب العنى يومه معك رايح ولد الاصل عشقه مانزل بقدري ...... |
رد: فوق هام السحب ( الشعر الشعبي) على متن القوافي
لا تلومين المشاعـر يوم فاضت فيني
شاعرك يلعـب بقافه لعبه بمسباحه العـرب يا نـور عيـني كلهـم غـاديني جعلهم فـدوة عيـون بفعلها ذباحـه لو تناديني و انا مبعد اجي من حيني لو أغوص البحر و الا اقطعه بسباحه ...... |
رد: فوق هام السحب ( الشعر الشعبي) على متن القوافي
انــا لــو قـلـت دوري يـالـجبال الـراسـيه دارت
انا من دق خصمه دق على خشمه في النبوت انـــا مـــن دك حــيـد الــعـر لـمـا قـوتـه خــارت انــا الـبـاهوت والـرازم عـلى الـشعار لـما مـوت انــا وحــدي مـن اتـصدى لـمن كـلماتهم بـارت يـضنوا قـوة الـشاعر فـي السبه ورفع الصوت خـساره قـال اخـو خالد كيف اخلاقهم صارت بــلا وازع تــرى هـلـفوت جـهراً يـدعمه هـلفوت قـسـم بالله لــو لا الـعيب مـا كـلماتي احـتارت وبـجعل مـعظم الـشعار في الدنيا عشاء للحوت ...... |
رد: فوق هام السحب ( الشعر الشعبي) على متن القوافي
من توكل علا رب السماء
واقتنع كان حسبه والوكيل قد تكون النتيجه مثلما كان يكتال حبه من يكيل بلغو كل من صابه عمى بيننا يا ذره يوم المكيل ...... |
رد: فوق هام السحب ( الشعر الشعبي) على متن القوافي
و أحسّك لذة الضحكة بعد تنهيد
و أحسّك حلم ما يوقف على رقادي معاك اصبحت مغرورة و شيخة غيد و معاي أصبحت متسيّد و متمادي ...... |
رد: فوق هام السحب ( الشعر الشعبي) على متن القوافي
مكتفي با اللي يجي منك من باب الوصال
إن عجزت تسوي الصعب ، سوّ المفترض أرسل .. إن عيّت عليك الظروف الاتصال الرسايل بعض الاحيان .. توفي بـ الغرض عبدالله السراهيد |
رد: فوق هام السحب ( الشعر الشعبي) على متن القوافي
عين الردي يقصر نظرها من الطيب
لو كان ، شوفه شوف زرقاء اليمامه يغويه شور قريّبين ، المحااضيـب ويعميه من كسب الجميل الرخامه ...... |
رد: فوق هام السحب ( الشعر الشعبي) على متن القوافي
أنا وأنت جعل الله ماياخذ حدٍ من حّد
نعيش الحياه وندري أن العمر فاني على رغم من بُعد المسافه وبُعد الجَد لكن مالاحدٍ منا غناةٍ عن الثاني ...... |
رد: فوق هام السحب ( الشعر الشعبي) على متن القوافي
عشان ما أملك معَ غيرك احساس
مصيري إللّي فيك.. ماهو مخيَّـر تتغيّر الدنيا.. وتتغيّـر الناس إلا أنت وحدك ما أبيك أتغيّر ...... |
رد: فوق هام السحب ( الشعر الشعبي) على متن القوافي
بعض البشر متلبس بـ جلد أفعى
يوم معك .. واليوم الآخر نقيضة الأخيار حتى لو بـ تُدفن وتُنعى ودك تسجلهم على أكبر عريضة وتقول : ذولا اللي بـ صكات بقعى منهو نصاهم! .. والله إنه حظيظة ناس تعذرب فعل الأخيار تُدعى يا أماً مريضة ، يا أما أنها مريضة سلمان بن خالد |
رد: فوق هام السحب ( الشعر الشعبي) على متن القوافي
شيمة الانسان ميزان .. اعتداله وانحرافه
تنذره ، لا شافت الاوضاع ما هي مستتبه إن عجزت إنك ترد النفس عن شيٍ تعافه ماقدرت تحط نفسك فالمكان اللي تحبه ...... |
رد: فوق هام السحب ( الشعر الشعبي) على متن القوافي
أنصحك لاتبكي على واحدن راح
لو كان همه فيك ماراح عنك دام الفراق أختار ياصاحبي طاح مادام وده فرقتك ويش همك دوم أبتسم وفرح ولوداخلك اح كم ناس قبله خيبت فيك ضنك ..... |
رد: فوق هام السحب ( الشعر الشعبي) على متن القوافي
القبول من الله ليا من وهبك ابركته
لـ الصدور اقفال يفتحهاا عطا رباني يمكن انك تسمع من اثنين نفس النكته تضحك من الاول ولا تضحك من الثاني ...... |
رد: فوق هام السحب ( الشعر الشعبي) على متن القوافي
اغنم شبابك قبل تفنى تواليه
ماينفعك لاشبت كثر الندامه من لاكسب صيته على أول خطاويه ماهو بكاسبها ليوم القيامه وإعلم ترى الإناء ينضح بما فيه إن طاب … طاب وجنبته الملامه ...... |
رد: فوق هام السحب ( الشعر الشعبي) على متن القوافي
وين أنت رايـح وقلبـي فيك متعلق
ما تدري انه بدونك يعتبر عاجز صحيح قلبي جبـل ما جـاه متسلق الا أنت مثل العلــــــم في قمته راكز ...... |
رد: فوق هام السحب ( الشعر الشعبي) على متن القوافي
حبيت شخصك وانا ما احب بالساهل
قسمه والانسان .. مايدري بمصلوحه اي والله اني احبك وانت ( تستاهل ) يا اغلا من عيون من حبك ومن روحه ...... |
رد: فوق هام السحب ( الشعر الشعبي) على متن القوافي
انت حتى لو معي ظالم وجاير
راح اطوف كل زله واتغاضى وان زعلنا من بعضنا ما انت طاير بنتواجه ..وانتعاتب .. ونتراضى ...... |
رد: فوق هام السحب ( الشعر الشعبي) على متن القوافي
عليك من سخط الملامح رحمه
وعليك من كثر التباهي قله كل الوجيه الله يديم النعمه بس وجهك اللي لا إله الا الله ...... |
رد: فوق هام السحب ( الشعر الشعبي) على متن القوافي
كلامها ما تفصحه ، ولسانها تشره عليه
تثني حروف الجر في فمها ، وتثني عودها ما تنطق الحرف الهجائي لين تلعن والديه كنه يقول اليا طلع ، والله ما عاد أعودها ...... |
رد: فوق هام السحب ( الشعر الشعبي) على متن القوافي
تعاملك خلـه عـلى قـد الـعـقول
ترا عـقـول الـنـاس ماخلقت سوا احذر من الطلعات واحذر بالنزول والصمت يدفـع شـر والحكمة دوا ...... |
| الساعة الآن 09:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية