رد: اخترنا لكم
 

الحياه المستقره والأمور المستتبه
‏والله إنها تغني من أحلام وآمال وأماني

.....

رد: اخترنا لكم
 

يا حن قلبي حنة الجمس بثنين
ويا حنتي حنة خلوجٍ حنونه

على الذي صافي معي له زمانين
ازروا مقلبة الحكا يدركونه

لا شك حالت دون خلي نفودين
ولو حال دونه دولةٍ ما نخونه

الولف حنت له قلوب البعارين
والناس غايب ربعهم يفقدونه


طالع بن صايل القطش الحربي

رد: اخترنا لكم
 

ما يموت الود لو مات الكلام
لك مكان وذكريات ولك شعور

منت عابر في حياتي والسلام
أنت حتى في غيابك لك شعور

.....

رد: اخترنا لكم
 

أنا لو ضاعت الدنيا وراي وزادت الأتعاب
أجي كأنّي صباحٍ كل هالعالم تهذري به

.....

رد: اخترنا لكم
 

‏في غير وجهك مابقى للحلا صيت
أمي خذت من كل أنثى حلاها

ومن طيبها لو هي توزع وياليت
كل العرب تطهر ويفنى رداها

وفي قلبها ما الله عطى للحسد بيت
تغفر عن الزل وتنسى شقاها

ولا جابها الطاري فخرت وتعزويت
‏حبيبتي جعل الخلايق فداها

.....

رد: اخترنا لكم
 

ما عاد نبي ورد يا بايع الورد
اللي يحب الورد عيا يجينا

يا ليتنا في هالزمن نشبه البرد
حتى يحسون المخاليق فينا

.....

رد: اخترنا لكم
 

‏أسال عليك المسا وأقول وينك
وروحي وعينى بالغلا يسألونك

مرسال حب الأمس بيني وبينك
والشوق ياخذني لمرسى عيونك

إنت الوفي لأن الوفى في يمينك
ومن عادة الوافي أبد مايخونك

.....

رد: اخترنا لكم
 

لوالمشاعر ماتجي غير بالصوت
ناديت لك بالصوت زايد حنيني

واقول احبك حيل وافداك للموت
وطيبك يولع نار الاشواق فيني

بس المحبة شي اكبر من الصوت
والاشواق اكبر من كتابة يديني

.....

رد: اخترنا لكم
 

واليا حكو فينا الرخوم المهابيل
اهل النمايـم واليديـن البـخيلـه

صم الجبال تعدل الروس تعديل
هذا جزاء اللـي فيه لفه وميلـه

.....

رد: اخترنا لكم
 

تنبت على كفوف الكريم السنابل
‏وتموت في كف الردي مدّة الطيب

.....

رد: اخترنا لكم
 

الجو رايق والهوى فيه نسناس
‏والغيم متجمع بـوسط السما فوق

‏يالله ترحم ميت الارض والناس
‏وتشفي قلوبٍ مسها الضيق والعوق

آمين

رد: اخترنا لكم
 

لا تنزعج وإن عذربوك القريبين
نصيحةٍ قد قالها راس شايب

تجيك مدحة من رجالٍ بعيدين
تغنيك عن جملة حروف القرايب

.....

رد: اخترنا لكم
 

بعض الرسايل مالها اليوم داعي
محرمه ماهي على نهج الإسلام

لون راعيها حكيم وواعي
ماراح ينشرها لنا عبر الاعلام

.....

رد: اخترنا لكم
 

‏ماكل من يسعئ ورا الصيت ناله
‏ليت المراجل بالقصايد والاشعار

‏الرجل صدق بسمعته وبخصاله
‏والا الشعر حتئ المهابيل شعار

.....

رد: اخترنا لكم
 

البارحة والكثير مْن إنتظاري قليل
‏يفدا ثوانيك عمرٍ ما لحظّه حصاد

‏لا زال طيفك وأنا لا زال بالي طويل
‏يسرق فتات النعاس ويستفزّ الرقاد

‏أن كان باقي معك من الزمان الجميل
‏لا تذخرين المزوح وتسرفين العناد

‏وإن جاورتْك الوجيه وعذربوا بالنحيل
‏قولي كذا حالها حدب السيوف الحِداد

‏السرب يبغي عصافيرٍ تعرْف الهديل
‏ما هو جمل لا هبد وأليا تعنّى جواد

‏شوفي قديمي أنا ما عاد عندي حصيل
‏ما هو غريبٍ عليك ولا جروحي جداد

‏لولا ملامس يدك ما كان عندي دليل
‏أزريت أعلّم شكوك عْيوني أنّك وكاد

‏من حاجتي ما بقى لي عن عيونك سبيل
‏من غربتي ما بقى لأهل المدينة سْهاد

‏ما ياخذ الصبر من عمرٍ سميِنه هزيل
‏غير أستقرِّي بقلبي والمرابع حمَاد

‏لي قلب يبغي هله وأنتي عيونك رحيل
‏عجزت أسحّب حنينه من بلاد لبلاد

.....

رد: اخترنا لكم
 

بعد سواياك هذي ما لي إلا الرحيل
‏والله لو إنها تمشّي كان مشيتها

‏قلبي هو اللي بكى و الدمع عيّا يسيل
‏لو في عيوني دموع تهل هلّيتها

‏جيت وكملت جروحك بجرحٍ ثقيل
‏وأنا الجروح القديمه ما تخطيتها

‏طحت من عيوني الثنتين في ظرف ليل
‏والله يا طيحتك هذي ما تمنّيتها

.....

رد: اخترنا لكم
 

‏على كثر الشتات اللي يمـر ويربك افكاري
‏لقيتك ظـلي الثابت معي دايم على الهقوة

‏يا وجـهٍ كل ما ضاقت علي وشانت اقداري
‏ذكرته وانجلى ضيقي وصارت عبرتي غنـوة

.....

رد: اخترنا لكم
 

‏أخاف شمر مع الايام تدريبه
‏والله يا بيت الفراق ماينقفل بابه

‏حنا خذينا العز والمجد والهيبه
‏وشلون ماناخذ المحبوب لأحبابه

.....

رد: اخترنا لكم
 

من يحسْد مغنّي القاف لا جرّ الطويل
‏مثل من يحســـد مريض ٍعلى غذّايته

‏القصيد احيان نوعٍ من الطبّ البديل
‏يستــريح ويســتلذّ الحشــى برعايته

.....

رد: اخترنا لكم
 

دام السماء لله ما ضاقت الأرض
‏ماني من دروب المقــادير جازع

‏عندي يقين يعلم احلامي النبض
‏بكـــره بسيّل للســـعاده مدامع

‏لي موعــد ٍمع ليلةٍ نجمها الحظ
‏أشـــوف فيهـــا ما تمنيت واقع

.....

رد: اخترنا لكم
 

دوّر على اللـــي يموت ولا ظهر زيفه
‏يبقى لك اقرب من اخوك وولد عمك

‏خلك من اللـــي مشــاريهه على كيفه
‏لامن رضا يمدحــك واليا زعـــل ذمك

.....

رد: اخترنا لكم
 

لو يطيب اللي مع العالم قليل مروه
‏الرخـامـه فالرخوم عروقـها دساسه

‏احتزم باللي عزومه تنطح اكبر قـوه
‏وان تـردا فـيـه وقـتـه مـا تـردا راسه

.....

رد: اخترنا لكم
 

ما فيه نــاس ٍ من الاوجــاع مرتاحه
‏والصــبر في مثلهــــا من ربنا منحه

‏لولا التعب مـا عرفنـــا قيمة الراحه
‏ولولا المرض ما عرفنا قيمة الصحه

.....

رد: اخترنا لكم
 

خلك خفيف ألنفس راقي وجذاب
‏لا تصــير بعيون ألمخـــاليق عله

‏إضحك وفرفش لكن بحب وأداب
‏إعرف حدود المزح وأعرف محله

.....

رد: اخترنا لكم
 

‏تخجل مْن النود مغلقة الدرايش
‏لا أطرقت بأنسَامها الأسوار ليلة

‏تمسح دْموع الندى على الحشايش
‏ريَّفة تشبه لأصابعْك النحيلة

‏تبغي مْن الليل عيدٍ فيك عايش
‏كنت أعيشه بين وضَّاح وجديلة

‏يذكرك عقلٍ نبيه وقلب طايش
‏ يا أجمل أحلام الحياة المستحيلة

‏ما قدرت أنسى حضورك وآتعايش
‏وأنت في كل التفاصيل الجميلة

.....

رد: اخترنا لكم
 

لا تعذليني يوم أجرّ الصوت في راس الطويل
‏الليل توّه ماسرى والشمس بكره باديه

‏أنا حياتي ما بقى منها كثير ولا قليل
‏غير القصيد اللي كتبته في مرابي ناديه

‏بنتٍ تثنّى في ضواحي نجد وتفلّ الجديل
‏جيت أتداعى في مرابيها وروحي غاديه

‏واللي ورى صدري على الميعاد مايبغى دليل
‏قلب بدويٍ ما رعت به غير بنت الباديه

‏مانيب مستغرب يزلّ العمر ويخفّ الثقيل
‏الوقت حادي وأغلب العالم معه متحاديه

‏أغيب وإن شفت البروق تلوح فالطرف الكحيل
‏أرجع على صوت العزاوي فوق ظهر العاديه

‏بين الطواري والقصيد العذب والبيت الجزيل
‏أنا أحترق من داخلي والناس حولي هاديه

‏مانيب مثلك كل ماغنّيت يالغصن الظليل
‏تومي بك الأنسام وتغني عليك الشاديه

‏أنا سحابٍ حنّت رعوده وحوّل فالمسيل
‏لعيون من تمشي تحت وبله وهي متهاديه

.....

رد: اخترنا لكم
 

تولعت ومشيت الدرب لا فاقد ولا مفقود
‏وأثرني كل يوم أكتب قصيدة وأخسر سنافي

‏أجاهد في سبيل الحبّ كلّه لأول العنقود
‏وأجاهر في غلاها كل ما عدّيت مشرافي

‏ترى قلبٍ تولّع فالهوى ما يلحقه منقود
‏ليا صار الهدف حبٍ عفيف وخاطرٍ صافي

.....

رد: اخترنا لكم
 

اي والله اني أهوجس ولاني مرتاح
والحزن في حوش الحنايا بفاروع

أمسيت من وصل المواليف امزاح
وأصبت من فرقا المولايف مفجوع

.....

رد: اخترنا لكم
 

‏هنا اخر لقاء وأول محطات الاستنزاف
‏مكانٍ كراسيه تسولف عن اشواقي

‏عطيته سنين وقلب و ابيات ما تنعاف
‏ورجّع لي ابياتي ولا رجّع الباقي

‏انا بأخر ايامه سمعت الكلام الجاف
‏وكذّبت سمعي لو تشهد له احداقي

‏وبعد ما نطق في تالي الليلة إسمي حاف
‏عرفت أنه العربون في ليلة فراقي

.....

رد: اخترنا لكم
 

عليك بالتــقوى وبــر الـوالــدين
‏وعليك بالفزعه لمن جاك ونخاك

‏ثلاث ما تخفـــى عقـول العارفين
‏ترفع مقامك ما تنـــزّل مستـواك

.....

رد: اخترنا لكم
 

الشجاع يشوف معنى الحياه مغامره
‏ان ربح والا خســـر حكمته بكره تزين

‏والجبان يشـــوف كل الحياه مؤامره
‏البشــر فيها عِدا والفــرح فيها كمين

.....

رد: اخترنا لكم
 

‏يوم سقت القلب والنيه مطيه
‏قفوا العربان وخلوا له حسايف

‏السوالف كانها تجلب خطيه
‏والله إني من كثير الذنب خايف

.....

رد: اخترنا لكم
 

‏مياسة القد ما للوصل عندك مجال
‏طالت ليال المعاتب والسهر والعنا

‏انتي على غيري من الناس صعبة منال
‏متفانية لي بحبك لين يوم الفنا

‏من بيننا طالت الصدة وطال الجدال
‏لمعانق الحب والاشواق هيا بنا

‏في ليلة فارقه عن سابقات الليال
‏ابطالها الشعر والاحساس وانتي وانا

.....

رد: اخترنا لكم
 

سامحيني واعذريني بعد طال الغياب
‏غيبتي يا غاية الروح ماراحت سدا

‏افتحي للصفح قلبك وللاعذار باب
‏وامنيّني من عواصف عتابك واهدا

‏شاعرك لو كان بعيون خلق الله مُهاب
‏تخلفه طلّة جبينك اليا منه بدا

‏عاد لك من بعد رحلة مليئة بالصعاب
‏مبتسم ويسر الاصحاب ويغيض العدا

.....

رد: اخترنا لكم
 

‏أنت مثل العمر والعمر مثل الوداعة
‏ لايديمك رجاي ولايرّدك ملامي

‏يكفي إنّك سراب ما تركت اتِباعه
‏وأسمك أصبحت مستثنية بين الأسامي

‏مابقى عقب وجهك وجه اخشى وداعه
‏وين أبلقى بعدكْ اللي يًرمّم حطامي

.....

رد: اخترنا لكم
 

‏يارقيق المشاعر ليه تجرح شعور
‏وليه ماتغْفر الزلّه ليا جات لك

‏السوالف تصير أحيان عميٍٍ وعور
‏ولاتحَسْب إن قايلهاا بها خاتلك

.....

رد: اخترنا لكم
 

حبيت اسلم واعرف اليوم وشحالك
‏من باب حق الوصال وقــدرك الغالي

‏وبعد السلام وسؤالي عنك واحوالك
‏كنت اتمناك لــو تنشد عن احوالي

‏كنت اتمناك لـــــو مريت في بالك
‏تذكر عهود الـوفــا في وقتنا الخالي

‏وتذكر ليالي هـوانــــا والبخت سالك
‏من قبل يصبح بختنا كـاســد وبالي

.....

رد: اخترنا لكم
 

‏اعلن مراسيم الوداع ان كنت للفرقى شغوف
‏شد الرّحال و مالك الا الي يلقيك القفى

‏ماطاح دمعي و انكسرلي قلب وعيونك تشوف
‏وشلون ابفتح باب لعتابك عشان اقول افا

‏الي يجي حسب الظروف اودّعه حسب ظروف
‏قلبي مع الي بايع العشره مثل صم الصفى

.....

رد: اخترنا لكم
 

‏انا ادري ان المظهــر احيان مطلوب
‏لكن ماهوب مطلوب في كل الاحوال

‏علامـــة الرجّـــال ماهيب فالثوب
‏اهـــم شي يكـــون فـ الثـــوب رجّال

.....

رد: اخترنا لكم
 

التغـــافل صـفه تحتـــاج تنويه
‏ذكْروهـــا الحبـــايب والرفــاقه

‏لارتفع بالعتب صوت المشاريه
‏خـــل عينك على مــوت العلاقه

.....