رد: اخترنا لكم شعر نبطي وفصيح
 

ذا حِس طارٍ او ضميرك خفوقهْ
يدقّ به من نازح البين دَقَّاق

الحيّ هُو حيك وطابت وفوقهْ
والدار هي دارك وهذيك الاسواق

.....

رد: اخترنا لكم شعر نبطي وفصيح
 

يا رحي يُلهى لها كف الفلق
دارها الافلاك والدنيا دقيق

ناشت العربان والشمل افترق
في فريق حال من دونه فريق

شتت الخلان وادعتهم طقق
ركبة الماشوم لحصان سبيق

سيف غارات الليالي ونذلق
مغفر السلطان وخوٍ له شقيق

.....

رد: اخترنا لكم شعر نبطي وفصيح
 

يا سنين لي مضت مثل الحلوم
كنهن في دار ابن عوام عام

عل غريم الشوق يشبع منك يوم
شبعة المسكين بايام الصرام

او تلمين الشمل لم الهدوم
يا ليالي السعد عودن بالتمام

قالت اللي فات ماهو بمعلوم
ردته لك وانت سالم والسلام

.....

رد: اخترنا لكم شعر نبطي وفصيح
 

‏تـرا الـرجال انـوع بالـوجـه والجاه
والقرم والـقـاصـر ما فـيـهم تـشابـه

احـدن ليا صكـتك دنيـاك تنـصـاه
واحدن ليا شـان الزمن صـك بابـه

.....

رد: اخترنا لكم شعر نبطي وفصيح
 

‏استحينا وأثر ما هم مستحين
يحسبون الشمس في راحة يدي

والله إنـهم صادقين الأولين
الردي مهما تسوي له ردي

.....

رد: اخترنا لكم شعر نبطي وفصيح
 

‏ناس تهل الدمع باسباب الفرح
وناس تهل الدمع من حزن حصل

وناس كما هي في فرح ولا ترح
ما تبكي الا عند تقطيع البصل

.....

رد: اخترنا لكم شعر نبطي وفصيح
 

‏العدو احيان ما منّه مضرة
غير حقدٍ ينقله في وسط جوفه

البلاء في صاحبٍ كل ما تبره
يجحد المعروف ما كنه يشوفه

.....

رد: اخترنا لكم شعر نبطي وفصيح
 

لا صار ساس البيت مبني على الطيب
كـثـرة عـواصيـف الـزمـن ما تـضـرّه

يبقـى بعين اهل الوفاء والمواجيب
قــدره كبـيـر ولا نـقــص ربــع ذرّه

.....

رد: اخترنا لكم شعر نبطي وفصيح
 

عز الله إنا كل بابٍ طـرقناه
‏ما كل مانرهي عليه يتهيّا

‏من يبذل المجهود حنا شكرناه
‏اللي ليا جيناه رحـّب وحـيّا

‏واللي من اول للثقيلة ذخرناه
‏ما اقول عيّا لكن الحظ عيّا

‏اللي له اقرب من يساره ليمناه
‏ابعـد علينا من نجوم الثريّا

.....

رد: اخترنا لكم شعر نبطي وفصيح
 

والله ما أواطن عيشة الذل والعار
‏مدام لي شيمة ونفسٍ قنوعه

‏ولو الوسادة من صلافيح الأحجار
‏للراس خير من الترف والميوعه

.....