رد: فوق هام السحب ( الشعر الشعبي) على متن القوافي
 

سقى الله زمان فات عاد القلوب نظاف
قبل ما يجي وسط الشرايين جرثومه

تغيّر مسار الناس يالله ياروّاف
تروف بقلوبٍٍ من عنا الوقت مظلومه


....

رد: فوق هام السحب ( الشعر الشعبي) على متن القوافي
 

يوم وقفّت بسم ملّحقين التوالي
الفعول ابلغ من الهرج ميلون مره

لجلهم مرخصً شعري وحالي ومالي
عزوةً فوق مزموم النباء مستقره


فهد العزيزي

رد: فوق هام السحب ( الشعر الشعبي) على متن القوافي
 

إحشم ولد عمّك إذا سولفوا عـنْـه
لو هو على شوفك يعـقّـد حجاجه

خشمك تراه بوجهك وقطعةٍ منْه
حتى لو إن الخشم فيه إنـعـواجه


خالد الهدباني

رد: فوق هام السحب ( الشعر الشعبي) على متن القوافي
 

ماخاف شر المعاصي غير حي الضمير
الادمي مايسره غير طيب اعمله

ياقوم عز الحياة اللي مداها قصير
تغر قلب الغشيم اللي غشاه اجهله

كم طيرت من ملوك وحولت من وزير
لو عز قارون ماله فالاخير اخذله

مع انفتاح الحياه وشرها المستطير
ماغير نجمع ذنوب وبالصلاة اعجله


خالد المذعور

رد: فوق هام السحب ( الشعر الشعبي) على متن القوافي
 

حنا بلشنا مع الصاحين والمرضى
ماعاد ندري عن الزعـلان والراضي

اللي رضى خير والزعلان لايرضى
ماني على خلق ربي ياعرب قاضي


سلمان الذيابي

رد: فوق هام السحب ( الشعر الشعبي) على متن القوافي
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

....

رد: فوق هام السحب ( الشعر الشعبي) على متن القوافي
 

‏يارب حنّا عبادك يالعـظيم الحليم*
‏نـوّر عـلينا الدروب ونوّر قـلوبنا

‏نطلبك عطفك ولطفك يالعزيز الكريم
‏هوّن علينا الـشدايد وإغفر ذنوبنا

يالله استرني بـ لطفك دام سترك ثوبي
‏واغفر لـ عبد ٍكساه الذنب واصفح عنّه

‏مذنب ولا جيت اقارن رحمتك بذنوبي
‏اذكر ان ذنبي عظيم وعفوك اعظم منّه

‏
....

رد: فوق هام السحب ( الشعر الشعبي) على متن القوافي
 

يالله بصبح ٍ فيه عفو ٍ وغفران
‏صبح ٍ ينفس كل همٍ وكربه
‏
‏وصلاح ذريه وتوفيق وإحسان
‏وطاعتك تجعلها محبه ورغبه

....

رد: فوق هام السحب ( الشعر الشعبي) على متن القوافي
 

‏انت يالي تدور من ورى الناس حاجه
عزة النفس عنك اتسكر ابواب منه

صل وارفع كفوفك واطلب الله وناجه
ماوراء الناس نار ولا وراء الناس جنه

....

رد: فوق هام السحب ( الشعر الشعبي) على متن القوافي
 

يوم الوفاء يجمع شتات المخاليق
يطري على قلبي من الخلق مخلوق

فكري معك ي صاحبي له طواريق
منت برخيصٍ ي بعد كل مخلوق

....