رد: اخترنا لكم
 

الحلم لا ضاع والفرصة ليا قفّت
‏ثنتين لو هوّنوها الناس ما هانت

.....

رد: اخترنا لكم
 

‏على كثر الشتات اللي يمر ويربك افكاري
‏لقيتك ظلي الثابت معي دايم على الهقوة

‏ياوجهٍ كل ما ضاقت علي وشانت اقداري
‏ذكرته وانجلى ضيقي وصارت عبرتي غنوة

‏تخيرتك ولو غيرك وجوده عندي اجباري
‏اعرف ان الحياة بدون وصلك ماهي بحلوة

.....

رد: اخترنا لكم
 

‏ياوجهٍ ما وراه إلا جميل وعزوة وسلوان
‏تعبت أدورك وأثر الأيادي عنك مكتوفه

‏إذا فعيونك المنفى وإذا لعيونك التحنان
‏غريرٍ جاك وش ذنبه تشب النار في جوفه

.....

رد: اخترنا لكم
 

‏أول أحب الظهور لمعظم أسباب الظهور
‏واليوم حتى معظم أسباب الظهور ألغيتها

‏ماهوبّ من باب الثقه عندي ولا باب الغرور
‏حبيت اعلمكم عن اللي فالضمير أخفيتها

‏أنا أستفدت من الكلام اللي يخبى فالصدور
‏خلاني أكره ناس واجد مثل ما حبيتها

.....

رد: اخترنا لكم
 

يطول الليل وتطول القصايد والبيوت سهاف
‏طويت البعد وامرك قصيدة نلتقي فيها

‏سريتك ليلةٍ ظلمى هزيل بقلبي الخواف
‏مشيت بخطوة التايّه ولا ادري وش تواليها

.....

رد: اخترنا لكم
 

يالغزال اللي تذيّر من انياب السباع
واحتمى في ضلع صدري وانا ضلعي صليب

ماخذك من بدّ خلق الله بطول الذراع
وحافظك في عيني من الصبا لين المشيب

مكسبي والكسب عند النشاما مايباع
دام فيني راسً اصوك وقلبي قلب ذيب

.....

رد: اخترنا لكم
 

ودي اسولف عن شعوري واعلم
انك اغلى من على الدنيا لقيتك

فدوتك قلب من جروحه تالم
دامني من بد خلق الله بغيتك

.....

رد: اخترنا لكم
 

‏اي والله إني عليك من الوله ضامي
‏وأشفق على شوفتك من بد خلق الله

.....

رد: اخترنا لكم
 

عطيتك محبه صادقه مابها تشويه
وجعلتك بقلبي منفرد فيه وحداني

وغيرك بغاني بالمحبه وانا مابيه
دام انت عندي وش ابي بواحدٍ ثاني

تراني ليا شفتك اسج الفكر واشقيه
واشوف القمر واقول عندي قمر ثاني

غلاتك بقلبي شيء يطغى على التشبيه
كيف اوصفك والوصف يعجز به لساني

.....

رد: اخترنا لكم
 

أنا والله إني ارحمّك رحمة المسكين
‏تشب الشبوب وتحرق ايامك بنارك

‏كليم القفى وينك وأنا عن كلامك وين
‏تبي تموت مارد الصدى صوت مزمارك

‏أعرف اجرحك جرحٍ يوسّم ليوم الدين
‏ولكن شرف عداوتي فوق مقدارك

.....