|
رد: فوق هام السحب ( الشعر الشعبي) على متن القوافي
هي فــاهيه والا الحلا له فهاوه
احـس كن عيونها ماخذه بنج تقــول في فمهــا تلاعب حلاوه واثر الحلاوه كلّبوها من الغنج ...... |
رد: فوق هام السحب ( الشعر الشعبي) على متن القوافي
الهوى ودروب الاحباب ما منها خراج
قد مشوا فيها المشايخ ورعيان الغنم دافع الحب الحقيقي محبة واحتياج والهواوي فالهوى شخص جدا محترم ياحبيبي وان بدى لك من الناس انزعاج حبنا يحتاج وقفه على ساق وقدم ليلةٍ فيها تزين الخواطر والمزاج كن صوتك يوم يطرق على سمعي نغم ...... |
رد: فوق هام السحب ( الشعر الشعبي) على متن القوافي
ملائكي وجهك .. وروحك جناحين
طيري على كتف السماء يا ثمينه هربت من صحراء العلاقات سنتين ولقيت في قلبك شعور المدينه .. !! على الشواطي نبني الحلم من طين أمنتك الله فييييه .. لا تهدمينه ..! حنا سفينه والبحر حب شخصين ولو لا البحر وش قيمتك يالسفينه ...... |
رد: فوق هام السحب ( الشعر الشعبي) على متن القوافي
أحبك لو ان حبك يودي لـمدري وين
جعلني فدا حبك ووصلك ومقعادك أحب السوالف معك منا لـيوم الدين وأحب التغلي منك واموت بـعنادك تسولف لي بتاريخ جدانك الميتين وهو والله التاريخ ، تاريخ ميييلادك ...... |
رد: فوق هام السحب ( الشعر الشعبي) على متن القوافي
يقول ياسر التويجري :
عِـش الحـياة بـرغـبـتـك .. وبـ مباديك عِـش منغلق .. عِش منفتح ..لا تعاني الـلي يـحـبك كـيـف ما كـنـت بـ يجيك وإن جاك ماانت بحاجه لشخص ثاني |
رد: فوق هام السحب ( الشعر الشعبي) على متن القوافي
خلنا من كل ضيقه وخيبه وانكسار
وعطني اللي كل ما أتوبها ما أتوبها قهوةٍ ماهيب من هيل ولا من بهار من ورا شط البرازيل جات حبوبها مالها عذروب عندي ولا منها مضار غير بس أنها تخلص هذا عذروبها ...... |
رد: فوق هام السحب ( الشعر الشعبي) على متن القوافي
تغاضيت عن زلة رفيق وعتب . غالين
وصبّرت قلب سود الأيام .... موجعته َ رميت العتب في سلة المهملات الين لحقني الخطأ من ... واحداً ماتوقعته ...... |
رد: فوق هام السحب ( الشعر الشعبي) على متن القوافي
يا حبيبي مـال قلبي فيك لايم
عاشقٍ طب الهوى و ازرى يكبه من يحب جفين عينك و أنت نايم محسن اعماله و راضٍ عنه ربه ㅤㅤ ليتني لـو من نسمك اخذ نسايم وليتني من شفتيك اذوق حبّه ...... |
رد: فوق هام السحب ( الشعر الشعبي) على متن القوافي
تحت سقف الذكريات اشعر بـ وحده
يبدو أن حظي عـلـى الطيحه مسيّس ! كوب شاي ، وليل شوق ، وطيف وحده قلبي كويّس .. وحـظـي : مـش كويّس ...... |
رد: فوق هام السحب ( الشعر الشعبي) على متن القوافي
قلبي احساسه مثل كف الفقير
يأخذ المقسوم وله ما يطلبه إن زعل ما شال وان سامح كبير بس لا منه انخذل لا تقربه ...... |
رد: فوق هام السحب ( الشعر الشعبي) على متن القوافي
لا تضحكون بكل حاجه على الناس
ولا تجرحون شعـورهم في يديـكم ولا تجعلون من الكبر ثوب ولباس ترى الـبشر ماهي عـبيد لحديـكم ماالله خلقكم غير ولا علـى سـاس زدتوا عليهم وانتم الـنقص فـيكم تـكـلموا بذوق ولطافه واحـساس عـشان مـاتـدور اللـيالـي عـليـكم ...... |
رد: فوق هام السحب ( الشعر الشعبي) على متن القوافي
الصمت ملجاي لامن شان وجه الكلام
خل عنك الشرهه اللي ماتحملتها الكلمه اللي مثل وقع الكسر فالعظام والله لو انك تعرفني زين ماقلتها ...... |
رد: فوق هام السحب ( الشعر الشعبي) على متن القوافي
لا جفاك الليّ تحبه فلا تلحق وراه
ما جفاك الا وهو وده انك تقطعه عز نفسك عن تقفاه لا لقى قفاه مخبل اللي كل ما اقفى وليّفه يتبعه والله لو انه يحبك ماسوا ذا السّواه كان يمدي دافع الشوق صوبك يدفعه ...... |
رد: فوق هام السحب ( الشعر الشعبي) على متن القوافي
لعيونك اكتب حرف واصد عن حرف
من خوفي لاتجرح حروفي شعورك ماعندي احد يسواك ياناعس الطرف و لا فيه احد عندي يساوي حضورك ...... |
رد: فوق هام السحب ( الشعر الشعبي) على متن القوافي
والله اني ما احملك الخطا يازماني
ان قدرت ابلغ المقصود وان ماقدرته الله اللي حرمني والله اللي عطاني ان حرمني حمدته وان عطاني شكرته ...... |
رد: فوق هام السحب ( الشعر الشعبي) على متن القوافي
أرهقت نفسي بإنتظارك ولا جيت
والناس حولي شافت الشوق فيني لا مرني بيتٍ عن الحب صديت شعرٍ جرحني وزاد فيني حنيني ..... |
رد: فوق هام السحب ( الشعر الشعبي) على متن القوافي
ولا أنت يا أبو العيون الناعسات الوساع
سلهامها يأخذ العشاق لـ أبعد مدى ⠀ سهوم نظرتك ما يقدم عليها شجاع حتى لو أنه من اللي ينطحون العدى ⠀ لعيونك معرضٍ عمري لدرب الضياع واللي بقى منه واللي راح جعله فدى ⠀ أحنّك من الوداع و من جروح الوداع مثل ما أحن الرفيق الطيّب من الردى ...... |
رد: فوق هام السحب ( الشعر الشعبي) على متن القوافي
هلّت على الغصن الكسيّر المهمّش
وأحيت معاليقه و قوّت عروقه من بعد كان ( المنعزل والمكمّش ) بانت بساتين الفرح وسط موقه ماترمش جفونه وتضحك ورمّش وضحك ماكنّ هموم الايام فوقه ...... |
رد: فوق هام السحب ( الشعر الشعبي) على متن القوافي
يافاتنه ، ماني ،، نبي ، ولا رسول
اقاوم الخصر النحيل اليا انثنا غير الاناقه والملامح والقبول آنتي حضورك نور والعالم سنا ان غبتي انتظرك على باب الوصول واللى حضرتي ضعت مدري وين انا كن المشاعر كل ما اشوفك تقول الله لنا ، الله لنا ، الله لنا ...... |
رد: فوق هام السحب ( الشعر الشعبي) على متن القوافي
طمـوح الإنسـان ياكـبره وعمره قصـير
كم يرسم أهداف .. وتعّود مجـرد كلام ياكثرها أحـلام ضاعت مثل ظل العصيّر يمتد طول الجبال .. ويختفي بالظلام النجم العالي |
رد: فوق هام السحب ( الشعر الشعبي) على متن القوافي
يموت المنافق ماشبع من حياة الذل
لاهون عن الطرقة ولاحقق مراده محطات كره الناس منها لاعبى فل ما يرجعلها الا بعد تصفير عداده مسلم العزيزي |
رد: فوق هام السحب ( الشعر الشعبي) على متن القوافي
مال القمر حضره ليا بان بدرك
والشمس غابت لا اشرقت وجنتيك والليل ياخذ لون من لون شعرك والصبح ياخذ طلته من جبينك ومن شفتينك كيف تعطين خمرك وإلا الخمر مقطوع من شفتينك ولا ادري عيونك واسعه كبر خصرك أو خصرك اللي ضيقٍ كبر عينك ...... |
رد: فوق هام السحب ( الشعر الشعبي) على متن القوافي
يمر الصباح اللي بـ نوره يجر الخير
مثل وجه طفلٍ ما تصنّع تعابيره على كل غصنٍ طال ظله أماني طير عجز لا يكمل مابقى من مشاويره انا واقف لأحلام عمري وقوفٍ غير وقوف الكريم إليا تلافوا مساييره لو ان سري بين حدب الحنايا بير ما اصبحت حلمٍ تجهل الناس تفسيره ...... |
رد: فوق هام السحب ( الشعر الشعبي) على متن القوافي
اشتــــقت لك يامن اشــــوفك متـصل
جدد غلاتــــــك بالغــــلا نفس الشعور والله مســــائي والســعا ده تكتــمل ان قلـت حــــــــيابك واعـلنت الحظـور ...... |
رد: فوق هام السحب ( الشعر الشعبي) على متن القوافي
كان قالو فالهوى بايع وشاري
قولي اصلاً وش على العذال منا وكان قالو مابقى للعشق طاري قولي ادري اخر العشاق حنا ...... |
رد: فوق هام السحب ( الشعر الشعبي) على متن القوافي
ماجاك مني جرح ماجاك تقصير
ماجتك غير الذكريات الجميله واللي لقيته منْك من دون تفسير هــمً يلـوج الصدر ويهد حيله كنت احسبنك غيثً يسوق التباشير وغيوم وصلك بالمحبة هميلة وثرك سحابة صيف ماتسقي الطير لا بارك الله في القلوب البخيله ...... |
رد: فوق هام السحب ( الشعر الشعبي) على متن القوافي
الله يـمـسـيـكم علـــى ماتحبـون
والله يـقويكم لـ طـاعـته ورضـاه ياجعل من عسرت مطاليبه تهون وياجعل من له منوةٍ يلحـق مناه الحمدان.... |
رد: فوق هام السحب ( الشعر الشعبي) على متن القوافي
لو تشوف الكل عكس الاتجاه
لا تسوي شي من غير اقتناع اختلاف الراي مفهوم الحياه واتباع الناس مفهوم الضياع ...... |
رد: فوق هام السحب ( الشعر الشعبي) على متن القوافي
مايزعج النفس إلا بـــــعد غاليها
ولايسعد القلب إلا شوفة أحبابه ياعين خلي دموعك فيك خــليها القلب يكفيه من الاحزان ماصابه ...... |
رد: فوق هام السحب ( الشعر الشعبي) على متن القوافي
يناظر في القمر ويغيب نوره من ضيا موقه
وينظر في النجوم البيض ويناظر نواهيده اموتً بقذلةً شقرا ليا من جات مفهوقه وجسمً ماتقول الا غصن خضرا عناقيده تمايل لعنبو جد القوام ورق سمحوقه تقول انه مثل موجً ،يركده الله ويعيده ...... |
رد: فوق هام السحب ( الشعر الشعبي) على متن القوافي
يازين ، زينك ويا حلوك ويا مرك
وجهك يخلي جميع الناس مسروره لا صارت جالس فديتك لا لا تتحرك رزتك في جلستك حلوه ومخبوره حر العذارى لو انها ناويه تحرك ترى العذارى ليا حرتك معذوره لا من ذبحني حنيني رحت لصورّك واقبل البومها صوره ورى صوره ...... |
رد: فوق هام السحب ( الشعر الشعبي) على متن القوافي
والله إني ضايق في خلاي و من خلاي
خاطري ماهو بودّه ونفسي ودّها وعاصيٍ نفسي علشان ما أرخي مستواي لو بطيع النفس بعدين كيف أردّها ؟ يافهد صرت أشرب الماء ولايقطع ضماي لاتعاتبني ترى النفس وصلت حدّها ...... |
رد: فوق هام السحب ( الشعر الشعبي) على متن القوافي
الحب فن و ذوق و اخلاق و اسلوب
و مشاعراً تعطى ما هي بمغصوبه و انا هوى بالي من البيض رعبوب يلفح جدايلها نسايم هبوبه كامل حسين اوصاف ما فيه عذروب لا شفت وجهه ما تدور عيوبه بيديه لو يسقيني السم مشروب اذوق بلساني ل سمه عذوبه ...... |
رد: فوق هام السحب ( الشعر الشعبي) على متن القوافي
عطني علومك ، وطوّلها وفصّلها
وترحبّ أذني وقلبي وايدي وعيني وأبعد عن الأرض وأبعد عن مشاكلها وصوتك عن الناس والدنيا يكفيني ...... |
رد: فوق هام السحب ( الشعر الشعبي) على متن القوافي
الحب ورد الشوق والقلب بستان
والنبض غيمه تمطر الود بالروح والذوق كل الذوق لو كنت هيمان بين الخجل والصمت تطرب مع البوح ...... |
رد: فوق هام السحب ( الشعر الشعبي) على متن القوافي
اهـواك واحبك واداريك وافديك
وافديك واحبك واداريك واهواك لخبطت تفكيري عسى الله يخلیك وخليتني اعيد شطري بسواياك ...... |
رد: فوق هام السحب ( الشعر الشعبي) على متن القوافي
المحبَه أنت وأنت الغير عادي
من عرفتك والمشاعر مستقرّه يبتسم يومي و يطرب بك فؤادي راحتي برضاك حلّت كل مُرّه هاك قلبي وهاك عين وهاك غادي دلّه لدربك وخذ خيره و شرّه وش أبي بوجيه خلق الله و أنادي وجهك الله خالقه طيب و مسرّه ...... |
رد: فوق هام السحب ( الشعر الشعبي) على متن القوافي
بين تلع الرقاب وبين سود الجدايل
طال سقمي وانا اشري علتي من معاشي ياقطار الهوى ماعاد ابي لك جمايل لاتجيني وانا في كل الاحوال ماشي تبت عن كل بيضاء من بنات الحمايل وهمت في حب سمراء من بلاد النجاشي ماتبي لي قصيد ولا تبي لي رسايل بس انا مقدر اخفي لهفتي واندهاشي ...... |
رد: فوق هام السحب ( الشعر الشعبي) على متن القوافي
شخصيتي ماتقدر توثقها
لا تشغل افكارك وترهقها ياسيف انا والله مدري لكن بعطيك فكرة وعقبها نسقها شخصيتي فيها كذا شخصية اشكال منكرها ولا احققها عالم من الفوضة تنام وتصحى عجلة وشمسه والصلف لاحقها ...... |
رد: فوق هام السحب ( الشعر الشعبي) على متن القوافي
اعلان للي ما بعد جرب الحب
يسلك طريق الحب بس بشجاعه فيه الوفا والغدر والصدق والكذب وفيه الفراق وفيه شوق اجتماعه حظك على حظك تشجع وجرب ان صبت والا غير تاخذ مناعه ...... |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية