رد: فوق هام السحب ( الشعر الشعبي) على متن القوافي
 

خلك صريح و بعض الاحيان جامل
ولا تتعب العالم معك قدر الامكان

وان ماقدرت تكون انسان كامل
حاول تكون بقدر الامكان انسان

....

رد: فوق هام السحب ( الشعر الشعبي) على متن القوافي
 

إن جيت قلت مرحبا الله يحييك
‏وإن رحت منتب اعز من راح عنا

‏تغيب ماجبنا مجالك وطاريك
‏وترجع وتلقانا مثل يوم كنا

....

رد: فوق هام السحب ( الشعر الشعبي) على متن القوافي
 

تستاهلين المدح ياشيخة الزين
يااللي على الگـل بطباعك فرقتي

مايختلف دايم على حسنك اثنين
كل البنات اتضيع لامن حضرتي

....

رد: فوق هام السحب ( الشعر الشعبي) على متن القوافي
 

‏مشاغل الوقت تاخذنا عن الطاعه
والناس ماتت ولا قضت مشاغلّها

يارب لطفك بنا لاقامت الساعه
في يومن النفس تبكي من عمايلها

....

رد: فوق هام السحب ( الشعر الشعبي) على متن القوافي
 

عاداتنا ناموسنا والغريزة
ربعي في الضيقا عمود ارتكازي

هذه رساله في قوافي وجيزة
يفهم مغازيها رجال المغازي

....

رد: فوق هام السحب ( الشعر الشعبي) على متن القوافي
 

في معركة ذاتي هزمت امنياتي
والمعركة في داخلي مالها صوت

من كثر ماصارعت ذاتي بذاتي
نصي يبي الدنيا ونصي يبي الموت

....

رد: فوق هام السحب ( الشعر الشعبي) على متن القوافي
 

‏زيّن امورك مع ربي امورك تزين
‏والله لا من رجاه العبد ماخيّبه

‏والناس يكسب وداد قلوبها حاجتين
‏النيّه الصافيه والكلمه الطيّبه

....

رد: فوق هام السحب ( الشعر الشعبي) على متن القوافي
 

يارب وان ضاقت عليّ الوسيعه
انت الذي لاضاق صدري اناجيه

وعبدك لو ان الوقت عيّا يطيعه
ماينحني راسه لغيرك ويرجيه

....

رد: فوق هام السحب ( الشعر الشعبي) على متن القوافي
 

احبك وعرضت النقايد هبوب النود
فعولك اتنومسني وذكرك يهيضني

يالبيه ياوجهٍ عليه الرضا معقود
اشوفه واشوفك في سنيني معوضني

علي نذر لامسح دقنك بدهن العود
واضمك لو الدنيا واهلها تعارضني

....

رد: فوق هام السحب ( الشعر الشعبي) على متن القوافي
 

والله أني ضايق الصدر من كل الجهات
وفاقد النوم الطبيعي لي اكثر من شهر

المداهيل القديمه وبعض الذكريات
أظهرت من عيني الخافي اللي ماظهر

....