رد: اخترنا لكم
 

مرت من الايام ياكم وياكم
لا احنا نسينا لا ولا احنا التقينا

والذكريات الي مظت بيننا كم
فالقلب ظلت حيث سرنا وجينا

لكن هي الاقدار والله يحكم
بما يريده من لنا او علينا

لكن خفوق القلب مازال ينغم
مهما تجاهلنا ومهما نسينا

لذكريات الامس لروح بلسم
تشفي جراحن ماليها قد سعينا

ذكرى سرت بين الشرايين فالدم
وللاسف ما هو الذي قد جنينا

.....

رد: اخترنا لكم
 

‏على سفوح الذكريات اللي ابت ما تنطوي
‏باقي على الكف ارتعاش وفي وسط صدري كلام

‏ما عاد انا اللي مثل ما انتي خابره عزمه قوي
‏صار اتفه اسباب الغرام يقودني نحو الهيام

‏يا ليت ما قد فات يرجع لي بهوبال بدوي
‏كان اهتنيتك بالتناهيت وصدى صوتي يَمام

.....

رد: اخترنا لكم
 

بعض البشر يجمع شتاتك حضوره
في شوفته بهجة ومنطوقه علاج

.....

رد: اخترنا لكم
 

‏القلب حيا والمشاعر لك رحبت
والعين فزت حين دقيت الحروف

والرقم اشر والرسايل ترجمت
اجمل معاني خاص للغالي تطوف

قدرك بقلبي والمشاعر عمدت
ماهي تغيرها الليالي والظروف

.....

رد: اخترنا لكم
 

‏ما تركته في حدود المُمكنه والمستحيله
‏كنت اداري خاطره لو خاطره مدري علامه

‏يدري ان الدمعه اللي في طرف عيني ثقيله
‏وادري ان عيونه اللي صدت ابلغ من كلامه

.....

رد: اخترنا لكم
 

في مثل هذي العيون اللي هدبها كثيف
‏تسلّم الروح ويموت الشجاع بشرف

‏راحت بقلبي مثل ماراح حكم الشريف
‏مراح غرسٍ جرفْه السيل يوم انجرف

.....

رد: اخترنا لكم
 

‏مايكشف المستور غير الشدايد
ولا الرخى بعض الحقايق مغطاه

التجربه فيها العبر والفوايد
ويعرف به الصديق ربعه من اعداه

.....

رد: اخترنا لكم
 

روحها من خِفّها لاهبّت النسمة تطير
‏وفكرها علّق على متن الشموخ خصالها

‏واضحة تسكب رذاذ العطر بأنفاس العبير
‏غامضة من ثقلها يحتار فيها ظلالها

‏يغرق أجزل بحر شعر فـبحر عفّتها الغزير
‏كل ماينبض خجلها يرتعش سلسالها

‏بنت شعر وأم طهر وأخت للبدر المنير
‏فاتنة تجلس على عرش الكمال لحالها

.....

رد: اخترنا لكم
 

‏قالوا من انتي قلت بنتن ولي شأن
‏شيخة وذيبة وافتخر في ربوعي

‏ومكمّلة ومجمّلة ماش نقصان
‏ماحدن يمشيني على غير طوعي

.....

رد: اخترنا لكم
 

عليه من الملامة مايصحح غلطة المخطين
‏وأنا بسقي نوابت ضيقتي بأسوء قراراتي

‏باصد وابشعل من الهجر نار وتنطفي نارين
‏واروح الروحه اللي توجع أرضي ثقل خطواتي

‏ابشبع رغبة الهجران فيني واتمادی لین
‏احس اني على كثر ابتعادي مرضي ٍ ذاتي

.....