رد: اخترنا لكم
 

وارثين الشعر من سطوه عتيبه
خل عنك شعار الصبايا والمنابر

نحسب حساب القصيداللي نجيبه
ماتعودنا نسرق قصيد وخواطر

وان كتبت الشعر ماهي علي غريبه
قبلي ابوي شاعر وجدي كان شاعر

مطلق العتيبي

رد: اخترنا لكم
 

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك و أنا ملتجي بحماك
تفرج هموم القلب يافارج الكربه

آمين

رد: اخترنا لكم
 

‏اللي يتابعنا على الراس من فوق
عسى ف صفحتنا من الشعر مسرور

واللي يصد عنا له الشكر مرفوق
حضوره يشرف ولو غاب معذور

بقلمي

رد: اخترنا لكم
 

‏وش حيلةالمشتاق لا اخفى اشتياقه
في قلبه الهايم تعابير وشعور

لاطايق صبره ولا البعد طاقه
قسى عليه الوقت ويظل مجبور

.....

رد: اخترنا لكم
 

أترك أثر طيب تسولف به الناس
‏الصيت يغني والجمايل خزاين

.....

رد: اخترنا لكم
 

‏حقرتني بالعيون وكان من الاولى
‏يبيـن ف عيونـك الثنتين تقديـري

‏يليت عينك نهار موادعك حولـى
‏حتى اشك انك توادع حدن غيري

.....

رد: اخترنا لكم
 

‏كل ما طاح من رزنامة العمر ليلة
‏طاح معها من الذكرى تفاصيل غالي

.....

رد: اخترنا لكم
 

‏ليه جيت وليه رحت وليه تبقى غالي
‏كل ليه أشوفها تحتاج منك قصه
‏
‏ليت بالي في يديني وابعدك عن بالي
‏العذاب اللي حصل منك يكفي نصه

.....

رد: اخترنا لكم
 

‏يا ضايق الصدر بالله وسع الخاطر
‏دنياك يا زين ما تستاهل الضيقه

‏الله على ما يفرج كربتك قادر
‏والله له الحكم في دبرة مخاليقه

‏حلو العيون استهانت دمعها الحادر
‏كف العباير حزين الدمع ما طيقه

‏حسايف الحزن يغشى وجهك الطاهر
‏والورد في وجنتك حرام تغريقه

.....

رد: اخترنا لكم
 

‏حاير مثل الكلام اللي ما بين اثنين
‏على حزة فراق اقفوا وعيّوا لا يقولونه

.....

رد: اخترنا لكم
 

يعيش الوصل ولا يموت الوصل حتى ايش
مقامي أهم وعزتي فوق مشهاتي

أنا الله خلقني ما أقبل الذل والتهميش
لو أخسر طموح العمر وأغلب علاقاتي

.....

رد: اخترنا لكم
 

ودي ولكن كيف تحقيق ودي
عيا زماني لايجي لي على الكيف

لقيت من وقتي عناد وتحدي
يمرني عمري مثل عابر الطيف

ياما تمنيت الدقايق تهدي
وياما تمنيت الشتاء ينقلب صيف

.....

رد: اخترنا لكم
 

‏لاضاق صـدرك واظلمت كل دنياك
اســتقـبل القبــله ووزع همــــومك

ماينفعـك هـــذا ولاينفعـــــك ذاك
ولافيـه غيـر الله يقضــي لـزومـك

.....

رد: اخترنا لكم
 

صرت اتعمد جلستي جانب النار
عشان احصل عذر لدموع عيني

وإذا سألوني وش بلا دمعك انهار
اقول دخان الحطب مبتليني

.....

رد: اخترنا لكم
 

مابيك تعطيني على شان أعطيك
‏مانيب تاجر والمشاعر بضاعه

.....

رد: اخترنا لكم
 

‏مابارت أهدافي لو إن الزمن بار
‏العزم مثل البحر ماله نهايه

‏ذقت الخساير والعزاير والأمرار
‏وسقت العمر كله عشان غايه

‏ما يصنع التاريخ من هاب الأخطار
‏ولا رقا في قمّة المجد تايه

‏ولا يعلم الإنسان عن بعض الأقدار
‏يمكن بعد خط النهاية بدايه

.....

رد: اخترنا لكم
 

قالت متى تفضى ابي منك بيتين
‏قلت العصر لا من سجع نايح الورق

‏قالت بسيطه هذي الصوره اللحين
‏فكّر بها واحرص عليها من السرق
‏
‏والصوره اللي يا الربع كلها عين
‏ودّي انزلها تصلي بكم شرق

.....

رد: اخترنا لكم
 

‏عطيتك أگبر مثآل ان المواصل جميل
وعطيتني درس بأن الوقت ماله أمان

.....

رد: اخترنا لكم
 

‏واجه الخذلان بالصبر والبال الطويل
‏ما أنت بأول من تجمّل ولا آخر من خُذل

.....

رد: اخترنا لكم
 

قلنا صباح الخير قالت مساء النور
قلت العذر في وجهك اشوف الأشراق

يا للعجب كل ذا الحلا فيك منثور
من شعرك الأدهم الى عّظمة الساق

جابك بطن حوىّ او انتي من الحور
قالت انا اللي بين زورك والأرماق

قلت اسكني وابني من ضلوعي السور
فانتي مكانك خلف زوري والاحداق

وامشي على حوش المعاليق بالدور
واخذي ملفاتً تبي منك الاحراق

وابدي بترتيبي وحطّي بي شعور
ابغى الامل ياصل بي حدود الأفاق

يا فاتنه وجهك من الزين ممطور
والا القمر حوّل وفي مبسمك فاق

مالك شبيّه بين الأجواد مذكور
انتي غريبه والحلا منك ينساق

جيتي مطر ولا على هيئة زهور
او ذا فرج ربي على العبد لا ضاق

يامرحبا ترحيبةً ما بها زور
ياللي دخلتي خلف موقي والأعماق

.....

رد: اخترنا لكم
 

‏فجوج الخلا يا ضايقين الصدور وساع
تواصوا بها واعتزلوا الناس والصجّه

.....

رد: اخترنا لكم
 

على زاهي غرامك ما على وجه الممات قصور
‏لك الوقت الثمين من الوصل ولغيرك الغيبة

.....

رد: اخترنا لكم
 

على دروب الطيب امشي بلا خوف
الــعــز بالله دايــــم الــلـي خـلـقـني

والـلي يجامل تالي الوقت مكشوف
تـظـهر لــي افـعـوله وخـيّـب بظنّي

.....

رد: اخترنا لكم
 

ياليل لاتسرق من عيوني النوم
كافي سهر ما عاد للعين قدرة

انا تعبت اسامرك ضيق وهموم
وان كان باقي هم خله لبكره

.....

رد: اخترنا لكم
 

صباح الوردِ يا وردا تهادى
وَبث النور في حسن و أقبل

وَفاح العِطر مِنْ خديه يَشْذو
فَأسْقى الورد مِن خمر وَ أثمل

فَغَارت رِقة الأزهارِ حيــرى
وَظلت عَنْ بَهاء الحُسْن تَسْال

و ذاب الدرب في مشي الهُوينا
وَغصن الوردِ في سِحر تدلل

.....

رد: اخترنا لكم
 

لايهمك حاسدن لوقال فيك
اتركه والله حسيب الْكلْ ظالم

اسلك الدّرب الصحيح ولا عليك
والله المعبود بالأسرار عالم

ماكتب مولاك ملزومٍ يجيك
ولاحدن من لوعة الأيام سالم

ارفع الهمه وشَمّر عن يديك
ولا تصير أنسان للذله مسالم

.....

رد: اخترنا لكم
 

أرسم البسمه على الوجه الحزين
وأعتبرها شي من جبر الخواطر

الكلام الزين لك كنزٍ. ثمين
وكم تسلي فيه من مكسور خاطر

وخلك اللي دوم للعاجز مُ عين
يبعدك مولاك عن درب المخاطر

.....

رد: اخترنا لكم
 

يـاذيب انا مثلك شمـــوخي غريـزه
اكره ردي الطبع واموت في الطيب

وعن الردى يـاذيب نفسي عزيــــزه
يمكن انا انسان فــي داخلـي ذيب

.....

رد: اخترنا لكم
 

شارك بعقلك بالقليل من الكلام
ما هوب شرط انك تجيب الكايده

تابع بصمــت وكــون رمز للاحترام
حـــاول تخلـــي من وجودك فايده

.....

رد: اخترنا لكم
 

ويبقى بعض الاشخاص كــرسائــل
لها رائحة الورد لا نمل من قرائتها

لأنهــــا لامست أرواحنــــــا بلطف
وتركت فينا أثراً جميـــلاً لا يُمحى

.....

رد: اخترنا لكم
 

يا مساء الخير من بعــد السلام
ويا مساء الـذوق يا اهلًا هــــلا

يا مساء الـورد بالناس الكـــرام
يا مساء الـشوق وحروف الغـلا

.....

رد: اخترنا لكم
 

احب الرفيق الطيّب اللي جنابه زين
واعده من الاقراب لو ماهو قريّب

.....

رد: اخترنا لكم
 

ما هي نهاية قصتك لو يرحلون
هذي نهاية دورهم في قصتك

.....

رد: اخترنا لكم
 

حي الصبـاح اللي تنفس بالاذكـــار
يشرح صدور اللي يعانـــون ضيقه

سبح وهلل واسلك دروب الابـــرار
وتصير اسعد شخـص بين الخليقه

.....

رد: اخترنا لكم
 

الله كـــــم غــــــالي فقدنــاه ماعاد
يقطعك يــــــادنيـــا ماوراها مسره

فيالله يـــــارب له الخلاق سجــــاد
من راح في الفردوس الأعلى مقره

آمين

رد: اخترنا لكم
 

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....

رد: اخترنا لكم
 

اقهر بلاوي الدهر بالضحك والسجـة
وأضرب برجلي دروب العز وامشيها

.....

رد: اخترنا لكم
 

العز للنفس واجب والحيا سنّه
وأنا يديني من الثنتين مليانه

رزقي على اللي ليا اعطى شي مامنه
والا يدين العرب تعطي ومنانه

وان شحوا الناس ربك يعطي الجنه
مايغني الا كريم الوجه سبحانـه

.....

رد: اخترنا لكم
 

لا يقودك سوء ظنك مثل قود الذلول
ما يقاد إلا البهايـــــم وعميان القلوب

من عطاء عقله لغيره مغفل ومهبـول
وظالم ٍ نفسه بفعلـــه وحملها الذنوب

الوضـــوح وكلمة الحق للباب العقول
والجبال الراسيه ما تحركها الهبـــوب

.....

رد: اخترنا لكم
 

طالبك ياربي لو كان الثمن عمري
الا الــــردي ما توقفني على بابـه

.....