رد: فوق هام السحب ( الشعر الشعبي) على متن القوافي
 

‏يامرحبا باللي يدور حضوري
يامرحبا مليار من داخل الروح

ناسن تواجدهم يداوي كسوري
بلسم مداوي كل ضايق ومجروح

غاليين في قلبي وغايه سروري
شمعه حياتي قربهم راحه الروح

ملزوم انا في قربهم شي ضروري
اصبح تواجدهم بالاعماق مطروح

....

رد: فوق هام السحب ( الشعر الشعبي) على متن القوافي
 

‏حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الاقل تكفيك ضحكة حجاجه

....

رد: فوق هام السحب ( الشعر الشعبي) على متن القوافي
 

‏كل ما أسبلت بين الزاميات الذوايب
فاح نسناس عطر ولاح مطلع قصيدة

الدِجى شعرك اللي سرّحتْه الهبايب
والسناء مبسمك والقلب لقياك عيده

أنت لا جيت ما يبقى من الناس غايب
في مساء الغايبين أنت الوحيد الفقيدة

توبوني عن عيونك ولانيب تايب
القصايد لوجهٍ غير وجهك زهيدة

....

رد: فوق هام السحب ( الشعر الشعبي) على متن القوافي
 

‏اضحك ترى عوج الليالي مدابير
‏وما للخلايق في قضاء الرب حيله

‏أضحك لو هموم قلبك طوابِير
‏وما يقسمه ربك تروح وتجي له

‏لو ضاقت الدنيا تراها مقادير
‏وخلك جبل ماهزته كل ميله

....

رد: فوق هام السحب ( الشعر الشعبي) على متن القوافي
 

🇸🇦

اما نعيش وبيرق العز مرفوع

‏ولا نموت ووبيرق العز ماطاح

رد: فوق هام السحب ( الشعر الشعبي) على متن القوافي
 

اللي يتابعني عسى الله يحييه
أهلاً هلا لي الفخر واتشرف

واللي تعداني عدته المشاريه
كافي حسابي في مروره تشرف

بقلمي

رد: فوق هام السحب ( الشعر الشعبي) على متن القوافي
 

🇸🇦🇸🇦

لك معزه لك محبه وأحترام
‏دام عزك ي وطنا في ذراه

‏والسعودي لايُهان ولا يُضام
‏قالها محمد وشعبه من وراه

‏شعبنا ي طويق عالين المقام
‏رددو عاش الوطن حنا حماه

رد: فوق هام السحب ( الشعر الشعبي) على متن القوافي
 

‏بعض البشر مثل العسل والجواهر
‏مهما وصفته بالحلا ماله اوصاف

‏بعض البشر طيبه على الناس ظاهر
‏مايختفي مثل القمر دوم ينشاف

....

رد: فوق هام السحب ( الشعر الشعبي) على متن القوافي
 

‏سكرت انا باب العتب والنقاشات
‏ماعاد لي خاطر افتش وابرر

‏كثر العتب شوّه جميل العلاقات
‏خل النوايا البيض عنك تقرر

....

رد: فوق هام السحب ( الشعر الشعبي) على متن القوافي
 

‏الـطب مايوصف دواء للمحبين
‏ولا في مسكن للغلا والـحنيـني

‏الشوق طبه يجتمع فيه قلبين
‏تــروح الموآجع بشتــبآك اليديـني
‏‌
شيهانه