|
رد: فوق هام السحب ( الشعر الشعبي) على متن القوافي
-أنا النسيان : تصبّر مرّه.. تصبّر مرّه.. بس مرّه تصبّر تأثّر مرّه.. بس مرّه تأثّر أنا يأسي اللي وداني على بيبان نسيانى أكو نسيان فى الدنيا يتذكر بللني مطر..لاشواق على باب الشتا والبرد ومر الصيف ياطول ايامه ماتنعد ومرت ذكرياتي تشيل باقة ورد انتظرتك ماوصلني رد ذبّلت الصبر والورد وريحك بعثرت بالوجد طبيعي إنى يوم انساك وطبيعي كل فعل له رد أنا يأسي اللي وداني على بيبان نسياني أنا النسيان أكو نسيان فى الدنيا يتذكر مسدوده للحب الطرق ماينفع ..الا..قناع لازم نفترق حان الوداع.. يالله..حبيبي نتفق مافي لقا بعد اللقا..بهذا المكان ومافي رسايل..أو رسول مافي رجا.. وأرجوا حديثك لايطول واقدر اقول كلي سعاده انى منك انسرق انا يأسي اللي وداني على بيبان نسياني أنا النسيان أكو نسيان فى الدنيا يتذكر —فائق عبد الجليل— ود @جاهله@ |
رد: فوق هام السحب ( الشعر الشعبي) على متن القوافي
-ذكرى الفراق: اليوم ذكرى الفراق ومرت أول سنة اليوم لي عام متغرب وحيد وحزين اليوم أنا ضيف جرحي جيت باطمنه إني جمعت الدموع وجبت أمانة أمين مايجرح الصادق إلا غدر من يامنه لاجت من أحباب قلبك لاتلوم السنين مليت من هالأماني دام ميه ممكنه لاهي اتحقق ولا ياسي بوجهي يبين إلوين انا وانت مثل الشمس والأزمنه مع كل صبحٍ يجددني لشمسك حنين لاقلت أحبك..أحبك كنها دندنه أوكنها وردةٍ مابين أصابع جنين يا أجمل الناس لك بين الملا هيمنه كثير غيرك لكن مين مثلك ووين ياعاذلي خذ عيوني يمكن تثمنه تشوف عيبه وأنا أشوفه ملاكٍ حسين أمس افترقنا وأنا أحسب مرت أول سنه ياطولها ليلة الفرقى سنه للحزين -طلال الرشيد- و @جاهله@ |
رد: فوق هام السحب ( الشعر الشعبي) على متن القوافي
ﺇﻣﺰﺡ ﻭﻟﻜﻦ ﺧﻞ ﻣﺰﺣﻚ ﻓﻲ ﺣﺪﻭﺩ
ﻭﻣﻦ ﻻﻳﺤﺐ ﺍﻟﻤﺰﺡ ﻻﺗﻤﺰﺡ ﻣﻌﻪ ﺍﻟﻤﺰﺡ ﺑﻌﺾ ﺃﺣﻴﺎﻥ ﻣﺮﻭﻱ ﻟﻠﻜﺒﻮﺩ ﻟﻜﻦ ﻟﻴﺎ ﻣﻦ ﺯﺍﺩ ﺿﺮﺑﺔ ﻣﻮﺟﻌﻪ ﻭﺃﺗﹿﻌﺐ ﻋﻠﻰ ﺧﻮﹼﺓ ﻋﺮﻳﺒﻴﻦ ﺍﻟﺠﺪﻭﺩ ﺍﻟﻠﻲ ﻣﹷﻌﹷﻚ ﻓـﺍﻟﻀﻴﻖ ﻭﺇﻻ ﻓـﺍﻟﺴﹽﻌﻪ ﻭﺃﺣﺬﺭ ﺗﻌﺎﺷﺮ ﺭﺍﻋﻲ اﻟﻘﻠﺐ ﺍﻟﺤﺴﻮﺩ ﺍﻟﻠﻲ ﺿﺮﺭﻩ ﺃﻗﺮﺏ ﻟﻚ ﻣﻦ ﺍﻟﻤﻨﻔﻌﻪ ﻭﺃﺑﻌﺪ ﻋﻦﹺ ﻣﹿﺨﺎﻟﻂ ﻣﺒﻴﹽﺤﺔ ﺍﻟﺴﺪﻭﺩ ﻭﺍﻟﻠﻲ ﻋﻠﻰ ﻧﻘﻞ اﻟﺤﻜﻲ ﻣﺘﺠﻤﹽﻌﻪ ﻭﻻﺗﻘﺎﺑﻞ ﺭﺍﻋﻲ اﻟﻄﹽﻴﹿﺐ ﺑﺠﺤﻮﺩ ﻭﺃﺣﺬﺭ ﻣﻦ ﺍﻟﻠﻲ ﻃﻴﺒﻬﺎ ﺗﺘﺼﻨﹽﻌﻪ ﻭﺍﻥ ﺷﻔﺖ ﻣﻦ ﻧﻈﺮﺍﺕ ﺃﻗﺎﺭﺑﻚ اﻟﺼﺪﻭﺩ ﺣﺒﻞ ﺍﻟﺘﻮﺍﺻﻞ ﺑﻴﻨﻜﻢ ﻻ ﺗﻘﻄﻌﻪ ﻭﺃﻋﻠﻢ ﺑﺄﻥ ﺍﻟﻮﺩ ﻟﻮ ﺻﺎﺑﻪ ﺟﻤﻮﺩ ﺷﻤﺲ ﺍﻟﻤﺤﺒﻪ تصهره ﻭﺗﻤﻴﹽﻌﻪ ﻭﺍﻋﻠﻢ ﺑﺄﻥ اﻟﻌﻤﺮ ﻳﻨﻘﺺ ﻣﺎﻳﺰﻭﺩ ﻭﺍﻟﻠﻲ ﻳﻔﻮﺗﻚ ﻣﻨﹿﻪ ﺻﻌﹿﺐ ﺗﺮﺟﹽﻌﻪ ﻭﻻﺗﻨﹿﻈﺮ ﻟﻤﺎﺿﻴﻚ ﻷﻧﹽﻪ ﻣﺎﻳﻌﻮﺩ ﻓﻜﺮ ﺑﺤﺎﺿﺮﻙ ﺍﻟﺠﺪﻳﺪ ﻭﺳﻨﹽﻌﻪ ﻭﺇﺫﺍ ﻓﺘﹷﺮ ﻋﺰﻣﻚ ﻭﺣﺴﹽﻴﺖ ﺑﹿﺒﺮﻭﺩ ﺣﻔﹽﺰ ﺧﻔﻮﻗﻚ ﺑﺎﻟﻄﻤﻮﺡ ﻭﺷﺠﹽـﻌـﻪ ﻭﻫﺬﻱ ﺧﻼﺻﺔ ﺗﺠﺮﺑﺔ ﻋﺪﹼﺓ ﻋﻘﻮﺩ ﻭﺑﹿﺨﻂ ﻭﺍﻓﻴﻦ ﺍﻟﺨﺼﺎﻝ ﻣﻮﻗﹽﹷﻌﹷﻪ الشاعر .. سعد بن جدلان رحمه الله |
رد: فوق هام السحب ( الشعر الشعبي) على متن القوافي
سجه مـع الهاجـوس طبيعـة ٍ لـي ّ
طبيعـةٍ بمـوت ما جـزت عنهـا أشكي على الخلاق وارفع لـه إيـديّ لاكثـرت الأفـكـار يـفـك منـهـا أما الكرم قد فـاز بـه حاتـم الطـيّ حتى الفرس من شان ضيفه طعنهـا خلوني أكرم في حياتـي وأنـا حـيّ ولا مت مـدري جثتـي مـن دفنهـا خلقت في الدنيا وأنـا ما معـي شـيّ وبروح منهـا ما معـي شـي منهـا مسكين ياللي تحسب الواجـد شـويّ والعافيـه لـو تنشـري وش ثمنهـا يا جاهـل الدنيـا تراهـا كمـا الفـيّ يا مخبل اللـي فـي حياتـه ومنهـا إن ناحرت لك قامت تـروح وتجـيّ مثل الذلـول اللـي طويـلٍ رسنهـا وإن أدبـرت خلتـك طايـح ومرمـيّ وكم واحـد ٍ لـه حاجـةٍ ماضمنهـا لابد ما نرحـل عـن المـزح والغـيّ ونسكن بيـوتٍ قبلنـا مـن سكنهـا النفس مثل الغصن عايش على الـريّ ولولاه كـل النـاس عافـت وطنهـا يالله عسى الحسنات تقضي على السيّ لا قربـوا للنفـس ذرعــة كفنـهـا الشاعر مبارك البخيت السبيعي |
رد: فوق هام السحب ( الشعر الشعبي) على متن القوافي
ماهقيت أن البراقع يفتنني
لين شفت ظبى النفود مبرقعاتي الله أكبر يا عيون ناظرنّي فاتناتٍ ناعساتٍ ساحراتي في هواهن يا سعد كيف طرحنّي راح عمري من مودتهن فواتي كان مما صابني ما عالجنيّ الوكاد اني خطيرٍ بالمماتي يا سعد خبر ظريف الطول عنيّ كان وده لي بعمرٍ في الحياتي من لحظني بس أهوجس به واونّي ما تركني هاجسي لو بالصلاة الأمير الشاعر خالد الفيصل |
رد: فوق هام السحب ( الشعر الشعبي) على متن القوافي
يقولون مال العبد بدن عن المقسـوم
وانا اقول صح ويقنع العبد مقسومـه عسى الله يعين الي توافد عليه هموم همومن تخلي طبلة الراس منجومه ترى والله انه مايكدر عليك النــوم سوى كلمتن من بعض الاصحاب مسمومه ايلا جات من الغالين ولا الرخوم رخوم والا امحق من الغالي ايلا شانت علومه اضعاف الروابع تبتلش والقروم تشوم ولاهيب لا شامت من الشين مليــومـه والا الزين من القاع الخلا والوجيه سلوم ولا رفقتن مع طول الايام ملغومه والا الذ من عشرت شريفن من اقصى القوم يبادلك فعل الطيب معناه وسلومه ولا شفت في جو الصداقه غبش وغيوم عطيت الدروب الي مع الارض مرسومه والامثل عز النفس ولومامعك مطعوم وعن اهل الشماته خل الاسرار مكتومه معي لوسمحت اشوي عقبن غداك الوم ابعطيك عن بعض الرياجيل معلــومه ترا الاش لووقف معك في حياته يوم تشوف الردا متيبنن فيه من يومـه وانا اقول لون في وجيه الرخوم أوسوم كان عرفنا انميز قيمة انذل بوسومــه علاشان نجلس مع الرجال الوفا ونقوم ونبعد من الي عند الاجواد مذمومه وانا اسمع مع اهل التجربه في الحيات علوم بعضها صحيح وبعض الاخبار موهومه ويقولون وكر الحر ما تعتليه البوم وانا شــوف عيني وكم حرن تحت بومه الشيخ راجح العجمي رحمه الله |
رد: فوق هام السحب ( الشعر الشعبي) على متن القوافي
لوﻻ الوفا ما احتاجت الناس للناس
ولوﻻ المواقف ماعرفنا بعضنا تلمنا الأيام مع بعض اﻻجناس من دون ﻻنختار وﻻ أفترضنا وتجارب الأيام تبني لنا الساس أما أرتفعنا فوق وﻻ أنخفضنا هذا نزوره طيب خاطر ونوماس وهذا نجي له لأجل يقضي غرضنا ياما ركبنا من بعيدات اﻻرماس وياما فتلنا الحبل وﻻ نقضنا نسعى ورا الدنيا على درب الافلاس ونخوض ماكنا على الأرض خضنا حلوقنا من شهب الأيام يباس وليا سمعنا بالمصالح ركضنا والله لو نجمع ذهب خام والماس مصيرنا للموت مهما رفضنا ياما دفنا راس غالي ورا راس ياليتنا مما نشوف أتعضنا ونهاية المشوار مابين الأقواس ومن حيث ماتبدا الحياه انقرضنا حياتنا تحسب مثل عد اﻻنفاس واما نصانا الموت وﻻ أعترضنا ومصيرنا ندفن تحت حمر اﻻطعاس ليا أنتهت جانا العميل وقبضنا أما على الجنه على النهر جلاس ولا على الزقوووم والنار فضنا ياربي أغفر لي واجرني من الباس يوم الحساب ويوم ننكر بعضنا وياربعي اتعضوا ترى الوضع حساس توبوا وفي مافات ربي عوضنا وصلاة ربي عد ماهب نساس على الرسول اللي بدينه وعظنا الشاعر .. فوزي مربح الرشيدي |
رد: فوق هام السحب ( الشعر الشعبي) على متن القوافي
اربعين بيتا بدون نقاط لذلك
سميت ( المهمله) للشاعر الكبير محمد العبدالله العوني وهي من اندر قصائده رحمه الله علما بانها من اربعين بيتا ، راجين ان نجد ماتبقى منها ويقول فيها : هل الهلال وهامل الدمع مدرار لا هل واهمل ماطره كالهلل هل صور وصار الملح والدل والكار له والمها ما له ولا رسم ما كل لو صاح صالح طالعه ساع ما دار اسود على صدره على المسك عمل سامح محمد لا رأى روس الاسطار وحسامه الصارم لراع الهوى سل ولا رد كود اهلا وسهلا له كرار والحلم هو والعلم دله ولا دل اساله وما درى الود ما صار ولا ولاله كم دور لهم عل اول صدور مواصله والهوى صار لما الدهر رده على حاله اول ما صح عله والرعد ما وسم دار والحال حال الحول والحمل ما حل ولولا حلاها حلها روس الاكوار ما حل له دل ولو هو حل ما دل عسا عسى ما كمل الدار للدار عاد الرحا دوره على روس الاوحال وصلوا على طه عدد رمل الاوعار او ما كسا سهل الوطا للسما طل |
رد: فوق هام السحب ( الشعر الشعبي) على متن القوافي
يآ نجمة بآنت من الليل سآعه
بالثلث الآخر مع طلوع الثريآ نظرت نظرة خوف مدري شجاعه واثره ما غير النور من صدر هيآ غرو لعبي لعب طفل الرضآعه واليآ طلبته بعض الاحوآل عيآ يآ سرع طرقة رمشهآ وارتفآعه العين فيها النوم والقلب حيآ يا ليت ابوها من قريب الجمآعه لعل يحصلي من الشي شيآ وان قلت انا طماع وابغا الطماعه قال انت روح هناك وانا هنيآ ماني من الي يرخصون الودآعه عز الله اني ما احسبنك كذيآ بضاعتي يا غليها من بضآعه أغلى من عقود الذهب بالعليآ الشاعر .. صياف الحربي رحمه الله |
رد: فوق هام السحب ( الشعر الشعبي) على متن القوافي
فكر وناظر يا محمد ترى الحال
نفسي وتاليها مع الله خبرها العين كن لها عن النوم عذال تسهر وغادن نومها عن حجرها والكبد ما تقبل من الحلو فنجال والمر لو هو عشرق ما نقرها دنيا هيال ولا لحقنا لها جال وزيرت اميز سهلها من وعرها كان أقبلت يا حلو هاك التبهلال وإن ادبرت سوا على اللي حضرها ما ظن فيها واحدن داله البال إحفظ لدينك وإنتبه عن خطرها تراه مثل الفي لا بد ينزال والشمس هي ويا القمر من فكرها الحق ينكر والتفاخر بالأموال لاهين في غفلاتهم في دورها كم فرقت من دولة عاشة أجيال وإلى ومرها الله عطتهم نحرها فعال نو الخير لاموه الانذال كثرت تخاليف العرب في صورها يالله يا عالم خفيات الاحوال ياللي ذنوب العبد لاشا غفرها طالبك أنا الجنة وحسنى بالاعمال تقدر تفرجها إلى قدرها الشيخ تركي بن حميد رحمه الله |
رد: فوق هام السحب ( الشعر الشعبي) على متن القوافي
الرجل لامنه هرج تلقى على عقله دروب
لكن ترا أكثر ما يحيّر فالرجال سكاتها ترا الغضب ماهوب لازم يظهر اللي فالقلوب تظهره والله مزحةٍ ما تنحسب كلماتها المدح هو كذب الصدوق المزح هو صدق الكذوب تصيّد اللي في قلوب الناس مع مزحاتها محمد عبد الرحمن المقحم |
رد: فوق هام السحب ( الشعر الشعبي) على متن القوافي
ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به أنا في رجى عطفك و أنا ملتجي بحماك تفرج هموم القلب يافارج الكربه إليا ذعذع الغربي وحرك غصون الراك وناح الحمام بعالي الصوت يجهربه أجاوب حمام الورق يا لايمي عساك يحدك زمانك يم من لا تبي تقربه ذليلٍ إليا جيته وحيدٍ تجر خطاك كسيرٍ وقلبك واهج النار تسعر به ألا يا حمام الورق ماشفت ولا جاك ترى ينفع المهموم علمٍ يبشربه عن الدار و أهل الدار و السر مايخفاك وحيدٍ تحداه الزمن و أقلع بسربه من أول يجوز العذر للي يروح هناك و أنا اليوم حالي عذر ويش أتعذر به مسكها حكيم الراي و أندارت الأفلاك وقاد السفينه و أبحر النور مع دربه الشاعر .. رشيد الزلامي رحمه الله |
رد: فوق هام السحب ( الشعر الشعبي) على متن القوافي
نشفق على بكره وبعده وبعدين
أهم حاجة نطرداليأس عنا إن زانت الدنيا فزين على زين وإن شانت الدنياحملنا وشلنا ماهو بكل أيامنا مسترحين نرتاح يوم ويوم فيه انتعنا يوم نمر مباركين ومهنين ويوم نمر نعزي الحي منا نرسم هدفناوإن تعناله سنين ويمكن تفيض أرواحناماوصلنا الشاعر ... عيضه الشلوي الحارثي |
رد: فوق هام السحب ( الشعر الشعبي) على متن القوافي
يا بجاد شب النار وادن الدلالي
وإحمس لنا يا بجاد ما يقعد الراس ودقّه بنجر يا ظريف ..العيالي يجذب لنا ربع على أكوار جلاّس وزلّه إلى منّه رقد كل سالي وخلّه يفوح وقنن الهيل بقياس وصبه ومدّه يا كريم السبالي يبعد همومي يوم أشمّه بالأنفاس فنجال يغدي ما تصوّر ببالي روابع تضرب به أخماس وأسداس محمد الأحمد السديري |
رد: فوق هام السحب ( الشعر الشعبي) على متن القوافي
الا يالله طلبتـك يــا إلـهـي و انـتـه المطـلـوب
تفـرج همـي اللـي مـن سنيـن طـوال عانيـتـه ملازمني سواة الظل وأقرب مـن زرار الثـوب مـع انــه لــو يضايقـنـي زرار الـثـوب فكيـتـه تحاصرني هواجيسي وتاخذني وانا مغصـوب تسافر بي من المجلـس وكنـي ميـر مـا جيتـه تدور السالفة عندي وقلبي فـي سفـر ودروب ولا عـدت وأنــا مـثـل الــذي نـايـم وصحيـتـه تدور الدلة الصفرا ونفسي تشتهي المشـروب ولا صبـوا لـي الفنـجـال يـبـرد مــا تقهويـتـه ألا يا من بإحسانك رجع يوسف على يعقـوب ويونس وسط جوف الحوت نـادى ثـم نجيتـه تساعدني علـى الدنيـا وترزقنـي صبـر أيـوب وتحـسـن خاتمتـنـا فــي نـهـار حــق توقيـتـه وتغفر لي ذنوبي وانت عالم وش علي ذنوب ولكـن بـابـك أوســع لــي وغفـرانـك ترجيـتـه وبابك ما يرد اللـي نـوى بعـد الضـلال يتـوب ولا أحـد يـا كريـم الوجـه جـاء تايـب ورديتـه وأنا مذنب وأنا تايب وأنا خايف وأنا مرعوب ولك وحدك جبيني فـي تـراب الأرض حطيتـه عبدالله الطلحي |
رد: فوق هام السحب ( الشعر الشعبي) على متن القوافي
يا راعي الغر العذاب المباهيش
رش الكبود اليابسة عن عطشها دنق علي و طمن الراس بشويش واحي العروق الذابله وانتعشها حبك ينهش ثومة القلب تنهيش نهش الحنيش لعرش رجل نهشها واهل الهوى في سجن غيك دراويش وقلوبهم وجلانه من دهشها من ذاق من جمر السوالف بخاشيش يبطي وروحه معتقلها بلشها لا تستمع في هل الحكا والوشاويش ناس انقيلي النمايم دبشها يا خشف ريم ذار واوحي شوابيش بدوا طلوع الشمس ذاره وغشها والعين عين اللي جسر عقب توحيش امير بيتي الحرار ووحشها طرح الشبك ما قلبوه الطواريش ولا قرنسوه اهل العشش في اعششها وحش وجاي من بعيد المناطيش عوق الخريش اللي طياره خرشها لا قام يأخذ من طرف ريشها ريش واليا قضا لعبة عليها لكشها جابوه من عين الشمال الهماميش ابرك الهادي طرشة قد طرشها جابوه لمثمن طويل المطاريش شيخ قوانين العرب ما دغشها محمد عشير منقضات العكاريش نجل العيون اللي ملامح بهشها ومهدي للي براسه نغاميش لا شوشت حياة الارض وحنشها محمد مقابل قاصده بالتباهيش وملفى الرجال اللي جميلة غطشها ودايم وبيته مدهل للمداغيش وكم روح مسعورٍ بجوده نعشها لا يا بعد ناس تكبر على ويش لا شافت الناصي تلوت اخششها لو يملكون ارقام الاموال حتى ايش در الحمارة دوب يروي جحشها وروس الظبا ما ذكر فيها عراميش لو هي على الزيلة كبار اشوشها عبدالله بن عون |
رد: فوق هام السحب ( الشعر الشعبي) على متن القوافي
ابنصحك واسمع ولو مأنت مكلوف
لا تقول يا رجال مالك ومالي هذي نصيحة حق ..والعفو معروف يزيد قدرك في صدور الرجالي القول بداية فعل وأفعالنا الخوف وشعره مابين الفعل والأنفعالي الكلمه اليا جات من صدر ملقوف الصّمت خير وخل صدرك شمالي زلة السانً بالخطاء خلها طوف لا تابع الزلات يابن الحلالي لا تصير بالمجلس خفيفً ومشغوف ولايصير صوتك فوق الأصوات عالي ترقاء عن الطفسه على راس هفهوف عليك ومثلك يشرهون الرجالي الصّمت بعض أحيان مايعتبر خوف لا صار بعض الهرج ماله مجالي اركد ياحتى يركد الرمي وتشوف ويبين لك بين الخطاء والعدالي ان كان زلة رجل و الرجل معروف ثلاث طوّفها الكريم اسبالي وكانه ظعيف وهرجته هرجة ضعوف سفيه خله فالمجالس يلالي لا صار ما لي عندهم حق مخطوف يلقى سفيه يسد حلقه بدالي عبيد القلادي |
رد: فوق هام السحب ( الشعر الشعبي) على متن القوافي
الوصية
أول كلامي طلبة الله بديه يا عدل يا رواف عالم بحالي أرجيه يغفر زلتي والخطية لي رحت في قبري وقدني لحالي ما عاد لي من هو يرد الوصية ولا ابن عم لي قريب موالي قال ابن هادي بادي في عشيه في راس مشذوب عنيش الجبالي سر يا قلم وأكتب بيوت طرية واكتب مقالات على شف بالي مثل الجنا من غرسة رازقية والا حليب مشملات غوالي يا سعيد أنا بوصيك مني وصية واحفظ وصاتي يا عريب الخوالي أوصيك تقوى الله فانها البديه من يتقي ربه دراجه عوالي من يتقي ربه دراجه قويه ويفوز بالجنات يوم الهوالي والوالدين ألطف بهم بالسويه من قدم المعروف يبغى التوالي اوصيك بأمك زد لها مقدريه ولا تفضل فوقها أم العيالي والجار له حق عليك وعليه لا زل فاسمح زلته لا تبالي والضيف قدم له علوم طريه شب المنارة وادن منها الدلالي وأكثر له الترحيب واثن التحيه من عقبها وجدك وهرج عسالي عند المحاضر خل عندك عنيه ومن الردا خلك عزيز وغالي وترى خوي الجنب له مقدريه إسمح لزلاته على كل حالي فإن الخوي لابد يذكر خويه بالطيب ولا بالعلوم الهزالي وصلاة ربي عد نشو الرفيه على النبي عدة حقوق المخالي عبدالله بن سعد بن محمد بن هادي |
رد: فوق هام السحب ( الشعر الشعبي) على متن القوافي
بكره نروح ونترك الناس للناس
ليت البشر بغيابنا يتركونا محد ٍ وحنا نشتكي قال ماباس وشلون لاطحنا نبي يرحمونا كنا نهبنا مالهم دون الأجناس من غير ذنب ودون حق ابتلونا كل ٍ علينا من القهر حد الأضراس من حقدهم محر ٍ بهم ياكلونا ياليت نعرف وش تبي منا الأنجاس يومنهم* دون العباد ابلشونا متروك حاوي العنزي |
رد: فوق هام السحب ( الشعر الشعبي) على متن القوافي
حنا العرب يا مدعين العروبة
وحنا هل التوحيد وانتم له أجناب وحنا شروق المجد وانتم غروبه وحنا هل التاريخ وأنتم به أغراب يوم الفقر شلتوا علينا عيوبه واليوم عقب النفط جيتوا لنا أنساب ويوم الفقر فينا البداوة سبوبة واليوم صرتوا مثلنا بدو واعراب لو الهوى منكم منعتم هبوبه لا شك رزاق الملا رب الأرباب ولو المطر منكم منعتم صبوبه لا شك رزق الخلق من عند وهاب جيش الحسد سقتوا علينا حروبه كل يبي يزرع على جسمنا ناب حرب على المحسن تراها عقوبة بالله عساكم ما تفيدون حراب يا ما عطينا ما ندور مثوبه إلا من اللي من ترجاه ما خاب ويا ما نصرنا صاحب ضيقوا به عاداتنا نقدم الى مالردى هاب وياما نصانا من تعثر دروبه يدخل حمانا من تعذرة الأصحاب حنا بنينا دارنا من طيوبه وانتم سلبتوا داركم كل ما طاب الله سقانا من بحرنا عذوبه وانهاركم مثل البحر هدر تنساب حنا زرعنا الحب بارض خصوبه وانتم زرعتوا كره الأجيال بتراب وحنا دعينا السلم نوبه ونوبه وانتم حمام السلم بعتوه بغراب يا من دعا للحرب ما درك خطوبه لا تحسب أن الحرب تهديد وخطاب من شب نار الحرب يصلى شبوبه ومن ثور الفتنة تعرض للأسباب ما يستر الرجال ملبوس ثوبه الدين وافعال الكرامة له ثياب ما يقبل الرجال بحماه حوبه ما دام له حق وللحق طلاب الأمير الشاعر خالد الفيصل |
رد: فوق هام السحب ( الشعر الشعبي) على متن القوافي
إي والله أهوجـس ولانـي بمرتـاح
والحزن فى حوش الحنايـا بفـاروع أمسيت من وصل المواليـف مـزاح وأصبحت من فرقى المواليف مفجوع البارحه.. في غبة الوصـل سبـاح واليوم من عرش المواصيـل مخلـوع ياصاحبي.. صرح الهوى والوفا طاح والقلب كنه من عراويـه مقشـوع كنت أحسب إن لحبنا عشرة أرواح إلين شفت الحبـل بيديـه مقطـوع يوم العهد به حده إسبـوع لا راح إسبوع ويعوّد علي شوق ودموع واليوم خمس سنين والهم مـازاح هم الفراق اللي بلا عذر مشـروع أستغفر الله تسعة شهـور ياصـاح في غيبته قمت أحسب اليوم بإسبوع العام .. خلي يسمع القلب لا صاح واليوم .. مهما صاح ماهو بمسموع ضاع الحساب وشفت برق الجفا لاح وأيست لولا إن الرجا في مـزروع وحالي نحل والحال مهوب منسـاح من كثر ما أظمى للمواصيل وأجوع بليت في من دونه سيـوف ورمـاح وغدا علي وصله مثل حبة الكـوع له مني إن سره على النـاس مابـاح ولي منه إن الصد غصب ٍ بلا طـوع محمد بن فطيس المري |
رد: فوق هام السحب ( الشعر الشعبي) على متن القوافي
انا ويش اسوي في زمانى يابن نماس
زماناّ مغامر والثقه فيه تخدعني يحاول يوقفني على شفه من ياس وعيت دروباّ تاسع الناس تاسعني اخذبي على درب الشقاء والعناء مرواس ولاباقي الا في المهامه يضيعني تحملت من جور الليالي بدون قياس ولو حملها ميل على المتن واوجعني وصبرا ّ على الشده شجاعه وقوه باس لكن الضروف القاسيه ماتطاوعني ليا اجتمعت الثنتين حاجه وشيمه راس وهذي تنزلني وهذيك ترفعني رفعت النظر والله عطاني نظر واحساس وهي ميزه في كل الاحوال تنفعني ولو كان بين الصم والبكم لي مجلاس هذا مايكلمني والاخر مايسمعني حياه التجارب علمتني وانا حساس وخلتني اعرف نظره العين وش تعني وانا لو بدت لي حاجه عند بعض ناس اريد الكلام وعزه النفس تمنعني رشيد الزلامي |
رد: فوق هام السحب ( الشعر الشعبي) على متن القوافي
يابنت ياللي تطوي الثوب الارداف
شط الحوار بدر بكر يميحه في مرتع ٍ عشبه تغريف تغرياف وامه هجل ماشملوها منيحه والعنق عنق مذير ٍ عقب ما شاف بواردي ٍ لا قف ٍ له بضيحه والعين عين موحش ٍ راس مشراف يملا عيونه بالفجوج الفسيحه يابنت مانرضى المهونه والاضعاف ولنا علي روس المشاريف صيحه فينا صفات الطيب يابنت الاوصاف ماتنطبق في غيرنا يامليحه دخلينا يرقد وراء الوجه ما خاف يامن وتحماه السلوم الصريحه ناسم عصاه ولويبي حج واطاف تحت الحما ما واحد ٍ يستبيحه ونفوسنا دايم عفيفات وانظاف وابداننا من كل عله صحيحه صاحين صافين المشاريب واشراف ماناكل الترديه والنطيحه صلبين في وقت الشدايد وعراف منا المشوره واختيار النصيحه وان ثارت الهيجالنا وسط واطراف وجه الحريب نقنعه بالفضيحه واكرام لو يلحق بنا نقص وخلاف نملا الصحن ونلحفه بالذبيحه يوم السنين الماضيه حيل وعجاف ينقر لنا من هبة الريح ريحه والعيشه اللي تدبل البد تنعاف النفس عن ما تكرهه مستريحه دنيا تموج ولا رسمنا لها اهداف ياما تحتها من فعول ٍ قبيحه تجهز الغازي وتسرع بالانكاف ولا تنكف الا بالفلس والقميحه خلف بن هذال العتيبي |
رد: فوق هام السحب ( الشعر الشعبي) على متن القوافي
انا والليل خلان ورفاقه
اخذني عشق واخذته عشاقه اوضح له ضنايٍ مابروحي ويفتحلي على الغياض طاقة الا ياليل وش عندك وعندي؟ يقوله من تكدرله مذاقه عيونه من غرام الشوق تهمل عبايرها على ذيك الدقاقة وانا بنهاية التسعين هجري إلي خلٍ عجزت اقوى فراقه مضى عشرين عام وخمس كني كسير عيب الجبار ساقه يفزع بصياحه هجوع ناسٍ لهم بالنوم والراحة علاقة الا ياليل يا عرضك وطولك انا وياك لا عاد الصداقة خلف بن هذال العتيبي |
رد: فوق هام السحب ( الشعر الشعبي) على متن القوافي
الله على الأيام وشلون سـوت
إلين خلتني مثل ماأنت شايـف كم فاتت اللي كان ماتنتفـوت وأنا عليها من الشفاقة مهايـف مانيب مقطوع الرجاء لي تغوت ولا راجيآ غيره ولانيب خايف واللي على صكات بقعاء تقوت قدهي تشوف إن الثقيلة خفايف عندي لها غير المصوت مصوت ليا كلحت لنياب فوق الشفايف تومي بها صملاتنا ليـا تنـوت عاداتنـا مانحتـزم بالحسايـف نعرف نحل حبالها ليـا تلـوت ونقودها قود الرسن للعسايـف سعد بن جدلان رحمه الله |
رد: فوق هام السحب ( الشعر الشعبي) على متن القوافي
جريت صوتي تالي الليل جره
والناس هجعا وأرفع الصوت بأبيات ولقيت في سود الليالي مضره كم كلمة ولّت وراحت ولا جات النوم يعرض للعيون وتمره مر الكرام اللي خطاهم سريعات تلبس حرير وبنت الاحرار حره عمهوجة تغدي لها النفس توقات دنيا تزيّن للغرير وتغرّه بين الليال وبين الأيام غرات غارة زمان ويكفي الله شره أدري الهوى والنفس وإبليس ما مات احذر عدوك دبه العمر مره واخذ الحذر من صاحبك عشر مرات خلف بن هذال العتيبي |
رد: فوق هام السحب ( الشعر الشعبي) على متن القوافي
يالله ياحامل مفاتيح الارزاق
المعتني في رزق نفس خلقها عن الخفايا ما على عينك رواق واذنك عن الاسرار ماهي بصقها تجعل نفسي من غضب وجهك اعتاق وبيديك علق الامور ووفقها اغسل قلوب اهل التباغض والاشقاق وهون مسالبها وريح شفقها أمنت بن الله ربي مرسل محمد نبي جل وتعالى قل هو الله احد والله الصمد وأمنت بالقرآن والسنه وحمبل مذهبي وبايعت وانا من رجالآ ما يخونون العهد سعد بن جدلان رحمه الله |
رد: فوق هام السحب ( الشعر الشعبي) على متن القوافي
أشوف بعض أصحابنا مايمرون
وانا الجفا من صاحبي ما استحقه عندي خبر عن غايت اللي يكنون شافو بحالي من جفا الوقت رقه وانا من الهجران ماني بممنون مجفا رفيقي لوجفاني بحقه لو انهم عن غاية القلب يدرون مرو عليا ماعليهم مشقه لكن مع الدنيا وهالها يميلون ويعطون راع المال من فوق حقه لو تنفع الدنيا نفع مال قارون جاهه وماله ماعدل وزن بقه الدايم اللي بقدرته كون الكون ارسا الجبال ومجرا الانهار شقه والادمي ماهو عن النقص مصيون يفني ويفنا المال جله ودقه وعمر الفتى لو طال للحق مرهون لا يامن الديان بابه يطقه اتلى العهد لا قالو فلان مدفون ولفو عليه من ارخص الخام شقه ويقرا الكتاب اللي به العبد مديون والكل يحصد ما بذر واستحقه الشاعر الكبير : بدر بن عواد الحويفي |
رد: فوق هام السحب ( الشعر الشعبي) على متن القوافي
يا ذا القمر.. قامت تغيِّر مساريك
يا بطي مطلاعك.. ويا سرع مسراك طفت النجوم اللي من أول تباريك ما شفت نجم بان قبلك وخاواك قبل أمس.. أعدّ لك الليالي وراعيك واليوم عني نازح البعد.. خفاك يا نجد.. جعل مروّح الغيث يسقيك يعل ريانك.. ويسقي ظماياك يا نجد حبيناك.. من حب راعيك اللي بنى مجدك وصانك وسواك يا نجد.. قلبي ينفعه يوم يطريك الله يلوم اللي يلومه إلى أطراك الأمن.. والإيمان متوطن فيك فضل المليك اللي ربا فيك.. وارباك العين في سود الليالي.. تناجيك لو هي (بلندن) كانها اليوم بحماك كلام مشتاق يبي شوف أراضيك جنسيته تحمل فصيلة.. رعاياك ماهو كلام إمخادعي.. يسميك باسم تنافا مع حلاياك.. واسماك بالشر يدعي لك.. وبالخير ناسيك ما يدري أن أهلك تسلو.. بذكراك لبيك يا داري من البعد لبيك صرخة غريب ما يصدق بلاماك خلف بن هذال |
رد: فوق هام السحب ( الشعر الشعبي) على متن القوافي
البسمله تخزي جميع الشياطين
بسمك بدينا ياجويد العراوي ياهازم الأحزاب ياناصر الدين ياخير من يدعى لكل الدعاوي أنا دخيلك يوم نصب الموازين وأنا بوجهك عن جميع المساوي عساك ياخلاق الأنسان من طين تفزع لنا يوم المحن والبلاوي العمر مهما ياخذ أيام وسنين يطويه بين اليوم والليل طاوي يالأدمي لو طال عمرك على وين لابد من يومٍ على القبر ضاوي إفطن ترى دنياك لعبة وراعين لو مدحوها بالأمل والمناوي ترميك تياراتها يسار ويمين ولنت بعليها لو تقاويت قاوي إن جنبتك أمواجها والبراكين ماجنبتك همومها والشكاوي أقفت بروس الأنبيا والسلاطين لاجاملت معهم ولاهيب تاوي تضرب بسيف وخشم حربه وسكين فوق الكبود الغافله والكلاوي من يومها تطبخ وتاكل ملايين وتمسي تحد الناب والبطن خاوي قانونها يغلب جميع القوانين وهقواتها تغلب جميع الهقاوي فيصل الرياحي |
رد: فوق هام السحب ( الشعر الشعبي) على متن القوافي
يالله طلبناك بالمقسوم ترضينا
ياعالم الحادثات وغيب الأيامي نعوذ بالله من كيد الشياطينا والكبر والجبروت وزيف الأوهامي ياباقي أيامنا عدي ليالينا كم في محيط العروبه من تسونامي حنا شعوب العرب ياكم تلقينا من صفعةٍ فالوجيه وكفها حامي عن كل مايردع أعدانا تراخينا نرجع وراء مانسوق الركب قدامي نشرب وناكل ولارحنا ولاجينا من غير تفكير عشنا مثل الأنعامي الذيب يأكل من اولنا وتالينا عز الله إنا غدينا مثل الأغنامي مانختلف عن غنمنا إلا بأسامينا ومهايطات الهروج وطول الأجسامي مليار واكثر لكن الله دعا فينا وعدونا لو بطش ماعاد ينلامي اليوم كلٍ بسكينه يذكينا وضحية العيد منا رأس صدامي ياشين قهر الرجال الله يكافينا ياشين بطش الطغاه وحكم الإعدامي وياويلنا من عدوٍ باطشٍ فينا ياويل الإسلام من عدوان الإسلامي إن ماخذينا زمام النصر بيدينا ونادى لنا الله بيومٍ يبر الأسقامي والله مايبقى لنا ساحل ولامينا ولاشعوبٍ ولاقاده وحكامي ولامساجد ولاقرآن يهدينا ولامنابر ولارايات وأعلامي تنتف لحانا ونوخذ من كراسينا إلى المشانق ولاللقوم رحّامي ممنوع حتى المعزي مايعزينا آوامر الجور من عباد الأصنامي تبت يدا بوش وبلير الملاعينا وتبت يدا حضنا اللي طاح ماقامي فيصل الرياحي |
رد: فوق هام السحب ( الشعر الشعبي) على متن القوافي
سبحان محص الناس جيل بعد جيل
وأرزاق خلقه بين خلقه قسمها وأرسل لهم فالكتب قرآن وإنجيل وسيطر على كل الأمور وحكمها ياللي تخيل الناس قلي وش إتخيل الناس مولاها يراقب ذممها مانته معدلهم على الكيف تعديل خل العظام كسارها في لحمها ورفيقك اللي مايراعيك بالحيل جرب حقيقة رفقته من عدمها حده على بعض القصا والغرابيل يبين لك منها قفاها وفمها إن كانها رفقة مجامل وتمثيل جرت بعيرٍ جاء الرشاش ودهمها إعرف ترى مالك وراها محاصيل وأبرك لك إنك طالعٍ من غسمها ولاتستمع في تاجر القال والقيل ناسٍ تبيع بسوق قالواذممها حساد والحساد دايم مغاليل عين الحسد ماوفق الله سهمها الحاسد النمام مقهور وخبيل عقرب وضم تلدغ وتزبن وضمها وراقب ولي الكون بالصبح والليل اللي حصد روس الطغاه وصرمها ترى الغرور أكبر مرض للرجاجيل ليا حل بالنفس الشجيعه هزمها لك موعظه في سورة العصر والفيل أصدق من الأبيات واللي نظمها وإجلس مع ثقاة الرجال الحلاحيل جلسة حلاحيل الرجال إغتنمها تلقى مجالسهم مزوح وتعاليل وسوالف ماهيب يسمج طعمها تاخذ بها حكمه وعرف ودواليل ويبعد شقا روحك ويبرد نسمها إرفع مقامك كنك الجدي وسهيل وناس تبادلك إحترام إحترمها المرجله تقسيم بين الرجاجيل ماهي مطيه من شراها وسمها هاذي مثايل شعر مثل القناديل تجلا ظلام القلب للي فهمها من هيض هاجوسٍ تدفق كما السيل تجي له الأبيات لو ماعزمها فيصل الرياحي |
رد: فوق هام السحب ( الشعر الشعبي) على متن القوافي
1ï¸ڈ⃣
الله وأكــبـر يــبـــدي الــنـــور ويـبــين الله و أكبـر لابـــديــــنــــا وقـــلــــنــا يالله يــاقـابـل صلاة الـمـصــلــيــن يـاربــنــا يـاللــي عــلــيــك اتـكــلــنــا يـامـنـزلـن ســورة تــبـارك ويـاســيــن إنـك تــديـــم إيـمــانــا فــي وطـــنـــا 2ï¸ڈ⃣ يـالـلــي لـيـاقـفـا من الـلـيــل ثـلـثـيـن أبـــواب عــرشــك لـلــدعــاء يـفـتـحـنـا يامـسـتـجـيـب لدعوة المسـتـقـيـمـيـن مـتـوسـلــيــن إلـــيــــك يارب عـــنــــا الـراكـيـن الـسـاجــديــن الـكـفـيـفـيــن اللي إيـديــهــم لـلـســمــاء يـرفـعــنــا 3ï¸ڈ⃣ تـحــت الـمـنـابــر رافــعات الـمواذيــن بالله وأكـبـر تــحــتــها نــطــمــأنــا نـاصـر رســول الله فـــي بـــدر وحـنـيـن اسـراجـنـا اللـي زال ظـلـمــة جـهـلـنـا تــهـــد يــل الـــزمـــره الـمـسـتـبـديـن وتـهـد حــيــل الــغــاوي الــلــي فـتـنــا 4ï¸ڈ⃣هــدام صـدام الأمـن والـبـراهــيــن آمــال شــعــبــه بـــعــــد مـاحـقـقــنــا أنـهــار واسـتـولـت عـلـيـه الشـيـاطـيـن وفـوقـه ابلـيـس الـعـود هــدرس وغـنا مـلـعـون والـلـي يستجـيـبـه مـلاعـيــن ويـخـسـا ضعـنـهـم مـايـبـاري ضـعـنـا 5ï¸ڈ⃣لاديــن لاشـيــمــة عــرب لاقـوانـيــن لافـكـــر لاتـمـيــيــز لاحـــسن ظـــنــــا قـومـن ولاة أمورهـــم مـسـتـخـفـيــن لايـمـكن إنــهـــا بـالـســعــاده تــهــنــا صدام فـكــر فـي سـطــور القديـمـيـن شـف كـيـف كـنـت وشفلـنـا كـيـف كـنـا 6ï¸ڈ⃣حنا نعـرفـك بـس مانـعرف حـسـيـن وإنـــا تـعــرف الــنــاس أبــانــا وحــنــا تـهــبــون مـنــتــو قدنـا يـامـسـاكـيــن مـن زعــل منـكـم مـن رضــي ماشحـنـا يـابـربـر أنـتم ويـن والمـمـلـكـه ويــــن مـاسـمـنـك يكـود فـضــلــت صـحــنــا 7ï¸ڈ⃣ياطـول مـاحـنا عـلـيـكـم مـغـطــيـن والـحـمـس طـلــع ريـحـتــك يابـصـلـنـا أبــوك حــنــا لـلـضـعـافـاء عـطـوفـيــن ومـــن صـكـتــه غــبــر الـلـيـالـي زبــنــا ولا يــخــوفــنــا هـديــــر الــبــعــاريــن تخـشـى جـمـال الـقـوم هـدرة جمـلـنـا 8ï¸ڈ⃣عـاش الزعيـم اللي رفـع راية الـديـن هـــو عـزنــا هـــو نـورنــا هـــو زحـلـنـا بـطل الـخـلـيـج وخــادمـن للـحـرمـيـن قايــد مـسـيـرتـنــا مــحــقــق أمــلــنــا دنـيــا وديـن وسـلـطـتـن لـلـسـلاطـيـن وفـيـك الـخـصــال الـطـيـبـه يـوجـدنــا 9ï¸ڈ⃣ عزم وجزم وأصل وفصل ياأحمر العين نـصـر وقـصـر فــي قـطـر ظـلـك سكـنـا عيـنـك قــدم وخـلاف ويـســار ويـمـيـن وشـبـرك يـعـدي راعـي الـبـطـش عـنــا ولـي عـهـدك مخـلـصـن مـعـك وامـيـن رجـــل الــوفــا فــي طـاعـتــك مـاتـأنــا �� وبـالـحـرس تـشـهـد عـلـيـه الـدواويــن ونـشـهـد مـعــه مــن شـامـنــا لايـمـنــا قوة حـرس عاصـر بهـا العسـر والليـن ويصـعـد بـهــا فـــوق الـعــلا واعتـلـنـا والـنـايـب الـثـانــي كـعـام الـمـعـاديــن مـحـبـتــه وســـط الـضـمــايــر تــبــنــا 1ï¸ڈ⃣1ï¸ڈ⃣ قـاد الدفـاع الـلـي تـخـوض المـيـاديـن ودافــع عــن حـيـاض الـوطــن ماتـهـنـا وفضلك يابو فيصـل علـى المستحقيـن بـيـنــت نــابــه يــابــو فـيـصــل وبــنـــا اللـي بـذلـتـه لـصـدقــاك الشـقـيـقـيـن كـويـتنــا تــحــمــد عــلـيـــك وتــثــنـــا 1ï¸ڈ⃣2ï¸ڈ⃣ يـوم الـحـريـم مـن الـمـلابـس عـرايـيـن وأطـفالــهــن بـكـفـوفهـن يـلـعــجــنــا ثم أعلنـوا بالصـوت وين العـرب ويـن الـجـســم عـاري والـتـجـفــف قـتـلـنــا قال الفـهـد نعـم الفـهـد والعضـيـديـن يــامـــن نـخـيـتـونـا تـــرانـــا وصــلــنــا 1ï¸ڈ⃣3ï¸ڈ⃣ تبشــروا بـالـعــز ذلـحــيــن ذلــحــيــن الــمـال يـصـرف والـمـســاكــن تــبــنــا مـده سـخـيـه مـن يــديــن الكـريـمـيـن وقـال الفـهـد بـسم الـسعـودي بـذلـنـا وحـنـا بفعـلـك يـابـو فيـصـل فخـوريـن وأعـمـالــك اللــي بـالــشــرف طــورنـــا 1ï¸ڈ⃣4ï¸ڈ⃣ وحـنـا جـنـود الله فـي خـدمــة الـديــن في خـدمــة الـقـايـد وخــدمــة وطــنــا تـحـت العلم نحـمـل شـعـار الفـداءيـن لـك يافـهـد ولـنـا الـشـرف فــي عملـنـا نـعـم الـمسمـي والـرجال الـمـسـمـيـن سـمـيـتـنـا وإنـا حـمـلــنــا وشــلــنــا 1ï¸ڈ⃣5ï¸ڈ⃣ وحـنـا لـرهــن إشــارتــك مـسـتـعـديـن الأمـر مــنــك وطــاعـــة الأمـــر مــنـــا أنت ولـــي الأمـــر وحــنــا المطـيـعـيـن جـنـود أبــو فـيـصـل ومـا قـــال قـلـنـا في صف واحد مايجي الصف صفيـن لــو كـــان نـمـشـي فالـخـطـا ماسـألـنـا 1ï¸ڈ⃣6ï¸ڈ⃣ أبنـا الوطن وأبـنا الـعـرب والمسلمـيـن نـؤمـن وإلــى شـلـنـا الأمـانــه مـاخـنـا أبـنــا القـبـايـل بـالأحـاسـيـس واعــيــن ولا نــجــنــب عــن تـقـالــيــد أهــلــنــا نـخــوه وغـــاره واعـتـداد الـجـذوعـيـن نـصـبــر ونــقــدر وإن بـلـيـنــا فـعـلـنــا 1ï¸ڈ⃣7ï¸ڈ⃣ بـعـقـولـنـا ولــيـــا بــدن الـحـفـيـفـيـن نـنـسـى الـعـقـول ولنـتـصـرنـا عـقـلـنـا ولولا مـجـنـنــا كـلـتــنــا الـمـجـانـيــن تـطـمـع بـنــا الـجـهــال لــولا جـهـلـنـا هــذي طبايعـنـا مــن شـهــور وسـنـيـن آخــر زمــنــا مــثـــل مــاضـــي زمــنـــا 1ï¸ڈ⃣8ï¸ڈ⃣ الشر نـنـطـح بـه وجيه الشـريرين ومن قدم الحسـنـات خـذ ماتـمـنـا يعيش أبو فيصـل معي قولـوا أميـن بالله كملنا ثــم بــه أكـتـمـلــنــا ياللي سمعتوا الأكلبـي ومتـوحـيـن يرجي السموحـه بعد هجرس وغـنا الله وأكبر يــبـدو الــنور ويــبــيــن الله وأكـبـر لابـديـنـا وقـــلــــنــــا سعد بن جدلان رحمه الله |
رد: فوق هام السحب ( الشعر الشعبي) على متن القوافي
تجزعت من دنيا عسى الله يكافيها
ضحوك عواقب ضحكها يمرض الصاحي جياعٍ ذيابتها شباعٍ حصانيها تعز الردي وتذل كساب الامداحي ولا اقصد شبعة عزيزٍ يزكيها انا اقصد بها ناس عنيين وشحاحي تميح الين انك من الجم تسقيها وتطوي عشاها وانت في البير مياحي وغناة محروم تلحق اللوم راعيها لها الوارثين وهو لجذاب الارواحي انا اشوف ناسٍ زود الاموال يطغيها وهم ماخذوها يوم الانياب كلاحي وجيه السرب اللي يخيب الرجاء فيها كبار الكذاب مكثرين التمداحي رجال بوقت الضحك تكبر عزاويها تهبد الصحن وتفطح الهرج فطاحي وعند اللزوم يبين للناس خافيها يضيعون ويجي للعزاوي تبطاحي علي بن بلال اليامي |
رد: فوق هام السحب ( الشعر الشعبي) على متن القوافي
عمار يا بيت كما بيت سلمان
راعيه ماهو يقفل الباب دونه وان قيل منهو ياعلي قلت ضيدان أبا أمدحه وأهل الوفاء يمدحونه ضيدان بن مترك له الطيب عنوان والرتبة العليا زهتها متونه من الظفر والطيب والعز مليان وله مجلس روس العرب يدهلونه للسوق ميزان وللشعر ميزان والحّر ميزانه تراها عيونه يالوم عيني ياسلائل سليمان عرجاني مايختلف عن يكونه من لابة في حزة الحرب ظفران سقم المعادي والدخيل يحمونه يشهد لها التاريخ من ماضي الأزمان ليا طار ستر الي ينقض قرونه والصلب والصمان تشهد وراكان يوم ان سوق الموت يعرف زبونه فريسكم في ساعة شأنها شان عنها الحريب موليات ضعونه تومن بكم قحطان ورجال همدان والصدق نور والاوادم يرونه ماقصدي أخص القبايل بحقران أعد فعلّ كلهم يذكرونه والشاعر الي ما معه عقل ولسان عسى لسانه بالجلم يقطعونه واسلم ودم وان كان فالهرج نقصان الكامل الله والملا يعبدونه وصلاة ربي عّد ماكائن كان على رسول أمته يتبعونه ضيدان بن متروك |
رد: فوق هام السحب ( الشعر الشعبي) على متن القوافي
مِنِّي عليكم ياهل العوجا سلام
واختص ابو تركي عَمَاعين الحريب يا شيخ باح الصبر من طول المقام يا حامِي الوَنْدَات يارِيْف الغَرِيْب اضرب على الكايد ولا تَسمع كلام العز بالقَلْطَات والرَّاي الضِّلِيْب لو ان طِعِت الشوَّرَ يالحِرِ القَطَام ما كان حِشْت الدار وَاشْقَيْت الحَرِيب أكرم هل العوجا مَدَابيْس الظلام هم دِرْعِك الضَّافِي إلى بار الصِّحِيْب عينك الى سهرت يعافون المنام غِشِ لغيرك وانت لك مِثْل الحَلِيْب لي عَسْكَر البارود واحمر القتام وتلافَحَت باذيالها شِهْب السَّبِيْب والله ما يَجْلى عن الكبد المَلام إلا المَوَارِت يوم ياتي له نَحِيْب ومُصَقَّلاتِ كِنِّها نَوْض الغمام بحدودها نَفْرِق حبيبِ من حبيب محمد بن عبدالله العوني |
رد: فوق هام السحب ( الشعر الشعبي) على متن القوافي
البنت من رجالها والخيل من خيالها
والضبعة العرجا تحوم تبي عشا لعيالها هذا من الشعر القديم ماقالها عبدالكريم امثال من قول البدو مدري من اللي قالها الفطن يفهم مقصدي ومالي ومالك يالردي لاضاقت الدنيا على سلمى تهز اجبالها ماضيق لو غيري يضيق وماهو موقف لي طريق وعيال شمر لابتي صكت على رجالها عبده مع الصايح جميع والشمريه ماتضيع شمر لاضاق الزمن كلن يقول انا لها وانا غريري يابعدي حفيد ابن حاتم عدي عيال عديه العدوات كلن يعرف افعالها يابنت قومي والعبي ابي اتفاخر بانسبي من غبنها بعض النفوس يصيبها سلالها تفاخري بي يامره الذل مافيه اثمره كما سربة من ذلها كلن شرب فنجالها صرنا طنايا من طنا ماهو طرب ولا غنى اشد لحظات الزعل فال الله ولا فالها مافيه نجدي وجزري الشمري هو شمري باي ديره فيها نزل زم الحمول وشالها فيني حميه واسلمي واهل الحيسه محزمي لاعدت بيوت العرب متشيدآ منزالها ولاصرت عبدي ضيغمي سنعوس دمي ولحمي عبده سناعيس الفخر تعجز تعد ابطالها وان قلت سنجاري فخر اهل المراجل والسطر شيوخ شمر منهم الي يضل اضلالها عرب وليدك عربه وكاس المراجل شربه وخل العلوم مفرقه من دقها واجلالها مايزعل الناس المديح خصن اذا مدحك صحيح والعفن تلقى المرجله تقصر عليه احبالها واعرف لو طال الزمن الطيب يبقى له ثمن واعرف ترى نفسك تبي تجزى بنوع اعمالها وانا ولاني مستضيق ولا موقف لي طريق وعيال شمر لابتي صكت على رجالها عبدالكريم الشمري |
رد: فوق هام السحب ( الشعر الشعبي) على متن القوافي
تجر بشتك وسط لندن وانا اشوف
كنك تمشى وسط سوق المنامه ماتدري ان الدم واضح ومعرووف عليك من دم الخليج العلامه ومن الحيا تلبس عبايه ونفنوف لكن ماكملتها باللثامه يالوف قلبي لوف لوف ً على لوف لوف العقاب الياانصرم للحمامه جتني تهز الخصر والبطن ملهوف صدر ٍ وقد وشايلتها الزعامه اليا اقبلت يمك دخل قلبك الخوف صويبها ماينقلنه عظامه واخذ الرصيف وعد بميات وولوف ماشي ومن مرك عطاك ابتسامه ينطحك شقح بكار ومهار وخشوف راع الغرام وجددتله غرامه في ديرة في قيضها نلبس الصوف تنزل رذاريذ المطر من غمامه فيها المناكر وابشع الفسق مالوف ماكن قافيها عذاب وقيامه خلف بن هذال |
رد: فوق هام السحب ( الشعر الشعبي) على متن القوافي
خليّ الهموم ليا بغى النوم طاح ونام ..
وأنا لا بغيت أرقد حصل ما يجزّينـي تقارع هواجيس الضماير قريع حْيَام .. على جال عـدٍ صوَّعـوه الـوراعيــني وقلبي كما عسوٍ زوى جذعه الصرّام .. متغانمٍ ربعٍ علــى الهجـن مـقـفيـنــي برا الحال من كثر التوجّاد بري اثمام .. مْـحيـلٍ ولاعته اللـواهيب واشينـي وحالي على ناب الردايف طواه هيام .. طواني طواي ابريسمٍ داعج اعيني ويا والله اللي طاول الحال بالإسـقـام .. إن كان طاول في فراق المحبينـي من شاف حالي قال هذا مريض العام .. وهو ما درى إن ذا دوم حال المشَقّيْنِي بلاي الونين وكثر ما ألاحي الحمـام .. خصوص ليا منّه غدا الليل ليليني قزرت الليالي بالتونوان والهضـّام .. على القوس يوم إن المخاليق ممسيني ترزّمت كنّي مخلجٍ تتبع الجـــهـام .. تدور الحويّر بين خـلطا الـفراقيني مالـي جـدا كـود التوجـّاد والندّام .. ولابه رـيـقٍ لا شكيته يشاكني يا كود من هو ينطح الحره والخرام .. مَلْجى الحصان إلى أدركوه المغلِّـيني حامي عقاب الخيل لا ثوّر الكتام .. ولا قهقـروا حـرد السـبايا مخيْفِينِي جزومٍ ويلقط بأجردٍ حاسمٍ صرّام .. عزّ الصحيب وسقم حال المعـادينـي ومن عقب ذا دنّوا لنا نابيـة سنام .. خطوا ردومٍ داربٍ دلّهـا زينـي تقلّ الصريمة كلما طوّل الدرهـام .. تخَنوَد كما عذراً شعوها المغنّـيني وتخضع براسٍ كنها شارب المدّام .. كما اللي شرب من غاني الخمر كاسيني على غاية الركاب والكيف والمرام .. ليا دبّرت كنْهَا وحيْف الشّياهـيني تشابه لربداً يوم ذارت مع السهّام .. شـمّت وشافت لمحة الزول بالعيني هيَّا عليها يا فتى الجود والهمـام .. حـذور التواني يا زبون المخليني ليْ من لفيت فهيد تثني له السلام .. أبو حمد ريف الركاب المعنّيني فهيمٍ يعرف العلم من ناضح الكلام .. يكفّـِيه من كثر الهرابيد تلحيني ترا دواي حرف الجيم والعين حدره لام .. قدر ساعةٍ ليْ من حصل داعج العيني سميّه سهيل وعنبر الهند يا عــلاّم .. مع اللي مقرّه في غزير الميادينــي وسميّه تورّده المراكب على الدمام .. وتلقى سميّه في كثير الدكاكـيني وترا الاسم الآخر لا ضحك زحزح الظلام .. وغنّت له الورقا رقيق التلاحيني ورابع سميّ العذب من دور عام لعام .. تشتت لأهل المال عقب المقاطيني خميس بن سيف ال بو عينين |
رد: فوق هام السحب ( الشعر الشعبي) على متن القوافي
الناس ماخلقت حواليك ترضيك
مثلك مقادير الولي تعترضها اخير لك لاتندفع في هقاويك تلمس الاعذار ولا افترضها مافيه شي الا ليا راد واليك ولا فيه صعبه كان ربك فرضها اللي ماتقسم ماتجي في مراميك لو كان تلحم بندقك وتحفظها ورمي الركاده غير رمي التماتيك والفرق في هذي وهذي غرضها اكحل عدوك من سعادة مصافيك ولا يشغلك غيب القلوب ومرضها يظهر صديقك ويتبين معاديك وكذا الحياة بما تلاقيك خضها وسع مفاهيمك وجود مباديك وكرامتك عن مايشوب انتهضها دايم جناحين المعزه تعليك بالك لحاجات النفوس تخفضها الا الوفا خل الوفى في مساعيك عملة رجال اتعدها وتحفظها ياصاحبي في وقفتك كيف اجازيك وانا أدري انك ماتدور عوضها مايجعل الاحرار مثل المماليك الا معاريف الرجال ببعضه عكاش الذيابي العتيبي |
| الساعة الآن 06:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية