رد: فوق هام السحب ( الشعر الشعبي) على متن القوافي
 

‏مع ضلام الليل طلعت نهده
شقت خوافي خافقي بين الاعماق

فيها من الاشواق مالا اعده
وفيها وله واحساس طاغي ودفاق

يا قلب كثر الشوق مانا بقده
اموج عشقه داخلي صعب تنطاق

ليت الذي شل المشاعر بيده
يرحم شعور انسان عاشق ومشتاق

....

رد: فوق هام السحب ( الشعر الشعبي) على متن القوافي
 

‏ياعين نامي مابقى لك من الليل
لاتحترين اللي مـن الخلق ناموا

اظن مالك من وراهم محاصيل
ولا ظنتي حسوا بشوقك وقاموا

ياشوق والله مابقى داخلي حيل
من السهر واصل عيوني تعاموا

اسهر طوال الليل بين المواويل
والشوق اللي ناره بقلبي تراموا

....

رد: فوق هام السحب ( الشعر الشعبي) على متن القوافي
 

‏وعد اللقاء طول وانا ياخي اشتقت
والشوق مالي فيه ياحب حيله

ذايب وميت فيك واشتقت وادمنت
والبُعد قاتـل والمراحل طويله

ياحب يا اللي في خفوقي تمكنت
على اللقاء ياحب شوف لي وسيله

ماعاد اطيق البُعد ياخي تجننت
والشوق قطع قلبي الله وكيله

....

رد: فوق هام السحب ( الشعر الشعبي) على متن القوافي
 

‏يامركب الأحزان قلي على وين
يكفي ضياع العمر يكفي ضياعه

من عقـب ما نرقد من الليل ثلثين
اليوم مانرقد من الليل ساعه

ياوقت حملي فوق الاكتاف ضعفين
ماعاد لي في شيله اي إتساعه

كل ما اقول اصبر عسى الغد بتزين
يزيد حظي في المجاعه مجاعه

....

رد: فوق هام السحب ( الشعر الشعبي) على متن القوافي
 

تكبر ملامحنا ويظهر بنا الشيب
وتحكي تجاعيد الزمان المرايا

نفرح بها ماهي على منبت العيب
على النقى بانت وبيض النوايا

زادت وزدنا بالعمر زود تهذيب
ونناظر الدنيا بشتا الزوايا

....

رد: فوق هام السحب ( الشعر الشعبي) على متن القوافي
 

ياعزَّةَ النَّفسِ كُونِي فِي العُلا قمرًا
فالعيشُ دونكِ مثلُ الغصنِ إنْ مالَا

ماقيمةُ المرءِ إنْ ضاعتْ كرامتُهُ
فضلُ الكرامـةِ يعلُو الجاهَ والمالَا

....

رد: فوق هام السحب ( الشعر الشعبي) على متن القوافي
 

من يحبك يسعده منك القليل
حتى لو سلم ورديت السلام

ماتقصر ياعسى عمرك طويل
الشعور اعظم من حروف الكلام

....

رد: فوق هام السحب ( الشعر الشعبي) على متن القوافي
 

انا مشتاق اي والله انا مشتاق
وهذا الشوق متماكن ومتلازم

وانا لاشتقت نفسي تشين والاخلاق
تصير اضيق من الرجعه على الجازم

بدونك مرت أيامي تعب وارهاق
ويلاوعني حنين غث مترازم

يارب شوف لي صرفه مع الأشواق
انا قاعد احن اكثر من اللازم

....

رد: فوق هام السحب ( الشعر الشعبي) على متن القوافي
 

ماتغيرنا السنين ولا يغيرنا الزمن
‏لو يشين الوقـت حنا بأذن ربي ما نشين

‏نخسر الدنياء وندفـع كل مافيها ثمـن
‏اهم شي نكون في صدق التعامل عايشين


فالح رويشد

رد: فوق هام السحب ( الشعر الشعبي) على متن القوافي
 

‏تعلمت من سود الليالي حكم ودروس
ولا زلت اردد بيت شعرٍ على لساني

صديق المصالح لو شراء خوتك بفلوس
طبيعي يبيعك لاقسى الوقت مجاني

....