رد: فوق هام السحب ( الشعر الشعبي) على متن القوافي
 

جاني شعور انك تبيني وجيتك
احس باحساسك وانا في مكاني

ابعد ولكن في خفوقي لقيتك
متربع مابين ذيك المحاني

...

رد: فوق هام السحب ( الشعر الشعبي) على متن القوافي
 

‏يامنتهى الذوق كلمني وخبرني
عن صحتك يا أعز الناس وأغلاها

وعن زايد الشوق طمني وبشرني
وعن المحبة بقلبك كيف دنياها

...

رد: فوق هام السحب ( الشعر الشعبي) على متن القوافي
 

حبي لك أكبر من ظنونك وتخمينك
‏وأكثر من اللي على بالك ومن بالك

‏وشلون أدور على تسعة وثلاثينك
‏وأنا لي سنين أدور عنّك لحالك

...

رد: فوق هام السحب ( الشعر الشعبي) على متن القوافي
 

‏اقول ياصدري من الضيق لاباس
إن مرّ في بالك لحن حزن غنّه

لازم تذوق اللي يذوقونه الناس
هذا الفراق اللي يقولون عنّه

...

رد: فوق هام السحب ( الشعر الشعبي) على متن القوافي
 

بعض البشر يوزِن بلد لو وزنّـاه
والبعض مايسوى عتاب إنتقادي

والبعض لو كلمة نطقها سمعناه
‏والبعض ماحد يسمعه لو ينادي
‏
‏والبعض لو ساعة تأخر فقدناه
‏والبعض لو غاب العمر امر عادي

والبعض يدرك محتوى ماكتبناه
والبعض بـالفطرة غباء لا إرادي

...

رد: فوق هام السحب ( الشعر الشعبي) على متن القوافي
 

‏نفرح اذا قمنا بواجب مع الناس
ونحزن اذا قلت علينا المواجيب

ونعيش مايعلى على رووسنا راس
ونموت لوما نقضي الطيب بالطيب

ولا نطرد المقفي ولا نهدم الساس
ولا نقبل الباطل ولا نقرب العيب

ولا باس ياناشد عن الحال لاباس
على مانت خابر يا زبون المراقيب

...

رد: فوق هام السحب ( الشعر الشعبي) على متن القوافي
 

ياعيون الخلق ماعيشتي عيشة ملوك
او تظنوني مـن اهل الجيوب الدافيه

لامعي مشروع مالي ولا عندي بنوك
تحت ثوب الستر عايش وثوب العافيه

...

رد: فوق هام السحب ( الشعر الشعبي) على متن القوافي
 

من يزرع الكيد لاخوانه جنى كل كيد
ومن تكبر وقع في حفرة الإنتكاس

ومن تصيد وهو ظالم يقع شر صيد
ويصبح الراس عنده ذيل والذيل راس

ومن بخل حرص في الأموال سارين فيد
ومن هدم جدر غيره ينهدم له أساس

صلوا فرزق الخلائق بين ناقص وزيد
وذكر خير الورى اغلى من زبرجد وماس

...

رد: فوق هام السحب ( الشعر الشعبي) على متن القوافي
 

أماتمد ومدت ايدك طويله
ولا تنحى مالها غير الاجواد

اليد لا مدت عطاها بخيله
في رزقها لابارك الله ولازاد

...

رد: فوق هام السحب ( الشعر الشعبي) على متن القوافي
 

انا بالحرف زخرفت النواسخ
بحرف الخاءجعلت الشعر منسوخ

انا شامخ على كل الشوامخ
وراسي بالسماء شامخ ومطنوخ

انا كالحيد متماسك وراسخ
وراس الخصم ابيض هش مشروخ

احب اجني عسل دوعن وراوخ
احب اقعد مع الهوجاس في كوخ

احب العز في روس المشايخ
اعاف الدهر لاشاهدت ممسوخ

اذا ماكنت فوق الفرش واتخ
تخولن واشتحط خليك مطنوخ

نفيخ الكير قالوا خس نافخ
بحرف الخاء نفخنا حرف منفوخ

...