رد: اخترنا لكم
 

‏ياطـائر الأشــواق أصبحت محتــار
‏أبغي جناحــك في زيارة قصيــرة

‏أزور من يهــواه قلـــبي ويختـــار
‏وأسكب دمـوع الشوق عنده غزيرة

‏وأحكي له الفرقة قصـائد وأشعـار
‏والقي على الأحبــاب نظره قصيرة

.....

رد: اخترنا لكم
 

خل صدرك يالسنافي على الدنيا وسيع
واعرف ان الضيق فالقبر والدنيا سعه

.....

رد: اخترنا لكم
 

تباً لمن يحسب ان الصمت خطة هروب
وشكراً لمن يعرف ان الصمت رفعت مقام

شيهانه

رد: اخترنا لكم
 

‏يالله بنفحات جودٍ كل مامرّت
‏يمر معها فرج ربي وتوفيقه

آمين

رد: اخترنا لكم
 

‏ابوك وامك في حياتك غناتك
‏دوّر رضاهم من رضاهم رضاء الله
‏َ
‏في برهم تلقى السعد في حياتك
‏وتوفيق ربي في الميادين تلقاه

.....

رد: اخترنا لكم
 

قلبك ترا ماهو بفنجال قهوه
‏تكرم به اللي كل من جاء مسيّر

.....

رد: اخترنا لكم
 

طبعي مزوح وخاطري دوم مرتاح
ماشيل في قلبي على الناس حاجه

.....

رد: اخترنا لكم
 

يأتي المساء لـتُزهر الرّوح ويعم الهُدوء
‏سلاماً طيباً لأصحـاب القلوب الطيبـة

.....

رد: اخترنا لكم
 

‏صرت أحب الإنعزال بصدر رحب وبال رايق
‏وودّي أهرب عنّي وعن قلبي المرهف وذاتي

‏وصرت أسلي نفسي بموّال تركي وابن شايق
‏والقصيد ودفتر أيامي وباقي ذكرياتي

‏أدري إنّ الدمع في عين المها ماهو بلايق
‏ما يليق إلّا ابتسام وضحكتينٍ من شفاتي

.....

رد: اخترنا لكم
 

انا مع الكل سمح وخاطري راضي
لو شفت منهم خطا ماكني اشوفه

.....

رد: اخترنا لكم
 

قـدر مـقـام اللـي يـقـدر مـقامـك
‏واجز الذي عاملك بالخير خيرين

‏أحـذر تـنقص للـوفـي اهتمامـك
‏مايجحد الـوافيـن غيـر الـردييـن

.....

رد: اخترنا لكم
 

اغليه وأدري ان الغلا توه شروق
والحب ماينقاس يومه وعامه

احدٍ تشوفه سنين ومايملي الموق
واحدٍ من اول نظره طحت بغرامه

.....

رد: اخترنا لكم
 

‏الشوق مثل البحر وأطيافه امواج
‏وعُمر البحر ما كان في يوم هادي

.....

رد: اخترنا لكم
 

خذاه الزمان الشين واقفى به وقفيت
وانا ادري بحبه وادري ان مهوب بوده

عليه اتوجد كل ما صبحت ولا امسيت
وعليه الجفون تكفكف الدموع وترده

والا ياوليفي ضعت في حبك وعفيت
من الحب لا ابو الحب بعدك لابو جده

لاني ما عرف انسى ولا اخون لا حبيت
ولاني ماحب الا انت لو طالت المدّه

.....

رد: اخترنا لكم
 

تذكر يوم أعذرك وأنت لا صادق ولا معذور
‏أدور لك عذر وأصدقه وأكذب أحداقي

‏تذكر يوم جيت من الحزن متضايق ومكسور
‏فرشت لك الضلوع وقلت لك ياسيد عشاقي

.....

رد: اخترنا لكم
 

‏مانويت اطاوع القلب لو انه رزين
‏انت غالي بس الايام ملعونة جدف

‏رغم حوم الشك حولي بقى عندي يقين
‏لو تفرقنا الليالي بتجمعنا الصدف

.....

رد: اخترنا لكم
 

تدلل فداك الشعر والشاعر المغرور
مدام الحروف اتزين من فمك الطاهر

مدام الحنين يداعبك من مساء النور
فداك المساء دام الوله منك متناثر

.....

رد: اخترنا لكم
 

اي والله انك فـــي عيوني اميره
ماهوب حكي ازينه لاجـل يغريك

انت صفاتك ياغرامــــــــي مثيره
تثير روح البوح فـي نبض مغليك

.....

رد: اخترنا لكم
 

‏صرنا نراقب بعضنا من بعيد لبعيد
‏هو ينتظر جيتي وأنا أنتظر جيته
‏ِ
‏هذي حياة العنيد إليا عشق له عنيد
‏كلن جلس ينتظر حسب مزاجيته

.....

رد: اخترنا لكم
 

في حفظ الله وين ماحلت خطاويك
استودعتك الله وانت اغلى وداعه

آمين

رد: اخترنا لكم
 

ولدنا من احداث الزمن بعد مولدنا
رضعنا من الشده كما يرضع المولود

كبرنا من الصدمات حتى تجسدنا
ومن مهدنا المحدود لامهد لامحدود

فقدنا الأمل واليأس من قبل يفقدنا
وجدنا التواجد قبل مانفقد الموجود

.....

رد: اخترنا لكم
 

اهـل المـعـارف تـمـيزهـم مـعارفـهم
ماهو على المظهـر الجـذاب والهيبه

والناس لـناس تكـشـفهم مواقفـهم
وكـل واحـد تـعــرف بـه اســاليبه

اخلاق الاشـخاص فالواقـع تصنفهم
حـسـب الفـعايل لكـل انـسان ترتيبه

بـه ناس مـن طيـبـهم لابد نألفــهم
نعتاد مـنهم سـمات الصدق والطيبه

.....

رد: اخترنا لكم
 

‏انطق بقول الحق والحق راحة
مافاد في العالم فنون التعامـل

جاملتهم قالوا وين الصراحة
صارحتهم قالو ماتعرف تجامل

.....

رد: اخترنا لكم
 

اضحك وابتسم لجميع المخاليق
وخلِ الأمل بين العيون وهدبها

دنياك ماتسوا يجي داخلك ضيق
وايامك الي مضت لاتحسبها

.....

رد: اخترنا لكم
 

بطلنا العتاب وتركنا اللي نسيناه
اللي خذلنا ما نبي نرجع نلومه

جرح الكلام أشدّ من طعن يمناه
واللي يبيع قلوبنا ما نعزّه ونقومه

.....

رد: اخترنا لكم
 

اذا بصرت الزمن قاسي والايام مر
والوقت لوّى حباله لا يصيبك فتور

اشمخ وقاوم وكافح وانتبه تنكسر
العائلة مرتكيه فيك بين الحضور

سعدالله الجوهري

رد: اخترنا لكم
 

‏القلــب لو يكتـب علـى بيـض الاوراق
كتــب علــى بيـض الدفاتـــر فديتك

جيتك غلا جيتك وفـاء جيتك اشواق
عفـت الخلايـق كـل ابوهـم وجيتك

يامن سكنت القلب واعماق الاعماق
وسكنت روحي وصـارت الروح بيتك

والله انـــي اعشقــك لاخـــر انطاق
واموت بك من حـب صادق فديتك

.....

رد: اخترنا لكم
 

أحذر عدوك وانتبه لو ضحك لك
تراه في قلبه يكن العداوه

لاتامنه لو قال مهما حلف لك
لو شفت بلسانه كثير الحلاوه

لو تطلبه في لازمٍ مالتفت لك
وان جيت يمه مالقيت الحفاوه

كم موقفٍ به خير دونه وقف لك
يبغاك دايم في طريق الشقاوه

.....

رد: اخترنا لكم
 

من لا يعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس للراضي
يعيش دنياه فاهمها وفاهمته

.....

رد: اخترنا لكم
 

‏اللي يبي العز لاينشد عن الراحة
نيران الأمجاد تبغي من يصاليها

سعود الفيصل رحمة الله عليه

رد: اخترنا لكم
 

ياالله رجيتك مارجيت المخاليق
ولا بذلت لغير وجهك وسيلة

ياعالمً سر الصدور المغاليق
ياذا العفو ياذا الكرم والفضيلة

يافارج الكربات والهم والضيق
لا صار مابيدين الانسان حيلة

خذني من دروب العنا للتوافيق
وحقق لي احلام السنين الطويلة

.....

رد: اخترنا لكم
 

والله لو عمرك عمر نوح وشعيب
لابد من يومٍ تفارق حبايبك

تبي تشوف أمراض والعجز والشيب
والموت لابده لقبرك يقرّبك

خلك عزيز النفس وابعد عن العيب
واختر من الاصحاب طيب يصاحبك

واطلب كريمٍ يعلم السر والغيب
واحرص على دينك وتلقى مكاسبك

.....

رد: اخترنا لكم
 

العاشق الي كانت أحلامه كبار
صلى عليها ركعتين ودفنها

.....

رد: اخترنا لكم
 

المستريح اللي من العقل خالي
‏ما هو بلجات الهواجيس غطّاس

محمد السديري

رد: اخترنا لكم
 

جعل حظي عـند ربـي مـعتلي
‏لوحظوظي عند خلق الله تطيح

آمين

رد: اخترنا لكم
 

مايضيق بالي الا نشدة المتفرغ
لا نشد عن حاجه ماله لزوم فيها

.....

رد: اخترنا لكم
 

‎تسريني الذكـرى على جرة الغالين
‌‏وروحي على سكة مداهيلهم شفقه

.....

رد: اخترنا لكم
 

‎خذ لك مع العفو والتقدير حبة خشم
‌‏وإترك نوايا الأوادم داخل اصدورها

.....

رد: اخترنا لكم
 

‏الطيب مايصعب على راعي الطيب
والا الردي ماهو على الطيب طايل

كلن يقول انه على المرجلة ذيب
القـول قـولن والفعايل فعايل

.....

رد: اخترنا لكم
 

‏لو عاملوك الناس بخبث ونـــجاسه
إرفـع مقامك وعامل الناس بالطيب

الـنذل نـذل وتـعرف الـناس ساسـه
والـطيب طـيـب ويـنعرف بالمواجيب

.....