رد: فوق هام السحب ( الشعر الشعبي) على متن القوافي
 

‏لك منزلٍ بين الرجا والتمني
ولك دعوةٍ مافارقت قلب ولسان

ادعي عساك تكون فيني ومني
عل وعسى مايملكك غيري انسان

....

رد: فوق هام السحب ( الشعر الشعبي) على متن القوافي
 

‏مع فعولنا تكبر هقاوي ويقنب ذيب
‏وعلى الموقف الصامل ندسّم شواربنا

‏تتوب الرخوم مْن المراجل وفعل الطيب
‏وحنا على كسب النواميس ماتـبنا

....

رد: فوق هام السحب ( الشعر الشعبي) على متن القوافي
 

لاتاخذك شكه مع اللي يشكون
‏ماني بلا مرخص ولاني بجاحد

‏قلبي لو ان حوله من الناس مليون
‏مافيه غيرك ساكنه وانت واحـد

....

رد: فوق هام السحب ( الشعر الشعبي) على متن القوافي
 

والله اني حرةٍ من مواكير الحرار
‏معربٍ ساسي وراسي على العليا رساء

‏ماعطيت لجاهل الراي وجهات اعتبار
‏ولا حسبت لنظرة الحسد بعيون النساء

‏قيمتي في عين نفسي عمارٍ في عمار
‏والي يتمنى من الخلق طيحتنا يخساء

....

رد: فوق هام السحب ( الشعر الشعبي) على متن القوافي
 

واجهت خذلان ماحد واجهه قبلي
من اقرب الناس لي في هذه الدنياء

منشان لاتنخدع ياصاحبي مثلي
نصيحتي لاتثق في حد ثقه عمياء

بقلمي

رد: فوق هام السحب ( الشعر الشعبي) على متن القوافي
 

‏وين الذي غايب عن العين ياناس
اتفرمت احساسي معه في غيابه

بُعده هدم بالعقل فكري والإحساس
والقلب يشكي يارفاقي عذابه

أمنتك الله لو معك قلب حساس
ارفق بعاشق ذاب ماحد درابه

أمسي أفكر فيك وأحس باليأس
واتخيلك في وهم قاسي سرابه

....

رد: فوق هام السحب ( الشعر الشعبي) على متن القوافي
 

‏يارب لامنّك طويت السجلات
وامرت روحي في موادع جسدها

خذها وأنا ساجد بأحد الصلوات
وقد تبت توبة صادقة مابعدها

....

رد: فوق هام السحب ( الشعر الشعبي) على متن القوافي
 

‏زان حالي في لِقاك وطاب فالي
انت وجهك من يشوفه مايملّه

كيف ما افضى لك وانا بعز انشغالي
وانت لحظة معك تسوى العمر كله

....

رد: فوق هام السحب ( الشعر الشعبي) على متن القوافي
 

الله عطانا نظر وشعور حساس
ناخذ علوم المعرفه من مراجعها

ونسايرالوقت ونقيسه بمقياس
ونواجه النفس بالواقع ونقنعها

بقلمي

رد: فوق هام السحب ( الشعر الشعبي) على متن القوافي
 

لولا القيم ماصار للناس قيمه
ولولا المواقف ماظهر راعي الطيب
.
وتبقى المعزه للرجال الحشيمه
اللي لهم وقفات وقت المواجيب

وتلقى السعاده للقلوب السليمه
اللي لهم هيبه وبعدن عن العيب

ومن طاوع الشيطان شاف الهزيمه
ولاخير باللي ماشكر عالم الغيب

....