رد: اخترنا لكم
 

قطعت إتصالك وأنت الأخبار ما تخفاك
ما عندي سواك أشفق لشوفة مراسيله

.....

رد: اخترنا لكم
 

ماندمت الا على نومٍ سرقني من صلاتي
ولحظةٍ مرت وعدت ماذكرت الله فيها

.....

رد: اخترنا لكم
 

‏خلّ الكلام اللي من العيد للعيد
‏صدورنا ماهي من الشوق خَليا

‏معك الليالي والصدف والمواعيد
‏جميعها أعيادي من الألِف لليا

.....

رد: اخترنا لكم
 

خجلا يغالبك الترف والتلفّات
‏ليلك يطيح وصبح وجهك يزمّه

‏يا سيّدة حسن التفاصيل بالذات
‏الساهيه والشارده والمُهمّه

‏قلبي جناح ونور وجهك سماوات
‏يكفخ ولكن موت رمشك يضمّه

.....

رد: اخترنا لكم
 

‏الرفيق اللي يسر العين وينومس رفيقه
‏ نشتريه ونشتري عرفه وحنا الـرابحينا
‏
‏خوة تبنى على التقدير بحبال وثيقه
‏ عارف حقي عليه وعارفٍ حقه علينا

.....

رد: اخترنا لكم
 

‏حيّ الرفيق اللي يبادر بالوصل
لو ان شرهات الليالي جارحه

تغيب عنّه كم شهر وليا اتصل
يكلمك كنك معاه البارحه

.....

رد: اخترنا لكم
 

‏الله يبيـض وجـه الايام والضيق
زالت قناع أهـل الوجيه القبيحه

أثـر الشـدايـد فلتـر للمخالـيق
تـظـهر لـك المترديه والنطيـحه

.....

رد: اخترنا لكم
 

‏اترك كلام الناس وقل للمقفين
‏ماتبكي عيوني على شان غايب

‏حنا صبرنا بموت ناسن قريبين
‏وشلون مانصبر لفرقا الحبايب

.....

رد: اخترنا لكم
 

ايه أنا الي بتذكره لا شان ليلك
‏وأن مداك ترد لي لا ما مداني

‏شف عشانك بعت واجد وأشتريتك
‏وأنت ما ضحيت في حاجه عشاني

.....

رد: اخترنا لكم
 

‏بعض المشاعـــر لوكتبنا بها ابيات
‏تعجز حروف الشعــر والقاف عنها

‌‏مهما كتبنا وابدع الحــرف هيهات
‏ينصف مشــــــاعر شاعرٍ قد رهنها

.....

رد: اخترنا لكم
 

‏فل الحجاج وخل نفسك خفيفه
ترى التواضع زين بين المخاليق

وخلك كريم وخل نفسك شريفه
ما دام عز النفس طبع المطاليق

.....

رد: اخترنا لكم
 

ماني وانا كحيلان هافي عرفتيه
انا الحصان اللي ينومس حضوره

لا تستفز اللي عظيمه مباديه
ولا لا تحاول تخرجه عن شعوره

صحيح شاعر واحكر القاف وابنيه
وارسم على حيط الزمان الف صوره

انسخ جزيل الحرف وابدع و اغنيه
واحرص على اللي يختلف في ظهوره

شعري كما حرا سما في مراقيه
يطرب له اللي مرتكي في قصوره

يبعد عن الهزله و ينبذ هل التيه
ويجاري الابداع لا حان دوره

حابس العطوي

رد: اخترنا لكم
 

راكب اللي لا همزته قام ثاير
وارد النيسان راحه ما تمله

اسوداً غيرت زيته و التواير
منوة اللي مغترب عن دار خله

عيني اللي حابسه زرق العباير
حايره والدمع عيّت لا تهله

من وليفاً مع ضروف الوقت جاير
ماخذاً عقلي و قلبي مستحله

حابس العطوي

رد: اخترنا لكم
 

هاذي تبوك الورد ماهيب باريس
وقمة جبال اللوز تفرق عن الالب

دار النشاماء جالبين النواميس
اللي غلاها ساكناً داخل القلب

حابس العطوي

رد: اخترنا لكم
 

يا راقياً رجم العنى يوم غنيت
قصدك تهيّض حين قافك بنيته

واللي يلوم اهل القلوب المناحيت
عله فدا للي طعنك و جفيته

لا هزني شوقٍ و ذكرى بتناهيت
افز و انطق باسمها ما نسيته

يا نور عيني وين عني تواريت
وانت الوديد اللي بغيت و هويته

والله لولا الدين قبل الهلافيت
لابكي على فرقاك عمراً رجيته


حابس العطوي

رد: اخترنا لكم
 

القاف لانه برز دوره
وانته حكيماً و متنبي

وتغوص في غبة بحوره
وتستخرج الدُر و تنبي

افهق عن اللي طفى نوره
وكر الخنا مابه الطبي

عشيق ليلي و ديجوره
مشرف على الضلع واشبي

ما همني فاقد شعوره
ولا هزني جاهلاً سبي

نفسي على العز مفطوره
مسلم على ماكتب ربي

اللي عن الذل مقهوره
يوم المقادير تلعب بي

اطيب و الروح مسروره
لو قاسي الوقت بي ذبي

اعلنت بالشعر لي ثوره
هذا صداها بدا يجبي

حابس العطوي

رد: اخترنا لكم
 

اقسى شعور يزيد فيك المواجع
صدمه قويه من قرايب و خلان

قلبك لهم اصبح شبيه المهاجع
يشفق عليهم من تردي وخذلان

و فرشت عينك فرش مثل المضاجع
جفناً مغطيهم و جفناً لهم لآن

تبغى تصارحهم و غصباً تراجع
صبرك على جرحك ولا يشمت فلان


حابس العطوي

رد: اخترنا لكم
 

من دمج بالذات في وقت الاصيل
اكتمل سحر الطبيعه الخارقه

الغروب بداية العشق الجميل
‏ليلي اللي كل عمري سارقه

جوك الهادي وكيف وحس خيل
شكلن صوره جميله فارقه

ذكرتني قسوة ايام الرحيل
يوم كانت شمس حبي شارقه

‏‌ حابس العطوي

رد: اخترنا لكم
 

وش بك تناحيت يالغالي
وابعدت عني مهي العاده

هجرتني يابري حالي
واشعلت بالجوف وقاده

ما دمت في دنيتك سالي
اذكر وليفا جفى وساده

عشقه عفيفاً ولا زالي
عايش مع الليل وسهاده

لك منزلا عندنا عالي
سبحان من ثبت اوتاده

اسمك غدا بوسط جوالي
شيخة عربها من الساده

عشيق ليلي و موالي
والعين بالدمع جواده

يا بنت لو الزمن طالي
والروح بالجسم منقاده

مانساك يامعرّب الخالي
يا شف قلبي و ميعاده

والحين ياسمح الاقبالي
ياخشف ريما مع ارياده

ببعد و لا زلت رحالي
نفسي عن البيض صداده

حلفت لا اميل عقالي
واشوم عن ناس نقاده

حابس العطوي

رد: اخترنا لكم
 

عظم الله اجر قلبي في غرامه
واسكنه من روعته وسط المحاني

كم تجرع من عناء سبة هيامه
وانقضى عمره مع اللوعات عاني

حابس العطوي

رد: اخترنا لكم
 

للعين حلو السهر لذي
وما ريّح الجفن باغماضه

باسباب غرواً بدا فذي
الموت بانت لي اعراضه

العود رويان متغذي
والسحر في ميخر الحاضه

وين انت لا يكون متوذي
نفسي من الشوق مغتاضه

حابس العطوي

رد: اخترنا لكم
 

شفت العيون اللي تباكى من الجور
غبّر عجاج الوقت حلو الوصوفي

من عقب ماهن اية الزين بالحور
جرّح مسيل الدمع خد الهنوفي

حابس العطوي

رد: اخترنا لكم
 

سلطان قصد وانا باحوش
طفله من البيض بسكاتي

الريم جوه عليل وخوش
يبري عن القلب علاتي

يفداه منهو سرح بالبوش
واللي مع البيض مافاتي

انتي لقلبي غديتي غوش
يا باشةٍ بنت باشاتي

لو الملاقا وسط خربوش
في ليلةٍ جوها شاتي

والعيش فته من المجروش
والشرب من حلو خلفاتي

حابس العطوي

رد: اخترنا لكم
 

تعال اعلمك يالغالي
باللي تبيه و تمنيته

مبطي وانا بمرقباً عالي
والنت قبل امس طبيته

من روس ربعي و منزالي
في قمة المجد رزيته

ماني بطرقي و رحالي
بيتي كما الحيد عليته

ما فوق راسي سوى عقالي
واللي على الطيب عزيته

ماهي سواليف تنقالي
هذا الصحيح ان تحريته

حابس العطوي

رد: اخترنا لكم
 

الحمدلله عفيف ومرتقي زياده
واعرف هوا النفس وافكاري تجاذبها

مدام ناري براس الضلع و قاده
فانا بخير واموري بدق حاسبها

حابس العطوي

رد: اخترنا لكم
 

غزيت فوق العلم من بيض راياته
واعلنت توبة هواوي باصم بعشرا

يا مشقّي القلب دونك صوت اهاته
هذا صداهن يعاوي حضوضي القشرا

حابس العطوي

رد: اخترنا لكم
 

طال انتظاري وشيب الراس ياسعود
ياما احتريته و العواذل مغيبه

لامن خبر جاني ولا عنه منشود
عسى الموانع خير ما هي مريبه

من لامني بالحب ودموعه شهود
عل النصايب فوق قبره قريبه

اسمع كلامي وافهمه يافتى الجود
والطف علي ان شفت دمعي صبيبه


هاذي ثمان شهور غايب ومفقود
خلي حدته ضروف عني صعيبه

ويلي عقب فرقاك تايه ومنقود
والحال ضعفت والموارد تعيبه

كني سجينا لفو ايديه بقيود
ولا جلاوي عاملا له مصيبه

وش حيلتي والحسد بين وموجود
واهل الفتن تفتح جرؤحا عطيبه
.
قله ترا كحيلان يا قليل الفود
مايشتكي جور الزمن لو يصيبه

اسري مع الهوجاس والاعب النود
وارسي كما ترسي الزمول المنيبه

حابس العطوي

رد: اخترنا لكم
 

يا مرحبا ببيات جزله ثقيلات
من شاعره تهوى القصيد وفنونه

الحب ( مي) و ياردونه جماعات
وبير الغرام العذب كثرت اشطونه

لي عشقتاً ما مثلها بالخوندات
غيدا تشادي الريم زين و مرونه

وفيها من اوصاف الصوافن علامات
عزه و هيبه ما تطيق المهونه

حابس العطوي

رد: اخترنا لكم
 

من شاف نفسه مايشوفونه الناس
‏الـنـفـس شوفـتـهـا تـراها مصيبه

‏تـرى التواضع يجعلك در والماس
‏وكل(ن)خذا من قسمة الله نصيبه

.....

رد: اخترنا لكم
 

عيني رسـالة حب فيهـا مواريك
‏فـيـهـا لحبـك يـا هـواهـا دلاله

‏باسـمى عبارات المحبه تحييك
‏تبدي مشاعرها بصدق وسهاله

‏إن كانها ما شاهدت ودهـا فيك
‏الظاهـر انـك ما قريت الرسـاله

.....

رد: اخترنا لكم
 

‏هذي حياة مسطرين التواريخ
وهذي مضاربهم وهذا دبشهم

من دونها كم راح شيخٍ ولدشيخ
ماتروي حياض المنايا عطشهم

حامد بن حمدي

رد: اخترنا لكم
 

إما اشتهر بالطيب والناس تكفيك
والا ترى مالك ورى الصيت حاجة

بعض العرب في شهرته كنه البيك
مشهور لكن في النهاية دجاجة

.....

رد: اخترنا لكم
 

تجمل ترى والله ما للجميل انكار
ولا ينكره من كان في راسه مروه

عسى راع أبشر ماتقفي به الأقدار
ولا ينقطع ذكره ولاتنطفي ضوه

.....

رد: اخترنا لكم
 

الزمان يدور والوقت يطحنا رحاه
كل يوم يموت رجال ونصلي عليه

كم رفيقٍ ودنابه على قيد الحياه
وكم رديٍ يبطي الموت عيا مايجيه

.....

رد: اخترنا لكم
 

أحب الجماله والجماله عمل مبرور
وأحب الغناه وعز نفسي عن المنّه

وأحب الصراحه والصراحه بها معذور
حيث ان الصراحه تقطع الشك والظنّه

وأحب الكريم اللي يفرّج عن المعسور
ليامن عطى حتى هله مادروا عنّه

.....

رد: اخترنا لكم
 

ياللي تقول إن فقرنا من يدينا
لاتحسبنّا مانعرف التدابير

ياما غدا منّا وياما عطينا
وياكثر ماحاشت يدينا من الخير

نجود من جودات ربك علينا
ونصبر ليا كثرت علينا المخاسير

وان جات من ربك على مابغينا
والا صبرنا في رجا الله تيسير

.....

رد: اخترنا لكم
 

الهقوه اللي تدحم كبار الصفوف
يبغالها لمداحم العالم متن

واللي مراجلهم على حسب الظروف
لاشدو حبال المواقيف فلتن

واللي يشوف الحق وماكنه يشوف
هذا يغط النور ويثير الفتن

ماتستوي روس النشاما والضعوف
بيارق الطيّب على العز اثبتن

.....

رد: اخترنا لكم
 

وقفنا على باب الامل وقفة المحتاج
و رجينا كريم ماهو يصك بيبانه

يناجيه عبده ما يرده سحا واحراج
و يطلبه من فضله و مدته و احسانه

عسى مقبلة الايام يسر ورخا وافراج
وعسى ما مضا يمحاه عفوه وغفران

آمين

رد: اخترنا لكم
 

صكوك الجمايل فالنشاما مسّنْ سيوف
مادام السنافي بين وقفة وترحيبة

تقدّم على درب القدا والعيون تشوف
سهوم الليالي تخطي الكفْو وتصيبه

ترى شرهة اللي لا جمالة ولا معروف
مثل مِنّة اللي ما عطا شي من جيبه

.....

رد: اخترنا لكم
 

رغم الظروف اللي تمرّنا عايشين
والوقت يمشي ما يطالع فايته

ممتع شعور الصبر بكل الحالتين
يعلمك كل شيٍ بيوصل غايته

نتصنع الضحكة وحنّا ساكتين
وفالساكتين أشياء ماهي ساكته

.....