رد: فوق هام السحب ( الشعر الشعبي) على متن القوافي
 

أنا لابغيت أسج من طلعت المرقاب
تعرض لي المقرود حظي وتنكيده

تداوج همومي بالصدر دوجة الركاب
على تكسي والعيد باكـر مواعيده

على واحد قلبي معه عاد عمري شاب
ولا زال معلـوق الضماير مواريـده

نزح وانتزح مني ودبر مع الأجناب
يبي موتري دونه ثمانين تبريـده


....

رد: فوق هام السحب ( الشعر الشعبي) على متن القوافي
 

لحدن يعاتبني على بيعة الجيب
بعته وانا في كل الأحوال راضي

مارخصته الا دون حرش العراقيب
ماهوب من دون الفلل والاراضي

خلوني اسلى في هوى شمّخ النيب
وأنتم تسلّوا فالمجال الرياضي

يغنيني الله عن فزوع الاصاحيب
اللي لهم فالطيب حاضر وماضي


محمد بن هضيب

رد: فوق هام السحب ( الشعر الشعبي) على متن القوافي
 

علموه اني بدونه وش انا من دونه
مالحد منا غناةٍ من وجود الثاني

وعلموه اني على خبره وطيب ظنونه
اذكره ما نساه لو انه نوى ينساني

وعلموه اني على شانه ولجل اعيونه
متعبٍ حالي ونا الي ما نقضالي شاني


...

رد: فوق هام السحب ( الشعر الشعبي) على متن القوافي
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانه


....

رد: فوق هام السحب ( الشعر الشعبي) على متن القوافي
 

الا يالله وان تغفر ذنوب اللي عصاك وتاب

كسيرٍ عند بابك وانت راع الجود والمنه


حمد البادي

رد: فوق هام السحب ( الشعر الشعبي) على متن القوافي
 

على الهون ياراعي الشماته تراها دين

ولا تأمن صدوف القدر تجعلك شمتّه


معدي الكذوب

رد: فوق هام السحب ( الشعر الشعبي) على متن القوافي
 

اجمع له سمان الهرج خوفٍ من التقصير

والا جيت ابشرح له كلامي تهيزلته


سعد بن جدلان

رد: فوق هام السحب ( الشعر الشعبي) على متن القوافي
 

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه


المجاراة....
والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

رد: فوق هام السحب ( الشعر الشعبي) على متن القوافي
 

يالله بصبراً في الليال الوحيشه

حلاوته تنسي مرارته فاتلاه


سعود الشطيطي

رد: فوق هام السحب ( الشعر الشعبي) على متن القوافي
 

لو تطلب النفس الكريمه تلبيك

وشلون لو تطلب كريم خلقها


....