رد: اخترنا لكم
 

يـاصحابنا بعض المجامل عيب
ونتايجه تحسب على الرجال

حنّو ضمايركم من التأنيب
محنّة العقال للعقال

الصدق وجهه مثل وجه الذيب
والكذب وجهه مثل وجه الذال

وحدة قياس الطيبين الطيب
ووحدة قياس المرجله الافعال

.....

رد: اخترنا لكم
 

لا تخضع ولا تخشى سوا المفني الخلاق
ترا الناس لاتفني ولا هيب خلاقه

ولا ترتجي غير الله المانع الرزاق
ترا الناس لاتمنع ولاهيب رزاقه

وحياة البشر مابين لمّة شمل وفراق
ولا يفقد الا طيبٍ يوجع فراقه

.....

رد: اخترنا لكم
 

وجيهنا فيها حيا ماله قياس
تردنا عن شي يدينا تطوله

حتى الكلام اللي يقولونه الناس
والله حنا نستحي لا نقوله

.....

رد: اخترنا لكم
 

مافيه مثل العافية ستر وغناة
إن جات للمسلم تراها كافيه

كم واحدٍ يطلب ملذات الحياة
وإذا مرض مايطلب إلا العافيه

.....

رد: اخترنا لكم
 

زلة لسان الادمـي بعض الاحيان
تقـطع علاقـات الرفيـق برفيقـه

كم من رفاقه دامت ازمان وازمان
عقـب المعزه تنتهي في دقيقـه

.....

رد: اخترنا لكم
 

الجمايل باقيه طول الابد
والوفى لأهل الوفى طول السنين

النقى والطيب ماهو ملك احد
غير اصحاب النقى والطيبين

.....

رد: اخترنا لكم
 

مهمــا وصلت وبالمــراتب ترقيت
وصابك غرور وشفت نفسك زياده

تـــرى مـــردك غرفة ٍ فآخر البيت
النـــار تكـــبر واخـــرتهـــا رمـــاده

.....

رد: اخترنا لكم
 

لا سكر الله باب يفتح لنا أبواب
واليا ظلمونا خلق سخر لنا خلق

حكمه من الرحمن وأحكامه أسباب
حتى نعرف الناس ونميز الفرق

.....

رد: اخترنا لكم
 

العمر ماينحصر ياخوك في ديره
الديره آلياً كرهناها ترا شمنا

واليا حسنا الطبع مع محسن الجيره
مانبغي احدً على الحسنه يكرمنا

والصاحب اللي علومه من تزاويره
بالله في كثر هرجه لا يقروشنا

والصاحب الي اله مجده وله سيره
لامن حضر في مجالسنا يشرفنا

.....

رد: اخترنا لكم
 

عيا الزمن يصفا وحنا مستحين
يطحن امانينا مثل طحن الرحى

يقسى ونقسى لايلين ولا نلين
ويصحى اللي له ضميرٍ ماصحى

ان زان ولا شان حنا صابرين
وبنموت عاد وجيهنا فيها سحى

.....

رد: اخترنا لكم
 

قولة كفـــو تتعب عليــها الرياجيل
اللــي على روس النــوايف نظرها

يا كثر صدقــان الصحن و المعاميل
و يا قلهـــم لا من تقــادح شـــررها

بعض العـــرب للتمشيه والتساهيل
وبعض العرب للمعضلات وخطرها

.....

رد: اخترنا لكم
 

صكوك الجمايل فالنشاما مسّنْ سيوف
ما دام السنافي بين وقفة وترحيبة

تقدّم على درب القدا والعيون تشوف
سهوم الليالي تخطي الكفْو وتصيبه

ترى شرهة اللي لا جمالة ولا معروف
مثل مِنّة اللي ما عطا شي من جيبه

.....

رد: اخترنا لكم
 

ولو حاول الشايب يكافح ظهور الشيب
تدور الليال وتكشفه عشر ذو الحجه

ولو زاد شيب العود مازاده الا طيب
ماهوب الشباب اللي حياته على الدجه

.....

رد: اخترنا لكم
 

ماكل بيت تحصل فيه هبات ريح
لو الطراقي تلاقى قدمه خطوطها

باب عليه أكثر الشعار تنسج مديح
وباب عليه العناكب تنسج خيوطها

.....

رد: اخترنا لكم
 

تمعن الجمله من القوس للقوس
لاتغرك الأحلام وأصحى يانايم

ماتنشرى روس الرياجيل بفلوس
تشري لك الأموال روس البهايم

.....

رد: اخترنا لكم
 

يالله بحظٍ يجمل وذكرٍ مايغيب
مانبي الا الوجه الابيض وستر العايبه

دلنا حسن النوايا وتوفيق النصيب
واكفنا من شر بعض الظنون الخايبه

آمين

رد: اخترنا لكم
 

يارفيقي يوم مال النديم الا النديم
والله اني غبت من حاجةٍ متسبّبه

عادني ذاك المشبّب وصاحبك القديم
غير مرّتني ضروفٍ ماهيب مشبّبه

.....

رد: اخترنا لكم
 

سامحونا واقبلوا عذرنا يامسلمين
من تلمّس عذر لأخيه فالدنيا لقاه

والله انّا مانجنب عن العلم السمين
دامنا باقين فيها على قيد الحياه

.....

رد: اخترنا لكم
 

الناس مثل النبت بالخبت الوسيع
ماكل نبتٍ به ظلال ومنفعه

احدٍ يجي ويروح مع فصل الربيع
واحدٍ تعده للفصول الأربعه

.....

رد: اخترنا لكم
 

تمرني زلة رفيقي وأنا اشوف
واصد عنها عمد لجل الرفاقه

ياوقت قدملي من الناس معروف
ماعاد لي بمهبل الخلق فاقه

.....

رد: اخترنا لكم
 

جـامـل وسـامـح وإعـتبـر كـل زلـه
طبع آدمي موروث والعرق دساس

وإللي يقـول إبـعد عـن الناس قله
ماغيرهم في كوكب الأرض جلاس

حـاول تحـب النـاس ويـحـبك الله
والله إذا حـبك يحـبونـك الناس

.....

رد: اخترنا لكم
 

بيت ٍ قريته ماعرفت أسم راعيه
ألا ان راع ِ البيت خط الجزاله

يقول في بيته و قافه و ما فيه
بيت ٍيهيض المستمع من جماله

حقد البعيد يموت لا مات راعيه
وحقد القريب يورثه في عياله

في ذمتي انه صادقٍ في معانيـه
يقوله اللـي ضـيق الـوقت باله

.....

رد: اخترنا لكم
 

تضيع اكثر اوقاتي على شي مايسوى
والانسان مهما كان يحتاج للانسان

ابي اللي يعاوني على البر والتقوى
مابي اللي يعاوني على الاثم والعدوان

.....

رد: اخترنا لكم
 

عسانا لا نصانا اللي ما ريحه الزمن يرتاح
وعسانا ما نسوي طيب وانّا ننتظر ردّه

وعسانا لا تجملنا في احد مانذكر اللي راح
وعسانا مانقابل راعي المعروف بالصدّه

وعسانا لا حصل منا قصور بساعة الأفراح
ما يلقون العرب منا قصور بساعة الشدّه

آمين

رد: اخترنا لكم
 

لا تلّحق دورة الوقت مشروه ولوم
والله مانلحق للأيام طيب ولا جزا

علمتني دورة الوقت علم امن العلوم
العزاز بفضل ربي من العز اعززا

لابدالي لازمٍ جيت قضّاي اللزوم
واحدٍ نذخره في سلم والا فمغزا

اتحزّم به لاباروا رديين العزوم
نوم عين اللي منامه من الحاجر قزا

.....

رد: اخترنا لكم
 

كلمة نعم ماهيب تاتيك ببلاش
ولايجيبها التاجر بدفع البخاشيش

في غبةٍ ماهي تعين على الطاش
يبحر لها رجلن يحب المغابيش

.....

رد: اخترنا لكم
 

يا قلب من ربعك الوافين وش باقي
الناس تالي الزمن تتبع مصالحها

اصحابك اللي بلا عهد وميثاقي
حدد الاسامي على الجوال وامسحها

الا رفيق لفعل الطيب عشاقي
اللي ليا كبرت الدعوى يرجحها

فيه المدايح تهيم وهقوة الهاقي
ريف الجمايل ولا يحسب مرابحها

.....

رد: اخترنا لكم
 

يالله برزقٍ جميل يخلي الساعي
من كثر الانعام مايقدر يعددها

ويالله عسا سمعتي بالجود تنشاعي
والناس يالله تكفيني مقردها

روس المطاليق عندي غاية اطماعي
والا العلاقات فيها من نكابدها

احلم عليها بعين الصابر الواعي
النفس توجر على ماهي تجاهدها

آمين

رد: اخترنا لكم
 

لعل مابيني وبينه مواصيل
اللي على طرد الكلام ايتلهب

اليا عزمته وأنت عندك رياجيل
كنك اتحاضيلك سلاحً مزهب

البدراني

رد: اخترنا لكم
 

جعل ربي فالنشاما مايخيّب ضني
والله يجعل كل طيب محسنن بي ضنه

الكفو يعجبه طيبي لأنه اطيب مني
والردي يوجعه طيبي لأني اطيب منه

.....

رد: اخترنا لكم
 

عسى الله يجمعنا على العز والطاعه
ويجعل قلوب الناس للخير مجتمعه

حياة الفتى بالطيب والجود نفاعه
وش الادمي لو يفقد الطيب والسمعه

.....

رد: اخترنا لكم
 

احب الكريم اللي على الطيبين يجود
واحب المطر لو كان سيله مجنبني

واعرف الردي لو زاد ماله رداه يزود
فلا يعجبه طبعي ولاهو معجبني

نجاح الفتى سمٍ على اهل الكبود السود
يموت الحسود بجرعة الهم والغبني

وتجزعت من راعي الردى راعي المنقود
عدوٍ شريف ولاخسيس يصاحبني

.....

رد: اخترنا لكم
 

من خلقنا الله وحنا عزيزين النفوس
مانوطي شمخ الروس غير لربها

الليالي علمتنا وصمينا الدروس
نعرف النفس المريضه ونعرف طبها

.....

رد: اخترنا لكم
 

احفظ لسانك عن الزلات والنمه
خل المخاليق للخالق يحاسبها

خلك كما الصقر ميكاره على القمه
والسمعه العاليه بالطيب تكسبها

.....

رد: اخترنا لكم
 

حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الأقل تكفيك ضحكة حجاجه

.....

رد: اخترنا لكم
 

ياصاحبي في وقفتك كيف أجازيك
وأنا أدري إنك ماتدور عوضها

مايجعل الأحرار مثل المماليك
إلا معاريف الرجال ببعضها

.....

رد: اخترنا لكم
 

من جزانا باالوصل والغلا ندبل جزاه
خوة الطيب تنومس وترفع للعلا

أفتخر في خوة اللي يشرفني نباه
جعلني من رفقة أهل المعزه ماخلا

.....

رد: اخترنا لكم
 

من لانجح في فروض الله ما له نجاح
لو الذهب والسيوله تحت ملكيته

.....

رد: اخترنا لكم
 

العبد ماله غير ما كتب باللوح
ومن يامن الدنيا تراها تخونه

الموت عقب الف سنة مانسى نوح
ودفّانة الميت يبا يلحقونه

.....

رد: اخترنا لكم
 

ماعندنا في دروب الطيب غير الحزم
قصّر في ماجوبك نطوّل بماجوبنا

نساير الوقت لكن لا احتزم نحتزم
شفنا تدور الليال وثوبنا ثوبنا

مرّت بنا ايام لو مرت قليل العزم
ماشال قلبه كثر ما شالت قلوبنا

.....