رد: فوق هام السحب ( الشعر الشعبي) على متن القوافي
 

ان كان تنشد يا الهويدي عن الطير
الطير والله يا الهويدي غدالي

طيري عذاب معسكرات المسامير
ان حل عند قطيهن الجفالي

ان جا نهار فيه شر بلا خير
وغدا لهن عند الطريح اجتوالي

ان دبرن خيل وخيل مناحير
وغدن مثل مخزمات الجمالي

على الرمك صيده عيال مناعير
وشره على نشر الحريب الموالي

يضحك ليا صكت عليه الطوابير
طير السعد قلبه من الخوف خالي

خيالنا وان عرجدن المظاهير
وزيزوم عيرات طواها الحيالي

غيث لنا وان جت ليالي المعاسير
وبالشح ريف للضعوف الهذالي

يسقى ثراه من الروايح مزابير
تمطر على قبر سكن فيه غالي


شالح بن هدلان

رد: فوق هام السحب ( الشعر الشعبي) على متن القوافي
 

كل ما هبّت على قلبي نسانيس الليالي
‏قمت احسّب ماكسبت من الحياه وماخسرته

‏واتذكر مكسبي واللي غدا من راس مالي
‏واتذكر كل حلم ما هدمته لا عمرته

‏واتذكر كم غدالي من صديق وكم بقالي
‏وكم صديق حافظ بـ كرّته وصد وضاع كرته

....

رد: فوق هام السحب ( الشعر الشعبي) على متن القوافي
 

‏يارب يسرها على كل ضايق
وارفع ستار الهم عن كل محزون

لو كان في درب السعاده عوايق*
تهون مع رحمتك ياخالق الكون

....

رد: فوق هام السحب ( الشعر الشعبي) على متن القوافي
 

عليك من الوله عيني تولجها* المدامع لين
ذبل حلم الغريب اللي حلم يلقاك من مده

َوعليك من الخفوق اللي تغذا من غلاك سنين
سلام الغايب اللي راح منّك والزمن حده

....

رد: فوق هام السحب ( الشعر الشعبي) على متن القوافي
 

خل النوايا الطيبه نصب عينك
واعبر طريقك لامشيت وترفّق

حتى لو إن أهل الردى محتسينك
من أخلص النيّه لربه توفّق

رد: فوق هام السحب ( الشعر الشعبي) على متن القوافي
 

‏ناس على قل الوصل حيل تغليك
وناسٍ مقابلهـــم عـمـر يكرهــونك

بعض البشر مهما هملته يراعيك
والبعض لو تعطيه عـمـرك يخونك

....

رد: فوق هام السحب ( الشعر الشعبي) على متن القوافي
 

من جاهد الدنيا على قل تفكير
ما يستفيد الاّ التعب والكلايف

خلك صبور ويرزقك رازق الطير
وما فات لاتكثر عليه الحسايف

....

رد: فوق هام السحب ( الشعر الشعبي) على متن القوافي
 

البعض صحبتهم عذاب
معد لهم بحسب حساب

بفتح لهم مليون باب
كلن طريقه يعرفه

البعض يقطع معرفه
والبعض معد نعرفه

كلن عرفنا موقفه
يلعن ابوها معرفه

مادام انا طبعي وفي
ماهمني من يختفي

بالعز طبعي واكتفي
واعيش مسيره مشرفه

....

رد: فوق هام السحب ( الشعر الشعبي) على متن القوافي
 

‏ ‏ماتغيرنا السنين ولا يغيرنا الزمن
‏لو يشين الوقـت حنا بأذن ربي مانشين

‏نخسر الدنيا وندفع كل مافيها ثمن
‏اهم شي نكون في صدق التعامل عايشين

....

رد: فوق هام السحب ( الشعر الشعبي) على متن القوافي
 

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....