رد: اخترنا لكم
 

ما يآصل الطوله ردي الهقآوي
ولا يقضي الحآجه ردي العزيمه

لا صار منت للمهمآت قآوي
خلك بحآلك والسلامه غنيمه

الجزل ماهو والهزيل متسآوي
الطيب يفرق له مقآم (ن) وقيمه

.....

رد: اخترنا لكم
 

ماهي تكفينا مراسيل الارصاد
العلم عند الله مافيه غيره

ياالله بليل فيه بارق ورعاد
ياواحدً تعطي العطايا الكبيره

علي الكويت يلوح برقه وينقاد
وينثر سحابه فوق شبه الجزيره

حتي ان علم الغيث مامنه نشاد
وعلم الحيا يذكر علي كل ديره

.....

رد: اخترنا لكم
 

هاماتنا عليا ونظراتنا فوق
ووجيهنا عند النشاما طويلة

لنا مع الطيب مواثيق وحقوق
جزال ونحب العلوم الجزيلة

.....

رد: اخترنا لكم
 

هذا الزمان لا عاد تشره على الناس
ولا تعاتب كل ماشفت زلّة

كثر التشرّه والعتب يوجع الراس
من جاز لك جز له ومن شان خلّه

سعد بن جدلان

رد: اخترنا لكم
 

مايفـقدك إلا الذي حيل يغليك
‏واللي لك بقـلبه مكانه عـظيمه

‏يهيم في شوفك ويسعد لطاريك
‏وكل المشاعر نابعه من صميمه

.....

رد: اخترنا لكم
 

صباح الغلا والشوق كله ودهن العود
مدام اسمك يفوق الخلايق وأساميها

صباح نسيمه ينتشي بك حلا و ورود
صباح الفخامة والقصور ومعاليها

صباح اشتياقي واشتياقي عليك يزود
عيوني تمنى شوفتك وأنت غاليها

منصور الحبابي

رد: اخترنا لكم
 

تفاءلوا بالخير ياتيكم الخير
ما للحياه بـدون الآمال قيمه

الصبر مفتاح الفــرج والتباشير
والياس مفتاح الحزن والهزيمه

.....

رد: اخترنا لكم
 

‏ياليتـــنا نرجــع مثل اول اطفال
‏طُــهر وبراءه ما بنا ظــن كافـــر

‏اللي يزعــــلنا يراضينا بريال
‏واللي توفى نحسب انه مسافر

.....

رد: اخترنا لكم
 

من يجادل واحدٍ ماهو بقانع
كنه يحط العلاج بفمّ ميت

.....

رد: اخترنا لكم
 

‏لولا الحياء وعاداتنا والتقاليد
وسلومنا وأطباع جدك وجدي

لاقول أحبك وأعترف للأجاويد
ولاهمني من عارض اليوم ردي

وأجيك أنا كلّي بليا مواعيد
تمد لي يمناك وأمد يدي

وتضحك لنا الدنيا ونرجع مواليد
ننسى زمان كان ضدك وضدي

لكني أخاف العتب والمناقيد
ولاضاع فينا العمر معاد يمدي

.....

رد: اخترنا لكم
 

تغيّرت يمكن بس ماني عديم احساس
لهالحين نفسي مشغلتها مشاعرها

ادوّر ملامح وجهها في وجيه الناس
انا خايف انساها ماني خايف اذكرها

.....

رد: اخترنا لكم
 

علاجي مَن الجفا في نظرة عيونك
عيونك اللي تداوي علة المرضى

بـجيك لو الليالي وقفت دونـك
ماهو بكيف الليالي يوم ماترضى

.....

رد: اخترنا لكم
 

لا تنصدم طبع الزمن ما يبالي
أحيان حتى لو تجملت صدك

حتى الرفيق اللي من الناس غالي
عادي يجي له يوم ويصير ضدك

.....

رد: اخترنا لكم
 

باب الغلا لأجلك محصّن ومقفول
حتى ولو غيرك طرقه وتسوّل

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
وأحنّ لك وأحتاجك أكثر من أوّل

.....

رد: اخترنا لكم
 

زلة اللي يود القلب مدموحه
دايم ٍ حبه يغطي عذاريبه

.....

رد: اخترنا لكم
 

يا حبيبي لا تخاف من السحَايب
لاتروعّك المزون المستهّله

المطر مايعشقه غير الحبايب
وابله لاهّل يبري كل عله

الرعد والبرق خّلان وقرايب
في علاقتهم غرامٍ ما تمت

.....

رد: اخترنا لكم
 

مادامك تفعل المعروف لاتحزن لامنه ضاع
ترا المعروف مايمحق لاسويته لـوجه الله

.....

رد: اخترنا لكم
 

‏انضج مراحل فالحياة التغافل
تدري عن الزله وتسكت عن الرد

.....

رد: اخترنا لكم
 

حنا بسيطين وادنى مايفرّحنا
رشة مطر ممكن تبيّح خوافينا

مع المطر كنها تزهر ملامحنا
وكنه مايسقي عروق النبت يسقينا

.....

رد: اخترنا لكم
 

من رقّ انوثتها بـلا الحسن غيره
هذا ياكيف وكل بنت غبنتها

في عينها سيف العقيد وشويره
ورموشها جند الخمول أكتستها

غيٍّ من الفستان يلمع حريره
فستانها الاسود يبرهن صفتها

غنجا لذيذه ريق عفّه صغيره
عزلا دقيقة خصر خفّ حركتها

الى وقفت كلن يعذرب قصيره
والى جلست ياطول رزّ رقبتها

.....

رد: اخترنا لكم
 

‏حصيلي من الحب التوجاد والتنهيد
‏وذكرى الجروح وعالم الفقد و دروبه

‏أنا التايب إللي سامح من غرام الغيد
‏لاكن معك مدري ليه مافادت التوبه

.....

رد: اخترنا لكم
 

‏عليك المشاعر صادقه والغلا مدرار
وعلي اكتبك في كل بيتٍ من ابياتي

.....

رد: اخترنا لكم
 

سـلام الله لمــن يقـرأ سلامي
ويسـلم مــن يـبادلني سـلامه

سلامـي يرتـوي به كل ضامي
وفي الوجدان تبقى له علامه

ويشفي من بقلبه جرح دامي
ويزرع في الوجوه الابتسامه

.....

رد: اخترنا لكم
 

علقونا في هواهم وراحو منتحين
واحرمو نفس الهواوي وعافت ذوقها

ليت مالله جابني في دروب العاشقين
ولا انطوت روح الهواوي على معشوقها

.....

رد: اخترنا لكم
 

المها تاخذ على الاول جوايز
من هوايل زينها كلً خبرها

الغزال اللي برسم الزين فايز
واعذاب البيض من فلت شعرها

الجمال مقدرً والمدح جايز
كن نور الشمس في لبة نحرها

يوم جت فالملعبه راحن جنايز
ناظرت فيهن ولقتهن ظهرها

انبهر من حسنها حتى العجايز
بالخدود اللي عكس فيها قمرها

.....

رد: اخترنا لكم
 

على مشارف وادي العشاق يا سلك الحرير
تقودني ذكرىٍ تعدّيني على مشرافها

يستوقف اللحظات فيها صوت تأنيب الضمير
والنفس ماتقدر من العزّه تلد اخْلافها

.....

رد: اخترنا لكم
 

الحلا الفتاك ما يقبل اصناف الحلول
و الهوا غـلاب لا صاب ما منه شـلا

.....

رد: اخترنا لكم
 

صار القصيد ايمرها ويتعدّى
‏اللي منوّل بس لعيونها هي

‏واليوم ما للشعر حسّ ومودّى
‏اللي بقلبي بن ما هو بشاهي

.....

رد: اخترنا لكم
 

‏الزهد في الاحلام مخزي وممقوت
‏اللي ماعنده حلم ماعنده احساس

‏من خاف راي الناس بيعيش ويموت
‏لا مرضيٍ نفسه ولا مرضي الناس

.....

رد: اخترنا لكم
 

‏روحها من خِفّها لاهبّت النسمة تطير
وفكرها علّق على متن الشموخ خصالها

واضحة تسكب رذاذ العطر بأنفاس العبير
غامضة من ثقلها يحتار فيها ظلالها

يغرق أجزل بحر شعر فـبحر عفّتها الغزير
كل ماينبض خجلها يرتعش سلسالها

بنت شعر وأم طهر و أخت للبدر المنير
فاتنة تجلس على عرش الكمال لحالها

.....

رد: اخترنا لكم
 

ما رحت أدوّر كل زولٍ تحلَّى
‏لولاك تسوَى ماعطيتك خفوقي

خالد الفيصل

رد: اخترنا لكم
 

وأنّ لقيته خاطره ماش لا تشره عليه
‏ما معه صبر الصحابه ولا هدي النبي

.....

رد: اخترنا لكم
 

يامـرحـبا واهلـين يا أريـشَ العين
ياذي غـــرامك داخل القلب عشه

يازيـن حُسنــك فاق كـل المزايين
والغــير عندك مايســاويش قشة

أنت الذي بالقــلب حلـيت يازين
ماريد غيرك لوتـــجي ألف رشــه

يابـدرسـاطع في ســماءالمحبين
دايـم حضـورك له عناوين دهشه

يااغيَـد رويغد ياسلا القلب والعين
ياذي استوى في داخل القلب عرشه

حـبك سكن بالأوردة والشرايين
وان مر طيفك أرتعش ألف رعشة

ومادام ربـي قد جمع بين قلبين
بالحب يجمعنا ولو وسط عُشه

والعهد باقي ذي حصل بينناالبين
ماهــو بشر من خان حبه وغشه

.....

رد: اخترنا لكم
 

‏لقيت بالصمت رفعه و بالتخطي سمو
ولقيت بالوقت درس وبالأوادم عبر

.....

رد: اخترنا لكم
 

‏منت بحلالي ولا انت بشخص يقرب لي
‏في قلب غيري وانا ماكل عشاء غيري

‏حتى ولو كنت تعشقني وتطرب لي
‏مافيه أمل يلتقي سيرك معى سيري

.....

رد: اخترنا لكم
 

اجلس تطمن على مركاك
وانا مع الخيل لي نجعه

ماني شفوقا على محاكاك
ولاني شغوفا على الرجعه

ماتردني دمعتك وبكاك
لو قيل لي حالتك وجعه

حابس العطوي

رد: اخترنا لكم
 

لا شفت برق الحسد بعيون حسادي
تقوى عزومي وعين الحاسد اعميها

اثبت ثبات الزمن هجري وميلادي
وتموت الأنذال مالد النظر فيها

.....

رد: اخترنا لكم
 

‏لاغاب عنك اللي غيابه مصيبه
‏وطالت به الغيبه ولاجابه الشوق

‏مافيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ماتجي بالغصيبه
‏لو السما تطبق على الارض من فوق

.....

رد: اخترنا لكم
 

يالله لا تجعلني على الناس محدود
‏اجعلني اللي طاب دينه وعرفه

آمين

رد: اخترنا لكم
 

يحـــن قلبــــي للحبايـب ويشـتــاق
والشـوق يرسـم طيفهـم في منامـي

لو يعـرف المحبـــوب قدره بالأعماق
مايبتعـــد عــــن وصـل خلـه ثوانـي

.....