رد: فوق هام السحب ( الشعر الشعبي) على متن القوافي
 

أحتياج المرحلةأختصره
ناصر الحمادين في :

محتاج للعزلة عن العالم وعن وجه السنين
مثل ماتحتاج البيوت العامرة شيبانها

رد: فوق هام السحب ( الشعر الشعبي) على متن القوافي
 

‏صَديت عنك وأنا مُجبره على صَدك
ماهو بكيفي ولاهو رغبـةٍ منـي

وإن كان حمل الفراق اللي حَصل هَدك
ترى فـراقك لَعب فينـي وجَننـي

....

رد: فوق هام السحب ( الشعر الشعبي) على متن القوافي
 

‏مرحبا يانفحت الصبح ونسيمه
اشرقت لنوار من كل النواحي

وجهك اللي ياعسا ربي يديمه
مصدر البهجة وسر الانشراحي

طلتك ياصاحبي لفته كريمه
جعلها ابرك طلةٍ وابرك صباحي

....

رد: فوق هام السحب ( الشعر الشعبي) على متن القوافي
 

‏مع فعولنا تكبر هقاوي ويقنب ذيب
‏وعلى الموقف الصامل ندسّم شواربنا

‏تتوب الرخوم مْن المراجل وفعل الطيب
‏وحنا على كسب النواميس ماتبنا

....

رد: فوق هام السحب ( الشعر الشعبي) على متن القوافي
 

لاتاخذك شكه مع اللي يشكون
‏ماني بلا مرخص ولاني بجاحد

‏قلبي لو ان حوله من الناس مليون
‏مافيه غيرك ساكنه وانت واحد

....

رد: فوق هام السحب ( الشعر الشعبي) على متن القوافي
 

والله اني حرةٍ من مواكير الحرار
‏معربٍ ساسي وراسي على العليا رساء

‏ماعطيت لجاهل الراي وجهات اعتبار
‏ولا حسبت لنظرة الحسد بعيون النساء

‏قيمتي في عين نفسي عمااارٍ في عمار
‏والي يتمنى من الخلق طيحتنا يخساء

....

رد: فوق هام السحب ( الشعر الشعبي) على متن القوافي
 

‏‏ما تغيرنا السنين ولا يغيرنا الزمن
‏لو يشين الوقت حنا بأذن ربي ما نشين

‏نخسر الدنيا وندفع كل مافيها ثمن
‏اهم شي نكون في صدق التعامل عايشين

....

رد: فوق هام السحب ( الشعر الشعبي) على متن القوافي
 

شدوا بدو قلبي عن ديار قلبك
والبدو لاشدوا عن الدار يبطون

واذا انشدوك الناس وش كان ذنبك
قل البدو لآعافو القاع يمشون

....

رد: فوق هام السحب ( الشعر الشعبي) على متن القوافي
 

لاتعيش بلا أمال ولا هدف
ولا تقول ان الزمن دايم بخيل

أجمل الأشياء تلقاها صدف
والفرح دايم ورى الصبر الجميل

....

رد: فوق هام السحب ( الشعر الشعبي) على متن القوافي
 

‏يسعد صباح اللي له القلب يشتاق
يسعد صباح اللي سكن في ضلوعي

ماغيره من الناس اللي له أشتاق
غالي ومالي عن غرامه رجوعي

....