رد: اخترنا لكم
 

ياكثر ما نخفي من اوجاع ودموع
‏وياكثر ما نشكي ولا احـد سمعنا
‏
‏ماجـور ياقلب من الحــزن موجوع
‏نوفي لهـم بــس الوفا ما نفـعنا

.....

رد: اخترنا لكم
 

رسمت لك قلبي على شكل خفاش
وادخلت حبك فيه مثل الكورونا

انت الدواء وانت المعقم مع الشاش
اقرب احبك وبعدها يقبروونا

هههه

رد: اخترنا لكم
 

لا تضيق من الحياة ولا تكدر
‏دام تملك شيء غيرك فاقدينه

‏والله ان العافيه ماتنتقدر
‏والله انها ياعرب حاجه ثمينه

.....

رد: اخترنا لكم
 

ساعة سكن قلبي غلاه وتملّك
قلبٍ لـ غيره ماعرف حب واحساس

يقول خلّي قلت يابعد خلّك
عزالله اني ضعت عن باقي الناس

.....

رد: اخترنا لكم
 

‏تدري من اكثرشخص بالناس محبوب
شخصـن إذا شـاف الأوادم تبـسّـم

ماهوعلى الضحكه مع الناس مغصُوب
طـبـع التـواضــع في حياته ترســم

.....

رد: اخترنا لكم
 

وينك ترا طوّل غيابك وحنيت
عجل علينا يالغلا في دخولك

شفني أغرد وأذكرك وأكتب البيت
مكانتك بالقلب محدن يطولك

يفزّي قلبي وينشرح كلي ماجيت
لانك حبيب القلب يالبى زولك

.....

رد: اخترنا لكم
 

‏وين احصّل عافية قلبٍ فقد عافيته
‏والحزن يلعب بصدري والحمام يغني

‏يا وليفي وش بقى لرضاك ما سويته
‏كل ما قربت منك بعذر تبعد عني

.....

رد: اخترنا لكم
 

القلب شيخ والمشاعر قبايل
والشيخ يامر والاوامر مطاعه

والحب مايعرف شيوخ وحمايل
ليا سطى بالقلب اعلن ضياعه

‏قربك نعيم وشوفتك تسعد الروح
والوقت لو يمضي بدونك خساره

انت الهوى والحب والشعر والبوح
وانت اعذب الابيات واجمل عباره

.....

رد: اخترنا لكم
 

‏اشرب قبل تقفي عليك المشارب
ما للحسايف فالمقابيل راحة

السم دايم في ذيول العقارب
والحر دايم رِفعته من جناحه

لا تعطي الدنيا استراحة محارب
حارب ترا الدنيا ما فيها استراحة

سعد بن جدلان رحمه الله

رد: اخترنا لكم
 

‏اعطيه من وقتي يسولف واسمعه
‏وأرخي له فؤادي وأرخي مسمعي

‏من كثر ما قلبي وتفكيري معه
‏اشتاق له حتى وهو يسولف معي

.....

رد: اخترنا لكم
 

‏صار اللقاء مابين عيني والأحباب
‏من بعد غيبة فارقتنا سويّه

‏صدفة التقينا وصار مابيننا عتاب
‏وعتابهم ياناس يصعب عليّه

‏هذي سواة القلب لاصار غلاّب
‏ أحيان يسحب صاحبه للأذيّه

.....

رد: اخترنا لكم
 

‏تمر البال يا زهر الصباء معْ غاديات النود
‏ حديث أحلامنا يصعب على الملهوف نسيانه

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏يا كم عاشق تهاوى في بلاطك يالعيون السود
‏ يجاهد فيك نفسه والعيون السود فتانة

.....

رد: اخترنا لكم
 

تستنكرين فوادي اللي سلبتيه
‏وانتي عيونك تسلب القلب سيده

‏قلبً صواديف الزمان لعبت فيه
‏ماعاد باقي منه الا شريده

‏ما شوّهت حبّي كبار المشاريه
‏لا زلت ذاك اللي قديمه جديده

‏حتى الشعر في عيونك ان قمت اغنّيه
‏استعبد احراره واحرر عبيده

‏بيت القصيده يتعب اللي يجاريه
‏وأنتي بعيني مثل بيت القصيده

‏استاذني من خاطري واستميحيه
‏بالعذر لو ان العذر ما يفيده

‏بتفقدين الحب وان مافقدتيه
‏بتعلمك الأيام بانّي فقيده

‏اعتبري ان الحب ذنب اقترفتيه
‏وبعتبر فرصتك فرصة سعيده

.....

رد: اخترنا لكم
 

‏كل ما هبت طورايه مع ذاري الهبوب
‏اصطفقت ادور اللي غدا واصفق يدي

‏واحد ذكره لـ يابس معاليقي شروب
‏العرب عج البوارح و هو نجم الجدي

.....

رد: اخترنا لكم
 

‏المحبّه أنت وأنت الغير عادي
‏من عرفتك والمشاعر مستقره

‏يبتسم يومي ويطرب بك فؤادي
‏راحتي برضاك حلّت كل مُره

‏هاك قلب وهاك عين وهاك غادي
‏دلّه لدربك وخذ خيره وشره

‏وش أبي بوجيه خلق الله وأنادي
‏وجهك الله خالقه طيب ومسره

.....

رد: اخترنا لكم
 

‏راح نصف الليل وانا لا شعر ولا شعور
‏وين بلقى لي نسايم غرام تهبني

‏حبني ياناعس الطرف واشبعني غرور
‏ويش ابي في باقي الناس وانت تحبني

.....

رد: اخترنا لكم
 

‏لاتورطني وانا فيك متورط
‏يانظر عين القصيد ونظر عيني

‏الغلا في ثومة القلب لاقرط
‏مستحيل تفكه ايديك وايديني

‏ودي افرط بعمري ولا افرط
‏فيك وانت ان طعتني لاتخليني

‏بقبل اشروطك ولانيب متشرط
‏من غرامك عطني الي بتعطيني

.....

رد: اخترنا لكم
 

سولف يهون الوقت عندي ولا هنت
‏معاك لحظات انشغالي ثمينة

‏وشلون ماحبّ السّوالف معك وانت
‏شايل على صوتك شعور السكينة

.....

رد: اخترنا لكم
 

‏العرب بين التصـنع والجبلّه
‏والزمـان يميـيز اللي له تواجـد

‏طاح من عيني عرب ماهم بقلّه
‏وعاد في عيني عرب ماهم بواجد

.....

رد: اخترنا لكم
 

‏عـوايـد الـنـفس مـايـرتـاح صـاحبها
‏ان طـاعـها درهـمـت وان ردها ملت

‏لـو انـي اكـبـها مـن دون احـاسـبها
‏راحت على الوجه لاصامت ولا صّلت

.....

رد: اخترنا لكم
 

بعض البشر له منصب وشانه كبير
‏وتلقـاه دايـــم بالـتواضع مـدرسه

‏والبـعض ما يملك قليـل ولا كثيـر
‏وتلـقى رويسه ممتـلي بالغطـرسه

.....

رد: اخترنا لكم
 

لـولا الضمــا ما ودع الغصن الأوراق
‏ولولا المطـــر رحـــنا ضحية مجاعه

‏ولولا الوجع ما شفت محبط ومنعاق
‏ولولا الرجـــا وشلـــون نـــزرع زراعه

‏ولولا الحــزن ما يحجب الليل الافاق
‏ولولا الفـــرح مـــال المشاعر مناعه

‏ولولا الشـــعر بين المعــاليق ينساق
‏ما فل في بحـــر الشـــرايد شـــراعه

.....

رد: اخترنا لكم
 

‏العين ساحه حرب والدمع بارود
‏والضيق جندي مآبخل بالذخيره

‏اجامل العالم وصبري له حدود
‏ومن قال ويش العلم قلت الستيره

.....

رد: اخترنا لكم
 

عزالله إني دريت إنه الوداع الأخير
‏وإن هذا آخر عناق وهذا آخر لقا

‏حسيت في نبرتك وبنظرتك شي غير
‏فيها كلامٍ ورا حدب الضلوع إتقا

‏من أول إن جيت شفت بنظرتك كل خير
‏واليوم والله ماشفت بعينك إلا الشقا

‏الظاهر إنك مشاور نفسك ومستخير
‏جايً تبي تقول ماعقب الفراق إلتقا

‏عزمت تبعد وتتركني لبئس المصير
‏من بعد ذيك المحبة والغلا وش بقا

‏بتروح رح لكن الرجعة ترا ماتصير
‏لا يُمكن العاشقين يعوّدون أصدقا

‏ليتك وضعت إعتبار لمامضى يالعشير
‏على الأقل كان فأسلوب الفراق أرتقا

‏ليتك يوم إنك نويت إن ذا الوداع الأخير
‏علّمتني إن هذا هو آخر عناق ولقا

.....

رد: اخترنا لكم
 

فاتنة قلبي انا فيك مدري ويش اقول
‏خايف اسرف بالغزل وارجع اسرف بالوداع
‏
‏ لو رضيت فتالي الدرب بانصاف الحلول
‏وش يصبرني على البعد وعيوني جياع

‏اعرف الصدمه من الحب ماعرف الذهول
‏واعرف ان لك خصر ضيق ولك نجلٍ وساع
‏
‏فيك ترتاح الاحاسيس وتضيع العقول
‏ويلتهي من ضرب روس المجاويخ الشجاع
‏
‏ليتني مابين معسوله وطرفٍ خجول
‏للعمر عمرٍ إضافي و للدنيا متاع
‏
‏لو تبين مْن العمر ما بقى بأربع فصول
‏مرخصٍ لك باقي العمر رغبه و اقتناع

‏مستحيل اشوف منتوقك بعين الملول
‏دايم اشوفه وانا بين لهفه واندفاع

‏من يتوب مْن الهوا والمحبه عرض طول
‏عاد له في عودك المنبري حب إطلاع

.....

رد: اخترنا لكم
 

‏اذكر أيام الغرام وحبك اللي ما نسيته
‏لو يوردني الهلاك ولو يجرعني النكاده

‏أتذكر وجهك الطاهر وصوتٍ ما سليته
‏يتردد في مسامع عاشقك حزة رقاده

‏باقي أنت المنال ومطلبي واللي بغيته
‏يبطي غيابك يحد القلب عن غاية مراده

‏نعرف الغربه من يسافر عن بلاده وبيته
‏كيف قلبي متغرب وسط بيته في بلاده

.....

رد: اخترنا لكم
 

‏انا فوادي من اللوعات ماهو خلي
‏واصوم لكن شفوف قلوبنا ماتصوم

‏يالغايب اللي لو الدنيا تردك علي
‏عيدت والعيد باقي له ثلاثين يوم

.....

رد: اخترنا لكم
 

لا تعلقنّي على براق صيفك
‏من قليل مواصلك محتر صدري

‏لا تخليني على كيفك وكيفك
‏يوم زين ويوم شين ويوم مدري

.....

رد: اخترنا لكم
 

‏خيّبت ظني معْ انك طيّب وغالي
‏واقفيت منك وانا مخذول واغنّي

‏حتى لو ارجع على اللي ضيقو بالي
‏لايمكن ارجع على اللي خيّبو ظنّي

.....

رد: اخترنا لكم
 

‏على البال ياللي كل ما مرني طاريك
‏بدت كل تنهيده تمارس هوايتها

‏انا لو ينسيك الزمن ماني بناسيك
‏محبتك قصّة ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏بأروح انتظر فأول مكان ٍ جمعني فيك
‏وبأعيد تجربتي معك من بدايتها

.....

رد: اخترنا لكم
 

‏خل ابو نوره يغني لو يزيد احزاني
‏البشر ماعاد تفهمني وانا مافهمها

‏مذهبات الروح شوق وحنجرة جيزاني
‏ومذهبات العقل خمر وحبةٍ من فمها

.....

رد: اخترنا لكم
 

‏الديره اليا صفا لك حب من فيـها
‏راحـت بعينك مثـل باريس وفـيـنّا

‏صحيح حب الدّير من حب اهاليها
‏والّا المـنـازل حـديـد وطـوبٍ يـبـنّا

.....

رد: اخترنا لكم
 

‏افخر بصمتي عن كلام المهابيل
‏اذا افــتـخـر فـي زلّـتّه كـل جاهل

‏انا سكوتي عن هل القال والقيل
‏يـدرّس الجـهّال فن التجاهل

.....

رد: اخترنا لكم
 

‏والله اني حافظك يالغالي بقلبي وعيني
‏حافظك وادرى عليك وكلني لك وانت غالي

‏راهنٍ روحي بمرضاتك وماتملك يديني
‏ياحسين الوصف يازين الطبايع والخصالي

.....

رد: اخترنا لكم
 

ياصباح الخير يالعود المسقى
‏في بساتينه على الفلجان راوي

‏ارتوى بالزين ما خلا وبقى
‏قلبي المغرم عنه ماهو بقاوي

‏من تعلق في غرامه ما تشقى
‏اشهد انه طب للقلب الهواوي

.....

رد: اخترنا لكم
 

‏لك فالدلع عـاده ولك فالحلا ذوق
وانت الاميـــــر وكلهـــم لك حراسه

تسلم لقلبي يا هواء الحب والشوق
يا مالكــه فـي الروح كامــل حواسه

اصبحت بك شاعر وهايم ومعشوق
واصبحـــت لي عالم بربعـه وناسه

مايشبهك في العين والروح مخلوق
ياللي اخذتــي خافقــي من اساسه

.....

رد: اخترنا لكم
 

‏يا صاحبي وش بك علينا تغيرت
حتى الرسايل من طرفكم قليله

مدري الزمن قساك ولا تكبرت
ولا الزمن نساك ذكرى جميله

.....

رد: اخترنا لكم
 

تمخطر بخصرٍ ما يحتاج تشبيه
من كثر ما هو مفرطٍ في الليانه

في خطوةٍ وحده تعدله و تثنيه
كنك بيدينك تثني الخيزرانه

.....

رد: اخترنا لكم
 

معك ربّيت المحبة على قد الطموح
والنصيب يحدها والجفى يوميلها

اثري الغيبه حقيقة وأنا احسبها مزوح
قامت الدنيا علينا وشدّت حيلها

ياحبيبي انشد الوقت والحظ الشحوح
من جدار البال صورتك كيف أشيلها

.....

رد: اخترنا لكم
 

بنتن لاقامت تزيد المشي حنية
تاطى على القاع كنّه قبر جدتها

.....