رد: فوق هام السحب ( الشعر الشعبي) على متن القوافي
 

‏بنت الكفو ماهي بحاجه للامداح

عن مدحها يكفي لها صيت ابوها

رد: فوق هام السحب ( الشعر الشعبي) على متن القوافي
 

‏لاتجلدين الذات وتقولين عن نفسك قْمر
كان القمر آيه من الآيات فأنتي البسمله

ترى القمر مايكتمل زينه سوى نصف الشهر
وأنتي طوال العمّر كله كامله ومكمله

....

رد: فوق هام السحب ( الشعر الشعبي) على متن القوافي
 

‏نشوم عن درب الخطاء والمناقيد
ويحدنا شايب على الطيب كله

حنا عيال الطيبين الأواليد
الي يدلون الطراقي محله

ودرب الجمايل للعرب مالها قيد
كلٍ يدون للنعم في سجله

والصبر دورة للرجال الصناديد
والعز دربٍ من مشى مايمله

....

رد: فوق هام السحب ( الشعر الشعبي) على متن القوافي
 

سبحان من صب السحر في جفونك
واهداك عين ما روى من شربها

الشمس لو تشرق خذت منك لونك
واحلى النجوم الضاويه لك نسبها

الليل ياخذ من طباعك شجونك
والفجر ياخذ من عيونك تعبها

والود ينبت في خمايل سكونك
بين الشفاه اللي شفقها غلبها

واذا ضحكت الله يسامح عيونك
صارت خدودك تشتكي من هدبها

....

رد: فوق هام السحب ( الشعر الشعبي) على متن القوافي
 

الرسوم الناعمه والجمره المعسوله
‏والرموش الفارسيه والعيون الخدّر

‏والخدود اللي من ألوان الغسق مغسوله
‏والجبين اللي مثل ضي البدر لابدّر

‏من بيوت المشيخه والرايه المحموله
‏والأصايل ماتحب إلا الحرار الندّر

....

رد: فوق هام السحب ( الشعر الشعبي) على متن القوافي
 

عساني ما أثقل على قلب مخلوق
‏ولا أسوي مايسبب عتابه

‏أنا أحب الذوق وأدور الذوق
‏عند التعامل والحكي والكتابه

....

رد: فوق هام السحب ( الشعر الشعبي) على متن القوافي
 

‏ماقلت لك ياغايتي يومك اقفيت
‏انك بتجيني وقلت ياشيخ تبطي

‏واليوم جيت وليتك اليوم ماجيت
‏ولاهي غريبه جيّه لشخص مخطي

‏وعجله بعد جيتك ياليتك ابطيت
‏لقيت لي غيرك وابشرك مبطي

‏انا وفيت بوعدي اما انت ماوفيت
‏اللي ماهو قد الوعد ليه يعطي

....

رد: فوق هام السحب ( الشعر الشعبي) على متن القوافي
 

‏التسامح والسماحة من شيم أهل الكرم
والذي يعفي عن الزلات ويسامح كريم

مايهمك دعوة الظالم على باب الحرم
والحذر من دعوة المظلوم لو كافر أثيم

....

رد: فوق هام السحب ( الشعر الشعبي) على متن القوافي
 

جادلٍ لاشاقها البرق وأغراها الرفيف
السماء تقرأ عليها والأرض تزفّها

إن تهادت يفهق الليل برّاق القنيف
وإن مشت تمشي على الريح يوم تدفّها

وش يعذرني من الشعر فالقدّ الرهيف
كل مافلّت جعدها وحنّت كفّها

....

رد: فوق هام السحب ( الشعر الشعبي) على متن القوافي
 

بسولف لك لو انك عارف اللي صار
‏وبـ افتح لك يارب كفوفي الثنتين

‏ابي قارب ليا ابحرت بمداه وسار
‏يعبر بحيرتي لا أغرق بدمعة عين

‏ابا القا في كرم جودك يارب اعذار
‏انا اللي عن قسا الدنيا قصدتك لين

‏جلست ومن ورا ظهري الحياه إعصار
‏ويقيني لاوقفت ان الحياه تزين

....