رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لحظة وداع


عيني عن النوم جزاعه
وكثر الهواجيس قزّني
وأشبح متى عقرب الساعة
يطوي ظلام الكدر عني
قلبي زوال الرجا راعه
ما ارتاح يوم ابعدوا مني
وقفت انا لحظة وداعه
أبكي .. وأنا ضاحك سني
مسكين من صاحبه باعه
وعيّن لياليه يشرني

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » ليلكم شمس

ليلكم شمس .. اتصلنا ..
اتصلنا امس ..
ما لقينا صوتكم ..
اشتكينا اسكوتكم ..
لسكوتكم
ولمَّا ملينا الكلام .. كانت الساعه ظلام ..
قلنا .. بنحاول ننام ..
ونتصل باكر
ليلكم شمس ..اتصلنا
اتصلنا اليوم
جاوبتنا داركم
اشتكينا اعذاركم ..
لا عذاركم ..
ولمَّا ملينا العتب .. كانت الساعه تعب
قلنا لو ننسى الغضب ..
ونتصل باكر ..
ان لقيناكم عسى .. وان هجرتونا عسى ..
بنغسل اجروح المسا..
بالمسا..
حنا ملينا الصبر .. كانت الساعه عمر
اقبلو منا العذر ..
لكل شي آخر
لكل شي آخر

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » ليلة القمر الشحيح

يوم أصيح .. كنت أهزك ..
يا نخيل الوادي ..
غصب اهزك .. مثل ريح ..
والوي أعناق الجريد ..
للقصيد .. ولبحّة الشادي ..
كانت أسراب الحمام .. تنشر فـ صوتي جناح ..
ولا بدى وجه الظلام .. تضوي فـ صمتي هديل ..
كنت أهزك .. يا نخيل ..
يا نخيل الوادي
وليلة القمر الشحيح ..
ما طاح في الساقي ..
طير على حبري رذاذ
وابتلت أوراقي ..
كانت حروف القصيده
حب .. في نخله وحيده ..
وما درت بي ..
أصيح .. أصيح ..
وانا صدري .. روض شوك ..
وخاطري طيرٍ جريح ...
وما دريتي بي ..
أقضبي لجام مهرة الشعر ..
با ترجل .. قبل اطيح .

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » ليتي معك دايم

ليتي معك دايم .. روحي فـ هواك هايم
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
ومالي فـ هواك لايم .. ليتي معك دايم
ليتي معك خطوة .. تمشي لهواك دروب
ونسمة هوى حلوه .. تحيّي الأمل فـ قلوب
ليتي معك وارتاح .. وانسى الضنى اللي راح
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
آه .. من الهوى والليل .. فـ عيونك السودا
غربه ومالي دليل .. والخطوه معدودة
والله الزمان غلاب .. والبسمه محسوده
ونور الأمل كذاب .. والراحه مفقوده
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لا

لا .. لا ..
هالكلمة المرة ..
لا .. لا ..
إسمعها مره ..
جرب هالقلب القاسي ..
حبك عذب إحساسي ..
وتسأل باشوفك بكره ..
لا ما هو هالمره ..
ارجع .. واترك لي ليلي..
تجرح قلبي .. وتشكي لي ..
نادم هذا منديلي .. وابكي .. بالمره
وتسأل باشوفك بكره ..
لا .. ما هو هالمره ..
كيف بدا القمر الباكي ..
عمري .. وردي واشواكي ..
حبك .. أرضي وافلاكي ..
وليتك تفهمني مره ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » الليالي

سب لي الليالي .. وامشي بعيد
سبني في حالي .. اسهر وحيد
ابعد هناك .. انت وهناك ..
حتى السعاده .. خذها معاك ..
وسبني في حالي .. سب لي الليالي ..
سبني فـ حياتي ..
اطوي حياتك ..
خليني افرق .. ذاتي وذاتك
امشي طريقي .. واطفي حريقي
والحق في عمري .. اللي فاتك
ابعد هناك .. انت وهناك ..
حتى السعاده .. خذها معاك ..
وسبني في حالي .. سب لي الليالي ..
صبري عليك .. ظلمك ليَّ ..
نسى حنان الدنيا علي َّ..
نسى ظنوني .. قسى عيوني ..
خلاها تضحك .. للأسيه ..
ندمي عليك .. ندمي عليه ..
ندمي .. وانا حبي الضحيه
طفى شموعي .. خلّف دموعي
وشمعة حياتي .. ما هي شويَّ
ابعد هناك .. انت وهناك ..
حتى السعاده خذها معاك ..
وسبني في حالي .. سب لي الليالي ..

رد: ديوان شعراء السعودية في العصر الحديث (متجدد)☘️☘️
 

» السعودية » بدر بن عبد المحسن » اللوعة


ياللي نسيت الزمن وقلوبنا تعده
كم ليلةٍ غبت والهاجوس يلعب بي
لا انت مع القلب يالغالي ولا ضده
كله سوى راحتي والا تعب قلبي
يسيل قلبي على الخدين .. وارده
خبرت قلبٍ من اللوعات ينحبي
وان قلت لا بد يبرد زادت الشده
شقيت انا منك والشكوى على ربي
يا من يغيب القمر لا من ظهر خده
الزين زينك وانا كثر الوله ذنبي
من عانق السيف لازم يجرحه خده
ومن يعشق الجمر فيه النار تشتبي

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » ليله

ليله لو باقي ليله ..
في عمري ابيه الليله ..
واسهر في ليل عيونك
وهي ليله عمر ..
يالله .. يالله ..
وش كثرانتي جميله
يالله .. يالله ..
وش كثرانا احبك
احلم .. احلم بك دايم
جنبي وانا صاحي ونايم ..
ياللي ايامي بدونك
ماهي من العمر ..
صوتك .. همسك
بيتي .. وسفري
قمرك .. شمسك
ليلي .. وفجري
وانتي ياعيوني انتي
قلبي .. انا وين ماكنتي
ياللي .. سواد عيونك
افديه العمر ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » الغراب اللي نعق


ليت ها العين ضاقت بالحدق
قبل جدرانها بوجهك تضيق
والله اني صحيت من الأرق
راحلٍ لا مكان ولا طريق
ما سمعت الغراب اللي نعق
وين مثلي .. على مثله يفيق
منزلي في الطويل الي شهق
ومنزله قاعة الوادي السحيق
قالو الحاقد بدمك شرق
قلت ما أظنه لمدحي يطيق
كنه الشوك في ثوبي علق
يوذي الشوك ولا يقطع طريق
كثر ما الريح تعبث بالورق
وتوقد أغصانه الصفراء حريق
وكثر ما شوه العج الشفق
وقص من جيده عقود العقيق
وكثر ما صابني وأخطا التفق
لين ما أصحبت من خوفي طليق
وكثر ما نز في كفوفي العرق
من سلام على غير الصديق
اتركيني على باقي عبق
غيمة العطر من عمري العتيق

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » غريق الدمع


اللي طعنّي بين الاضلاع وأدمى
هذاك ندٍ لي ونعمين فارس
ومن ينطح الوقت الردي قلبه أعمى
كم عامرٍ خلاه بالقاع دارس
يابنت مالي قلب بالحب يرمى
كفي سهام الفاترات النواعس
الما عيوني أظهريني من الما
وأنا غريق الدمع والريق يابس
ظميان من مثلي من الناس يظما!!
وأنا على أحلى الينابيع حارس
والله يالولا فيّة عيون سلمى
ماشوف كل الناس ضاحك وعابس
من طاب لي بالنور ماني بظلما
ومن جادلي بالغيث ماني بحابس

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » ليلي


ليلي مثل ليلك ... او همومنا غير
قلي صباحك مشرقه مع صباحي
إنت السما عندك... نجومه ... نواوير
ومن الفرح عجعج سناها ... وفاحي
وانا نجومي ... في الغداري مسامير
على السما ... دقت بكل النواحي
جاك الظلام .. وجاك ربع ومسايير
وجاني الظلام وكل ما احب راحي
علمي بنور الشمس ... وقت المعاذير
قال الوداع وقلت.. دربك سماحي
كان الالم.. غيثٍ فدمعي محادير
وكان الندم سيلٍ فخدي .. بطاحي
تقول خل الهم واكفخ كما الطير
عطني سما ياخوك والوي جناحي

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لا تعقد الحبل

شمالٍ هبت ورذرذ مطر ما به ذرى وخطار
تبي تدفا في تالي الليل والخشبان مبتله
ألا ياضيف وش جابك عسى ما جيتني دوار
مضيع والنياق اللي تدور عنها مندله
سرحت افـ خاطري ذودك ذلول وفاطرٍ وحوار
تبي تاكل ربيع المجرهده دقه وجله
ألا يا شين لو ذودك رعايا تحتميها امهار
أظنك ما تراعي للخلايق سلمٍ أو مله
ترى ضرب الفيافي ما يجي للخايف المحتار
أمانه لاتعقد الحبل ثمٍ تعجز تحله
سرت عنك المطايا .. والمطايا عينها للدار
تبي تشوف البلاد وصابها خالي الخلا بخله
ضوى همك وشبيت اف ضلوعي نار للخطار
فريت المجذوي .. قلبي دفنته قرص في المله
تعش ولا بدى نور الفجر خل الهقاوي يسار
وعوّد وان سمعت الشور لا تبعد عن الحله

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لا من غديتي شمس

لامن غديتي شمس .. وشلون اعذلك
لابد مايظهر مع طلتك نور
ماالومهم لو لدت عيونهم لك
من ناظرك ياربة الحسن معذور
تلطفي وان كحل التيه نجلك
وتواضعي لوبك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لاصار لي قلبك .. وروحك .. ووصلك
لاقافلٍ بابٍ .. ولا بانيٍٍ سور

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » قبل الورق وبعد الورق


كثر النهار أشتاق و إنتي بعيده
الين أشوفك كثر ما تنبت أشجار
ومثل الرمال أحس روحي وحيده
الي أجدبت عامين ما طاحت أمطار
طال السهر والليل ينزف وريده
في صدري اهموم وهواجيس وأسرار
كل الحروف المبطية والجديده
تطري علي لاشك في شوقي احتار
قبل الورق وانتي فـ بالي قصيده
وبعد الورق ضيعت أنا كل الأشعار

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » فصول ومناجل

وللكلام فصول .. ومناجل ..
قمح .. وحمامٍ زاجل ..
وقصة وله.. ونحول ..
وباقول .. باقول ..
****
مشقق الأسمال .. مغبر ..
اجيك .. مترنح ومصفر ..
بامراضي اجيك .. يالمورق الزاهي ..
ما عادبي أخضر .. وتتذكر أشباهي ..
تقول : انت فلان ؟ واهز راسي ..
واجمع حواسي كلها .. واضحك ..
في بالي إني أضحك .. مادري عن شفاهي !!
****
وللكلام أسفار ..
أوتار .. ومعازف ..
وللكلام أسفار .. جنحان وزعانف ..
وللكلام أعمار ..
مثل الزهر .. وذبول ..
وانا بقول .. بقول ..
****
في آخر الشاهي ورق ..
وتصب لي نفسي ..
مثل الذي في بريقك المعدن ..
من الماء .. والورق ..
اتنفس الفوح ..
واستمهل البوح .. عن حالتي ..
اسكت .. لآخر قطرةٍ في بيالتي ..
ويقول لا نزل العرق .. من جبهتي بقول ..
لا .. لانت أطرافي ..
من الرحيق الدافي .. يمدي الكلام ..
يطول .. وبقول ..
****
أحاكيك ..
عن كل المدى والبيد ..
أو .. ما في الشبابيك .. من المدى والبيد ..
عن شوكةٍ في الأرض .. خلقت لإ بهامي ..
أو أرض تحت الشوك .. مرتها أيامي ..
لو أدري وش يكفيك..
كلي على شفاهي
شوك .. وعطش .. ووحول
وللكلام حمول .. وقوافل ..
وارث الزمان الغافل ..
وباب على المجهول ..
بس قلي وش يرضيك .. ؟
وأنا أقول ..
وأنا أقول..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » ليلة تمرين

ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..
يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..
يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لا تسأله ناسي

لا تسأله ناسي .. خله مثل ما هو
ياقلبي إحساسي .. ماهو معي هو
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..
كافي .. ترى ذل
يا خل .. ياخل
مكسور انا الخاطر
في نظرة الكل
لا تذكرني .. وجه مع الناس
لا تصبرني .. ما في الجفا إحساس
ضاع العمر .. وانت لا شمس لا ظل
والله لا أمر .. صوبه لا امر
ما التفت .. لو هو العمر
وما ينحني راسي ..
جف الكلام ..وسكت الدمع
الليلة .. با طفي الشمع
باترك ملامح .. صورتك تحت الغبار
واترك شوارع ديرتك .. لارض النهار
با نساه انا ... ما ادري متى
بالصيف يمكن .. او فـ الشتاء
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » الفتاة الغايبة

و سلامي .. لمن سأل عني ..
أنا من أشعل .. عيون الفتاة الغايبه.. شمس بكلامي..
لين تركوني الناس .. و راحوا لضي عيونها ..
و رجعت نفسي طايبه.. أجرّ ظلّي ..
و كان لي .. ظل ثقيل .. تعلق .. بعود نحيل ..
و القلب رجل عايبه .. ترقا جبل ..
ردوا سلامي .. لمن سأل ..
يحيني الكلام .. قولي .. قولي أعرفك ..
انت من يحمل جذوع الشجر للماء.. ولنور القمر ظلما..
أنت اللي مردت القوافل .. تطلب الترحال ..
و زيّنت الشمال.. نجمه .. وعلّمت الغلام .. اسمه ..
لين انتهض .. رجال .. يحيني الكلام .. قولي ..
في بعض الكذب .. رحمه..
الوقت يمضي .. صديقتي.. والناس تمضي ..
وهالحراس باقين .. على ورق هالتين ..
والكوكب الفضي .. والبوح بالأحساس ..
تتغير الألوان .. الا السواد .. متى السواد يمضي ..
توي رفعت الأرض .. سجده .. وسبّحت له.. وحده ..
و صار الرماد .. ومضي .. و كل الذنوب .. غبار ..
و دموعي الأمطار ..
صديقتي .. يحيني الكلام .. قولي .. لمن سأل ..
أنا من اشعل عيون الفتاة الغايبه .. تيه وخجل ..
لين تركوني الناس .. و رجعت نفسي .. تايبه ..
من كل.. ما في الناس .. و كل ما فيني .. الا .. الكلام ..
أنا..الكلام يحيني .. يحيني الكلام .. قولي ..
لاجل الفتاة الغايبه .. من هالعتيم .. تعود ..
وردي سلامي لمن سأل .. ان كنت أنا موجود.. موجود..
و الحلم .. رجل عايبه .. ترقا جبل ..
و سلامي للفتاة الغايبه ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » الليل

الليل
ما هو الظلام وبس
ولا القمر ولا النجوم
الليل هو هذا البحر
يظهر من شطوطه
لاناموا الناس
وتثاوبُ الحراس
الليل
ما هو الظلام وبس
انا أحس أحس
ان البحر افلاك
والليل بحر
وانت وانا
يا صاحبي اسماك

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » قمر قلبي
من رماد المصابيح .. اللي انطفت في الريح
جيتك أنا وقلبي ..
ومن سهاد المواويل .. وباقي قصيد الليل
جيتك قمر دربي ..
فيني تعب .. لا والله أكثر
حالي صعب .. لا والله أكثر
وكنتي الحبيبة والصديق .. واللي خذتني من الطريق
وسكنتني أهدابها ..
في قلبي شوك .. وفي عيوني شوك
شوفي أصابعك انزفت .. من كثر ما لمست جروحي وجففت .. دمعي الحزين ..
في صوتي ليل .. وفـ صمتي ليل ..
وانتي الليالي اللي حلفت ..
تشعل نجومي بالظلام اللي انطفت .. من هالسنين
فيني تعب .. لا والله أكثر
حالي صعب .. لا والله أكثر
وانتي الحبيبة والصديق .. واللي خذتني من الطريق
وسكنتني أهدابها ..
ياللي أغلى من سنيني ..
ناظريني لين تحسدني العيون ..
وان حكوا حسادي فيني ..
وقالوا انك تعشقيني ..
آه يا محلا السوالف والظنون ..
ليتهم ما يسكتون ..
ولما تسقيني الغرام ..
اسري بالنور والظلام ..
واتركي كل الكلام ..
انتي الحبيبة والصديق ..
واللي خذتني من الطريق ..
وسكنتني أهدابها ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لو تغيبي

لو تغيبي ولو رحل وجهك حبيبي
في غيابي عنك أشوفك .. وفي عذابي منك أشوفك
صدقيني ما نقص هالليل بعدك إلا قمرا
وما فقدت من النهار إلا شعاع الشمس بكرا
واجمل الناس حبيبي ..
لو تغيبي لو رحل وجهك حبيبي
تصغر الدنيا وتضيق
كلّ مافي الدنيا أعرفه إلا بيتي والطريق
أنا أحبك ذا نصيبي .. إبعدي عني وغيبي
صدقيني مانقص هالليل بعدك إلا قمرا
ومافقدت من النهار إلا شعاع الشمس بكرا
لك ليالي ما سألتي .. ولي ليالي ما سألت
ولو دريت إنك زعلتي .. كان أفرح مازعلت
بس داري مافي قلبك إلا قلبك
واختياري إني أحبك والا أحبك
ومن عذاب الحب يكفي لو تجرّح قلب واحد
وإنتي يا حبي وضعفي لا يهمك كله واحد
لجل تتغير فصول .. ويبكي الغيم في عيوني
وتزهر جبال وسهول .. اضحكي بيّا وبدوني
وصدقيني ما نقص هالليل بعدك إلا قمرا
ومافقدت من النهار إلا شعاع الشمس بكرا

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » كذبه

من الشمال هضاب ..
ومن الجنوب وادي ..
وما بينهم ( كذبه ).. القرية العذبه..
طين ونخل وقباب ..
سورٍ بلا ابواب
وأظن ميلادي .. ماله زمن وكتاب ..
لكن ولدت فـ يوم .. وولادتي صعبه ..
قالوا سنة ما غاب .. مات .. أو رحل ( شرشاب )
ترف الشفاه مثل الجناح ..
ويطير الحكي .. يطير
فـ الاعياد .. يقولون :
كان يحرك الناس عرايس ..
بقطعة خشب وخيوط ..
يشعل المعارك .. ويرتب الأعراس ..
ينهي الجدل .. ويعلق الأجراس ..
يتعب الأنداد .. متبعثر الأبعاد ..
ويجمع عيون الناس فـ احداقه
ويعزي في الموتى .. ويبارك الاولاد ..
يكتب لكل طفل ورقه ..
ويغطيه بلحاف ..
مثل الكهوف مظلم .. ومثل الغدير شفاف ..
يصهر حديد البنادق ورق .. ويبري خشبها اقلام ..
ويحرق البارود .. ند .. وخشب صندل ..
ويبدا من الحنظل .. وينتهي في الشهد ..
بعض الليالي عبد .. وباقي الليالي طيف ..
كذبه .. مثل سوالف الجن .. مالها آخر
ومثل البحر زاخر .. بالحقيقه والخيال ..
ايام تحملها الجمال .. شمال ..
لجبال .. تكسيها الثلوج ..
وين المروج .. وعرايش العنب ..
وايام ينهكها التعب ..
وتجلس على اطراف الدروب ..
وتقابل الصحرا جنوب ..
تعد أعواد النبات الناحله ..
في السراب ..
وين اختفى شرشاب ؟
في الليل واجساد الحطب ..
تلوى .. وتصرخ .. ويجلدها الحطب ..
يصبح كلام الليل غير ..
وترف الشفاه لكن .. يموت الطير الأول ..
ويظهر بداله طير ..
وشرشاب يرجع .. من عج الاساطير ..
وضباب القوافي ..
لا هو مريض .. ولا متعافي .. مثلنا ..
لحم .. وعظم .. وعيون ..
واسمعهم يقولون : لو هو حرير وخز ..
أحيان .. يهتز ..
مثل انعكاس الغصن ..على الما الجاري ..
وترتعش كفه .. وسط العواصف ساري ..
وما يحرك الا .. حجانه الكثه ..
تظهر .. وترشح .. اوجاعه الرثه ..
على سطح الجديد من الثياب ..
تنشب حروفه فـ الضروس .. وتنقطع انفاسه ..
ذكرى الجنايز والعروس .. تتقاسم احساسه
يرجع لنا من كل الدروب دخان ..
ومن العزايم دله .. وشظايا فنجال ..
مشوش ٍ .. كله .. كله ..
عج .. ودموع .. ومناديل ..
في الريح .. قبل الغروب بشوي ..
يطيح العج .. وتهدا الهبوب ..
( وكذبه ) .. تجلس على الساقي ..
تغسل التراب .. عن وجهها الطيب ..
وعن قلبها الباقي ..
وتناظر الشمس اللي تغيب شوي .. وشوي ..
والما يترقرق صافي .. فـ ضلوعها ..
بين ضلوعها .. وبين النخيل
وتتذكر ايام الرحيل .. وتسترجع اوقات الغياب ..
شرشاب ..
كان المصابيح في السوق .. والمدفأة في البيت
وما يحرق الكبريت .. من تبغ .. ومن عود ..
يخيط .. جناح الفراش الأبيض المحروق ..
بسلوك الرماد ..
كان الخضار .. لزرعنا .. وكان الجراد ..
كان الوله .. وعطر المكاتيب .. ووشوشات النبات ..
يرمي الحصاة .. قبل الغدير ..
ويجني الرطب قبل اللقاح ..
ولا تطعن اطراف الرماح .. الا ما يصيب ..
كان الغريب .. اللي يعلمنا الوطن ..
( كذبه ) .. تظهر عليها الشمس من كل الجهات .. في الصيف
ما هي شمس وحده .. تقول الف شمس ونيف ..
بس الغريب .. ان ظلالها داكن ومظلم وعميق التجاويف ..
مثل صدور أهلها ..
ووقت السوالف والحكي .. اطفالها شيبان ..
وهذي عجوز ترتكي .. على ظلها ..
يوم ابتعد عنها الجدار ..
قالت وانا من هالنهار .. هارب للظل ..
الله المستعان شرشاب
اتذكره وأنا شباب ..
يعزف الرباب ..
ويحفظ قصيد بني هلال ..
ويرقص بمطرق خيزران .. وسط الحفل ..
ثوبه نظيف لو هو عتيق ..
وما في الجيوب .. ( لو بيزه ) وحده ..
يبيع الحطب .. ويشعل قناديل الدروب ..
قبل الغياب ..
ودايم تشوفه جالس لوحده ..
وفي يوم جا خطاب .. قالوا يبي ( مزنه ) ..
نقول : هذا خطيبك في الحفل .. يرقص بمطرق خيزران
الله المستعان ..
والى متى الكذبه .. يا ( كذبه ) .. والحكي في الغياب ..
وين ادفنوا ( مزنه ) .. ومتى رحل شرشاب ..
فوقي يمر غراب .. وتحتي كسر من طين ..
اطلال هالمسكين .. وملامحٍ لبيوت ..
كانت غتر وبشوت .. عطر وكحل وشيال ..
حضر الزمان وغاب .. واللي عرف شرشاب ..
ما انصف الرجال .. لكن ظلم ( كذبه ).

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » فكره


حبيبي من هو غيرك قد عشق فكره
طيف وخيال ونحولٍ يكسر الخاطر
ما حذرك عاذلك من غيه وسحره
ما قال قلبه خراب وموسمه باير
لا بر في دفتره لا شهد في حبره
لا ضي في غربته متبعثر وحاير
كني سمعتك وكل العين منتثره
دمعٍ صرختي ما بين السيف والحافر
لا تذبحونه ألم وأن طال به عمره
فاق بخياله جمال الماضي والحاضر
اللى طعنتوه خلوا شبر في صدره
يلقى به العشق وقت يقيم ويسافر
الكوكب اللي تقول الناس ياصغره
من كثر ما هو بعيد وشوفهم قاصر
لا تحسدونه خذا من خبزكم كسره
للجوع وأعطي شباب القلب والناظر
اللي قليله قليل ٍ فاض من كثره
واللي كثيره قليل الجوهر النادر
اللي قليله قليل ٍ فاض من كثره
واصابعه وان حسبتوا مالها اخر
اصابعه وان حسبتوا كلها عشره
وفي كل صخرٍ بياض عظامها نافر
في كل ارضٍ حفروديناها ظفره
وكل ما بكى كل دمعةٍ تولد بشاعر
كل ما انجرح شع نزفه واشتعل فكره
وكل ما بكى كل دمعه تولد بشاعر

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لو ما تحب العين


لو ما تحب العين ما ضمت دموع
يا عاذلي بالله جز عن عتبها
اربع ليالي كلها سهد وولوع
استغفر الله ما تلاقي هدبها
تكاثرت من همها ساعة اهجوع
الله حسيب اللي غدى هو سببها
الجادل اللي لفتته ورد وشموع
يا حيف قلبي اللي احترق في لهبها
يمد لي حبلٍ من الود مقطوع
غير السلام وبسمته ما عقبها
يا قلب .. يا قلب الخطا دونك ضلوع
يا شين قل لي راحتي هو نهبها

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لو ما تحب العين

لو ما تحب العين ما ضمت دموع
يا عاذلي بالله جز عن عتبها
اربع ليالي كلها سهد وولوع
استغفر الله ما تلاقي هدبها
تكاثرت من همها ساعة اهجوع
الله حسيب اللي غدى هو سببها
الجادل اللي لفتته ورد وشموع
يا حيف قلبي اللي احترق في لهبها
يمد لي حبلٍ من الود مقطوع
غير السلام وبسمته ما عقبها
يا قلب .. يا قلب الخطا دونك ضلوع
يا شين قل لي راحتي هو نهبها

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لاتعلمني


ليه أحس إني وأنا اشوفك حزين
وقلبي الليله بهمي ممتلي
كانها الفرقى طلبتك حاجتين
لا تعلمني ولا تكذب عليّ
خلني ما بين شكي واليقين
السكوت رضاي عنك وزعلي
باكر اللي خافيٍ لازم يبين
والوعد بلقى مكانك به خلي
وانتظر لي ليلة او ليلتين
لين ما يقفي السحاب وينجلي
ولا طويت الياس بذرف دمعتين
للهوى الغالي وبا وادع هلي
صاحبي بموت من كثر الحنين
خلني بختار لحظة مقتلي

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لين العود

لين العود .. قلبك ما يلين ..
قاسيٍ ما درى عن لين قدك
ما درى عن عذاب العاشقين
يا قمر .. والقمر غصبٍ يبين ..
انجز الوعد .. لو ما هوب ودك
كان ما هوب لي .. للساهرين
لاتخاف .. السما بينك وبين ..
عاشقٍ ساريٍ في نور خدّك
لاغدى لليل .. مجروح وحزين
ظالمي في الهوى .. الله يعين ..
ما ظلمني لطيف الروح صدك
ظالمي في الهوى شوق .. وحنين
لين العود .. لابد السنين
تبعدك يوم عني أو تردك
لنت يا صاحبي .. أو ما تلين

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » قمرا


انتي مثل قمراً على صفحة الما
له صورة عندي وهي في السّما فوق
اتصافحك عيني وأنا كفي أعمى
مَالي جدى إلا مصافح الموق للموق
ياما شربتك شوف من خوف لا أظما
وياما الوله للوصل يّبس بي عروق
وياليتني بدلت نورك بظلما
واخترت لي غيرك من الناس مخلوق
اقول أحبك يا عذابي أو أكما
لا حاصلٍ قربٍ ولا نافعٍ شوق

رد: ديوان شعراء السعودية في العصر الحديث (متجدد)☘️☘️
 

السعودية » بدر بن عبد المحسن » القاع والمسافة

انا احبك مابها زيف وخداع
رغم الذي نخفيه .. واللي نخافه
أودعك .. ليت الألم لحظة اوداع
إلى مضت .. ننسى الألم والحسافه
وأفارقك.. لوالسفر .. يم وشراع
وبعد الفراق .. اللي نوده نعافه
لا صار مافي البعد راحه لملتاع
بالله وش نفع التعب والكلافه
من الجفا والصد .. يكفيني اذراع
لا جف نهر الحبماتت اضفافه
املي يدك رمل وترى هذي القاع
ومدي النظر .. تدرين وش هي المسافه

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » الليالي قصار

اعلق الدنيا .. على مسمار
مدقوق فيه اجدار ..
وتسكن في ساسه ريح ..
من له سنين يطيح ..
ولجل الليالي اقصار ..
ممداه ..
اعلق اعيوني على نجمه ..
محبوسةٍ في غرفةٍ ظلما ..
ومقفول عنها باب ..
ولها حارسٍ كذاب ..
دايم يشيل كتاب ...
ويقراه وهو أعمى
اعلق احلامي على نصل
سهمٍ يشد افنبل ..
وترمى به الدنيا وبعد .. يخطي ..
أموت .. انا مبطي ..
لكن .. أحدٍ يبي ياخذ ..
مني .. وابي أعطي ..
اعلق افسمعي .. رعدغيمه ..
واشرب .. ذِِكِر ديمه ..
طاحت في بطن اليم ..
اغمض اعيوني عليّ ..
واحلم ..
بعرقي .. يعاف الدم .. شيمه ..
بروحٍ علي تندم ..

رد: ديوان شعراء السعودية في العصر الحديث (متجدد)☘️☘️
 

معلومات عن ماجد عبدالله

https://www.aldiwan.net/public/image...6767811031.png
ماجد عبدالله https://www.aldiwan.net/public/images/badge.svg

السعودية
poet-majed-abdullah@

151
قصيدة


1
الاقتباسات


198
متابعين



د. ماجد عبدالله كاتب وشاعرسعودي متخصص في هندسة البرمجيات. له إصدارات : أحتاج قلبا - وحين يجمعنا القدر - كل شيء يتغير - جرب أن تعيش بقلبك.

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » لو طاوع الصمت الكلام

لو طاوعَ الصمتُ الكلامْ
لبقيتُ أسألكَ الخلاصَ من التقلُّبِ
فوقَ أكوامِ الحُطام
فلقد تعِبتُ ِمن الترنُّحِ
بين أقنعةِ التودّدِ تارةً
وتارةً بين المدامعِ والخِصامْ
ما كُنتُ نادمةً على عُمرٍ مضى
قد كُنتَ لي قَدرًا جميلًا هانِئًا
ملأ المشاعرَ بالرضا
واليومَ ولّى ذلك القدرُ الجميلُ
معَ المشاعرِ وانقضى
لي يا وليفَ الروحِ من قلبي رجاءٌ
قبلَ أن يغتالنا فصلُ الخِتامْ
حافظ على قلبي
أو اتركني لأحيا في سَلام

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » وأسأل دائما نفسي

وأسألُ دائماً نفسي
لماذا دونَ كُل نِساءِ هذا الكونِ
كُنتِ هديّةَ القدَرِ؟
لماذا بعدَ حُبكِ
صِرتُ مفتوناً
كأنّ السحرَ في صدري
فحُبكِ بدّل الأفكارَ
جمّل منظرَ الدنيا
ولوّن صورةَ الأيامِ في نظَري
أريدُ أريدُ أن تَحيَيْ
سنينَ الحبّ في جنبيّ
عُمراً داخل العُمرِ
أريدُ أريدُ أن تجري
بين عروقِ أوردتي
كجَرْيِ الماءِ في النهرِ
أريدُ أريدُ أن آتي
إليكِ كطيفِ عُشّاقٍ
يُطلّ عليكِ مثل أشعّةِ الفجرِ
لأنْظُمَ فيكِ ديواناً من الشّعرِ
أُلَحِّنُهُ
أُغنّيهِ
وأُلبِِسُ جسمكِ الشفّافَ
فُستاناً مِن الزهرِ
أنا النبضُ المخبَّأُ في ثنايا
قلبكِ المملوءِ بالأشواقْ
أنا الحُبّ الذي يجري
كنَهرٍ في شرايينكْ
ليُطفئَ لوعةَ الأعماقْ
أنا الليلُ الذي يغفو على صمتِكْ
أنا الصبحُ الذي يصحو على صوتِكْ
أنا العِطرُ الـمُعبّأُ في زجاجاتِكْ
أنا النسماتُ والبسماتُ
تغمُرُ كلّ أوقاتِكْ
أنا المطرُ الذي يأتيكِ مُنهمِراً
ليمحو صورةَ الأحزانِ
عن إحساسكِ المُرهَقْ
أنا وجهُ السماءِ يُطلُّ في رفقٍ
ليغمُرَ نور عينيكِ
بلونِ ردائهِ الأزرقْ
يُقالُ الحبّ كالبحرِ
وفيهِ الناسُ كم تغرقْ
ولكني إذا أحبَبتُ كنتُ
البحرَ والبحّارَ والزورقْ
فلا الطوفانُ يُغرِقُني
ولا الأمواجُ تُرهِقُني
ولا الدنيا ستحجُبُ حبكِ المجنونَ
إنْ أشرقْ
فيا أمَلاً تعلّقَ في سماءِ القلبِ
يا حُلْماً سماوياً
قضَيْتُ العُمرَ في عينيّ أحفظهُ
ولن أرضى لهذا الحُلْمِ أن يُسرقْ
لأنّ هواكِ علّمني
بأنّ الحبّ في يومٍ سينتصرُ
وأنّ مسافةَ اللُّقيا وإن طالتْ ستُختصَرُ
وأنّي رغمَ ما ألقاهُ
في سفري إلى عينيكِ
لن أخشى مِن الأقدارِ أو أقلقْ
وها أنا ذا أتيتُ إليكِ في ولهٍ
أمُدّ إليكِ حبلَ الشوقِ والذكرى
وبُركانُ المشاعرِ كم يعاندُني
ويعصرُ خاطري عصراَ
فكُل مدامِعي حيرى
وكل جوارحي تخفِقْ
فحُبكِ قد تملّكَني
وإنْ لم أُبْدِ ما في النفسِ أو أنطِقْ
لأن الحُبّ في جنبيّ إحساسٌ
يفوقُ الوَصفَ والتفكيرَ والمنطِقْ!

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » من بعد أن كنت لي تاجا على الراس


مِن بَعدِ أن كُنتَ لي تاجاً على الراسِ
أراكَ في ناظري من أتفهِ الناسِ
لطالما كُنتَ كالمجنونِ تتبعُني
حتى تمكّنْتَ من قلبي وإحساسي
فصِرتَ تسألُ عن حالي مُجامَلةً
ولا تشارِكُني حُزني وإيناسي
نارُ الحنينِ طوال الليلِ تحرِقُني
وأنت لاهٍ ولا تدري بإحساسي
يا باردَ القلب قُل شيئاً يُطمئِنُني
لا تُبقِني غارقاً في بَحرِ وسواسي
حتى مَتى أكتمُ الأوجاعَ مُنكسِراً
ولا يلينُ لحالي قَلبُكَ القاسي
أنت الذي قد قتلتَ الحُبَّ مِن زمنٍ
فلا تلُمْني إذا أخمَدْتُ أنفاسي
دورُ البراءةِ لن يعفيكَ من وجعي
ولا التودّدُ يشفيني من الباسِ
توسُّلاتكَ ما زالتْ بذاكرتي
ودمعُ عينكَ محفورٌ بكرّاسي
لا تنسَ ماضيكَ والأيامُ شاهدةٌ
فإن نسيتَ فإني لستُ بالناسي

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » وإن كبرت همومك لا تبال


وإن كبُرَتْ همومكَ لا تُبالِ
فلُطفُ اللهِ في الآفاقِ أكبرْ
ومن غيرُ الإلهِ يُريحُ قلباً
تخطّفَهُ الأسى حتى تكدّر
سيأتيكَ الذي ترجوهُ يوماً
فلا تعجَل عليهِ وإنْ تأخّرْ
ولا تجزعْ وقُل يا نفسُ صبراً
فرحمنُ السماءِ قضى وقدّر
سيلطفُ بالقلوبِ ويحتويها
ويجبرُ في الحنايا ما تكسّرْ

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » أحباب قلبي آذاني تجاهلهم

أحبابُ قلبيَ آذاني تجاهُلُهمْ
وكُنتُ أحسبُهُم في ضِيقتي سنداَ
أظهَرْتُ من طيبتي حُباً يُظَلّلُهم
وأضمروا الغدرَ والأحقادَ والحسدا
لم يحفظوا تضحياتي في محبّتهم
قد ضيّعوها وضاعتْ في الزحامِ سُدى
يا فاقدين شعورَ الصّدقِ في زمنٍ
ماتَ الوفاءُ على أيامهِ كمَداَ
ما عادَ في خاطري لَومٌ على أحدٍ
ما قيمةُ اللومِ والإحساسُ قد فُقِدا؟!

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » هذا أنا

هذا أنا
رغم المصاعبِ والمسافاتِ الطويلةِ
لن أملّ من الحياةِ ولن أَميلْ
متفائلٌ مهما جرى
حتى وإن زلّتْ خُطايَ على الطريقِ
وتُهتُ في الليلِ الطويلْ
أنا واثقٌ أني سأبلغُ غايتي
وأُعانق الحُلمَ الجميلْ
لا شيءَ في قاموسِ أحلامي
يُسمّى مُستحيلْ!

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » أتيت إليك بكل رجائي

أتيتُ إليكِ بكُل رجائي
وألقيتُ كُل سنيني ورائي
فمن لي سواكِ إذا فاض دمعي
يُلملمُ روحي ويحنو عليّا؟
ستبقَين طيفاً يداعبُ روحي
كحُلمٍ بريءٍ رعى مُقلتيّا
خذيني إليكِ وضمّي فؤادي
لأغفو طويلا على راحتيكِ
خذيني إليكِ فإني تقلّبتُ
بين حنيني وخوفي عليكِ
تعبتُ وأرّقني نبضُ قلبي
وطول انتظاري وشوقي إليكِ
فقد عشتُ عنكِ بعيداً بعيداً
أنامُ وحيداً وقلبي لديكِ
خذيني إليكِ فإني حلُمتُ
بأنّي أُرفرفُ فوق الثريا
وأن العصافير ترقصُ حولي
وتنثرُ وردًا على راحتيّا
فأوّلتهُ أنّ قلب حبيبي
غفا لحظةً ثم عادَ إليّا

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » بيني وبين هواك إحساس عجيب

بيني وبين هواكَ إحساسٌ عجيبْ
لحظاتُ آخرِهِ تناقضُ أوّلهْ!
يومًا أعيشُ بهِ وحيدًا كالغريب!
يومًا أبادلهُ المشاعرَ والولَهْ
ماعدتُ أعرفُ أين قلبي
تاه قلبي في صِباه!
نبضاتهُ
رقصاتهُ
ضاعت ضياعًا
لستُ أعرف منتهاه!
فأظلّ أوهمهُ بأنّا
رغم كل السُهدِ والآلام ما زلنا
على قيد الحياة
مازلتُ أبحث
بين أنقاض الليالي عن أملْ
عن راحةٍ معقودةٍ
عن بسمةٍ مفقودةٍ
خنقَ الزمان جمالها
ثم ارتحل!

رد: ديوان شعراء السعودية في العصر الحديث (متجدد)☘️☘️
 

» ماجد عبدالله » أحن إلى لقائك كل صبح

أحِنُّ إلى لقائكَ كُل صُبحٍ
وتبكي العينُ إنْ حلّ الغُروبُ
وما واللهِ دمعي باختياري
ولكنّ العيونَ لها نحيبُ
أكادُ أجنّ مما يعتريني
فعيْشي دونَ نبضكَ لا يطيبُ
ولي روحٌ تكادُ تذوبُ وجداً
ومَن لِفراقِ عينكَ لا يذوبُ
قريبٌ أنتَ من روحي وقلبي
وحُبكَ لا تُواريهِ الخُطوبُ
فإنْ تكُ غائباً عني زماناً
فإنكَ عن خيالي لا تغيبُ