رد: اخترنا لكم
 

عفت الغرام ومتاهاته وعوبلته
كرامتي فووق لو اعيش في غربه

ملفك اللي بوسط القلب قفلته
والعقل معلن على شرع الهوى حربه

حتى العذر يستحي من كثر ماقلته
ما عاد لك عذر يالغالي تعذر به

.....

رد: اخترنا لكم
 

تكابر مع أنك تدري أني أعرفك زين
مثل ما أنت تعرف وش علومي وخابرها

يا كبر الجروح اللي من أيدينك الثنتين
وأنا من كثر ما أحبها ما أتكابرها

.....

رد: اخترنا لكم
 

مدام ان جنابك شام عني وانت عني شمت
كثر خيرك وانا مانيب لاجايع ولاظامي

اشوف انه علي واجب لامريتك وسلمت
مرور اكرام تربطه الكرامه عند الاكرامي

سعد بن جدلان رحمه الله

رد: اخترنا لكم
 

والعيون عيون حرٍ شاف صيده
بالحشا مضرابهن بالحيل كايد

والخدود بفيّ رمشك مستفيده
والثنايا نظم لولو بالقلايد

ويش أوصف فيك وأوصافك عديده
لو أوصف بك سنة مانلت فايد

.....

رد: اخترنا لكم
 

عز الله اني تهت في داعج العين
وتاه النظر في عينه المسفهله

ياريم ياللي برقعوك البداوين
انتي قمر لو غطوا الوجه كله

.....

رد: اخترنا لكم
 

َاحترم نفسي واقدرها واصِح لساني
‏قبل ما أصح الحروف اللي محد صححها

‏أعرف الدوني وأعرف اللي وقف من داني
‏وأعرف انفس عن الانفس وأعرف اكبحها

‏َوأعرف اسولف لعداوني وهم عدواني
‏لين اخليها على مرمى الهدف واذبحها

.....

رد: اخترنا لكم
 

وان عيّت الدينا تجينا على الكيف
حـنّا على درب الـصبر قـد مشينا

.....

رد: اخترنا لكم
 

يا هنوفٍ علّقت قلب شاعرها وطاح
وحفرت له في مسايل مدامعها ضريح

.....

رد: اخترنا لكم
 

من يحب المطر يشتاق شوف السحاب
وانت وصلك سحاب وشوف وجهك مطر

.....

رد: اخترنا لكم
 

خشف ريم حبها بين العذارى يندعابه
ماتقارن فالبني من شامها لاقصى يمنها

فارع من دونها الحجار الاقشر صك بابه
ان خذاها خانت الميثاق وان عيّت سجنها

كل مايِرسل عليه من القبايل شيخ لابه
قال يا تلبس ثياب العرس ياتلبس كفنها

.....

رد: اخترنا لكم
 

ياخاطري لو بعض الاحلام صدت
لاتستضيق وضحكه العام جبها

كم فرصه كنت انتظرها وعدت
حاولت فيها بس مالله كتبها

.....

رد: اخترنا لكم
 

تحسب إني شخص خربوطي
لا حشا ماني بخراطي

ما سكرت بخمرة القوطي
شاربٍ فالحب بإفراطي

البطن ضامر ومشفوطي
والردف ليّن ومطاطي

الخصر دملوق ممشوطي
صرت مدمن حب متعاطي

الهوى خابط ومخبوطي
وبالهوى معروف مخباطي

محزمي جاهز ومربوطي
وفالمعارك سيف قشاطي

.....

رد: اخترنا لكم
 

واخلي اللي في محاجر عيونه
خيلٍ مشاهيرٍ تطارد بأهلها

.....

رد: اخترنا لكم
 

ماتبين النجوم إلا بوقت الظلام
ولا يبين الصديق إلا بوقت اللزوم

.....

رد: اخترنا لكم
 

إن زان حظك إلزم السر والصمت
وإن شان لا تجعل عدوك يشوفه

.....

رد: اخترنا لكم
 

الطيب في وجه المطاليق ما راح
ولا الـردي مـا ينفعك لـو نفعتـه

.....

رد: اخترنا لكم
 

الغايب اللي تلّ قلبي من أقصاه
‏ما عاد آحس إن ذكرياته ملاذي

‏البارحة جاء من يذكّرني إيّاه
‏ليته تخيّر له طريقٍ محاذي

‏طرّا عليّ قصيدتي عقب فرقاه
‏اللي ما كان برغبتي واتّخاذي

‏بدا يعدّ أبياتها قلت بالله
‏شف لك قصيدة ثانية غير هذي

.....

رد: اخترنا لكم
 

‏فرقا عزاز ولا مهانة مواصيل
وغيبة حشيم ولا ملاقا مهونه

نجي رجاجيل ونقفي رجاجيل
حنّا كذا وانتم على اللي تبونه

.....

رد: اخترنا لكم
 

و انها من صوب جاهل ومطفوق
‏مــا تـجـرح الـخـاطر ولا تـستفزه

‏لـكنها مـن راس غالي و مـرموق
‏واعـتـابنا مــن بــاب قـدر ومـعزة

.....

رد: اخترنا لكم
 

لبّى الديار اللي بها تسكـن الـروح
‏ولبّى الفكـر يــومه مكث فـي ديـاره

‏حبيبي اللي نظرتـه تبـري جـروح
‏والقرب منّـه فرحتـي لـو زيـاره

.....

رد: اخترنا لكم
 

‏كيف اكف دموع عين تشتهي شوفك مدامه
لا بكت وحده بكت الاخرى من اللهفه معاها

يا عواذيل الوصل كفو عن العاشق ملامه
ان وصلها حي ولا مات عند الله جزاهاا

ان زعلتوا وان رضيتوا ما يلحقكم ملامه
الزعل والله زعلها والرضى والله رضاها

.....

رد: اخترنا لكم
 

ياشينها لا صار خصمك قريبك
خصومته بين المعاليق تجرحك

إن طبت به ماشاف فعلك وطيبك
وإن شنت به عند الرياجيل يفضحك

.....

رد: اخترنا لكم
 

‏من حلاها ماتوصفها الحروُف الابجديه
كيف توصّف وردةٍ يبري العلة شذاها

الورود تغار منها مزهرية مزهرية
وان تباهت عذرها معها يحق لها تباها

ما يشابها شبيه ولا يحاليها حلية
جل ربٍ يوم صورها فرقها عن سواها

.....

رد: اخترنا لكم
 

والله اني بوسط الناس كني خلاوي
من يلوم المفارق عقب فرقى خويه

أشهد ان المفارق من عظيم البلاوي
مير هذا نصيبك يالعيون الشقيه

اتجلد واقول اني على البعد قاوي
والله اعلم بقلب فيه الاشواق حيه

.....

رد: اخترنا لكم
 

‏ما عبس وجه الزمان إلا لقيتك من وراه
ضحكةٍ تطرد سراب الخوف وتغيث الطريق

.....

رد: اخترنا لكم
 

أنتِ الِّلي تستحقين مالا تملكين
من كنوز الأرضْ ومن الحفاوه والرحاب

والله إنك يوم تمْشين بين العابرين
ودي إن الأرض تحتك ذَهب ماهي تراب

.....

رد: اخترنا لكم
 

تدري وش اللي يجرح القلب والروح
انك تذوق المر ، وتقول حالي

وتضحك ولا كنك من القلب مجروح
عشان ماتجرح لك انسان غالي

.....

رد: اخترنا لكم
 

أعتبرني عن قديمات الزلل متعامّي
عذرك أكبر من خطاك وزلّتك مقبولة

.....

رد: اخترنا لكم
 

‏عطوني اللي مرّها ماهو مثل مرّ الحياه
‏ما كنّها إلا ترفةٍ يستر زعلها زينها

‏إليا لذعت طارف لساني ردّت إلي الانتباه
‏وإليا وصلت لأعماق راسي قلت مبطي وينها

الدله

رد: اخترنا لكم
 

يالتني طفل واجي له واسلم
واجلس بجنبه وانشده عن علومه

محد علي ناقد ولاحدن معلم
طفل يسلم لعنبو من يلومه

.....

رد: اخترنا لكم
 

تخطي واجيك اعتذر كن الخطأ مني
متقمص الدور وجروحي هي جروحي

يهزمني الشوق لين ارضيك لو اني
لاني براضي عليك ولا على رووحي

.....

رد: اخترنا لكم
 

‏البساط الأحمدي مع واحدٍ يغلينا
‏ خير من ناسٍ نجالسها ولا نامنها

.....

رد: اخترنا لكم
 

‏الطيب واحد ولو تكثر عناوينه
‏يميّز الناس غير الصوت والصورة

‏النيّة الصادقه والكلمة الزينه
‏تعيش عمر بقلوب الناس مأثورة

.....

رد: اخترنا لكم
 

انا في رجا الله واطلبه كل ماصَليت
عن الناس واللي من ورا الناس يغنيني

آمين

رد: اخترنا لكم
 

وش يفيد الشوق لو ما يكسي قلوب العرايا
وش يفيد النور لو ينقاد للعين الضريره

انتي اسمى من هوى النزوه واعزّ من الحمايا
في عيون الفارس اللي سلّ سيفه من جفيرة

وان ظفرت بقبلةٍ من ثغر معسول الشفايا
ليه لا وانا الكبير اللي طموحاته كبيره

.....

رد: اخترنا لكم
 

اشتر فراق اللي يبي اليوم فرقاك
من لا يبي قربك مفارقه خيره

.....

رد: اخترنا لكم
 

عطيتك اطيب قلب لكن ترديت
وجرحتني يابو مشاعر خجوله

سويت لك عالم مثل ما انت حبيت
احساس طاغي في براءة طفوله

يمكن لو انه مرك الشوق حسيت
انك حديث العام واربع فصوله

.....

رد: اخترنا لكم
 

اضحك تصير أقبح همومي وسيمة
وأبخل يدين الوقت فزعات أجاويد

.....

رد: اخترنا لكم
 

عندي نصيحه وعتبرها بمليون
الحب ما ياتي بيومن وليله

احيان كثر المال يجعلك مزيون
وانتي بعد يجعل خدودك جميله

.....

رد: اخترنا لكم
 

‏روحي فمان الله ورعاية الله
‏مع السلامه رافقتك السلامه

‏وضحكت من دوّر حبيبك وتلقاه
‏ألقاه عند العرض يوم القيامه

‏روحي وخلّي من نثرتي بقاياه
‏يمضي عليه العُمر عامه بعامه

مدغم أبو شيبه