رد: ديوان شعراء السعودية في العصر الحديث (متجدد)☘️☘️
 

قصيدة قلت للدنيا عسى بكره تزين
الشاعر: عيسي المحبي عيسي المحبي
#العصر الحديث
#المملكة العربية السعودية
0
539 مشاهدة

قلت للدنيا عسى بكره تزين

قالت ايه ابشر وجنب الزين قاف

بس ماهو لاشمال ولايمين

فالوسط بالضبط مافيها خلاف

قلت يكفي ماحصل لاتكملين

يكفي العنوان ذا فوق الغلاف

قالت اصبر واحتسب والله يعين

بوك واجدادك مشوا مني خفاف

وانتبه من نزغة ابليس اللعين

الحذريغويك في تالي المطاف

قلت ماابغى شي دخيلك تسكتين

وايش عندك لي سوى السبع العجاف

ماعطيتي بوي واجدادي سمين

ثم قدمتي دليل واعتراف

بس ودي انشدك يادنيا ل مين

خضرتك مادام بستانك جفاف؟

رد: ديوان شعراء السعودية في العصر الحديث (متجدد)☘️☘️
 

قصيدة واي فاي
الشاعر: عيسي المحبي عيسي المحبي
#العصر الحديث
#المملكة العربية السعودية
0
515 مشاهدة

وأيش أخرتها يازمان كويك نت وواي فاي؟

ماأقول غير الله على ماتفعله فينا يعين

جبت المصايب يازمن والعالم الله وأيش جاي

ضيعتنا وأبلشتنا وأحنا بدونك ضايعين

وأظهرت ماتخفي بيوت الناس من زاد وماي

وبينت بعض أشياء خفيه مايجوز إنها تبين

حتى سلام المسلمين اصبح هلو وأحيان هاي

وإن ماعرفنا هاي قالوا هالبشر متخلفين

واليوم ناوي ترفع الأسعار وتزود شقاي

وموبايلي وعذيب ماراعوا مشاعرنا وزين

وأنا مع وفي لكن ماقدر وفاي

ماقدروا بيجر ولامودم ولاعشرة سنين

العالم الله كم دفعت لهم وهذا هوجزاي

الله يجازيهم قسوا وتغيروا في غمض عين

لو نقلب إسمك ياتصالات إلى مصاصة دماي

ياكم دفعنا لك وبعدك جايعه ماتشبعين

ماعندي الا أدعي عليك وربنا يقبل دعاي

حسبي عليك الله وجعلك خاسره ماتربحين

عسى يجي غيرك واقول بالانجليزي باي باي

والا بلهجتنا نقل لك فارقي لا ترجعين

رد: ديوان شعراء السعودية في العصر الحديث (متجدد)☘️☘️
 

قصيدة أنا على عهدالوفاء
الشاعر: عيسي المحبي عيسي المحبي
#العصر الحديث
#المملكة العربية السعودية
0
383 مشاهدة

أنا على عهد الوفاء ماتغيرت

لو هي تغير راسيات الجبالي

ما زلت باقي فاكرك ماتنكرت

أيام وسنين وشهور وليالي

رغم العذاب وماجرى لي تصبرت

وناوي أصبر لو يطول المطالي

وأخترتك أنتي بس ما غيرك أخترت

ياللي خيالك مايفارق خيالي

لمحت لك بالقول وأسررت وأعلنت

وأسأل ولا جاوبتي على سؤالي

وأش ينفع التعبير لوكنت عبرت

مادام همي فاق كل أحتمالي

حظي وأعرفه زين من يومي أبصرت

ما عمرحظي في زماني صفالي

كلمه بسيطه لو تقولينها طرت

ومن فرحي أ نسى كل هم مضى لي

رد: ديوان شعراء السعودية في العصر الحديث (متجدد)☘️☘️
 

قصيدة ياحسافه
الشاعر: عيسي المحبي عيسي المحبي
#العصر الحديث
#المملكة العربية السعودية
0
354 مشاهدة

هلي الدمع هلي ياعيون

ياعيون أسكبي دمعن ودم

ياحسافه وياغبني غبون

لو تفيد الحسائف والندم

البناء يوم قرعلى المتون

في ثواني تدهور وأنهدم

ودي أصبر كما اللي يصبرون

كيف با أصبر وأنا حالي عدم؟

ليش ياصاحب القلب الحنون؟

تصدم اللي بطبعه منصدم؟

أحسب الحب غالي مايهون

ما أحسب انك تدوسه بالقدم

رد: ديوان شعراء السعودية في العصر الحديث (متجدد)☘️☘️
 

قصيدة الليالي تكشف الزيف وتبين الوجيه
الشاعر: عيسي المحبي عيسي المحبي
#العصر الحديث
#المملكة العربية السعودية
0
331 مشاهدة

الليالي تكشف الزيف وتبين الوجيه

والعلوم الهينه ماربح من تبعها

والذي يخرس لسانه ولا انمدت يديه

ماشبيهه غير ذي تنعقر من ضبعها

واعلم ان النذل ترجع تدابيره عليه

الخساسه مالها مصدر إلانبعها

مااقبح الشايب إلى جاك بالفعل السفيه

واحتمل شرهه يطيح الجبل من ربعها

الذي من شب والبايره والعيب فيه

مثلما قال المثل ماتغير طبعها

طول عمره مامشى غير فالدرب الشبيه

واخذ من كل الفضايح ولاقد شبعها

لين صار الناس من شين طبعه ماتبيه

ماترد على هروجه يكون بصبعها

وان ذكر عند الرجاجيل قالوا طز فيه

قد دروا ماعمر نعجه تخوف سبعها

رد: ديوان شعراء السعودية في العصر الحديث (متجدد)☘️☘️
 

قصيدة سعيد وسعيده
الشاعر: عيسي المحبي عيسي المحبي
#العصر الحديث
#المملكة العربية السعودية
0
326 مشاهدة

ماكل من يضحك سعيد أوسعيده

ولاكل تاجر يجمع المال مرزوق

ولا كل من يزحر يطلع قصيده

الشعر شعر الفتل والنقض والذوق

وبعض العرب لوغاب ماهو فقيده

وإن جاه شي ماقيل يسلم من العوق

وبعص العرب لويجلس على الحديده

والاعلى المسمار لاصار مزنوق

شكواه للشامت بجرحه يزيده

لو هو سكت مادري بالعلم مخلوق

لكن فضح به ولاهي جديده

اللي تعود نشر الاخبار فالسوق

من يحسب المعصوب مثل العصيده

ماهو بعيد يسمي القرص مرقوق

رد: ديوان شعراء السعودية في العصر الحديث (متجدد)☘️☘️
 

قصيدة شيلة زواج فهد عبدالله أل مسلمه الشهري
الشاعر: عيسي المحبي عيسي المحبي
#العصر الحديث
#المملكة العربية السعودية
0
283 مشاهدة

بسم الله اول مانقول

ثم الصلاة على الرسول

ونطلب الله القبول

سلام وأثني السلام

ياولا دعبدالله حسن

ونعم بكم طول الزمن

رجال في جيش الوطن

والفعل خير من الكلام

كلام مثبوتن واكيد

يشهد لكم فعل الشهيد

بوباسل الشهم الفقيد

فعله لنا فخر ووسام

سطر بفعله ملحمه

وابوكم الله يرحمه

وعزوتكم ال المسلمه

رجال عالين المقام

ومبروك فرحك يافهد

ياشبل من ذاك الاسد

والله يتمم بالسعد

فرحك على دوم الدوام

ولا مدحت الا الكفو

رجال إلى قالوا وفوا

وان كنت قصرت العفو

والعفو من طبع الكرام

وانسابكم خير النسب

نعم العنوه والحسب

سمعتهم أغلى م الذهب

دعوى ال سلام العظام

وربعي محبه والنعم

هذا رفيق وذا ابن عم

عاداتنا طيب وكرم

ومن نصانا مايظام

سلمان قايدنا البطل

وولي عهده بالعمل

افعالهم مضرب مثل

فالحرب والا فالسلام

والله يعز المملكه

ومن عداها يهلكه

وجيشنا فالمعركه

قدحطم الحوثي حطام

رد: ديوان شعراء السعودية في العصر الحديث (متجدد)☘️☘️
 

قصيدة سلام يابو علي وأثني عليك السلام
الشاعر: عيسي المحبي عيسي المحبي
#العصر الحديث
#المملكة العربية السعودية
0
262 مشاهدة

سلام يابو علي واثني عليك السلام

يالمطلق اللي فعوله جملت شاربه

لك يامفرح تحيه وافيه واحترام

قصائد المدح فيكم يابطل واجبه

انا اشهد انك كريم ومن رجال كرام

والكفوشرواك يفخر به وينشادبه

من بني جونه مطاليق ورجالن عظام

ونعم بهم واشهد انهم قوة الضاربة

تاريخكم مثل نور الشمس يجلى الظلام

ومجدكم ما بيقدر ينصفه كاتبه

رد: ديوان شعراء السعودية في العصر الحديث (متجدد)☘️☘️
 

قصيدة زمان المصايب
الشاعر: عيسي المحبي عيسي المحبي
#العصر الحديث
#المملكة العربية السعودية
0
199 مشاهدة

وايش باقي يازمان من المصايب؟

خف عنايازمن وأشفق شويه

يازمن واش فيك خابرنا حبايب

واخبر إن الكفو مايغدر خويه

الحقيقه يازمن شفنا العجايب

مدري أنت المتهم والا الضحيه؟

المهم إناوقعنا في النشايب

ونتنقل من بليه في بليه

بعد رفع الكهربه فرض الضرايب

واضح انك يا زمن ناوي بنيه

مثلما قالوا تصدقنا غصايب

كل يوم تزيد فوق الجرح كيه

من غلا البنزين وقفنا الركايب

بعدكنا فالطرق روحه وجيه

مالنا الا ناخذالسكه كعايب

غيرماعادت قوايمنا قويه

العلوم مدحدره والحظ خايب

لكن الشكوى على رب البريه

حظي التعبان ملعون الصلايب

منسدح دايم ويتريق عليه

رد: ديوان شعراء السعودية في العصر الحديث (متجدد)☘️☘️
 

قصيدة مرحبا يالغالي
الشاعر: عيسي المحبي عيسي المحبي
#العصر الحديث
#المملكة العربية السعودية
0
200 مشاهدة

مرحبا يالغالي اللي من غلا الغالين غالي

أغلي اللي يغلي الغالي ويازين الغلا له

مرحبا والشعر ياراعيه حلو وفن عالي

مكتمل واللي يعرف الشعر ماينكر جماله

قلت وأش رائك وجاوبتك على قد السؤالي

من سألني يأصله ردي على معنى سؤاله

يا عريب الخال مية نعم في خالك وخالي

ياسعد ياعازمي يا رجل من منبع رجاله

العوازم خابرين انهم رقوا روس العوالي

مامشوا درب الضياع ولا مشوا درب النذاله

ضيفهم يلقى الشحم واللحم وعلوم الرجالي

ومن نوى بالنية القشرى يجيبون العمى له

جاك ردي يالفطين وربنا راعي الكمالي

الله الكامل ولا نعرف كمال الا كماله