رد: ديوان شعراء السعودية في العصر الحديث (متجدد)☘️☘️
 

قصيدة بس ياقلبي من الهم والضيقة
الشاعر: عيسي المحبي عيسي المحبي
#العصر الحديث
#المملكة العربية السعودية
0
76 مشاهدة

بس ياقلبي من الهم والضيقه

ماحد يشعربهمي ولا سعدي

لاتحسب جمع مال وتفريقه

ولايهمك قرب الاصحاب والبعدي

كلماجينا بمزحه وتعليقه

ماتقول الا نقلنا مرض معدي

من يطالبني بشيء صعب تطبيقه

ما اسمعه لو صوته اقوى من الرعدي

الجفا والكذب والغدر مااطيقه

وقد عرفت ايات من يخلف الوعدي

مابقي مستقبل اسعى لتحقيقه

ولا بقي ما اخشى حدوثه لمن بعدي

رد: ديوان شعراء السعودية في العصر الحديث (متجدد)☘️☘️
 

قصيدة مانت ذيب
الشاعر: عيسي المحبي عيسي المحبي
#العصر الحديث
#المملكة العربية السعودية
0
76 مشاهدة

لاتقلد عوية الذيب تعقب مانت ذيب

لايغرك قولهم بينك وبينه شبه

صح تشبه له في الشكل ماهو شي غريب

الوجيه مشابهه واذنبك حول اذنبه

المهم الفعل مانته من أفعاله قريب

الذيابه والطناخه تراها متعبه

الذيابه خلها لاهلها مالك نصيب

وانتبه تغلط وتظهر خفاياك انتبه

أنت فعلك ما يجمل وتاريخك معيب

وأنت حتى سيدك يحقرك ما تعجبه

تحسب انك يوم يرمي لك اللقمه حبيب

تافه اللي ماتجي لقمته من مخلبه

رد: ديوان شعراء السعودية في العصر الحديث (متجدد)☘️☘️
 

قصيدة الوحده أحسن من اللي رفقته بايره
الشاعر: عيسي المحبي عيسي المحبي
#العصر الحديث
#المملكة العربية السعودية
0
75 مشاهدة

بسم الله أبداء بها وأنظم بيوت القصيد

البسمله خير لي من كلمه مغايره

يارب يا من لناأقرب من حبال الوريد

اكتب لنا الخيروأجعل دربنا نايره

وبعدها ودي ابداء بالكلام المفيد

وأستعرض أوضاعنا اللي بينناصايره

الوضع ماهو تمام وكل يوم يزيد

ونشوف بعيوننا وأفكارناحايره

حتى القروبات هوشه بين زيد وعبيد

وأعصاب متوتره ودمينا فايره

ولا نقدر كبير ولا نطاوع رشيد

والخاطر إلى أنكسرما تنفع جبايره

حتى أصبح اللي يهد أكثر من اللي يشيد

والحال مثل المريض إلى بكى زائره

وإن كنت تبغى الخلاصه والكلام الأكيد

أحذر تجادل قليل العقل وتسايره

اللي يسوي على ربعه قوي وشديد

وأما على غير ربعه قوته خايره

يبعد اللي قريب ولا يقرب بعيد

ويثير فتنه وهي من طبعها ثايره

ولايفيدك بمنطوقه ولا يستفيد

ماعنده إلا الهياط وكذب ومعايره

وطول عمره وفعله شين مابه جديد

هذي طبوعه على أيش نلوم ونقايره؟

لا تشره إلا على الرجل الفهيم السديد

وأصبرعلى زلته لو فعلته جايره

عاتب عتاب المحب ولا تزيد وتعيد

تكفي الإشاره ويفهمهاوهي طايره

وأسمع وطنش ولو قالوا جبان وبليد

بعض الأوادم هروجه من طرف شايره

وإن مالقيت الرفيق الكفو خلك وحيد

الوحده أحسن من اللي رفقته بايره

وخاتمتها وزبدتها وكل الحصيد

مانزرعه نحصده وأيامنا دائره

رد: ديوان شعراء السعودية في العصر الحديث (متجدد)☘️☘️
 

قصيدة ليت فلان نام
الشاعر: عيسي المحبي عيسي المحبي
#العصر الحديث
#المملكة العربية السعودية
0
74 مشاهدة

السكوت أحسن من القول العقيم

صمت بعض الناس خير من الكلام

أشهد إن ماكل من يهرج حكيم

وإن بعض الهرج مافيه إحترام

وأشهدإن ماكل من يسكت غشيم

غير يحسب للمقال وللمقام

اتركوا بعض السوالف للحريم

واعتبر لا قيل ليت فلان نام

من صفات المسلم القول السليم

والوفاء والعفو من طبع الكرام

ومن صفات المطلق الشهم الكريم

يبتعد عن مجلس الناس الليئام

والحكيم اللي كلامه فالصميم

يرفع الفاضه عن القول الملام

والحذرمن غضبة الشهم الحليم

لوفقد صبره على الدنيا السلام

رد: ديوان شعراء السعودية في العصر الحديث (متجدد)☘️☘️
 

قصيدة اليوم الوطني87
الشاعر: عيسي المحبي عيسي المحبي
#العصر الحديث
#المملكة العربية السعودية
0
74 مشاهدة

سلام تسليم يشرح كل قلب حزين

قدام نظم القصيد وقبل نبدا الكلام

مادام رد السلام شعار للمسلمين

سنة محمدعليه أفضل صلاة وسلام

في يوم عيدالوطن نصدح بهاقايلين

هذي تحيه مع حب ووفاء واحترام

ياموطني عشت والله ينصرك كل حين

اليوم عمرك بلغ سبع وثمانين عام

سطرت فيهاملاحم تلجم الحاسدين

ثم أعتليت القمم رغم العناوالزحام

ياأغلى ثرى فالورى ياقبلة المسلمين

يامن نظامك كتاب الله ونعم النظام

قادك إلى المجد والقمه طوال اليدين

المجدمايصنعه غير الرجال العظام

ويعيش سلمان قايدنا الحكيم الذهين

سلمان من جاه يطلب فزعته ما يظام

بالحزم والعزم يكسرشوكة المعتدين

ويردع الظلم واللي شغلهم فالظلام

وولي عهده محمدحطه على اليمين

هذا محمدعلى صدرالعروبه وسام

وجيشنافي لقاهم كل قاسي يلين

معاقل الخصم خلوهاحطام وركام

عدوناكم رفع صوته وسوا حنين

وأخرعلوم الروافض بهذله وانهزام

وان كان باقي لكم يالعصبه المجرمين

أحلام وأبليس وهقكم ببعض الحلام

بكره تجيك العلوم وكل خافي يبين

ويرفرف الصقرويبين الرخم والنعام

رد: ديوان شعراء السعودية في العصر الحديث (متجدد)☘️☘️
 

قصيدة وأول حروف اسمي على صدرك ونبضك تكتبه
الشاعر: عيسي المحبي عيسي المحبي
#العصر الحديث
#المملكة العربية السعودية
0
73 مشاهدة

عطني يدينك مدلي كفك أحب أنظرإليه

وأتمتم إني عاشقة عيسى وغيره مارغبه

بكل أنانيه تعلق قلب قلبي بس فيه

يبغاك له وحده وهو ماغير عيسى حل به

أعشق تفاصيلك وحاï»»تك وهمسك أشتهيه

وأبغى حنانك يحتضن عيني فهي به معجبه

سعادتي حضنك وصدرك يحتويني وأحتويه

هولي خصوصي وأنتبه لاغيري أنا يقربه

لوأستطيع أخفيه ماغيري بشر ينظرإليه

وأول حروف إسمي على صدرك ونبضك تكتبه

حبيبي المجنون كم تذبحني الغيره عليه

يحبني بجنون وأحبه بعد وأجن به

حنانك أفسدني وجاريته بحنيه وتيه

وأبغى حضوره كل وقتي بس ماحب أتعبه

شعرالغزل والوصف والقول الجميل أموت فيه

ومن جنونه صارلي فالشعركم من تجربه

رد: ديوان شعراء السعودية في العصر الحديث (متجدد)☘️☘️
 

قصيدة هذي خلاصة حبناوالحصيدي
الشاعر: عيسي المحبي عيسي المحبي
#العصر الحديث
#المملكة العربية السعودية
0
73 مشاهدة

يامرحبابك عد ماي المحيطات

يامن تكلم بالكلام المفيدي

واللي يراسلنا تجيه الجوابات

بالفاكس والاعن طريق البريدي

أنا تفرحني علومك إلى جات

أقولها من جد والله شهدي

ياللي شكى من بعد الأحباب بالذات

ربك يسويها على ماتريدي

وتشوفهم بعد التعب والمعانات

ويصير بعد الهم قلبك سعيدي

تقدر تصل للي تريده ولو فات

والعلم مايحتاج جهد جهيدي

أنا الذي لاعاش حبي ولامات

وحالي بعد فرقى وليفي زهيدي

شوفت حبايبنا من المستحيلات

وقلبي على النيران يوقد وقيدي

ماعاد شفناهم ولو فالمنامات

والحظ عاثر ماتجمل ولاايدي

بعد الصداقه بيننا والعلاقات

أقفوا وخلوني لحالي وحيدي

صرت أجنبي عنهم وكنا قرابات

وهذي خلاصة حبنا والحصيدي

رد: ديوان شعراء السعودية في العصر الحديث (متجدد)☘️☘️
 

قصيدة كل شيء يبدو جميل في البداية
الشاعر: عيسي المحبي عيسي المحبي
#العصر الحديث
#المملكة العربية السعودية
0
73 مشاهدة

كل شيء يبدو جميل في البدايه

ثم يظهر ماخفي تحت اللثام

كم بشر مايستره غيرالعبايه

وانكشف سره مع مسك الختام

كنت غافل عن عيوبه من عمايه

صرت ما اميز غراب من الحمام

انصدمت وقام ينشد واش بلايه؟

قلت ننهي سالفتنا باحترام

بالتزم واطلب من الله الهدايه

ادري ان النورخيرمن الظلام

من يكرر غلطته قل له كفايه

لن تكرار الخطاء ماهو تمام

خيرمن كل العلاجات الوقايه

ولاتدور حرب دور للسلام

من يطيع اهل الحرش واهل الوشايه

حين يندم ماعلى غيره ملام

اقتربنا اليوم من خط النهايه

حانت الرحله ولله الدوام

ضاعت أحلامي ولاحققت غايه

كلها اعمالي كلام في كلام

رد: ديوان شعراء السعودية في العصر الحديث (متجدد)☘️☘️
 

قصيدة ليت بعض الأوادم باصمه
الشاعر: عيسي المحبي عيسي المحبي
#العصر الحديث
#المملكة العربية السعودية
0
73 مشاهدة

عزنفسك عن أشباه الرجال

لاتطاوع قليل الخاتمه

ولاتتابع كلام القيل قال

أثمه نفس راعيه أثمه

ولاتجادل مع اصحاب الجدال

خل كلمتك كلمه حاسمه

ولاتكلم بوقت الإنفعال

صن لسانك وخلك حاكمه

والخطاء لو كبر حجمه وطال

أخره ينتهي في داعمه

مثلما قيل في ضرب المثال

ليت بعض الأوادم باصمه

والله أعلم ولله الكمال

مافي الصدر ربي عالمه

رد: ديوان شعراء السعودية في العصر الحديث (متجدد)☘️☘️
 

قصيدة ردعلى مرثية الشاعرمصلح بن بطحان السحيمي
الشاعر: عيسي المحبي عيسي المحبي
#العصر الحديث
#المملكة العربية السعودية
0
72 مشاهدة

مرحبا يامن يوفي الموجبات

عشت يامصلح بخيروطيب فال

النشاما في وقوت النايبات

مثل شرواكم شواربهم طوال

يالسحيمي والنعم وانتم ثقات

يالرجال اللي يشيلون الثقال

والشهيدالله عطاه أجمل حياة

قالها الله مابعد قوله مقال

وجيشنا مثل الجبال الراسيات

لوتهب الريح ما هزت جبال

دكوا الحوثي بقصف الطائرات

عاقبة عفاش واتباعه وبال

والمدافع فالجبل والراجمات

والمعادي في طريقه للزوال

العدوا مهزوم من كل الجهات

بس محتاجين صبر وطول بال

وأدعوا الله من قلوب مخلصات

ان ينصرناعلى قوم الظلال

وإن لقينا فالحياة منغصات

نطلبك فالعون يارب الجلال