|
رد: فوق هام السحب ( الشعر الشعبي) على متن القوافي
الله وأكــبـر يــبـــدي الــنـــور ويـبــين
الله و أكبـر لابـــديــــنــــا وقـــلــــنــا يالله يــاقـابـل صلاة الـمـصــلــيــن يـاربــنــا يـاللــي عــلــيــك اتـكــلــنــا يـامـنـزلـن ســورة تــبـارك ويـاســيــن إنـك تــديـــم إيـمــانــا فــي وطـــنـــا يـالـلــي لـيـاقـفـا من الـلـيــل ثـلـثـيـن أبـــواب عــرشــك لـلــدعــاء يـفـتـحـنـا يامـسـتـجـيـب لدعوة المسـتـقـيـمـيـن مـتـوسـلــيــن إلـــيــــك يارب عـــنــــا الـراكـيـن الـسـاجــديــن الـكـفـيـفـيــن اللي إيـديــهــم لـلـســمــاء يـرفـعــنــا تـحــت الـمـنـابــر رافــعات الـمواذيــن بالله وأكـبـر تــحــتــها نــطــمــأنــا نـاصـر رســول الله فـــي بـــدر وحـنـيـن اسـراجـنـا اللـي زال ظـلـمــة جـهـلـنـا تــهـــد يــل الـــزمـــره الـمـسـتـبـديـن وتـهـد حــيــل الــغــاوي الــلــي فـتـنــا هــدام صـدام الأمـن والـبـراهــيــن آمــال شــعــبــه بـــعــــد مـاحـقـقــنــا أنـهــار واسـتـولـت عـلـيـه الشـيـاطـيـن وفـوقـه ابلـيـس الـعـود هــدرس وغـنا مـلـعـون والـلـي يستجـيـبـه مـلاعـيــن ويـخـسـا ضعـنـهـم مـايـبـاري ضـعـنـا لاديــن لاشـيــمــة عــرب لاقـوانـيــن لافـكـــر لاتـمـيــيــز لاحـــسن ظـــنــــا قـومـن ولاة أمورهـــم مـسـتـخـفـيــن لايـمـكن إنــهـــا بـالـســعــاده تــهــنــا صدام فـكــر فـي سـطــور القديـمـيـن شـف كـيـف كـنـت وشفلـنـا كـيـف كـنـا حنا نعـرفـك بـس مانـعرف حـسـيـن وإنـــا تـعــرف الــنــاس أبــانــا وحــنــا تـهــبــون مـنــتــو قدنـا يـامـسـاكـيــن مـن زعــل منـكـم مـن رضــي ماشحـنـا يـابـربـر أنـتم ويـن والمـمـلـكـه ويــــن مـاسـمـنـك يكـود فـضــلــت صـحــنــا ياطـول مـاحـنا عـلـيـكـم مـغـطــيـن والـحـمـس طـلــع ريـحـتــك يابـصـلـنـا أبــوك حــنــا لـلـضـعـافـاء عـطـوفـيــن ومـــن صـكـتــه غــبــر الـلـيـالـي زبــنــا ولا يــخــوفــنــا هـديــــر الــبــعــاريــن تخـشـى جـمـال الـقـوم هـدرة جمـلـنـا عـاش الزعيـم اللي رفـع راية الـديـن هـــو عـزنــا هـــو نـورنــا هـــو زحـلـنـا بـطل الـخـلـيـج وخــادمـن للـحـرمـيـن قايــد مـسـيـرتـنــا مــحــقــق أمــلــنــا دنـيــا وديـن وسـلـطـتـن لـلـسـلاطـيـن وفـيـك الـخـصــال الـطـيـبـه يـوجـدنــا عزم وجزم وأصل وفصل ياأحمر العين نـصـر وقـصـر فــي قـطـر ظـلـك سكـنـا عيـنـك قــدم وخـلاف ويـســار ويـمـيـن وشـبـرك يـعـدي راعـي الـبـطـش عـنــا ولـي عـهـدك مخـلـصـن مـعـك وامـيـن رجـــل الــوفــا فــي طـاعـتــك مـاتـأنــا وبـالـحـرس تـشـهـد عـلـيـه الـدواويــن ونـشـهـد مـعــه مــن شـامـنــا لايـمـنــا قوة حـرس عاصـر بهـا العسـر والليـن ويصـعـد بـهــا فـــوق الـعــلا واعتـلـنـا والـنـايـب الـثـانــي كـعـام الـمـعـاديــن مـحـبـتــه وســـط الـضـمــايــر تــبــنــا قـاد الدفـاع الـلـي تـخـوض المـيـاديـن ودافــع عــن حـيـاض الـوطــن ماتـهـنـا وفضلك يابو فيصـل علـى المستحقيـن بـيـنــت نــابــه يــابــو فـيـصــل وبــنـــا اللـي بـذلـتـه لـصـدقــاك الشـقـيـقـيـن كـويـتنــا تــحــمــد عــلـيـــك وتــثــنـــا يـوم الـحـريـم مـن الـمـلابـس عـرايـيـن وأطـفالــهــن بـكـفـوفهـن يـلـعــجــنــا ثم أعلنـوا بالصـوت وين العـرب ويـن الـجـســم عـاري والـتـجـفــف قـتـلـنــا قال الفـهـد نعـم الفـهـد والعضـيـديـن يــامـــن نـخـيـتـونـا تـــرانـــا وصــلــنــا تبشــروا بـالـعــز ذلـحــيــن ذلــحــيــن الــمـال يـصـرف والـمـســاكــن تــبــنــا مـده سـخـيـه مـن يــديــن الكـريـمـيـن وقـال الفـهـد بـسم الـسعـودي بـذلـنـا وحـنـا بفعـلـك يـابـو فيـصـل فخـوريـن وأعـمـالــك اللــي بـالــشــرف طــورنـــا وحـنـا جـنـود الله فـي خـدمــة الـديــن في خـدمــة الـقـايـد وخــدمــة وطــنــا تـحـت العلم نحـمـل شـعـار الفـداءيـن لـك يافـهـد ولـنـا الـشـرف فــي عملـنـا نـعـم الـمسمـي والـرجال الـمـسـمـيـن سـمـيـتـنـا وإنـا حـمـلــنــا وشــلــنــا وحـنـا لـرهــن إشــارتــك مـسـتـعـديـن الأمـر مــنــك وطــاعـــة الأمـــر مــنـــا أنت ولـــي الأمـــر وحــنــا المطـيـعـيـن جـنـود أبــو فـيـصـل ومـا قـــال قـلـنـا في صف واحد مايجي الصف صفيـن لــو كـــان نـمـشـي فالـخـطـا ماسـألـنـا أبنـا الوطن وأبـنا الـعـرب والمسلمـيـن نـؤمـن وإلــى شـلـنـا الأمـانــه مـاخـنـا أبـنــا القـبـايـل بـالأحـاسـيـس واعــيــن ولا نــجــنــب عــن تـقـالــيــد أهــلــنــا نـخــوه وغـــاره واعـتـداد الـجـذوعـيـن نـصـبــر ونــقــدر وإن بـلـيـنــا فـعـلـنــا بـعـقـولـنـا ولــيـــا بــدن الـحـفـيـفـيـن نـنـسـى الـعـقـول ولنـتـصـرنـا عـقـلـنـا ولولا مـجـنـنــا كـلـتــنــا الـمـجـانـيــن تـطـمـع بـنــا الـجـهــال لــولا جـهـلـنـا هــذي طبايعـنـا مــن شـهــور وسـنـيـن آخــر زمــنــا مــثـــل مــاضـــي زمــنـــا الشر نـنـطـح بـه وجيه الشـريرين ومن قدم الحسـنـات خـذ ماتـمـنـا يعيش أبو فيصـل معي قولـوا أميـن بالله كملنا ثــم بــه أكـتـمـلــنــا ياللي سمعتوا الأكلبـي ومتـوحـيـن يرجي السموحـه بعد هجرس وغـنا الله وأكبر يــبـدو الــنور ويــبــيــن الله وأكـبـر لابـديـنـا وقـــلــــنــــا سعد بن جدلان رحمه الله |
رد: فوق هام السحب ( الشعر الشعبي) على متن القوافي
يالله ياللي تسجد الخلق لرضاه
ياوامر (ن) خلقه على حج بيته تفرج لمن سده على الناس ماابداه راضي على مقسومك اللي عطيته من شي يسل الحال والجسم يبراه والناس ما يشفونه أن ماشفيته قلت آه واجرحاه من علتى آه وان حملوني حمل غي (ن ) قويته قالوا سفه بالحال ويش اللي اغواه قلت آه ويش المنكر اللي وطيته قالوا جهلت وبان علمك ولمناه قلت آه علمي ياملا ماكميته قالوا طلبنا لك من الله معافاه قلت آه وحدته وعفوه رجيته قالوا هله واحباب عينه نصحناه قلت آه هذا وارد (ن) مابغيته قالوا ندور لك من البيض حلياه قلت أه لو غيره بكفى رميته قالوا نشاش العود مالك بلاماه قلت آه عود الموز بيدي لويته قالوا تزوج كود تدله وتنساه قلت آه لو خذت اربع (ن) مانسيته قالوا من اقصى الناس وين انت وياه قلت آه ماأنسى يوم جاني وجيته قالوا نشوفه عند هذا وهذاه قلت آه عمره ماعقب حجر بيته قالوا عليل وناقل داه برداه قلت آه باقرابي وروحي فديته قالوا نشير ولا نفع ماحكيناه قلت آه هراج النمايم عصيته قالوا كثر شيبك وقلبك بعمياه قلت آه لو قلبي غرير نهيته مطاوع (ن) قلبي بعجفاه وقداه والي عطى منهاج درب عطيته ياناس خلوا كل وادي ومجراه قلتوا كثير وقولكم مالقيته الشاعر : عبدالله بن سبيل |
رد: فوق هام السحب ( الشعر الشعبي) على متن القوافي
يانجمة الصبح كبدي منـك مرهوقـه
لا شــعّ نــورك عليـنـا لا تغيبـيـنـي ستايـر القلـب مـن فـرقـاك مفتـوقـه أصبر من العـام ليـن انـك ذبحتينـي الــوِد لــو نتـركـه عـنـا و طـاروقـه أظنـي أرتــاح وأنـتـي تستريحيـنـي لبيـك ياللـي تجـر القـلـب وعـروقـه كلـه علـى شـان يـوم أنــك تلبيـنـي تلحنـي لــح ركــب عجـلـوا سـوقـه أو جـــل ذود مسـريـهـن شيابـيـنـي عديت عن مبسم المجمول لا أذوقه أنـا بـلاي الحيـا وأدرى علـى دينـي يا قلب ياللي من الجازي دنا عوقـه يا ناس شيـروا عليهـا لا تقاصينـي و إن كان قلبي تلبش عنه صندوقه شــدوه لـيـن اتـجـود فـيـه بيـديـنـي قالـوا معاليـق قلبـك منـه مسـروقـه قلنا خذتها الضحا و الناس واعيني يا ليت ربي ومر خالـد علـى شوقـه يفـك حبـلـه ولــو يعـطـى ملاييـنـي الأولـه ليـت أبـو خلـي مـن الروقـه والثانية ليت أبوي مـن القحاطينـي يـا لله يــا خـالـق الدنـيـا لمخلـوقـه تقدر على الموت تذبحني وتحيينـي تلـم شملـي لا بـد الــروح مرفـوقـه بأربع هناديس في قبـري تخاوينـي نمر ابن صنت |
رد: فوق هام السحب ( الشعر الشعبي) على متن القوافي
من يقول الزين ما يكمل حلاه
كل شيٍ في حبيبي إكتمل الله اللي كمله و الله عطاه ما بقى للزين في خلّي محل العيون أحلى من عيون المهاه شافها قلبي و صفّق و احتفل نظرته من فتنته شعلة حياه و الجفون من الحيا فيها كسل ساهمٍ رمشه على الخد و سناه كن لمعة وجنته وردٍ و طل و الشفايا كنها جمر الغضاه تحرس الريق المحلّى بالعسل خالد الفيصل بن عبدالعزيز |
رد: فوق هام السحب ( الشعر الشعبي) على متن القوافي
واهني الصخره اللي مايحرقها سمـوم
الزمان اللي يهـد العـزم مـا هدهـا الزمان اللـي تحـدا قوييـن العـزوم لين مشاهـا علـى ود ماهـو ودهـا والمجامل بعض الأحيان ما يقضي لزوم لابو النفـس الضعيفـه ولابـو جدهـا مير تجبرنا العوايـد وتجبرنـا السلـوم نكتم الأسـرار ياليـن تاصـل حدهـا الردي لا طاح جعله يطيـح ولا يقـوم باح سده والنشامـا مـا بـاح سدهـا كل ماكبرت وضاقت على عيال الرخوم نحتزم لأكبـر مصيبـه وناطـا خدهـا جعل قسمي عند ربي من خيار القسـوم واحـد يعطـي العطايـا ولا يرتـدهـا ياعيال آدم وحـوا تراهـا مـا تـدوم دورة الأيــام لابـدهــا لابـدهــا ياوليد البـط وشلـون ماتقـدر تعـوم وانت ابوك يعوم جزر البحـور ومدهـا وانت ياحلم حلمته مهو مثـل الحلـوم ياضحية مزح الأحـلام مـدري جدهـا ادري ان فالناس معطى وفالناس محروم ايـه يابيـض النوايـا ويامسـودهـا وياضميري لا يهمك من الدنيـا همـوم الصعيبـه حلهـا والبسيطـه عـدهـا جات في سد الشوارب وفي سد الخشوم كبر الضيفه وعش الضيـوف وغدهـا والمراجل ماتوفـى بضافيـة الهـدوم كود بسيوف يشـوق النواظـر حدهـا والردي لو درس المرجله في كل يـوم المراجل عنـد اهلهـا يذعـذع ندهـا يعتبر قسمه مثل قسم زاهيـة الرقـوم يوم تكحل رمشهـا والقـرون تكدهـا ماكسبت الا رضا اهل النمايم والعلـوم يارسول الحكي هـات العلـوم وودهـا الصفوف اثنين هذا دفـاع وذا هجـوم وانت اظنك لانت معها ولا انت بضدهـا شرهة الطيب تعـداك للغـوج العـزوم وانت صلفات المشاريه ماانـت بقدهـا وانت في سود الأظله تريـح ومخـدوم وان ذبحك الجوع كد التكاسـي كدهـا سلطان الهاجري |
رد: فوق هام السحب ( الشعر الشعبي) على متن القوافي
صاحب القصيدة التالية هو
الشيخ راكان بن حثلين شيخ قبيلة العجمان وراكان خاض معاركه مع الاخوان ومن ثم اعتقل وسجن في اسطانبول احدي سجون تركيا ويسندها لسجانه حمزة عندما رأى البرق من الجهة الجنوبية حيث الجزيرة العربية ، و رائعته الشهيرة هذه التي قالها في السجن أنا أخيل يا حمزة سنا نوض بارق يجلى من الظلما حنازيب سودها على ديرتي رفرف مرهش النشا تقفاه من دهم السحايب حشودها يا الله يا لمطلوب يا قايد الرجا يا علام نفسي رداها وجودها أنك ثيتها على الخير والهدى ما دامها خضرا ما بعد هاف عودها لك الحمد يا معبود والشكر والثنا وجيه على البيدا نساوي سجودها تفرح لعين لا ضوا الليل كنها رمدا وذرافها تعدي خدودها وكبد من أفعال الليالي سقيمه عليها من حامي اللهايب وقودها تقطعت الأرماس عنا ولا بقى إلا وجود باقي في وجودها فيا من ذعذع على خشمه الهوى وتنشق من ريح الحزاما افنودها بلجفن من الصمان لا تسف الترى في الصلب والاحادر من نفودها يبرا له سلفان اليا ناض بارق ونحت له ولو هو نازح من حدودها يا مية هم مشعل الحرب اليا دنا فرسان لا لحق الملاقا ابنودها تجمعوا بداون نجد وخضرها على اعدامنا قامت اتحلل اعقودها تجمع علينا الذيب والنمر والفهد اسباع علينا جمعتها اسودها كفانا بهم رب له المدح والثنا علينا نعمته ما حصينا اعدودها لا زبرت اجموع المعادين تونا خطرنا على زيزومها اللي يقودها لينه يبدل زجرة الهدر بالرغا وقومه تكثر لطمها في خدودها هذي عوايدنا الهاذي ومثلها ونفس الفتى لا بد من الحودها وان جرى حربي علينا جريره صبرنا عليها لينا نقوى ردودها صبرنا عليها لين نعطيه مثلها بافرنجي يتزلزل مثاني رعودها رعدها القهر ومصبب الدرج وبلها وحدب مقابيس البلا في احدودها زعجناه بارقاب المطارق ورادته عرج الدوامي والنشامي انذودها زعجناه بسلف بالوصايف كنها السن سلقان متعبتها اطرودها وتغشى اقطى الحيل دم لا كنه صفق الدلي اللي اعطاش ورودها وان زارنا سبع يدور الغره ذرعانه درع من مفاجي اصيودها حريبنا نسقيه كاس من الصدى والحبه الزرقا الكبده برودها ونعبي للعقال اعقول مثلها ونعبي العيلات المقرد قرودها وليا زبنا مجرم ضده النيا كنه ابعوصا نابيات ارجودها وعسى جواد ما تفرج التالي شبا مطرق يبتر مثاني اعضودها وأنا ذخيرتهم اليا دبرت ابهم شعث النواصي والنشامي اشهودها الشيخ راكان بن حثلين |
رد: فوق هام السحب ( الشعر الشعبي) على متن القوافي
سرى البارق اللي له زمانين ما سرى
صدوق المخايل بارقه يجذب الساري على فرعة الوادي وسيله تحدرى تغني طيور الما على حاير الجاري مرامي غزال(ن) عقب عرفه تنكرى عليه الله أكبر كل ما حل له طاري برى الجرح منه ومني الجرح ما برى وهو يحسب انه يوم طال المدى باري نطحني يجر الثوب حدر المشجرى جميل المحاسن لاضخيم (ن)ولا عاري ابو لبةٍ(ن) مثل القمر ضاح واسفرى ليا غابت القمرا تقدى به الساري ترى سلبة العاتق الى صد ما درى كما سلبة العرجون فى صفحة الذاري صويب الهوى مسكين مشيه على ورى ترى النقص فيه وحيله أقوى من الضاري سليمان بن شريم |
رد: فوق هام السحب ( الشعر الشعبي) على متن القوافي
يالله ارزقني رفيقٍ على الزلّه صبور
كل ماجاته خطيّه طمر من فوقها لو يطول الوقت بيني وبينه مايبور يحتمي عرضي وأنا رفقته ماابوقها ماتسمّع هرج حاسد ودقّات امعثور والعلوم الطيّبه ناهجٍ طاروقها والردي مهما يجامل معك فرقاه نور واعرف انه حيّةٍ سمّها في شدوقها الشيخ راجح العجمي |
رد: فوق هام السحب ( الشعر الشعبي) على متن القوافي
يالله احفظ قائد المملكه وادحر اعداه
الزعيم اللي ثقال الحمول يشيلها الشريعه قايمه في حمى الله ثم حماه وخادمٍ مكه وطيبه ومن يلفي لها ويالله احفظ نائبه ثم حقّق له مناه عضد أبوه ليا طفح في المواقف كيلها داهية عصره ليا عدّدوا روس الدهاه كل مامرّت قضيّه فهم تحليلها وحن سعوديين نمضي بحكمه وانتباه ولا تزعزعنا السفاهه ولا نصغي لها كل واحد ذَا كلامه وهذا مبتغاه السعوديه بلادي وأنا كلّي لها الشيخ راجح العجمي |
رد: فوق هام السحب ( الشعر الشعبي) على متن القوافي
بالله ياهل البيت لاتشلعونه
خلوا عيوني من حبيبي تروى ثم لاتهوزونه تبا تضربونه جعل اليدين اللي تطقه تكوى جلده حريرٍ لو تبا تلمسونه مثل النفل لو تلمسه لمس ذوى غروٍ نياشين الغلا في عيونه يضحك ويشرلي على القلب جوى يقول هذا لك ولايقربونه وابو الذي يزعل بعشرين ضوى وانا مليك ارضاه ماجوز دونه قلبي معه في يديه من حيث موى حيث اني افهم ماخفى من ضنونه وادري بقلبه من قديم وتوى واخشى عليه من العرب ينضلونه انا اشهد ان اللي مسويه سوى نبنوب موزٍ مايلات غصونه عرقه من الجم الزلال يتقوى والخد براقٍ تكاشف مزونه مثل المشاعل في مقاديم نوى الله على من شد مجمع قرونه واكما عليه وفي رقبته تلوى محمد خلف الخس |
رد: فوق هام السحب ( الشعر الشعبي) على متن القوافي
مرحوم ياشيخ القبيله والاجناب
ابيض وجه ماخان عهد المعازيب يهفي له ارقابٍ ويعتق له ارقاب ويقعد بحد السيف روس الاصاعيب على النقاء ماهم في جار الاطناب معش الطيور الجايعه من عشا الذيب والخيل من حسه يروحن هراب ضلع البتيراء يسهجنه جناديب يكفخ بجنحان السعد مثل حطاب حر ٍ شهر من نايفات المراقيب راسي صفا من صافي الدمع ماثاب على ابو ماجد جايزه شقة الجيب ابكي و يبكو نه شبابٍ وشياب واللي يبا عن شو فه السجن تجنيب وتبكيه قطعان ٍ تبي نبت الادعاب حرز ٍ لها في حاميات اللواهيب دنيا ودين وكمل العمر ماعاب وش فيه يلقو ن العرب من عذاريب ياما عطا من سبّق الخيل واركاب وعشاير ٍ تملا كبار المحاليب وحمر الفروت مقربّة دار الاحباب و يو في عن المطلو ب كل المطاليب واملاك يعطيها بلا من و حساب من ضمنها مران والحفر ومغيب وواد الرشا كل قضب فيه مقضاب ماقالها بالمتر اشترو منقع الطيب سهيل غاب وعندنا الجدي ماغاب تركي عليه ارسوم عطب المضاريب واخوانه الخمسه عريبين الانساب ذخر لنا في جاه من يعلم الغيب الله يجنبهم صواديف الاسباب ويرفع لهم جاب على الناس ومجيب مانيب اقوله قضب خاطر و نصاب يطلع صميم القلب زين الهناديب انها العريدي ماطراله وماطاب ابيات فيهايسمعون اللواعيب ماهو ب جاحدها ولاهوب كذّاب بالشيخ ابو ماجدعريب المجاذيب ناس ٍتبي مثله على كل هنداب مير الفعو ل مسكته و التجاريب ومسلط (1) و تركي (2) يوم جاحزم كلاب والجمع سار وعقلو شمّخ النيب و ردوكماميراد ابوزيد وذياب لين اهزمو عنا الجموع المراقيب وردوبربع ٍشوفهم عزواعجاب عيال جد ولا بهم خلط اجانيب ورد القطيع اللي ورد عقب معزاب حاديته الكنه وحام اللواهيب يتلون حر ٍضرب كفه لياصاب يفرالنحرمضراب روس المخاليب ماله عن الجدان منهج و مجناب شيخة ملك ماهيب شيخة مناصيب سويلم بن هندي الثبيتي |
رد: فوق هام السحب ( الشعر الشعبي) على متن القوافي
يا مل قلب كـل مـا التـم الأشفـاق
من عام الأول به دواكيـك وأخفـوق يجاهد جنود فـي سواهيـج الاطـراق ويكشف له اسرار كتمهـا بصنـدوق وان عن لي تذكار الأحبـاب واشتـاق بالي وطاف بخاطري طاري الشـوق دنيت لي مـن غالـي البـن مـا لاق بالكف صافيها مـن العـذق منسـوق احمس ثلاث يا نديمـي علـى سـاق ريحه على جمر الغضا يفضح السـوق أحـذرك بالنيّـه وبالـك بالأحـراق اصحا تصير بحمسـة البـن مطفـوق الى اصفر لونه ثم بشـت بالاعـراق وصارت كما الياقوت يطرب لها الموق وعطت بريـح فاضـح فاخـر فـاق ريحه كما العنبر بالانفـاس منشـوق دقـه بنجـر يسمعـه كـل مشـتـاق راعي الهوى يطرب الى اوحاه بخفوق وكبـه بدلـة مولـع كنهـا ســاق بنـورة منصوبـة تقـل غـرنـوق خله يفـوح وراعـي الكيـف يشتـاق الى طفح له جوهـر صـح لـه ذوق وزله على وضحا بها خمسـة أرنـاق هيل ومسمـار بالاسبـاب مسحـوق مع زعفران والشمطري الـى انسـاق ريحه مع العنبر على الطاق مطبـوق والـى اتفـق هـذا وهـذا بتيـفـاق صبه كفيت العوق عن كـل مزهـوق بفنجال صين صافي عنـه الأرمـاق يطرب الكرسيه مـع البـال معشـوق شكله على الفنجال صبغ كمـا الـراق او دم قلـب وانمـزع منـه معلـوق راعيه كنـه شـارب ريـق تريـاق كاس الطرب وسرور من ذاق له ذوق الى انطلق مـن ثعبتـه تقـل شبـراق دنق تصور بالحمامـه علـى الطـوق يعتاض عن خمر السكـارى بتريـاق غرو تشـف شفـاه والعنـق مفهـوق عبث يعيـل بحبـة منـه مـا مـاق وهو يشابـه ساطـع البـدر بشعـوق والى عنج في وجنتـه بـارق حـاق عجل رفيفه بالطهـا القمـح مطبـوق والعنق كن الورس والمسـك بـه راق مع مشخص في صدره الشاخ مذلـوق يمشي برفـق خايـف مدمـج السـاق يفصم حجول ضامها الثقل مـن فـوق الى صفا لك ساعـة وانـت مشتـاق اقطف ثمر ما لاق والعمـر ملحـوق اول صوابي رنـة الحجـل بالسـاق وحجول من تشكي خلا خيلـه الـذوق والله لـو يمشـي شفـاق بالاسـواق من الملا ما يمطـخ الخمـس مخلـوق والى حصل ما قلت عندي فـالارزاق في يـد كريـم كافـل كـل مخلـوق محمد عبدالله القاضي |
رد: فوق هام السحب ( الشعر الشعبي) على متن القوافي
قلب خفق من بين محني الأضلاع
وعينٍ تهل دموعها من ولعها بغيت أعذل القلب لاشك ما طاع وان خايلت عيني خيال تبعها قلبٍ لها في كل الاحوال مطواع يمشي مماشيها ويتبع سنعها ترميه ببحورٍ طويلات ووساع مجنون ليلى خاضها ما قطعها ما للقدم.. والقلب.. والعين ردّاع هامن غبابٍ نوح الاول ذرعها ومنهن بليت بجادلٍ توجع اوجاع بسودٍ تعالا شان ربٍ صنعها سودٍ نظرهن يجعل القلب ينلاع ومن ما عمل هاروت سحرٍ نشعها لوجا نظرهن فوق صم الصفا ماع ولو طرفهن شاهد لرضوى صدعها يلومني من لا عرف زين الاطباع اللي شريفات المعاني جمعها الجادل اللي ذكرها بالملا شاع ومنها جميع البيض بارت سلعها لاجيتها القى لي مصيف ومرباع وقلبي عنه هاك المواجع نزعها ولو ضرّت الخفّاق ماهوب قطّاع ومهما تبي ما ذكر خفوقي منعها ولاني على ما يجرح العرض طمّاع نفسي عن الهسّه شرفها ردعها اللي مشى لك شبر.. قم وامش له باع ونفس الرخيص بسومه الرخص بعها وانا بعون الله على الكود بتّاع واطلع جبالٍ ترهق اللي طلعها والزين لو دونه رواصيد واسباع لا هايبن منها ولا اخشى فزعها وان غاب عني كل قلبي معه ضاع ودنياي عقبه عفت باقي طمعها لا شاري فيها ولا نيب بيَّاع عجزت تسعني ربعةٍ من ربعها وان هب لي من يمّه الشوق ذعذاع الروح من بين الضماير شلعها محمد الأحمد السديري |
رد: فوق هام السحب ( الشعر الشعبي) على متن القوافي
المترف اللي ما يماتع صويبه
جربت منه وكل شيء بتجريب أدعج غنج كنه عيون الربيبه شيهانة تغرس بكل المخاليب العين خرسا من طربها غضيبه فيها لطراد الموده مغاليب وعود كما البردي ليان رطيبه يومي به النسناس بين النبانيب وريحه كما ريح النفل في شعيبه في مربع عله من الوسم تشعيب ممطور أمس ودارس ما وطي به واليوم شمس وفاح طيب على طيب سليمان بن شريم |
رد: فوق هام السحب ( الشعر الشعبي) على متن القوافي
الله اكــبر يا غزال .بكفــه مدلي
وردة شــديتها واستــذار وشدها لعنــبوها شفتها والدليق مجــدلي أحـرقت قلبي عسى النار تحرق جدها يا رسول الـــود يا عمير بالله ودلي هرجة من روح روحــي لخلي ودها بلغـه مــني ســلام الود وردلي وأكتـب اسمي في دقاق الوشام بخدها آه... يا زول جميـــل وطوله قدلي منه عيني بازرق الدمع وصلت حدها ليتني شــديت يم الجفـور وشدلي بس انا وياه شقـر الحرار نهدها لو يجيــني قيس يبغى البدل مابدلي ولا ورب البــيت عالم خفايا سدها للشاعر الامير محمد بن احمد السديري |
رد: فوق هام السحب ( الشعر الشعبي) على متن القوافي
يا وجودي كل ما هب نسناس الشمال
وجد من حده زمانه على اللي ما يبيه و يا وجودي كل ما أضحيت ثم مال الظلال لا غفت عيني و لا ذقت شي مشتهيه وجد من قفى و هو في رجا كلمة تعال و التفت من عقب ما أقفى و لا احد لد فيه و يا عذابي لا دنا الليل من روس الجبال و أنتهى يوم من العمر ما عاد أرتجيه و أنتي أبعد من سما الحلم و وصالك محال يا بعد من هل دمعي ضحى الفرقا عليه يا غناتي لا تحسبين دمعي يوم سال ضعف و لا خوف و لا كذا ولا كذيه و الله اني من رجال يضدون الرجال لكن الحظ الردي ساق دمعي كل أبيه و الله اني كل ما دار حواليك الجدال قمت كن الموت يشر على قبري بديه و الله ان قد لي و أنا أصد لا جالك مجال صدة اللي لا تضايق تذكر قبر أخيه و من سألني قلت مدري و اذا عاد السؤال قلت له تكفي سؤالك ترى ما هو وجيه وش تبي أقول عمن ترى ذبحي حلال و الخطا منها علي صرت أحبه و أهتويه عذرها لو ما تعذر مثل و أضرب مثال واحد ما يعرف الحر الأشقر يشتويه و أن رجعنا للتواصيف لله الكمال لنتهى ليل المزايين جاتك تبتديه كنها غفل مع البدو طاويها الحيال ما يميز وصفها الا نبيه من نبيه واهني اللي وصلها وذاق الزلال رشفة مع غفلة الناس من فيها لفيه و عزتي للي سواتي عشق ما لا يطال و يوم طاله ضيع الحلم بين أمه وأبيه يا أول أحلام الطفوله على حد الخيال الرجا بالي حمى البيت من حملة بريه حال دونك سيف عنتر وتاسع الحول حول حال بثر حول حال دونك و أنا أدعي هيه هيه هيه ياللي غرك الحسن و أطغاك الجمال و الله ان اموت ما شفت لأوصافك شبيه لو يسام الحسن والتيه بجنيه و ريال ما بقى في سوق غيرك ريال ولا جنيه كيف أهدك للمقادير و أنتي راس مال راس مال و مال و المال ما يعطى السفيه حافظك حفظي لعيني و رمشي لك جلال و أنتي تشحين بالما و أنا شفي مويه شايف ظلمك و ساكت و طال الليل طال لا تركتي طعن قلبي و أنا ما قلت ليه لو بقى للهيل صبر على فوح الدلال ما بقى للقلب صبر على شي يجيه كنت أحسب أن الغلا زال و أثره لايزال فالحشا ما كنه الا دخيل في وجيه ساقني حبك على الموت و سنيني هزال و الظروف أقسى من الظلم للعرض النزيه و أنتي تسوقين عقلي على حد الهبال تحسبين أن من بغى شي يقدر يشتريه ولا أنا يا وجد حالي وجود ما يقال وجد من ضحى بغاليه لرضا والديه و يا وجودي يا أول العمر قبل ألبس عقال وجد من باع آخر العمر في رغبة ذويه و يا وجودي كل ما هب صوتك من شمال وجد من حده زمانه على اللي ما يبيه ضيدآنّ بنّ قضعَـآنّ |
رد: فوق هام السحب ( الشعر الشعبي) على متن القوافي
آمنـت بالله رب أرجيـه و آسالـه
و آمنت بأحمد نبي الأمة و هاديهـا يالله بحـظ كبيـر ٍ يرفـع القـالـه و الناس بالعرف فيها مـا يكفيهـا يا عالم الشعر لب الشعـر لصغآلـه يعني تمعن بهـا تعـرف معانيهـا الشعر عالم فلك و بحوث و رسالـه رسالتـه يعجـز الدكتـور يأديهـا بالطب يمكن يجيد علاج كـم حالـه وتاريخ عن حاضر الدنيا و ماضيها كم من صبي ٍ على مركاه و دلالـه شهادة أرقى الجوامع فـي مخابيهـا إيضاح نص القصيدة ويش يعنالـه يدخلك فيهـا مـن أولهـا لتاليهـا قامت جلال الكـلام تعانـق طوالـه تعـزف مواويـل ويغنـي مغنيهـا تمخضّت من بنات الفكـر مختالـه كنها تشل القمر و الشمس في ايديها تقلط لفيصل ولـد خالـد و تهدالـه قلايـد المجـد زاهيتـه و زاهيهـا في كل عـد طويـل تـآرد حبالـه ولد ملك مشغـل الدنيـا و ماليهـا ولد ملك شامـخ الهامـات تحنالـه ولد ملك يغضب الدنيـا و يرضيهـا ولد ملك تستظـل النـاس بظلالـه ولد ملك يطعم الأنفـس و يسقيهـا ولد ملك كل مجلس صدر يفضالـه عنـه الأكابـر مؤخـرة ٍ كراسيهـا ولد جلالـة ملـك و معنـز ٍِ خالـه علـى حـرار ٍ معربتـن مجانيهـا على الدوامر عمى الحاسد و سلاّلـه من روس شيخان يام و من دواهيها من قوم راكان بن حثلين و ابطالـه رنانة في طبـول المجـد أساميهـا يوم الوفي دايـم ٍ النـاس تبرالـه كم سربـة بعـد الدامـر مغازيهـا فيصل تراكى على يمنـاه و شمالـه من حيث ما لاحت البيضـا يحييهـا تجمل عيال الملوك و فيصل لحالـه مواقفه مـا حـدٍ غيـره يسويهـا في ذمتي ما يجيبن النسـاء أمثالـه لو ولّدن مـع مناخرهـا و أفاميهـا تمت و صلوا على سيد البشر و آله و الناس بالعرف فيها مـا يكفيهـا سعد بن جدلان |
رد: فوق هام السحب ( الشعر الشعبي) على متن القوافي
قال الخلاوي والخلاوي راشد
عمر الفتى عقب الشباب يشيب حسبت انا الأيام بالعد كلها ولا كل من عد الحساب يصيب حساب الفلك بنجم الثريا مركب يحرص له الفلاح والطبيب فلا صرت بحساب الثريا جاهل ترى لها بين النجوم رقيب الى غابت الثريا تبين رقيبها ويلا اطلعت ترى الرقيب يغيب ولا قارن القمر الثريا بحادي بعد احد عشر عقب القران تغيب وسبع وسبع عد له بعد غيبته هذيك هي الكنه تكون مصيب ومن بعدها تطلع وبها القيظ يبتدي وتاتي بروق ولا يسيل شعيب ويلا مضى خمس وعشرين ليله ثقل القنا من فوق كل عسيب وتطلع لك الجوزا وهي حنة الجمل وتاتي هبايب والسموم لهيب والى مضى خمس وعشرين ليله يطلع لك المرزم كقلب الذيب والى مضى خمس وعشرين ليله يطلع سهيل مكذب الحسيب والى مضى خمس وعشرين ليله تلقا الجوازي طردهن تعيب تلقا الجوازي ما تناظر مقيله ليله نهار وتجتلد وتليب والى مضى خمس وعشرين ليله لا تامن الما صيبه صبيب راشد الخلاوي |
رد: فوق هام السحب ( الشعر الشعبي) على متن القوافي
نطوي مع الأيام عـام ٍ ورا عـام
وتمر ساعات الفـرح فـي دقايـق أيام راحت بالعمر مثـل الأحـلام يوم ٍ بهـا زعـلان وأيـام رايـق درست من دنياي وأتعبت الأقـدام وبدلت عن بعض الطرايق طرايـق وكفخت بأفكاري كما الطير لا حام وما عاقني عن ماكـر العـز عايـق يا صاحبي خذني معك سيف وحزام وياك في وقت الرخـا والضوايـق وترى البشر يا خوك منقسمه أقسام بين الردي والطيب شفت الحقايـق لقيت من صلى وزكى ومن صـام ولقيت من هو لأقرب النـاس بايـق ولقيت من قلبه حقـود ٍ ونمـام ولقيت من قلبـه يعـز الرفايـق ولقيت من يبني الأمل فوق الأوهام واللي يموت ولا يعـرف الاالعوايـق ولقيت من يملك بساتيـن وأنعـام واللي من الحاجة ينـام متضايـق الله خلق هالخلق سـادة وخـدام ذي دبـرة الرحمـن رب الخلايـق وآخرك يابن آدم ترى قطعة الخـام أمـراً أكيـد وما يبيلـه وثايـق يالله عسى ما أكون قطاع الأرحـام وعساي من عقب القبر في حدايـق جاك الكلام وخذ معه بصمة إبهـام إن العمـر كلـه مجـرد دقايق مطلق الثبيتي رحمه الله |
رد: فوق هام السحب ( الشعر الشعبي) على متن القوافي
هذه قصيدة للشاعر
مرير الحبيل العتيبي قالها عندما سأله أحدهم لماذا لا يكتب قصائد في الغزل : نشـدنـي صـديـق قــال حـبـك و رى مـــا بـــان ورى فــي الـغـزل مــا لـــك بـيــوت مسـويـهـا ولا لــك غــزل يـالـقـرم بـسـم الله الـرحـمـن ورى كـــن مــــا تــذكـر هــنــوف مـهـاويـهـا و أنـا أقول قـلب مــا يـحب الـهـوى غلـطان و أبـشـرك و الله مـــن هــنــوف مصافـيـهـا و بأعـلمـك و أنـت تـعــوذ مــن الـشـيـطـان دام الــنــشــامـى تـسـتـمـعــنـي بــأذانــيــهـا أنـــا حـــب لـــي حـــب تـولــع بـهــا الـعـربـان عــيــال الـنـشـامـى الــلــي طــــوال يمـانـيـهـا أحــب الرجـولـة و الـرجـولـة لـهــا سـيـسـان تــرى ساسـهـا لا طـــاب يـرســي و يرسـيـهـا و أحـب الكـرم و أهـل الكـرم و الكريـم معـان كــريـــم و نـفــســة لـلـمـواجـيـب مـصـخـيـهـا و أحــب أشـتـري عـــود أزرق مـــن الـدكــان و أطـيــب رجـــال سـيــرت لــــي و أقـهـويـهـا و أحـب الـدلال الصفـر مـن صنعـة الـرسـلان إلـيــا دارت المـجـلـس و مـــا جـوبـهـا فـيـهــا و أحـب الحـرار الـلـي لـهـا فالعـشـى بـرهـان تقـضـض عـلــى جـــول الـحـبـاري و تدمـيـهـا و أحب الحصان اللي سبق و الحصان حصان و أحــــب الــذلــول الــلــي تــقــدم بـراعـيـهــا حسيـنـت حـلايـا مــا لـهـا فــي الـحـلا لأثـمـان خـطـات الأصـيـل إلـيـا فـرحـت وجـــه قانـيـهـا و أحـب الجيـوش إليـا رزمـت داخـل المـيـدان إلــيــا قــادهــا الـقـايــد و هـــــرول يـبـاريـهــا و أحـب الصحـاري خـص لا شبعـت الحـيـران لا بــكـــر الـوســمــي و زانـــــت مـراعـيــهــا و أحـب الحـلال إلـيـا أنتـشـر داخــل الصـمـان قــطــاعــيــن ذود و الــمـــواتـــر بـتــالــيــهــا و أحــب البـيـوت الـلـي تظـلـل بـهــا الـبــدوان عــيـــال الــجــزيــرة سـاكـنــيــن بـراضـيــهــا و أحـــب الـخـيـال الـمــد لـهــم لـنـهـمـر ودان و أحــب الـفـيـاض الـلــي تـنـاسـف عـلاويـهـا و أحب أمزع رجلي و أشـرف علـى الجيـران و أمـد النظـر فالـلـي عـسـى الـمـزن يسقيـهـا و أحـب الجيـوب الـلـي تمـرهـد مــع الخلـيـان تـعـانـق طــيــور الــجــو تـمـشــي ممـاشـيـهـا و أحــب الرفـيـق الـلـي وقــت الشـدايـد بـــان رفــيــق الـرفـيــق و رفـقـتــه مـــــا يـخـلـيـهـا و أحــب الـخـوي الـلـي تـجـي كلمـتـه مـيـزان وزن كـلـمـتـه لأجـــــل الـرجـاجـيــل تـغـلـيـهـا و أحـب القصـيـد الـلـي يحـكـم عـلـى القيـفـان و أحـب الصفـوف الـيـا أسـتـوت قــدم واليـهـا و أحــب السـوالـف وآتسـمـع مــن الشـيـبـان ألــيــا وردوهــــا بـيــضــت وجـــــه راويــهـــا و أحـــب المـثـايـل لا ضـربـهـا مـثــل راكـــان و أحـــب الـعـلـوم الـطـيـبـه و أفـتـخــر فـيـهــا و أحـب القصـيـر الـلـي يبـيـن لــك الصفـطـان مــثــل جــيـــره كـــــل الـمـخـالـيـق تـطـريـهــا و هــي قـصــرت مـحـمـد لا عـــدت الـجـيـران لـــه قــصــره مــــا جـالـهــا الــلــي يحـالـيـهـا حـيــاه الـمـهـادي لـلـمـفـرج جــمــل زومــــان زحــول الـرجـال الـلـي بـقــى ذكـــر ماضـيـهـا و أحب الهنوف اللي لها في الحشـى مسكـان فــتــات عــلــى الـســنــه عـــــزاز مـوطـيـهــا ستـيـره و لا تـحـرص عـلـى فـتـحـت البـيـبـان و لا تـلـتـفــت لــلـــي يــبـــي يـلـتـفــت فـيــهــا و خـيــر الـمـنـاوي كـلـهـا طـاعــت الـرحـمـن لـــــوا هــنـــي الــلـــي صـــلاتـــه مـصـلـيـهــا |
رد: فوق هام السحب ( الشعر الشعبي) على متن القوافي
أيامنا والليالي كم نعاتبها
شبنا وشابت وعفنا بعض الاحوالي تاعد مواعيد والجاهل مكذبها واللي عرف حدها من همها سالي ان أقبلت يوم ماتصفي مشاربها تقفي وتقبل وما دامت على حالي في كل يوم تورينا عجايبها واليوم الأول تراه أحسن من التالي أيام في غلبها وأيام نغلبها وايام فيها سوى والدهر ميالي جربت الايام ومثلي من يجربها تجريب عاقل وذاق المر والحالي نضحك مع الناس والدنيا نلاعبها نمشي مع الفي طوعٍ حيث ما مالي كم من علومٍ وكم آداب نكسبها والشعر مازون مثقالٍ بمثقالي اعرف حروف الهجا بالرمز واكتبها عاقل ومجنون حاوي كل الاشكالي لاشك حظي ردي والروح متعبها ما فادني حسن تأديبي مع أمثالي ان جيت ابي حاجةٍ عزت مطالبها العفو ما واحدٍ في الناس ياوالي قوم ٍليا جيتها رفت شواربها بالضحك وقلوبها فيها الردى كالي وقوم ليا جيتها صكت حواجبها وابدت لي البغض في مقفاي واقبالي ما كني الا مسوي حال مغضبها والكل في عشرته ماكر ودجالي يا حيف تخفى أمورٍ كنت حاسبها والاهل واصحابنا والدون والعالي والروح وش عذرها في ترك واجبها راح الحسب والنسب في جمع الاموالي نفسي تبى العز والحاجات تغصبها ترمي بها بين اجاويدٍ وانذالي المال يحيي رجال لاطباخ ابها كالسيل يحيي الهشيم الدمدم البالي عفت المنازل وروحي يوم اجنبها منها غنيمة وعنها البعد اولالي لاخير في ديرةٍ يشقى العزيز ابها يمشي مع الناس في همٍ و اذلالي دارٍ بها الخوف دايم ما يغايبها والجوع فيها معه من بعض الاحوالي جوعا سراحينها شبعا ثعالبها الكلب والهر يقدم كل ريبالي عز الفتى راس ماله من مكاسبها يا مرتضي الهون لا عزٍ ولا مالي دللت بالروح لين أرخصت واجبها وانا عتيبي عريب الجد والخالي قومٍ تدوس الافاعي مع عقاربها لها عزايم تهد الشامخ العالي كب المنازل غراب البين يندبها يبكي عليها بدمع العين هطالي لا تعمر الدار والقاله اتخربها بيع الردي بالخساره واشتر الغالي ما ضاقت الأرض وانسدت مذاهبها فيها السعة والمراجل والتهفلالي دار ٍ بدارٍ وجيرانٍ نقاربها وارضٍ بارضٍ واطلالٍ باطلالي والناس اجانيب لين انك تصاحبه تكون منهم كما قالوا بالامثالي الارض لله نمشي في مناكبها والله قدر لنا ارزاقٍ وآجالي حث المطايا وشرقها وغربها واقطع بها كل فجٍ دارسٍ خالي اطعن نحور الفيافي مع ترايبها وابعد عن الهم تمسي خالي البالي من فوق عمليةٍ تقطع براكبها فدافد البيد درهامٍ وزرفالي تبعدك عن دار قوم ودار تقربها واختر لنفسك عن المنزال منزالي لو مت في ديرةٍ قفرا جوانبها فيها لوطي السباع الغبس مدهالي اخير من ديرةٍ يجفاك صاحبها كم ذا الجفا والتجالي والتملمالي دوس المخاطر ولا تخشى عواقبها الموت واحد ولا عنه الحذر جالي إن المنيه إذا مست مخالبها تدرك لو كنت في جو السما العالي مافرت الاسد في عالي مراقبها تسعى للارزاق ماحنت للاشبالي والشمس في برجها والغيم يحجبها تقفي وتقبل لها في العرش مجدالي رب السماوات يامحصي كواكبها يا مجري السفن في لجات الاهوالي ضاقت بنا الأرض واشتبت شبايبها والغيث محبوس يا معبود ياوالي يالله من مزنة هبت هبايبها رعادها بات له في البحر زلزالي ريح العوالي من المنشا تجاذبها جذب الدلي من جبا مطوية الجالي ديمومة سبلت وارخت ذوايبها وانهل منها غزير الوبل همالي تسقي ديارٍ شديد الوقت حاربها ما عاد فيها لبعض الناس منزالي يا جاهل اسمع تماثيل مرتبها فيها معاني جميع القيل والقالي مثل الدنانير تزها في قوالبها في صرفها زايده عن قرش وريالي يارب توبه وروحي لاتعذبها بيوم القيامة اذا ماضاقت اعمالي وازكي صلاةٍ على المختار واهبها شفيعنا يوم حشرٍ فيه الاهوالي بديوي الوقداني العتيبي |
رد: فوق هام السحب ( الشعر الشعبي) على متن القوافي
تل قلبي تل دلو من العد الجذوب
ناطحت به يوم تلت رشاه السانيه يوم جيت العد خالي وهو كان معروب ذي منازلهم عليها الذواري بانيه خايف قلبي من الجزن والفرقى يذوب يوم مروا بي رسمو الديارالفانيه حي من داره عليه بني ذاري الهبوب كل ما سجيت مريت داره ثانيه هلت الدمعه وضاقت علي كل الدروب باح سد النفس من عقب ما هي كانيه صابر بالعزم وأنا على الصبر مغصوب لي سنين ما حصل لي حياة هانيه يوم عديت الطويله مع وقت الغروب قلت هذي قدرة من حياتي دانيه ويش بك يا عين ذا الليل ما عندك اسلوب استخفيتي بجسم عظامه وانيه لو عذلتوني وقمتوا علي من كل صوب تفهمون النفس من حكيكم متغانيه ويلهم من كلمة الظلم خالين القلوب من يقولون القلوب الحزينه جانيه عامر بن نوطان |
رد: فوق هام السحب ( الشعر الشعبي) على متن القوافي
يامضـيـق الدنـيـا ويـاضـعـف الإنـســان
شف قرب ضحكك في الزمن من نحيبك لاتحـسـب إن الـوقــت لاشـــان مـــازان ولاتـحـســب إنــــك بـتــعــدا نـصـيـبــك الأرزاق مـكـتـوبـه ولـلــدهــر عـــــوان والــلــي كـتـبــه الله عـلـيــك بيـصـيـبـك العمـر عسـر ويسـر وأفــراح وأحــزان تــــرزق بـمـولــودك وتــدفــن قـريـبــك هـذي هـي الدنـيـا لـهـا أشـكـال وألــوان تـضـحـك لـــك وتـلـقـا بـهــا مـايـريـبـك ياصاحـبـي لــك عنـدنـا مـنـزل وشـــان وأنــا إعتبـرنـي سـيـف كـفــك وجـيـبـك وفـي كــل دار لــك بـنـي عــم وإخــوان وأنــا ولــد عـمــك وإخـيــك وصحـيـبـك محمد بن فطيس المري |
رد: فوق هام السحب ( الشعر الشعبي) على متن القوافي
يانور عيني ليه شوفك شفاقه
هذا جفى يا زين وإلاتغلي على غلاك الزود ماله لواقه واضن ماله بالضماير محلي ودك غدى بالروح و الرجل ساقه من الملا كله طويت السجلي حتى وليف(ن)لي هروجه رقاقه اناوفي(ن)ماتهاون بخلي فارقت شوفه وانت سبةفراقه واليوم مادري بئي دار يحلي اليا شافني ياخذ علي اندلاقه يمشي طويل وطول حسه يهلي وإلا انت والله يانصفقت إنصفاقه قدام وجهي ما تمتع بحلي وإني طويت رشاك طي العلاقه والحال فيهامن هاك اليوم حلي حادور مابه للمخاليق طاقه إن طال في طيله غدى في كلي كانكم خلان لي و رفاقه قدام زلال بروحي يزلي يانورعيني ذوقوني ذواقه غر(ن)ترى قلبي عليهن مغلي طول النسم بحدود عقل ورواقه يرفى لحالي ليال مضنلي والله ماطلبكم وراهن لحاقه وانه دوايه من بلايه وشلي واني لكم يانور عيني عتاقه انا دخيل حظوظكم قبل اولي واناتراي ماني خطاة الهقاقه الي علىغيبه انكان دلي واللي يدل الناس كثر إصطفاقه لو مل وجهه بارد(ن)مايملي ياعود ريحان على جال باقه شابك عليها زعفران مظلي ياريم وانت احلا بخف ولباقه ياعنك ماشح بحلاك المحلي عليك عنق من المهاودراقه ومن الصويتيه توزي ودلي ومن الحرار بنورعينك رماقه ومن الحمامه مشيها بس قلي وإلا انت بوصاف وحلايادقاقه مدري وش انت للعذارىمخلي ربي عطاك و حط فوقك وساقه اشقرقضيض فوق الامتان هلي وقلبي عليك اليوم غادي حراقه انته تبا تجديه وإلا تتلي وتحط من دوني خليل(ن)عشاقه وانا يسد من العناء ماحصلي سبيل بن سند الحربي |
رد: فوق هام السحب ( الشعر الشعبي) على متن القوافي
حنا على الخوه نسوق المواجيب
وان بارت الخوه ماحنا بحاجه لوجيهنا قيمه ولصدورنا غيب ما الله خلقنا ريشةٍ في عجاجه للطيب طيب وللموده تراحيب وللجد حد وللسماجه سماجه ابعد عن اللي لازعل ينكر الطيب اللي تقلب عشرته مع مزاجه ناصر الرزيني |
رد: فوق هام السحب ( الشعر الشعبي) على متن القوافي
البارحة.. من ضيقه الصدر محسوس
غابت علي الشمس في راس قمه رجلي على جمره و كبدي على موس عامين و الثالث على آخر متمه صديت عن وادم به الحبل ممسوس وعن وجه بن عمٍ يهين بن عمه ادري بمسيري عكس والدرب معكوس وادري ان سلاح الداب نابه وسمه ما قلت جعل الروس تفدا لها روس اقول وجهٍ تمدحه لا تذمه ماكل جاسوس بسميه جاسوس لو نعرف اللي كلفه بالمهمه لكن بيت النمل والذر والسوس ماهو بيت اللي كبيرٍ معمه الناس نبت بروسها ريش طاوس تفاخروا لين انكر العبد عمه تنومسوا في شي ماهوب ناموس مثل الصلاة اللي على غير يمه اللي معه دفتر سنادات وفلوس ويرهن مقابلها كرامه وذمه يعطيك في الحسنى ندوات ودروس ويصرف لك الاخلاق من راس كمه ان عاف ماكن الطمع فيه مغروس وان طمع في حاجه نسى ابوه وامه ما نوس يا لوادي و لا انته بما نوس مهم ولا فيك حاجه مهمه اللي على جالك يصيدون جاموس واللي وراهم ياكلونه بدمه ذيابتك نجسه وفيرانك نجوس وإن طحت بين يديه وداك فمه أصنام تبنيها نصارى وهندوس على قبور الانبيا والائمه يا مملكة صدري من القوس للقوس من لا يهمك لا تشيلين همه جد الولد منحوس وابوه منحوس جا من ظهره وقال لبليس سمه اهون علي اعيش منفي ومحبوس ولا ينبعث ريح الخيانه واشمه ماني بدايم رايق اخلاق وهجوس وإن ما ضويت بكارثه جبت امطمه مدغم أبو شيبة |
رد: فوق هام السحب ( الشعر الشعبي) على متن القوافي
الشعر بعنا بسوقه وأشترينا به
ماهو جديد ٍ علينا ورث جديه حطيت لي راية ٍ تومي بمرقابه أطول من اللي شمال طويق مبنيه المدح والنصح لي باع ٍ مع أصحابه وإن جاء مجال الغزل عندي غزليه قصايد ٍ من سمعها نالت إعجابه مصنوعة من ذهب ماهي بمطليه أطب سوق الجواهر وأتنقابه وأخفف الوصف ماحب الأباحيه والحب مافيه عرق ماتساقابه مافيه غصن ٍ عروقه بالثرى حيه ماهزه الريح وأقبل فيه وأقفابه معروف حتى على دور الهلاليه الحب دقيت زره وأنفتح بابه من غير شوق يسوق أقدام رجليه ولقيت لي حارس ٍ من جاه هلابه مدري وش ديانته ومن أي جنسيه قلت الهوى وش تشوف ووش تورابه فكر وعطني عن الموضوع خلفيه كانه مسمى يشرف من تسمابه ياهل ترى من تكون له الأحقيه قال الهوى كارثه يرثى لمن صابه آلام متعدده . . وضغوط نفسيه لكن حسب رأيي إن الشاعر أولابه قلت أكتب أسمي مع الناس الهواويه أبتفاخر من أول واتضاهابه ولقيت لي ( قاطع ٍ ) مافيه ماويه بيديه رمح ٍ يشق الصدر مضرابه حطت شباته بوسط القلب حفريه موت الدجيما ماكنت أصدق أسبابه يالين شلفا خصيمه وَقعت فيه يابو خدود سواة الورد جذابه وإلا زهور الربيع بوسط محميه ماأحد ٍ رعى نبتها وإلا تمشابه ماهزها غير نسناس الشماليه من دونها اللي يهابه من تهقوابه عوازل ٍ شايكه . . وجيوب دوريه ويابو جبين ٍ ليا أمسى الليل يسرابه ألليا أتجه للقمر غطى على ضيه وياعود موز ٍ ليا هب الهواء جابه مع إتجاه الرياح يميل فوقيه ويابو شعور على الأمتان منسابه تشع مثل الشعاع بداخل الفيه ليا تخلخل خلول ٍ مع شجر غابه والشمس وقت الشتا ماهي عموديه حبك من العام هز القلب وأدوابه دواية اللي شلع من فوق كرسيه من يوم طيّر وصقاره على أعصابه يمكنّها روحة مابعدها جيه خصص وركز وفل الريش وأومابه واقفى ورى صيدة ٍ حذره ومرميه بين السماء والوطى تنزل وترقابه قبل المسا شرقت والريح غربيه إقتل صويب المحبة وش تحرابه لاصار مامنك حسنه . . عجل السيه والحكم غصب ٍ على المحكوم يرضابه لو أنها سنة ماهي بشرعية الأمر كله وحد السيف وإنصابه بيديك . . ماعاد هو الحين بيديه عبدالله بن زويبن الحربي |
رد: فوق هام السحب ( الشعر الشعبي) على متن القوافي
علموا اللي كل يوم ٍ يقابلنا بثوب
ما يخدرنا كلامه مع من خدّره إن لقينا اللعب نزحف مع جو ٍ لعوب و ان هبطنا سوق طيب ٍ خذينا ندّره العرب ما هيب تعلم مسدات الغيوب و وارد الما ما يدلّه يكود مصدّره ولا تجيك الحصبه إلا من فراش محصوب وحبة الجدري تجي من ف،راش مجدّره والمحب اذنيه ماهيب تسمع للعيوب و العدو لا درهمت به تجي متحدّره دامت الأخلاق يملك بها الواحد شعوب ياجب انها في جميع الامور مبدّره وان لقيناها طويله وموخرها سحوب و المرض فيها فحوله تهيّج فدّره ان قدرنا نقفل الباب من دون الهبوب ولاّ جا درب لنا والقني مسدّره الأصايل كل يوم تلافح بالكعوب و الردي لا عيّن اللي يهينه قدّره ولا تعرف حسابك إلا ليا صرت محسوب وشرهة القادر على العالم المتقدره فالمقابل نفتح له دواليب القلوب و المقفي قلعة الوادرين تودّره سعد بن جدلان |
رد: فوق هام السحب ( الشعر الشعبي) على متن القوافي
ياحي ياقيوم يارب الارباب
ياعالمً بالغيب واللي وراء الغيب انته من نخافك ونحسب لك حساب وانت المجيب الدعوتن مالها مجيب يامنبت الارض الهشيمه بالاعشاب ومسقي ثراها عقب لفح اللواهيب عطفك بيومً مالنا عنه مجناب اليا تبرّت من بعضها الاصاحيب عبدك وابا توب الك ياخير تواب قدم المنايا يحكمن المقاضيب عانيت من دنيا المتاعب والانشاب ودسيت جرحي فالظلوع المحاديب وش لون ابصبر واتحكّم بالاعصاب وانا ضحيه للعنى والعواقيب في داخلي من صطوة الوقت مشهاب وفي لحيتي من زود همي نقر شيب اضحك واجامل ونقل حمول الاتعاب ولاضاق صدري وقت روس المراقيب اكضم على اللي في واسكر الباب حتى مايفرح من يحش العراقيب اللي يدوّر خلتن بين الاقراب ولا يعرف الرفقه ولا يعرف العيب ارفع مقامي عنه من شان الاصحاب واشيل زلاته وجازيه بالطيب اما يعدّي فوق في راس مرقاب ويارد على فرزة قراح المشاريب ولا على وضعه ومن فعل الاشناب يصبر على صلو الجمر والمشاهيب سلطان الحويقل |
رد: فوق هام السحب ( الشعر الشعبي) على متن القوافي
مزحنا عند النشاما على طيب ووقار
وكل هقوة طيب فينا نجي من فوقها نتمارى فالقصايد وفالبل والمهار ونعطي العالم مواجيبها وحقوقها وفيه شي من السوالف هزيل وباختصار من شرى الهزله بيبطي وهو في سوقها وطمعت عيال الكراوين بعيال الحرار هذي اللي تصرم الكبد من معلوقها بندر الدويش |
رد: فوق هام السحب ( الشعر الشعبي) على متن القوافي
ياعيـالـى الـلـى تفـهـمـون الـوصـاتـي
وصيـت اللـي جـرب الوقت تجـريـب جـربـت مــن سمرالـلـيـال افتـخـاتـي مـع مثلهـن مـن بيـض الايـام تقريـب ياكـثـر مامـارسـت وأنــا فــي حـيـاتـي كم ليلتنا يخطي بهـا الحـظ ويصيـب وكــم ليلـتـن راحــترعـلـيـه فـواتــي وأنـا*بغفلـه تطلـع الشـمـس وتغـيـب وتغـيـب ثــم تطلـع وأنــا بلـهـواتـي ماأذخـرلـبـاكـركـود مـايـذخـرالـذيـب ولاهـوجــزع مـمـاجــرى واشـتـمـاتـي الآ*اني*اجعل عن هاك الوقت تعريب مــاحــيــا الا مـقـتـفـيــه الـمـمــاتــي ولا شـبـن الابـعـده العـجـز والشـيـب ولابدمـاتـقـضـي لـلـيــال الـحـيـاتــي أمرض واطيب وعقبه امرض ولاطيب وخـــلان للـسـاقـه كـثـيــر الـتـفـاتـي قــل الـزهـاب ولابـوجـهـي مـعـازيـب مـاعـنــدى الا سـيــتــي وحـسـنـاتــي لا زيد بالحسنه ولا نقص مـن العيـب يالله يـاكـاتــب فــــروض الـصـلاتــيي اقابـل التوبـه مــن العـبـد ومجـيـب تجعـل لنـا مـن بـاب جـودك نجـاتـي الله يـالــي تـعـلـم الـســر والـغـيـب محمد الحداري الحربي |
رد: فوق هام السحب ( الشعر الشعبي) على متن القوافي
لا والله الا راح دور الــــبـــــداوه
ودور الركاب اللي عليها الشنوفي ومجالـسـن فيـهـا لهلـهـا طـــراوه عنها الشوايب والهزيـل محذوفـي وراح الزمـان اللـي لعيشـه حـلاوه واللي على الغارب رجـع للردوفـي قالـوا تسيّـر قلـت مـامـن فـضـاوه قالـوا علامـك قلـت عيّـت ظروفـي اللي مضى بالنفس عنف وقسـاوه واليـوم تخلـي كـل عوجـاً تطـوفـي وتضحك مع اللي لك يكـن العـداوه وان صفقوا صفقـت لـه بالكفوفـي تـخـاف مــن دقــة خـطـاة اللـعـاوه رادي نصيـب وناقـراً لـه علـوفـي يزعل عليـك اللـي يسـوق الأتـاوه وذلّوا معطـرت النمـش والسيوفـي عين الغضب تفتح عليك السمـاوه وعين الرضا لوبك خطا ما تشوفي والمرتفـع قالـوا مـثـل ذاك ســاوه وشربت غثاريب الغريف العيوفـي هـداج مـات وجـات غيـره جـبـاوه والـروس قامـت تـدّرق بالكتـوفـي يزعـل ويرضـا ماحصلـه رضــاوه ومثله يصير بحيـث تامـن تخوفـي محمد الحداري الحربي |
رد: فوق هام السحب ( الشعر الشعبي) على متن القوافي
هبت هبوب الشمال وبردها شيني
ما تدفي النار لوحنا شعلناها ما يدفي الاحشى مريوشة العيني في طرف زولية والعرق مشتاها يفوح من جسمها زين الرياحيني والى ظمينا شربنا من شفاياها ابو عيون الى سلهم تناجيني يا قرد عين المشقي كيف تقواها يا شبه وضحى فتاة دلها زيني داجت على عقلة والورد ماجاها يا عل من حجرة يعطى عمى العيني مخضاب صمعا جليل الفخذ يشظاها جعله حسير وكسير وراكبه ديني من شاف حاله من العربان يثناها عديت في مركب والليل ممسيني بديار غرب لعل السيل ماجاها طوحت وانالي اليوم شهريني ما بين ناس يضيق بالي الغاها اضحك مع اللي ضحك والهم طاويني طويت اشنون العرب لاقطروا ماها مني يقولون عن سيلان ماشيني والنوخذه عدته للسفن دناها لولا الحيا كان اهل الدمع من عيني على هنوف جديد اللبس يزهاها اللي صفت لي عن الادنى والاقصيني مصيونة عن عربها تقصر اخطاها لعل من لامني يطعن برمحيني يحمى على شلفة والملح ماجاها تاخذ حلاله اقروم توفي الديني ولا خلوا الا خلوج يبلش اطناها البيض تخضع لها شيوخ وسلاطيني وتخضع لها روس ناس يدخل حماها فهيد بن احضريه العجمي |
رد: فوق هام السحب ( الشعر الشعبي) على متن القوافي
عديت في مرقب والليل ممسيني
بديار غرب لعل السيل ماجاها طوحت وانالي اليوم شهريني ما بين ناس يضيق بالي الغاها اضحك مع اللي ضحك والهم طاويني طويت اشنون العرب لاقطروا ماها مني يقولون عن سيلان ماشيني والنوخذه عدته للسفن دناها لولا الحيا كان اهل الدمع من عيني على هنوف جديد اللبس يزهاها اللي صفت لي عن الادنى والاقصيني مصيونة عن عربها تقصر اخطاها لعل من لامني يطعن برمحيني يحمى على شلفة والملح ماجاها تاخذ حلاله اقروم توفي الديني ولا خلوا الا خلوج يبلش اطناها البيض تخضع لها شيوخ وسلاطيني وتخضع لها روس ناس يدخل حماها ضويحي بن بدر الهرشاني |
رد: فوق هام السحب ( الشعر الشعبي) على متن القوافي
لي بنت عم ماوطت درب الادناس
ولا دنست يوم النساء يدنسني قائل هذه القصيدة هو الفارس الشجاع سعد بن مشعل بن شاحن من فخذ الهلبات من قبيلة بلي من أهالي طريف عاش الى عام 1309هـ كان يرحمه الله شجاعا وفارسا لا يشق له غبار وكريما الى أبعد الحدود ومناسبة قصة القصيدة هي أنه في يوم من الايام حل عليه ضيوف من الحويطات واقام لهم الوليمة وذبح الذبائح ودخل الى الضيوف وجلس معهم وترك الزوجة تشرف على اتمام الوليمة وعندما حان موعد تقديم الطعام لفى إليه ضيوف آخرون وقدمت الوليمة ((وقلط)) الضيوف وزاد عدد الضيوف على الضيافة وأحس في نفسه التقصير بالواجب وبعد ما رحل الضيوف دخل على زوجته وهو يهدر كالجمل الهائج وضربها وطلقها وارسل الى أخيها ليأخذها إلى مضارب أبيها وفي اليوم التالي رحل وسافر إلى مكان قرب حايل لأنه لا يستطيع الإقامة في أرض طلق زوجته وابنة عمه التي أحبها حتى الموت وعاش بعدها حياة تعيسة لأنه لا يقدر أن يعيش بدونها وفي سنة من السنيين مر على طريف في طريقه الى الشام وبالذات مر على مرابعهم التي تحمل أجمل واحلى الذكريات عندها فاضت قريحته بالأبيات التالية التي منها : لي بنت عم ماوطت درب الادنـاس ولا دنــست يوم النـساء يدنسني والقصيدة هي كما يلي : نوخت سمحه فوق مزمـوم الاطعاس ارمـى نظر شـوفي عـلى قـد ضني جيت المراح وشفت به مشعة الـرأس وذكر عـلي أيامي إللـي مــضني وشفت الثلاث اللي على الدار جلاس أبـي الخـبر مـنـهن ولا خــبرني يــاراكب ثنتين يــشدن الاقواس مـن عـند رمـان الحــمر درهمني مــافوقـها الا الكور والخرج بقياس وسفايف بــين اربع يــلعبني لي بنت عم مـاوطت درب الادنـاس مـادنست يـوم النساء يــدنسني ضـربتها يـوم أحسب الضرب نوماس وطـلقتها يـوم أفخت العـقل مني لو يــنشكي حبه على طير قرناس اضـحى الضـحى في ماقعه مستكني ولو ينـشكي حبـه لعجلات الامراس تـنفر عـن الحـيران مـأيــرزمني ولو ينشكي حبه على قـب الافـراس عـــين نهـار الكـون لا يـطردني قـلته ولا مــن رحمة الخـالق اياس يا الله لا تـخيب رجــايه وضــني انخــاك ياشــيخ كسب كل نوماس مــن عـقبها كــل المصايب وطني وبعد أن أرسل القصيدة الى عمه ووالد زوجته بطلبه العفو والسماح بارجاع زوجته إليه فعرض عمه الشيخ هليل بن شاحن بن هلال المطرفي على ابنته زوجه سعد بن مشعل ولكنها رفضت العودة الى زوجها الذي ضربها وطلقها وطردها وأهانها بين القبيلة رغم أنها تحبه حتى الموت ولكن كرامتها وشيمتها منعتها من الاستجابة فارسل إليه عمه هليل الابيات التاليه قال الشيخ هليل : قـولوا لأبن مشعل خذ الهرج بقياس ذي عــادة الايــام لا دبـرني اللي مـعه ميز وناموس بالــرأس يـقدم لأهـل عوص النضا كل فني ويحـط له بن وهــيل ومحــماس ودلال فـي حيــد الـوريثه يجني وحياة جلاب المــطر مـغني الناس يافــيك نيات الــردا مـاطرني لاشك ما أبي اللمس في خـاتم الماس حيث أن ضـنك مـا يبـاعد لضني أطو العزا يامـكرم الضـيف بالياس ودور بــدلها ياحـراوى مـضني |
رد: فوق هام السحب ( الشعر الشعبي) على متن القوافي
قال عميد شعراء عصره
المرحوم / سعد بن جدلان الأكلبي ياللي على شان معكازي تبين لي رجلي على حالها وانا على حاااااااالي والكسر ما هوب في رجلي علي كلي وانت السبب بالغرابيل اول وتالي تكفي مراسيلنا العجلات يا خلي عن مخذ الاخبار والا شوف الازوالي قلبي وقلبك توصل لك وترسل لي والله انها اشد من موجات الارسالي ردن سلامي عليك وجن وقالن لي انك ترحب وانا في خاطرك غالي ليت الغرابيل جتني من عدو لي إن ما تقاضيت والا بيتقاضى لي لكن من واحد ذكره غناة لي ما زلت احبه,, وابا احبه ولا ابالي لامر طرق بخدراته سلام لي كنه يسلم علي بصوته العالي خلوني اسج عن موضوعه احسن لي والا الغلا,, والله ان يبطي هو غااالي المرحوم / سعد بن جدلان الأكلبي وقلت الحب روحي يابن جدلان متملّي ساطي عليها بعد ما استنزف احوالي جيته هواوي غرام و دبّر موَلّي جيته هيام وتشكّل فيني هبالي شفته دواً لي وعشقي له سبب علّي غربل شجوني ولا في يوم غَنّى لي قلبي وقلبه مثل لاحق و متولّي في ساقته لو تمادى في تغربالي غروً وصوفه تباهى دلّ . يا . دلّي تخلف موازين نقضي مع تفتّالي نادر فريد و على الترفات متعَلّي يملك خفوقي ولو هو ما تهَيّا لي يدهل شجون و ارحب فيه و آهَلّي في مهجتي منزله عالي على عالي متربعً في كياني فيّي و ظلّي حلّي وما لي مراويحي وترحالي ان قلت اباسجّ عنّي فيه دن دن لي وأقبل على مهجتي واستفرَس آمالي ماجد بن رتيق |
رد: فوق هام السحب ( الشعر الشعبي) على متن القوافي
ماكل رجلاٍ للثقيلات شيال
ماكل رجلاٍ للثقـــــــــيلات شــيال ولاكل من يزرع زروعــاً حــصـــدها النعم للي للصعوبــات حـــــــــلال لشانت الـقالات حـلل عـــقدهـــــا لاجاء مجال الطيب يضرب به امثال على اسمه الـخفرة تسمي ولدها ماهو ملقوفٍ على الربع عـــيال معـــطيه ربــــه نعمة ماحـــمدهـا دايم على سب الاجاويد مـــــــيال النار من بــين الجماعة وقــدهــا ايقول قال فلان وفلان لي قـــــال ناسا علــى النمات ربي قردهــا قلته وقبلي قد حــكى فيه قـــــوال هذي شهادة حق كلن شهدهــا ولافيه روحٍ عمرت بيـــن الاجيال الروح تقبض لاحضرها وعدهـــا تمسي ببيت الدود وتشوف الأهوال وكل الجوارح بلغت مـــن نشدهـــا ... |
رد: فوق هام السحب ( الشعر الشعبي) على متن القوافي
سر ياقلم واشرح على بيض الأوراق
من ماتصور لي معانٍ لهن ذوق من هاجسٍ بين المعاليق دقاق يبدي له أنواع من أفراح وغلوق خل القلم لملون الحبر دفاق يمضي نهاره بين الاصباع مخنوق يدرس مشاكل خاطرٍ كل ما ضاق كن النحر من ونة الجوف مفتوق انا لشرهات التماثيل عشاق لوني على قفر التماثيل مسبوق الفكر يومه انه لشره المثل تاق تراي وصيته عن الهزل والبوق معطيه وصفٍ يتبعه قطر تفاق عن منهج القاضي ترى الطرق مطروق لاخير في جيلٍ يلفّق تلفّاق الجيل عنوان اهله فيه ملزوق والناس كل له تعابير واشواق والهم على الطامع مشاريه وحقوق وليا اشتبهنا مصدر الحق فراق الحق للأول بلا شك وارهوق الله على والعمر ما دام برفاق ما دام عن دورات الايام مرفوق شوف الغدير بحاجر الروض لهاق والبيت توه باطراف النقع مطقوق أنا هوى بالي طويلات الاعناق دلال رسلانٍ لهن وسط وعنوق جيب الهشيم وشفت للنار سوراق شفت السنا عن مسحب الجمر مفروق اليا فاحت اللقمة ترى الهيل لحّاق يازين كف الهيل بالنجر مصفوق أشر بدق الهيل يامال الاعناق خلّ الشفاوي يسمع الهيل مدقوق ليا من راعي الكيف من مرقده واق ادعه على الفنجال والحي مرزوق يوم الهدوس بسكرة النوم غراق يامحلا صوت الفناجيل مسيوق بيتٍ يزورونه شريفين الأخلاق بيتٍ شريف وراعي البيت ماثوق ياحلو مجلسهم تحت عفر الاوراق في خايع نبته شمل كل خنتوق وليامشي دواج في بعض الاصفاق جاب الزبيدي من نشانيش رقروق مدهال من يعبالهن صلف الاطلاق واللي تشايل ديدها تقل جالوق صفرا إلى حنت عطيفه تفهّاق جاها حويرها من الحبس مطلوق وناسة الخاطر يزيلن الأغلاق ودنياك ما داوم طربها لفاروق صيور زفرات الهبايب بالأدواق لابد من يومٍ يصير الهوا دوق من حسب الدنيا على جبر ودقاق ماطاب عيشه لويحوّق الذهب حوق ماضاع حرفّي على السفن حدّاق ولادام من عد الذهب وزن وعروق والبخل مايغني رديين الأوفاق كثيرهم ثوبه على المتن مشقوق لو تشنقه ما ادرك ثمن موس حلاق إن كان ما حدٍ خلصه مات مشنوق والجود مايضعف زكيين الاعمال اللي عن الزابن دفع منهم السوق مكرمين الضيف بكبار الاشناق جل الغنم وإلا عداوٍ من النوق وصحونهم ماتنقدر كود بحلاق من كثر مافيها من الذبح معلوق وقصيرهم في مبركٍ دمث ورقاق كنه عن العيلات في راس شاهوق يفداهم اللي لا شرف السلم هتاق اللي ولد جاره من ابناه ملفوق وصلوا على المختار مالاح شعاق ما انزاح ليل وبزت الشمس بشروق مرشد البذال |
رد: فوق هام السحب ( الشعر الشعبي) على متن القوافي
يالله ياحامل مفاتيح الارزاق
المعتني في رزق نفس خلقها عن الخفايا ماعلى عينك رواق واذنك عن الاسرار ماهي بصقها تجعل نفسي من غضب وجهك اعتاق وبيديك علق الامور ووفقها اغسل قلوب اهل التباغض والاشقاق وهو مسالبها وريح شفقها سبة مروجة النمايم بالاسواق اللي مايملى الناس غيض شلقها خيل النزاهة ماورا الغايب سباق وان قابله فهو عليها صفقها وقام يتمذلق قدام وجهك تمذلاق واليا نشدت في جنب غيره لصقها مطيته مطلاع تحدى وتنساق وتركب عرو وان شد حمله وثقها ومعمر روض التسالي له ارفاق ترفع كباريها ويحفر نفقها سباية الغرات قطاعة الساق اعراض خلق الله لياغابت هتكها وعشيق للروضة مغرم ومشتاق بئس العشيق وبئس باللي عشقها مايلتم لو التفت الساق بالساق وتقسم الارزاق والله فرقها احد يقدم له حميم وغساق واحد بروضة سلسبيل وغدقها ماقاله القايل الابواب طقاق لوصكت ابواب العرب ماطرقها منقاد للعالم مقانيص وسباق ثارت شوازنها وهدت سلقها اهديت باقة ورد من ضمن الابواق ولا اقول لحد خذها ولا اقول ذقها تجيب الانفس كلها اصحاب واصداق ولااخشى عقايبها ولا ارجي مذقها الآدمي لولا المكارم والأخلاق كالحنظلة من عرقها ليا ورقها سعد بن جدلان رحمه الله |
رد: فوق هام السحب ( الشعر الشعبي) على متن القوافي
خطوة العين في درب السهر ماتمايل
كن ماتحتها للنوم جرف هيال جيت ابرقد وخفت ان الليالي تهايل جيت ابسهروشفت ان الليالي طوال ها أنا..كل ماصعبت علي الوسايل قلت:يسهلها على كل حال ياهو الحظ مايل..أوهو الحظ مايل ما لهالحال عندي غير هالأحتمال من تفكر بهالعالم يشوف الهوايل اصدق من الحقايق واغرب من الخيال ياصبر متن الأرض اللي له سنين شايل فوق ثقل الجبال نفوس ناسٍ ثقال مثل من عاش ماله من حياته حصايل غيرلاجاك قال:فلان بفلان قال قلت:مدري,ولو ادري فلانيب قايل عادتي فالهروج العوج مالي مجال اقصر الهرج مالك من ورا الهرج طايل واترك الخلق للخلاق يابن الحلال الله اللي جعل خلقه شعوب وقبايل محد اختار له ربع وعمام وخوال لو تخيرت تصبح من عيال الحمايل ماتخير"بلال العبد"يصبح بلال لو هو بكيف الإنسان اختار البدايل كلٍ اختار له جاه ومال وجمال والبشر في النهاية..فرد ماهم سلايل في قصير الشجر وش ذنب طول الظلال والعمر في النهاية..وقت والوقت زايل الغني من يحطب الطيب له راس مال والشعر في النهاية..قول ماهو فعايل كل مانقصك ماوصلك للكمال لهجة القلب ولسان الضلوع النحايل بس مايرفع الرجال فوق الرجال كان حتى القصايد معتبرها جمايل اختصرها ترى ماعاد تسوى ريال رشيد الدهام |
| الساعة الآن 07:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية