رد: اخترنا لكم
 

القهوه اللي تعدّل راس شاربها
ماهي تعدّل مزاجه لانها حلوى

تبقى المراره على كبده تحاربها
ويقلّب الراي ملوى تقتفي ملوى

يبني هجوسٍ كثير الهم خاربها
لعل نفسيته تصبر على البلوى

حتى يعلق رسنها فوق غاربها
مادامها من غرابيل الزمن تلوى

.....

رد: اخترنا لكم
 

‏رضا الأوادم لا فضيلة ولا فرض
وان ضاقوا فجوج الأراضي رحيبه

.....

رد: اخترنا لكم
 

اللي تحامل على وجعة محبينه
خلوه يصبر على حظه وخذلانه

ما طيّح الدمعه اللي من ورى عينه
الا ممات الكـلام اللي على لسانه

.....

رد: اخترنا لكم
 

‏ما يضاهي عزّة النفس بالدنيا غناة
عن دروب الذل يا خطوة العز أنتحي

سفر الدغيلبيّ

رد: اخترنا لكم
 

تصد النفوس اللي من الشين نفّاره
مثل صدة الطيب عن الكلمة الخبله

.....

رد: اخترنا لكم
 

استريحي فالمعاليق يالضبي اللعوب
واسكني في ضِلع قلبي ونامي بايسره

.....

رد: اخترنا لكم
 

أحب اللي محبّتهم تدوم سنين ما تنعاف
ماهوب ياللي محبّتهم سحابة صيف خداعة

------
سمحين ونصون الهوى لا هوينا
صلفين لا ثار العَجاج وتطاير

خلف بن هذال

رد: اخترنا لكم
 

تبغى تصير إنسان عايش براحه
لا تشغل التفكير فأوضاع غيرك

واصنع لنفسك في حياتك مساحه
وابعد عن العالم وريح ضميرك

.....

رد: اخترنا لكم
 

الغزال الي يسمونه البدو اللعّوب
الله يسمح دروبه ويمحي سيته

من تولع في عيُونه وهو ناوي يتوب
والله إن يومي به الموت ما اخلص نيته

.....

رد: اخترنا لكم
 

الطواري صاخبة و الفرح وجهه شحوب
طارقات البال تبغي لها مرتاح بال

.....

رد: اخترنا لكم
 

‏الود نعمة والتواصل براهين
‏واجب تواصل كل شخصٍ تودّه

‏وان كان في الزحمة تضيع العناوين
‏يا طير خذ مني سلامي وودّه

.....

رد: اخترنا لكم
 

‏ياليتني دكتور في مهنة الطب
‏واعالج اللي مشاكلهم صعيبه

‏واول مريض اعالجه صاحب الحب
‏اوقف بجنبه لين ينسى حبيبه

.....

رد: اخترنا لكم
 

‏مالي ملام إن كان شافوني تغيّرت
‏أنا أكثر من كفى شره وماكفى خيره

‏عليّ السلام ورحمة الله إذا قصرت
‏أنا أكثر بني آدم عطى فرحته غيره

.....

رد: اخترنا لكم
 

‏معنّق تمشي على الارض برفوق
رزم المطر دقة كعبها على القاع

مثل النهار اللي من الليل مفهوق
و مثل الغزال اللي من الصيد مرتاع

عن كل غيدا فارقه حسن وطروق
وتفهق عن عقول النساء باع وذراع

.....

رد: اخترنا لكم
 

‏عادةً نتلعثم عندما نقابل من نحب
وأبن جدلان رحمه الله شرحها بطريقه
مذهله قال :

اجمع له سمان الهرج خوف من التقصير
واليا جيت أبشرح له كلامي تهيزلته

يجيني منه هيبه معزه سحى تقدير
أقابله عندي علم وأروح ماقلته

رد: اخترنا لكم
 

لاتحرق أعصابك على شي ماضي
مافات فات ومستحيلٍ رجوعه

خلك على ماجاك صابر وراضي
ولحدن خبر دنياه تمشي بطوعه

ولا لك على حكم الإله أعتراضي
والصبر مبدى كل نفسٍ قنوعه

واشتك على خلاّق سبع الاراضي
اللي رفع عن كل مهموم روعه

سبحانه

رد: اخترنا لكم
 

بن جدلان في قمه الشوق قال:
كثر ماحن صدري للونيس وكثر مادرهمت
فجع صدري حنيني واتعب الاقدام درهامي

بعد الخيبه قال:
أحسب انك تيمم بأتجاهي وين مايمّمت
اثر لا انت ب وراي بالطريق ولانت قدّامي

وعند انسحابه قال:
ختام السالفه ياطيب العشره كرمت ودمت
هذا حقك علي وحق شرهاتي على أوهامي

رد: اخترنا لكم
 

هذي نهاية كل من والف هنوفٍ مترفه
يضحك مع العالم وتفكيره وقلبه يمّها

عجب المسردي

رد: اخترنا لكم
 

ما بعتك بالسحايب والبروق السمر والأنسام
وساموني بتلويحة وداع وبعت بأوّل سوم

مدغم أبو شيبه

رد: اخترنا لكم
 

دايمٍ تخطي واسامحك من قلبٍ ودود
وادمح الغلطه ليا جات كن محدٍ درا

هات من عندك من الصد وأنا اللي بزود
لين تدري وش معناة مردود البرا

.....

رد: اخترنا لكم
 

عسى المترف اللي تشبعه حبتين التوت
يعوّد على خبري وأعوّد على خبره

حزمي بن سعد

رد: اخترنا لكم
 

عسى اللي هواه يهون البعد والمشوار
يعود على خبري به يحن ويواصل

عويد النجود

رد: اخترنا لكم
 

ترى النفس إذا خابت أو خُذلت ما عاد
تثِق ولا عاد تامن حتى لو سامحت

محمد المقحم

رد: اخترنا لكم
 

النفس لا طابت ترا ما بها طبّ
أصعب علاج علاج نفسٍ عزيزه

.....

رد: اخترنا لكم
 

القبول من الله ليا من وهبك بركتْه
للصدور أقفال يفتحها عطى ربّاني

بن بتلاء

رد: اخترنا لكم
 

اللي عليّ الاجتهاد أمّا القبول
سبحان من يعطي القبول لمن يشاء

السراهيد

رد: اخترنا لكم
 

المحبة خصوصية وراعي الحب شكاك
والسؤال المكرر فنهم والشك فني

سفر الدغيلبي

رد: اخترنا لكم
 

قل لي كلامٍ زين يمكنّي أرتاح
ولا كلامٍ شين يمكنّي أسمح

خالد مبارك

رد: اخترنا لكم
 

ودي أعلق على الصدر ممنوع الدخول
لأن قلبي من دخل فيه ما يطلع منه

جمال بندر

رد: اخترنا لكم
 

ودي أبعد عن ضجيج الناس وأسكت وأسمع
صوت خطواتي وأنا أمشي فالظلام لحالي

فيصل العطاوي

رد: اخترنا لكم
 

أشهّد على حبّك ملوكٍ على متني
ويشهد ضميري من ونينٍ تنهت به

سعد بن جدلان رحمه الله

رد: اخترنا لكم
 

سفر الدغيلبي يقول بـ ٢٠١٨ :

الليالي عيفتنيّ وانا طبعي عـيوف
لينّ نفسي فضلت صبرها وسكاتها

وفي عام ٢٠٢٠ قال :

المهم إنـي معيـف وخاطـري سامـح وطايب
ما بقى عندي من أصناف الطموح إلا القناعه

وفي عام ٢٠٢٢ قال :

غرايب وشطحات وخروجٍ عن المألوف
لـي سنيـن أمثـل مجتمـع مـا يمثلنـيّ

رد: اخترنا لكم
 

حنّيتك من الكلام الموجِع الجارح
وسكت وأنا ماعاش اللّي يسكتني

سعيد المري

رد: اخترنا لكم
 

‏تعجبني حنّية عبدالله بن هندي
لمّا زعل من حبيبته وراح يراضيها
مختصره في ثلاث ابيات :


‏احنّ وادوّر ادنى شي يِفرحها
‏وان زعّلوها وقفت بفعلي السّاطي

‏وان زعلتني سكتّ اخاف لا اجرحها
‏اظنّني مدمن رضاها ومتعاطي

‏تقول كم مره اغلط وانت تدمحها
‏واقول ماتغلطين الا من اغلاطي

رد: اخترنا لكم
 

‏يا رهيف الحلايا من رهافة حلاك
كل من كنت أحبه صار عقبك بغيض

سفر الدغيلبي

رد: اخترنا لكم
 

‏السعه هي غاية النفس مامعها خشير
‏ماخذ جويّ لحالي وعايش في فضاي

.....

رد: اخترنا لكم
 

تكاثر علي الله يجازيه كيف الحال
‏وانا يوم أسوق العمر له ما تكاثرته

.....

رد: اخترنا لكم
 

تكبّرنا فعول الطيب ولو إنّا صغار أعمار
‏ويْحوينا صدق مبدأ وهيبة عقولٍ مسنّة

.....

رد: اخترنا لكم
 

الا نزلنا بسوقه نرفع اسعاره
نرضي غروره ونرضي ذوق جمهوره

نبنيه بالمعرفه ونشيد اسواره
ونصب ساسه ذهب وندعم جسوره

.....

رد: اخترنا لكم
 

‏الشعر حنا محبينه وشعاره
طالع بديباجته وإلا اقر دستوره

افكارنا تحتوي لوله ومحاره
نسبح بمده وجزره داخل بحوره

.....