رد: فوق هام السحب ( الشعر الشعبي) على متن القوافي
 

‏لاتعاتب الغايب وتقول وش فيه
ولا تسيء الظـن حتى تشوفه

من الغلا إن غاب عنك تحاتيه
ومن الوفاء إنك تقدر ظروفه

....

رد: فوق هام السحب ( الشعر الشعبي) على متن القوافي
 

بعض البشر مثل الملائكه الكرام
تشوفهم كالبدر فـ الخامس عشر

يعاملوك بكل طيبه واحترام
إن جيتهم ماجاك منهم أي شر

كأنهم من نور خُلقوا والسلام
ملائكه لـكن في هيئة بشر

....

رد: فوق هام السحب ( الشعر الشعبي) على متن القوافي
 

مافيك عيب إلا قلبك متيني
وتصد عني والصدود القطيعه

إن كان واصلني فهذي يميني
مبسوطه لك والمواصل شريعه

وإن كان قاطعني يبالله يعيني
مر الفراق ولا حلاوة خديعه

لكن صبري والرجاء واليقيني
وسيلتي عن كل بلوى وجيعه


....

رد: فوق هام السحب ( الشعر الشعبي) على متن القوافي
 

تستاهل الحب نجديه
رفيعة الشان عجابة

العين ياعين نجديه
لقلوب الاحباب نهابة

والجيد ياجيد ريمية
تجفل من الزول لعابه

والريح يا ريح وسمية
نبت الخزامى تثنابة

صفيت مع صافي النية
يوم الذي صابنى صابه

معاد لى روحة وجية
وقف هوانا على بابة


....

رد: فوق هام السحب ( الشعر الشعبي) على متن القوافي
 

ياعين شيهان الجبال المطاليق
ترفرف الجنحان بجبال حائل

شيهانةٍ ماجودتها المسابيق
وحش ولاركزت بوسط النثايل

من شافها مايبلع بحلقه الريق
مزيونةٍ تضفي عليها الجدايل

ياتل قلبي تل باقصى المعاليق
تلة رشا الضميان وسط القوايل

على التي لفراقها ماقدر اطيق
اللي سباني بالعيون الظلايل

تضيع بوصوفه جميع العشاشيق
ووصله صعيبٍ في جميع الوسائل

خلي ماهو من اهل العقول المطافيق
عقله رزين من البنات الثقايل


....

رد: فوق هام السحب ( الشعر الشعبي) على متن القوافي
 

ياشين صد الرفيق ومسة الحاجة
وفقدانك الحاجة اللى كنت ذاخرها

وصد أقرب الناس لك لاصرت محتاجة
يثر على النفس ويزود مواجعها

واللى يزود عذاب القلب واوجاعه
مقابل الناس لاشانت خواطرها


....

رد: فوق هام السحب ( الشعر الشعبي) على متن القوافي
 

كان القلـم يطـوي دروب الدفاتـر
وفي كل صفحه يترك الحرف ديـره

ودايم تسافر كنت دايـم تسافـر
وكانت تثيرك حتى الاشيا الصغيره

بك يتسع صـدر المكـان ويغامـر
طفل فـقد لـــوح الـدروس الأخيـره

بك يستعيد الصبح خيمـة مشاعـر
يرمى بها ســـرح الظـلال الكبيـره

يبكي لك المحار يبحـر بخاطـر
يبني على رعـشـة يدينـك جزيـره

وجزت التخوم وعانقتـك المنابـر
هتفت وينك وانحذف لك حريره

كانت مناظر واتبعتـك المناظـر
مرت مع الشـبـاك واطفـت عبيـره


....

رد: فوق هام السحب ( الشعر الشعبي) على متن القوافي
 

ياصباح الخير يالصبح الجميل
‏ياصباح الحرف وإحساس الشعر

‏ياصباح الذوق يالوجه الأصيل
‏ياهبوب الصبح غني له شعر

....

رد: فوق هام السحب ( الشعر الشعبي) على متن القوافي
 

‏مافيه صوتٍ ينسمع عقب صوته
في نبرته عزف وشجون ومواساه

مفروض صوته ينكتب فوق نوته
اذا حضر تسْمعه وان غاب تقراه

....

رد: فوق هام السحب ( الشعر الشعبي) على متن القوافي
 

‏تدري الدنيــا بلا طيفـــك مواجع
كل مـا أقفيـــت زاد الهـــم فيني

غيبتك سوت من اعيوني مدامع
من سوايل دامعــه تجري بعيني

يارقيــق الطبــع يابــو طبع رايع
اسالك بالله راعــــي لـي حنيني

طلتك عندي دواء كل المواجع
جعل ماتبعـد على مـر السنيني

....