رد: فوق هام السحب ( الشعر الشعبي) على متن القوافي
 

لو كان الغلا بالكون يازين محدود
اعرف ترى غلاك تعدى حدوده

ولو كان حب الناس ماهو بموجود
حبي لاجل عينك يفرض وجوده

....

رد: فوق هام السحب ( الشعر الشعبي) على متن القوافي
 

‏يا الله تصبح كل الأجواد بالخير
‏وتجعل لهم في كل خطوة سلامة

‏في كل صبح وكل ماغرد الطير
‏نرسل صباح الخير حب وكرامة

....

رد: فوق هام السحب ( الشعر الشعبي) على متن القوافي
 

‏نصوم ونصلي وندعي ونرتجيك
‏رضاك مكسبنا وعفوك رضانا

‏موحدين وكلنا منك واليك
‏عساك ي غفار تغفر خطانا

....

رد: فوق هام السحب ( الشعر الشعبي) على متن القوافي
 

‏يشد فيني الحنين لماضي أيامي
‏ وأحن له كثر ماهو داخلي يقسى

‏ مهما تمر السنين وتمضي أعوامي
‏ مازلت مشتاق الى أيام لاتُنسى

....

رد: فوق هام السحب ( الشعر الشعبي) على متن القوافي
 

مشاعر الحب تعطي والعطاء واجب
‏تفرض علينا المشاعر كل واجبها

‏لو قالوا العين ماتعلى على الحاجب
‏الروح ماتغلا على من يصاحبها

....

رد: فوق هام السحب ( الشعر الشعبي) على متن القوافي
 

‏كفكفي دمع المحاجر على فوح الزهر
‏مايحسك من صدوف الدهر جعله فداك

‏لو نضمت سنين عمري على جيدك مهر
‏ماتساوي دمع عينك ولا ضحكة شفاك

....

رد: فوق هام السحب ( الشعر الشعبي) على متن القوافي
 

تغارين من كثر الفتن والجميع أشباه
ياصغري معك ولا مع الناس ياكبري

على عودك المبري بري حالي وعزّاه
يا ليت اليدين حزام في عودك المبري

أنا التايه اللي شاف فيك القدا ثم تاه
معَ دربك اللي بـ آخره لفّه وكبري

اِلْي جرةٍ لو صالف الوقت مايمحاه
وراع المحل ماينتقارن مع العبري

تعالي لا ظَلم ليلنا وأستوى مسراه
مسار الليال علاج للهايم المبري

تقولين وش ودك؟ وأقول البقاء لله
لا مت أحفري فـ جبالك الشامخه قبري

....

رد: فوق هام السحب ( الشعر الشعبي) على متن القوافي
 

انا احَبك
حتى احارب بيك رُوحي
حتى اعرُف شرد اسوي
وما اخلص عُمري طيش
انا احَبك
بكثر ماضاعت سنيني
بكثر ماباعوني غيرك مدري بِيش
انتَ اذا مو بيها ماتسوى حَياتي
وحتى ماتسوة اعيش

شعر عراقي

رد: فوق هام السحب ( الشعر الشعبي) على متن القوافي
 

لاتقطع ارحامك ويشملك الوعيد
ولا تخسر الغالي ولا ترخص غلاه

ترى الاخو مهما حصل يبقى عضيد
وترى عيال العم ماعنهم غناة

....

رد: فوق هام السحب ( الشعر الشعبي) على متن القوافي
 

‏قربك من الطيب لنفسسك كرامه
‏ وبعدك عن اللي مايودك شرف لك

‏مالك ومال اهل الحسد والنمامه
‏خلك مع أللي لانصصيته وقف لك

....