رد: فوق هام السحب ( الشعر الشعبي) على متن القوافي
 

إياك لاتحزن ترى الرزق مضمون
ابذل سبب والله عليه التوافيق

اللي خلقك من العدم خالق الكون
هو الذي يرزقك في ساعة الضيق

ولا تكون أنسان بالوقت محزون
وانته تحت رحمة ولي المخاليق

....

رد: فوق هام السحب ( الشعر الشعبي) على متن القوافي
 

الغسل والطيب والكهف وتلاوتها
ومسابق صفوفٍ من الصبح مجتمعه

حاجاتٍ اربع ليا فزت بحلاوتها
تغسل ذنوبك من الجمعه ليا الجمعه

بقلمي

أكثرو من الصلاة على النبي
ليله الجمعه ويومها
اللهم صل وسلم وبارك على نبينا محمد

رد: فوق هام السحب ( الشعر الشعبي) على متن القوافي
 

رفيقك اليا زلْ وإلا تردى
عليك واجب ما تصد وتخليه

بكره تزل و زلتك ما تعدى
لاصرت ما تدمح خطاه وتعديه

....

رد: فوق هام السحب ( الشعر الشعبي) على متن القوافي
 

أحذر تصدق في وكالة يقولون
بعض المصادر ماتجيب الحقايق

منهاجهم دايم على الكذب يمشون
جابوا كلامٍ مالقي له وثايق

ذولا هم اللي بالتناقض يسمون
كلامهم يرْفَضْ ولاهو بلايق

خدّام للشيطان للشر يسعون
ماخافوا المعبود رب الخلايق

....

رد: فوق هام السحب ( الشعر الشعبي) على متن القوافي
 

خلّ في صدرك على الدنيا قبول
واعرف ان الشمس تشرق لو تغيب

وعوّد لسانك ليا ضاقت يقول
الأماني في رجا الله ماتخيب

....

رد: فوق هام السحب ( الشعر الشعبي) على متن القوافي
 

احاول اتصبر ويفضحني الشوق
اعكس ملامح حبهم في عيوني

مادام باب الوصل ياشوق مغلوق
ياوحشتي من بعدهم ياَجنوني

....

رد: فوق هام السحب ( الشعر الشعبي) على متن القوافي
 

‏الناس لاتبدي لها بعض الاوضاع
ماكل نيات الاوادم نظيفه

اعيون خلق الله على الزله وساع
وعن ماتسوي من جمايل كفيفه

....

رد: فوق هام السحب ( الشعر الشعبي) على متن القوافي
 

بعض الغلا يستوطن النون بالعين
تحت الهدب مع غـظته وانتهاضه

ولا المحاني ضمته بين قوسين
نبض الـوريد وخفقته وانحفاظه

....

رد: فوق هام السحب ( الشعر الشعبي) على متن القوافي
 

‏احفظ مقام الناس تحفظ مقامك
‏ يكبر مقامك بين عز وحشيمـه

‏خل الوصل لو كان بـس بـسلامك
والـصمت حكمه للعقوول الفهيمـه

....

رد: فوق هام السحب ( الشعر الشعبي) على متن القوافي
 

الطيب رزق مقسمه راع الأرزاق
والله جعل بين المخاليك فارق

احدنً على المعروف والطيب سباق
واحدنً بنمات المخاليق غارق

....